مخبز بالكاوكاو طري ومعسل و يذوب فالفم ... من أروع الوصفات لي ممكن تجربوها
ฝัง
- เผยแพร่เมื่อ 7 ก.ย. 2024
- تابعوني على الأنستغرام ⬇️⬇️⬇️
/ oumyara_cuisine
رابط صفحتي على الفايسبوك ⬇️⬇️⬇️
www.facebook.c...
رابط حسابي على تيك توك ⬇️⬇️⬇️
tiktok.com/@oumyara_cuisine
للتعاملات التجارية تواصلو معي عبر هاذا الإيمايل
⬇️⬇️⬇️
yaraabdessameud@gmail.com
ديريلنا مقروط الكوشة تع الحبات مش تع سنيوة ولي معايا تدير جام باه تشوف التعليق ام يارا
يااختي ياخي تهدري على تاع الغرس والسميد ؟
@@user-wu1fc9ku4o ايه المقروط التقليدي تع الكوشة لي يجي بالغرس والسميد انا جربت تاعها المقلي يجي تحفة وحابة نجرب تع الكوشة علبالي وصفتها ناجحة
مرحبا بيك في قناتي عندي نفس محتوى الاخت ام يارا قصدي الطبخ اتفضلي بالدخول ممكن يعجبك المحتوى وشكرا
ايه رانا حابين ديرو
وله راني في عام دايمن نحاول فيها بلعميي مقروض لكوشة حبات قاع متتسنتش افف
3مغارف كبار حليب 3 مغارف كبار زيت 3مغارف كبارماء الزهر 2 مغارف كبار عصير ليمون وزخلطوهم مليح مع بعض نزيدو سكر ناعم
3كي كاوكاو محمص بيض فوق النص كاس سكر ومغرفة مبشور الليمون نخلطهم ونزيد لافاني عطر لوز حلو حبة بيض وصفار نخلطو ونزيدلو مغرفة زبدة
يعطيك الصحة تعلمت باللوز عاودتو وحدي بالكاوكاو أنا درتلو بياض 2بيض او دمبعد بيضة كاملة عجنتو خرجلي الزيت و زدت طيبتو جاني يابس ما يتنكلش بربي نجرب الوصفة تاعك
انا وحدة من الناس غير نشوف وصفات ام يارا ندير جام تعحبني بزاف تبان متربية ونقية ربي يحفظها شكون كيما انا تخبطها بجام
في هذا لعواشر وسيدنا رمضان لي محتاجة ذرية ربي يعمر حجرها🤲 ولي حابة زواج ربي يرزقها برنوس الستر 🤲ولي مريض ربي يشافيه ويحفظلكم والديكم ووليداتكم🤲 ماخاسرين والو ادعمو بنت بلادكم😔....
هل تبحث عن إلهام جديد في المطبخ؟ ربما لا تعرف ماذا تطبخ في رمضان؟ لدي 5 مقاطع فيديو مع 4 وصفات في كل قائمة كاملة لشهر رمضان. العديد من وصفاتي صحية واقتصادية. أنصاف بيض مع مايونيز ، شوربة بطاطس ، تشيز كيك فراولة ، مرق لحم ضأن ، سلطة مشوية ، مرق دجاج ، خبز بالثوم محمص ، حلويات مقلية ، أحضر الخبز القديم للحياة وأكثر من ذلك بكثير. لدي أيضًا مدونات فيديو والعديد من الوصفات الأخرى. شكرا لك مقدما
Mary&mino🌸
@@HappyKitchenRecipes2021 ووووددودگگگ ممكن دك دك من كگگگگگگگكگگ
يارب
اللهم بلغنا مما يرضيك آمالنا واقض حوآئجنا وحوآئج السآئلين 🤲
جربت الوصفة ناجحة ماشاء الله بارك الله فيك أنا درتها مدور جاتني 20حبة
تعيشي نسقسيك درتيلو السيرو قبل الطلية ولا لا
@@hananekim4258 مدرتلوش لانه طيبته طري بزاف من الداخل ميحتاجش سيرو لكن درت طلبية عرس كامل طيبت بلاطو الاخير جاني شوي يابس درتله سيرو لهدوك الحبات فقط الباقي كامل طري يعني اذا طيبتيه شوي برك راح يجيك طري و اذا يبسلك ديريلو السيرو و متخافيش منو
اختي تعيشي قوليلي نقدر نطيبو ليوم و غدوة باه نديرلو الطلية ميصرالو والو
@@romaissabouch1395 نعم عادي
ختي حبيت ندير 70حبة باش نعبر ❤
ما شاء الله !!!! أم يارا بالنسبة لي أفضل صانعة حلوى !!!!!! بدون منافس ، وصفاتها في القمة ( الشكل) و ناجحة ، بارك الله فيك.
