الشاعر فرحان قيران العنزي | يا اللي على بعض المواقف تشره
ฝัง
- เผยแพร่เมื่อ 8 ก.ย. 2024
- ياللي على بعض المواقف تشرَّه =لا تطلب العدله وكلك عواجه
الطيب بعده عنك بعد المجرَّه =وحتى كلامك فيه نقص وسماجه
احذر تهور عد مالك وصرَّه =ياديك لاتزعل عليك الدجاجة
يامت قبري جنًبه لا تمرَّه =مافيه امل عقب الممات نتواجه
أنا صديقي في ليال المضرَّه =اليا اختلط هم الزمان وعجاجه
والا على ماقيل وقت المسرَّه =ياكثر من يضحك بوجهي حجاجه
أيامنا هذي طعم شري مرَّه =ننتج قراح الماء ونشرب هماجه
بعض المواقف كانها مستمرَّه =فيها على بعض النشاما حراجه
ابو حقب يسمك وذيله يفرَّه =تجنب العقبان حروة مراجه
عبد(ن) تجوز له من البيض حرَّه =عسى طلاقه ينتهي به زواجه
الله من صوت (ن) ضلوعي تجرَّه =ردَّن صداه وبالخفوق ارتجاجه
تسمع لهن من ضغط الاعصاب صرَّه =تشرخن شرخ الحجر للزجاجه
والله من هم(ن) خفوقي يمرَّه =وسط الشرايين الضعيفة مداجه
لقيت لسباعه على الصدر جرَّه =واسمع لهن عند الفريسة لجاجه
والله من جمر(ن) شوا الكبد حرَّه =على اكثر العالم خفي (ن) ملاجه
مثلي لي افكر زمانه يسرَّه =اذا بغى يفرح تكدر مزاجه
لله درّ الصبر لله درَّه =به ضيقة(ن) ماتنحمل وانفراجه
يا الادمي دنياك هذي مغرَّه =ياضيقوها مالك الملك ناجه
آمنت بالمكتوب خيره وشرَّه =من اللي بسط قاعه وعلق سراجه
ياصار لي رب سمع مشي ذرَّه =وشلون ابطلب منك يا العبد حاجه
#فرحان_القيران #فرحان_الدهمشي #قصيدة #تصميم #شعر #نظم #اكسبلور
اشهد شهادة حق ولو شهادتي ماتوفيك انك شاعر بحر وجزل
الله يبيض وجهك على القصيد النادر والجزل
الله يسعدك
لله درك
كبيييييير بن قيران انت وابن جدلان
الله يدر