ទេពធីតាមហាសង្ក្រាន្ត និង អាការៈទេវតា
ฝัง
- เผยแพร่เมื่อ 8 มี.ค. 2021
- *១**អំពីបុត្រីកបិលមហាព្រហ្ម
គ្រប់គ្នាតែងតែគិតថារាល់ពេលចូលឆ្នាំទេវតាដែលទ្រង់នឹងយាងចុះមកគ្រងជម្ពូរទ្វីបតែងមានយានជំនិះជាសត្វតំណាងអោយឆ្នាំនោះ ឧទាហរណ៍៖ ឆ្នាំជូត ជិះកណ្តុរ ឆ្នាំឆ្លូវ ជិះគោ ឆ្នាំខាល ជិះខ្លា ឬ ឆ្នាំថោះ ជិះទន្សាយឯណានិមួយ... តែការពិតមិនដូច្នោះឡេីយព្រោះថាបុត្រីកបិ់លមហាព្រហ្មមានតែ៧អង្គនោះទេមិនមែន១២អង្គតាមឆ្នាំទាំង ១២ឡេីយ។ ទេពធីតាទាំង៧អង្គនោះតែងឆ្លាស់វេនគ្នាទទួលភារកិច្ចបន្តបន្ទាប់ក្នុងការគ្រប់គ្រងភពផែនដីនេះដែលកំនត់ទៅតាមថ្ងៃនីមួយៗទៅតាមជំនឿ និងលំអានពីបុរាណកាលមក។ ឯទេវតាទាំង ៧ អង្គនោះគឺ៖
•ថ្ងៃអាទិត្យទេវតានាមនាង ទុង្សាទេវី ដែលមានយានជំនិះជាសុបណ្ណរាជ (ស្តេចគ្រុឌ)
•ថ្ងៃចន្ទទេវតានាមនាង គោរាគទេវី ដែលមានយានជំនិះជាព្យគ្ឃ: (ខ្លាធំ)
•ថ្ងៃអង្គារ៍ទេវតានាមនាង រាក្យសាទេវី ដែលមានយានជំនិះជាអស្សតរ (សេះ) ឬ សុករ: (ជ្រូក)
•ថ្ងៃពុធទេវតានាមនាង មណ្ឌាទេវី ដែលមានយានជំនិះជាគទ្រភ (លា)
•ថ្ងៃព្រហស្បត្តិ៍ទេវតានាមនាង កិរិណីទេវី ដែលមានយានជំនិះជាគជសារ (ដំរី)
•ថ្ងៃសុក្រទេវតានាមនាង កិមិរាទេវី ដែលមានយានជំនិះជាមហិសារាជ (ស្តេចក្របី)
•ថ្ងៃសៅរ៍ទេវតានាមនាង មហោទរាទេវី ដែលមានយានជំនិះជាមយូរ (ក្ងោក)
ចំណាំ៖ នេះគឺជាព្រះនាមបុត្រីកបិលមហាព្រហ្មទាំង ៧ ឬដែលយេីងស្គាល់ទូទៅថាជា "ទេពធីតាសង្ក្រាន្ត"
*២**អំពីអាការ:ទេវតា
រីឯអាការ:ទេវតាគឺត្រូវបានកំណត់ទៅតាមម៉ោងពេលវេលាចន្លោះទាំង៤នេះ៖
• បេីវេលាសង្ក្រាន្តចំចន្លោះពេលព្រឹកបំព្រាងព្រះសុរិយារះឃេីញក្រយៅដៃច្បាស់ រហូតដល់ ថ្ងៃត្រង់ ទេវតាដែលនឹងយាងចុះមកនោះគឺគង់ឈរលេីខ្នងពាហន:ដោយមិនមានកាន់ខ្សែបង្ហៀរឡេីយ
• បេីវេលាសង្ក្រាន្តចំចន្លោះពេលថ្ងៃត្រង់ រហូតដល់ព្រលប់សុរិយាជ្រេទេរអស្តង្គតទៅ ទេវតាដែលនឹងយាងចុះមកគឺគង់ពាក់ឆៀងលេីខ្នងពាហន:
• បេីវេលាសង្ក្រាន្តចំចន្លោះពេលសុរិយាអស្តង្គត រហូតទៅទល់នឹងពាក់កណ្តាលអាធ្រាត (ព្រះចន្ទដេីរត្រង់ពីលេី) នោះទេវតាដែលនឹងយាងចុះមកគឺគង់ផ្ទំបេីកព្រះនេត្រលេីខ្នងពាហន:
• បេីវេលាសង្ក្រាន្តចំពេលពាក់កណ្តាលអធ្រាត រហូតដល់ព្រលឹមស្រាងថ្ងៃរះភ្លឺវិញ ទេវតាដែលនឹងយាងចុះមកគឺគង់ផ្ទំបិទព្រះនេត្រនិន្ទ្រាលង់លក់ដូចធម្មតា
ចំណាំ៖ ទាំង៤ចំណុចខាងលេីនេះសុទ្ធសឹងជាអាការ: ដែលលំអានមានចែង
អត្ថបទស្រាវជ្រាវដោយ៖ សាមណេរ លី
អត្ថាធិប្បាយដោយ៖ ប៊ូ ម៉េងយូ
ក្រាហ្វិក & រូបភាពដោយ៖ ឧត្តមផ្លង ថៃ សាន
វីដេអូដោយ៖ ប៊ូ ម៉េងយូ
រៀបរៀងដោយ៖ / tepthidasangkran
អរគុណ ច្រើន ដែលចែករំលែក
បទភ្ជុំបិណ្ឌតែមួយដែរ
យតបទចូលឆ្នាំខ្មែរមក