عندك حق وصفاتها تبارك الله
يعطيك الصحة تعيشي ديريلنا المقرود تاع الغرس والسميد وقرن غزال راجلي يموت عليه ويحبوا يذوب كي نديروا يجيني يابس شوي 😣😣😣😣😣ان شاء الله تقراي تعليقي 🙂🙂🙂🙂🙂😍😍😍😍😍
مرحبا بيك في قناتي عندي نفس محتوى الاخت ام يارا قصدي الطبخ اتفضلي بالدخول ممكن يعجبك المحتوى وشكرا
قرن غزال مدايراتو في قناتها ويجي يذوب فالفم
قرن غزال هو تشاراك نظل ندير فيه يجي يذوب في الفم مام مقروط مقلة ميخطنيش وحلوياتها كامل ناجحين
معليش ديريلنا ثومية
3كبسان كاوكاو محمص ابيض و مرحي متوسط رايح للرقيق. ثلثي كاس سكرعادي. م ك مبشور الليمون. م ص لافاني. م ص عطر اللوز الحلو. نلمو ببيضة و صفار بيضة و نعجنو. و نبقى نزيد فالصفار حتى يتلم. نزيد م ص زبدة طرية ونعجنوه ثم نخلوه يرتاح 5او 6ساعات. نشكلوه 1 أو 1.5سم. نخليه يريح 10د و نطيبوه 10دقايق على 170د.
القلاصاج. 3م ك حليب. 3م ك ماء زهر. 3م ك زيت. م ك و نص عصير ليمون مصفى و سكر رطب.
جربتو البارح المخبز أدا بنة مش نورمال 😍 عجب خاوتي عجب ماما و بابا ننصحكم بيه
Merci pour votre crédibilité madame
شحال جاتك هاذي المقادير من حبة ختي
@@belgacemmessaoudi
ما جاوش ياسر ضاعفو المقادير
@@khouloudhadoun5151 بغيت نصقصيك هل درتي هاذ السكر يلي دارتو هية ولا درتي السكر قلاصي العادي
ام يارا معليش تكتب الوصف في صندوق الوصفة يعطيك الصحة 🥰😘😍🤩
نشالله تكتبلنا ران معاك لبنات طلعو التعليق حتي تشوفو
خادماتو ختي خرجلها رووووعة طري بزاف و بنين
كل مرة جربو و ماينجحلهاش
و هاذ المرة كي جربت الوصفة تاعك جااا يهبل و فرحت بيه
ربي يحفظك و يجازيك كل خير و يعطيك ما تتمناي ❤️ 😘
شعال قطعتها من حبة اختي تعيشي قوليلي
مشاء الله وصفة رائعة و غير مكلفة احسن من اللوز غالي نتمنى نلقى سكر رطب بهذا اللون مازلت مشفتش هذا الماركة ماجيك الله يجازيك كل خير كل الوصفات مشاء الله ناجحين
يعطيك الصحة ام يارا على هذا المخبز لبنات جربوه ومتندموش وحد البنة بزااااااااااااااف فوووووووووور تقول بلللوز انا حلويات تع العيد قع برعايتك ام يارا نثيق في وصفاتك الناجحة ومزيدا من النجاحات والتالق ان شاء الله
وشحال خرجلك ختي من حبة
وانا علاش خرجلي ناشف معجبنيش 😭
كفاش حمصتي الكوكاو؟
وشحال خليتيه في الفرن يتحمص؟
@@batatichekadi177 سور فوتيلو طياب في كوشة ميطيبش بزاف هو غير تغفلي عليه يجيب ناشف يابس
@@batatichekadi177 خليتيه طاب بزاف قاتلك غير قيس ماينشف برك
شكون كيفي كانت تستنا فالمخبز تع ام يارا يعطيك الصحة نجحلي سييتو اليوم ربي يطول في عمرك
شحال خرجلك من حبة ختي
شحال خرجلك من حبة
بصراحة ام يارا وصفاتك ناجحة وعمري إلا جربت وحدة ومنجحتليش وكلها راقية ربي يعطيك ماتتمني
3ملاعق حليب. 3ملاعق ماء الزهر.3 3ملاعق زيت ملعقة ونصف عصير ليمون وسكر رطب
شكراً ام يارا جربتو هذا العيد جاني روعة وطري يهبل بارك الله فيك
اختي جاك طري حبيت نجربو
مجاكش حلو ياسر
حلو شوية برك لكن روعة
شحال درتي سكر رطب مرجان اخت صاشي كامل ولا شحال
درتلكم بعلبة فلو ونص كأس زيت وزوج حبات بيض50حبة قاطو😋 تذوب ذوبااان متتخيلوش بنتها تهبل خفيفة ربشة تفضلو شوفو بعينيكم 😍😚
العام لي فات جربت البقلاوة نتاعك حتى لدرك راجلي يشكر فيها هاد العام تاني راح نخدم قاطو العيد برعاية أم يارا. يعطيك الصحة تحياتي متتبعة من ورقلة
حتا انا درتها وكنت خايفا بسكو جامي درتها قاع عجبتهم وسكروها غادي نعاودها دا لعيد ان شاء الله
انا ثان درت بقلاوة تاع الرويال درت بيها ضجة كبيرة فالعائلة تاعي يعطيك الصحة وهذا العام ريحا نديرها
@@mohamedissraa6921 بالماشينة؟
@@radhia7625 درت تاع الماشينة و بلا مشينة ف 2 جاو شبين
3كاس كوكاو +م. ك مبشور ليمون +ثلثى كاس سكر نخلطهم مليح مغرف معمرة لفاني عطر لوز لحلو نخلطهم حبة بيض + 2صفار بيضة مغرفة صغيرة او ماشي معمرة مليح زبدة ونديرو فثلاجة لمدة 5سا ونطيبوهم
قلاساج 3م ك حليب 3مك مزهر 3مك زيت ملعقةنصف عصير ليمون ونخلطهم مليح وندير سكر قلاسي
ختي يطيب ملتحت برك ؟؟؟؟؟
@@user-rq4dr9hm1b ui
ختي قداه درجة حرارة ؟
وزعما تكفي 40ضيف ❓❓
ڨلاصاج
3 مغارف حليب
3 مغارف ماء الزهر
3 مغارف زيت
مغرفة ونص عصير الليمون
سكر ناعم
سكر ناعم شحال دارت
ياريت تحطيلنا وصفة مخبز النوأد كوكوا بليز ام يارا حبيبتي وصفاتك نديرهم وعينيا مغمضين
روووعة نديروا في العيد ان شاء الله واذا صدقلي نديرو لعرسي نشالله وادعولي ربي يسهل ليا نشالله ويسهل لكل وحدة يارب
يعطيك الصحة ام يارا حبيت نسقسيك بعض وصفات يشربو مخبز بعض ما يطيب بسيرو لوكان منشربوهش مايجيش يابس
جربتو جاني يهبل يهبل يعيطك الصحة 😍😍
ختي شحال من حبة خرجتلك هاد المقادير ؟!
حتي شمال خرجلك ملحبة
يعطيك الصحة اختي ممكن تقوليلي كيلو كوكاو شحال يخرجلي من حبة
ام يارا ما شاء الله وصفاتها كل ناجحين والوصفة لي نجربها تنجحلي وهذا المخبز خدمتو واللي يذوقو يقلي اخدميلي منو وضرك جيت نشوف الوصفة باش نزيد نعاوده
ام يارا ربي يحفظك و يفرحك و تشوفي يارا في أعلى المراااتب ...تعلمت الحلويات منك اول مرة نجربهم كلهم وصفاتك و كلهم خرجولي رووعة ...بارك الله فيك و فرحت كي درتي مخبز الكاوكاو ..ان شاء الله ديرينا تاع نوادكوكو
مرحبا بيك في قناتي عندي نفس محتوى الاخت ام يارا قصدي الطبخ اتفضلي بالدخول ممكن يعجبك المحتوى وشكرا
جربتو جا الله ييارك روحي الله يعطيك صحتك و يفرحك و يعلي مقامك يارب طلبت الوصفة من عند شحال من وحدة و بخلوني ايا جربت الوصفة تاعك الله ينورك روعة
في هاذ العواشير ادعولي لزوجي ربي يفتح عليه بخدمة ويتهنى تعيشو
الكلاصاج ثلاث مغارف كبار حليب، ثلاث مغارف كبار زيت. ثلاث مغارف كبار زهر. ملعقة ونصف عصير ليمون نخلط المكونات جيدا ونضيف السكر الرطب الملون
لا حبذا لوكان ديري علام دزاير ولا كتبي حلوى جزايرية لاخطرش المغاربة رام يسرقو كلش 🇩🇿🇩🇿بارك الله فيك
المقادير :
3كؤوس كوكاو ابيض متوسط /نصف كأس سكر /مبشور الليمون /م ص لافاني/ م ص عطر لوز /حبة بيض وصفار بيضتين/م ص زبدة /دخليها في ثلاجة مدة5س من بعد حليها سمك شويا خشين وديري طابع تاعك (مثلث) خليه عشرة دقايق ودخليه عشرة دقائق
الطلية
3م ك حليب
3م ك مزهر
3م ك زيت
1ونصف عصير الليمون /سكر ناعم /ملون أحضر
تزيين اختياري●
جربتو من قبل هو وتارتولات الشكولا جاو يهبلو ويذوبو فالفم وماش حلوين بزاف كيما تاع برا جات الحلاوة تاعهم معتدلة ❤❤❤
شحال خرجلك من حبة
الحشو3كيسان كاوكاو محمص ومرحي ونصف كاس سكر مبشور ليمون وافاني وعطر وتخلطي مليح تزيدي بيضة واحدة وصفار و تلمي مغرف زبدة تحطي حشو في ساشي في ثلاجة ثلاث سوايع
نخرجها نلفها في ساشي ونحل بحلال ونشكل مثلثات ونحطهم في مول يطيبو عشر دقائق
كلاصاج
ثلاث مغارف حليب وثلاث مغارف ماء الزهر وثلاث مغارف عصير الليمون نحطو في صحن جانبي سكر كلاص اخضر ونبدأ نضيف بشويا خليط تاع حليب وزهر وعصير نخلط مليح ونكلاصي حلوة تاعي
شحال تعجبني خدمتك نقية ومرتبة ام يارا رقم واحد في الحلويات بلا منازع
كنت حايرة واش ندير والله عجبتني بزااف الوصفة يعطيك الصحة و تعجبيني كي تفهمي مليح
ديرلنا مقروط وقاطو تع تمر وصامصة تعيشي لي معايا يدير جام
مقروط مدايراتو منقبل
ماشاء الله يهبل ونشالله نجربو في نفاس ختي يعجبوني وصفاتك ام يارة برافو
سلام عليكم حبيبتي أكيد نجرب الوصفة وعينيا مغمضين كي العادة العيد برعاية حلويات أم يارا لي تحمر الوجه بالبنة و الشكل ربي يوفقك حبيبتي 🥰
قناتي جديدة و احتاج الدعم اشتراك لو حبيتي الله يفرح قلبك حبيبتي
جربتيه؟
يختي ام يارة طليتي علا قلبي نموت علي المخبز وعلى هديك لاكولاغ كل عيد انديرو اوسورتو فكرت سكر الله يعطيك الصحة يالفحلا وصفاتك كامل روعة
اختي وش السر ليديره للكوكاو بأه يجيك طري
ماتحمصيهش بزااااااااااااااف
اختي ام يارا شحال نحب وصفاتك والله غير بمثابة أستاذتي في الطبخ ♥️♥️♥️😍
شحال دارتلك من حبة
مام انا نحبها والله ونتبعها غير هيا ❤❤❤
جا هائل عجبتيني كي مدرتيش عجينة سكر فديكور ديما يرميوها هكذا خير كلش ينتكل
صح فطورك حابة تجربة في لعيد 2024 يارب يجيني شباب انا نثيق في وصفاتك
يجي يهبل اختي عن تجربة ادي لوصفة لي معتمدتها انا
شحال من حب الاخت@@hanaseghairia7900
ربي يحفظك ختي@@hanaseghairia7900
انا جاني ماشي عجينة سيل شويا واش ندير
زيديلو شويا كاوكاو صلحي لغلطة حتا يولي كما تاع ام يارا@@assiasabbane1670
سلام..وصفتها كامل ماشاء الله وبنان وناجحين مئة بالمئة وفي متناول الجميع وبمقادير بسيطة بصح في القمة . وخاصة الإتقان والنظافة تبارك الرحمن عليها وبالتوفيق..
يعطيك الصحة ديما متالقة وفنانة ممكن نخدم العجينة في الليل ونخلوها في الثلاجة حتى الصباح
بارك الله فيك وجعلها في ميزان حسناتك
أم يارا شكرا على الوصفة ..لكن ممكن تقوليلي شحال خرجتلك من حبة هاد الكمية
من فضلك ديرينا حلويات باللوز للمناسبات ولا بالكوكاو لكن مايبانش بلي كوكاو .كل وصفاتك ناجحة أثق فيك برك .ألي معايا يدير جام
يعطيك.الصحة.درينا.مقروط.الكوشة.تاع.الحبة.وصح.فطوركم
3 كسان كوكاو .كاس غير ربع سكر مع قرص قشور .لفاني .مع عطر لوز . حبة بيض .وصفار بلم بصفار مغ زبدة صغيرةنزيد صفار
يعطيك الصحة جا هايل بصح في بلاصة الجوز كان درتي وردة عجينة السكر تكون باللون الاخضر الغامق والذهبي تكون أحسن
وهذا رأيي أيضاا
درت جوز لخطرش ماشي كامل يعرفو يخدمو الورد و تاني الورد متعوب في خدمتو .. على هادي درت جوز
كل واحد واش يحب يديكوري هي يعطيها الصحه تعطينا فكرة وكل واحد واش متوفر عندو
@@oum_yara الكيلة كيما لي خدمتي بيها وشحال تخرج من حبة هكذاك
يعطيك الصحة ام يارا والله درتو ما بان تع كاوكاو تقول لوز ربي يوفقك انشالله
وقيلا هذا العيد برعاية حلويات ام يارا رني نشوف ركي ديرلنا وصفات بسيطة واقتصادية يعطيك الصحة من فضلك ديرلنا قريوش
هايل هذ المخبز جربتو روعة في البنة يعطيك الصحة أم يارا ❤
وصفاتك كلهم شباب لو تحطي مقادير في صندوق الوصف الله يخليك 🤲🏼🤲🏼🤲🏼🤲🏼🤲🏼❤️
ثلاثة كيسان كاوكاو مرحي متوسط رايح لرقيق ثلثي كاس سكر م ك مبشور ليمون م ص فاني عطر لوز الحلو حبة بيض وصفار م ص مرغرين
نجم نخلط لوز مع كاوكاو...شكرا بزاف على وصفات ام يارا
لا لانو كاوكاو يغلب ذوقه على لوز ومش نفس مدة الطهي
مشاء الله عليك خدمتك شحال متقونه ونقيه انا من اشد معجبيك وووصفاتك لي مجربتهم كلهم يجوني هايلين منستغناش عليهم 🌹 شكرا على المصداقيه في وصفاتك
هايل يعطيك الصحة على الاقل الناس اللي عندها السيلياك تقدر ديرو وتحاذر برك بالنسبة للسكر ناعم اللي لازم يكون بدون غلوتين وعلى هذا لازم يديرو بسكر المرجان لانو هو اللي مسموح اي بدون غلوتين وتان ما يحطوش عطر اللوز، بارك الله فيك ام يارا
شكرا علي المعلومات الاخت
خدمتك كل ربي يبارك وصفات ناجيحة 100 ب100 يعطيكي الصحة ام يارى
سلام أم يارا جربتو و جا يذوب فالفم و معسل و بزاااف بنين يعطيك ألف صحه
شحال قطعلك من حبة أختي ؟
@@srnit4500 ضاعفت المقادير قطعو وحد 45 حبة
لميتي لبيض كامل ولا بيضة كاملة وصفار ارجو الرد اختي
@@nanatop2896نسيت ختي وقيل بيضه كامله برك
@@nanatop2896 حتى أنا درته مرتين بصح ندير حبة كاملة و حبة صفار برك، وهكذا. في المرة الثانية اللي درته ضاعفت المقادير و عملت نفس الشيء و إذا كان البيض كبير أختي حطي وحدة كاملة و زوج صفار. وبصحتكم
قلاصاج
3حليب 3مازهر مغرف ونص قارس وممبعد نضيف سكر قلاصي مغربل
جاك ماشاء الله يشهي يعطيك الصحة وتسلم يديك وجزاك الله عنا كل خير الجزاء والله المستعان💚
يعطيك الصحة كل شي فيك روعة ،خدمتك ،نظافتك ،طريقتك كامل وصوتك الرايع ،وانا دايما ناجحة في وصفاتك
ام يارا جربت وصفاتك الله يبارك يعطيك الصحة ونجحولي ❤❤❤❤❤❤
المكونات : 3 كيسان كوكاو محمص على بياض مرحي متوسط رايح للرقيق ثلثي كاس سكر عادي ملعقة ك مبشور ليمون ملعقةص لافاني و ملعقة ص عطر لوز حلو حبة بيض +صفار و اذا خص +صفار ملعقة صغير غير مملوؤة زبدة و يعجن .. يرتاح 6 ساعات ... يطهى في فرن مسخن من قبل 170 درجة مدة 10 د لا يحمر .....دعوة الخير ليا و لام يارا
سلام ام يارا ،من فضلك اعطيني كيلة تاع 50 حبة الله يحفظك ختي، وصاحة فطورك وشكرا على الوصفات الي نجربها تنجحلي الحمد لله.
ممكن تزوريني غاليتي ❤️🌹
مام انا ني نحوس بزاف
راهم يخدمو من دوكا ميخسسرش القاطو
@@tazataza1333 لالا حبيبتي يخدمو شويا برك
كان انا حبيت 50 ولا كتر مدينا المقادير ام يارا من فضلك متتبعه وفيه جدا ليك و كل عام ندير الحلويات دياودك ما شاء الله و عن يعطيك الصحه
يعطيك الصحة على هدا المخبز يبان يهبببل اليوم نجربو جايني ضياف ..موفقة باذن الله
ختي جربتيه كيفاه جاك
ما شاء الله، باذن الله نديرو ،شحال يلزمني مقادير باش ندير 30 حبة.
كيلو كوكاو
800 غرام يخرجلك 38 حبة
انا جربت عدة وصفات لام يارا كلها ناجحة بكل امانة ولي يعجبني فيها متقنة ياسر في خدمتها❤❤❤
3كيلات كاوكاو محمص بيض ومرحي متوسط لرقيق ،ثلثي كاس سكر فوق نصف،مبشور ليمون، م صغيرة لافاني، عطر لوز حلو، خلط بأصابع، حبة بيض، صفار بيضة، غير بشوية نعجن نزيد صفار بيضة صغير غير بشوية، نعجنه مليح نزيدله ملعقة زبدة صغيرة ماشي معمرة،نعجن، قوام طري وميتلاصقش في يد، نغطيها في ساشي ونديرها ل 6ساعات في ثلاجة في اسفل، ثم على ساشي نفتحها وساشي فوقها يكون شوية عالي، زوائد نطمهم ونخدمهم مباشرة، نحطهم فلوسط ل 10د ونطفي عليه ،يطيب على بياض،
قلاساج: 3م ك حليب،3م ك زيت،3م ك ماء زهر،ملعقة ونصف قارص ،خلط جيدا جيدا،ثم نضيف سكر رطب مغربل، يسموه سكر رطب ماجيك اخضر.
نفرغ خليط سوائل بشوية على خليط سكر حتى يتماسك نتوقف . ثم نڨلاسيه نديرله قرقاع
يعطيك الصحة حبيبتي راهو يشهي🥰🥰🌹
نصيحة خياتي اللي حبت تتحصل على مرقة بنينة يالوكان بكمية قليييلة تع لحم لازم تسبق يقلي اللحم و الدجاج هو الاول للاسف اغلب الاخوات يقلو البصل ثم اللحم و هذا يخلي اللحم يتغلى و ليس يتقلى و يتعسل و بنة المرقة البيضاء لازم تكون عاقدة و ملعقة سكر تعطي ذوق مميز و اذا حبيتو تثقلو المرقة و ماعندكمش كريمة ذوبو شوية فرماج في مرقة سخونة و شوية فرينة في مرقة باردة و اعقدوها بحبة بيض و معدنوس و عصرة قارص و ماتنساوش حبة فلفل حار خضرة تعطي بنة هبال و نصيحة البنات البودرة تع الثوم اخدموها بزهرات الثوم اللي يجو من الفوق في الرزمة و الله خرجتلي كمية روووعة بالرزم تع العام ليفات و البسباس خبو الاصابع ديالو حطوهم في الحساء يطلقو البنة و الشبت ديالو ديروه في الاسماك المعقودة الغراتان المايونيز.....راهو كنز و اخدمو السمن تع الدار و خلطو معاه سيقان المعدنوس و الشبت يبنن كااامل المراقي البيضاء... و بخصوص المطلوع كي تكسرو العجين 3مرات او 4 بدون تعب تعادل عملية الدلك و تتحصلو على خبز كي القطن من بين محسنات الخبز هي الحليب اللبن الياغورت الجبن...كلها عبارة عن مواد دسمة و خماءر طبيعية...مغرف خل او ليمون تخي الخميرة تتفاعل خير ...الماء الغازي تاني....ماء اللي غلات فيه البطاطا غني بالنشاء يعتبر محسن ....الزيت اللي قلينا فيه البطاطا يكون غني بالنشاء و اللي قلينا فيه المقروط غني بالسمن و اللي قلينا فيه ليبينيي غني بالخميرة...كلهم نقدرو نعحنو بيهم الخبز ...الخميرة البايتة و العجينة المخمرة 12ساعة في الثلاجة تعطيكم نتيجة روووعة ...زيت الزيتون يعطي قرمشة للمخبوزات...الزيتون الاخضر او الاسود اذا محبيتوش تاكلوه ارحوه مع اوراق المعدنوس و الشبت و اعجنو بيه يعوض الزيت....و الخبز الفارغ يحب الفورنو اللي يشعل من الفوق و من تحت في نفس الوقت يعطي نتيجة روووعة...و الزرارع انا ندير السانوج الجلجلان حبة الحلاوة زريعة البسباس زريعة الكتان الزقوقو...بذور دوار الشمس... ماتنساونيش خياتي بالدعاء لابني الصغير عنده توحد و لبابا بالرحمة و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوش
مكاش حاجة جربتها تع أم يارا و منجحتليش ماشاء الله و من أول مرة حتى ينخلعو كيفاش خرجتلي و جامي درتها 🤭👌🏻 الله يبارك وصفاتك مضمونة و ناجحة 😋 و شرحك مفصل و تعطينا أدق التفاصيل 💯 ربي يسعدك يا أم يارا و نتمنالك 10 مليون أو أكثر لأنو قناتك والله تستاهل والله 💞
نقدرو نديرو ثاني ديكور آخر نديرو لون القلاساج بقهوة سريعة الذوبان ويجي ماغون يهبل وفوقو حبة جوز اسمحولي مجرد فكرة وديكور ام يارا ثاني يهبل ما شاء الله❤❤❤
الله يبارك باين روعة و راح نجربه ف العيد ان شاء الله.
جربتو وجاني روعة و راح نعاود نشااله طلبية
يا ام يارا واش نقلك ربي يبارك وخلاص جربت لبارح الحلوى لي درتيها خرجتلي تحفة وراح نجرب هادي وننصح كل الاخوات يجربوهم ويسمعوا لنصائحك مليح هادا هو السر لي يخليهم ينجحو احبك في الله اختي
واش من قاطو جربتيه من فضلك وخرجلك
يعطيك الصحة ام يارا كنت حابة وصفة تع عرايش و مخبز حاجة بالطلية حتى لقيتك حطيتيه ان شاءالله نديرو و ينجحلي برك
ختي تعيشي فرحيني بإشتراك ربي يعطيك ماتتمناي ويحفظلك والديك والعزاز عليك يا اختي العزيزه متحشمينيش
جزاك الله خير وصفاتك ولا أروع😍😍
لوكان غير ديرلنا قريوش سنبلة تاع زمان
ألله يعطيك الصحة العفسة نتاع القلاصاج هايلة ماكنتش نحب القلاصاج على السكر لي يضيع..شكرا بزاف.
ما شاء الله عليك. ممكن تحطيلنا وصفة قاطو بالديول ويجي معمر بالكوكاو والشكل يكون كما هاد الحلوى
حبيتي تقولي صامصة ياك
حبيبتي انت رائعة نحبك كيما عودتينا تمدينا وصفات بمقادير اقتصادية في نفس الوقت تقطع بزاف شكرا حبيبتي
جربتوا جا معسل مشاء لله نصيحة خليوا قلاصاج يبات ليلا كامل باش ينشف وزينوه عادي
شحال جاك من حبة
يعطيك الصحة اختي خرج ماشاء الله ، تعيشي قوليلي الكمية هذه شحال خرجتلك حبة باه نعرف فقط وشكرا
طليتي علي قلبي نويت نديرو للعيد بالكاوكاو يعطيك الصحة
انا ثاني شفت تاع الجوز واللوز ويجي غالي ياسر الحمد لله كنت حابة نعرف المخبز تاع الكوكاو مثلك
ام يارا قناتك ذات مصداقية كبيرة كل وصفاتك ومقادرها مضبوطة شكرا
الله يبارك ام يارا راني جربت المقروط نتاع الفرينة جاني هبال
ارووووع مخبز شفتوا درتوا البارح جاني ولا أروع يعطيك الصحة حبيبتي شكرا على مصداقيتك فالوصفات ديما ندير وصفاتك او ما نندمش راكي فالقمة انشالله لنجاحات اكثر تستاهلي كل خير
ماشربتيهش بسيرو ميجيش يابس ردي عليا من فضلك بغا نخدمه
المخبز مايتشربش و يجي طري
بارك الله فيك حبيبتي مخبز في غاية روعة و عجبتني فكرة الطلية في ميزان حسناتك نموت عليك ياغالية على قلبي سلام صح فطورك
يعطيك الصحة و كل شيء واضح هايل الشكل و كل شيء نجرب و نشوف اذا جاء كيف هذا بعد هايل
السلام عليكم ورحمة الله و بركاته
أختي جربتيه كيفاه جاك
شحال وانا نحوس على هاد الوصفة جات في وقتها 😍
مرحبا بيك في قناتي عندي نفس محتوى الاخت ام يارا قصدي الطبخ اتفضلي بالدخول ممكن يعجبك المحتوى وشكرا
@@Miryamcook اني شتركت ختي
كي تجربيها خبرينا لا نجحتلك
طاولة رمضان التامنة ميمي
قليلي مدارتش فرينة
بارك الله فيك يا مدرستنا العليا ربي يحفظك ويعطيك ماتتمناي وصفاتك كلها في القمة ماشاء الله ♥
صباح الخير ام يارا 😍 نموت على وصفاتك كل عام نجي ندير غير من عندك 👌👌👌❤
السلام عليكم ورحمة الله وبركاته اللهم صل وسلم وبارك على سيدنا وحبيبنا المصطفى وعلى آله و صحبه اجمعين 🌹 يارب ارزق صاحب اليد التي تشجعني الصحة و العافية وراحة البال وسعادة الدنيا وجنة الفردوس 🤲💞💕💕
مرحبا بيك في قناتي عندي نفس محتوى الاخت ام يارا قصدي الطبخ اتفضلي بالدخول ممكن يعجبك المحتوى وشكرا
درتو للعيد جاني هايل يعطيك الصحة ❤
شحال خرجلك من حبة
@@user-dz8ys1xm4b أنا مادرتش العبر بالكاس درت بمشيربة شوية صغيرة جاني وحد 32 حبة
أختي ام يارا يعطيك الصحة على هذا القاطو بربي نشاله اندرو في العيد وشكرا على كل الوصفات التي تقدميها
السلام عليكم.ماشاء الله عليك راكي قمة واخلاق وتواضع ولسان حلو.نقدر نديرها ونخليه يرتاح في الثلاجة ليلة كاملة.صح فطورك.شكرا.
وصفاتك يهبلوا ماشاء الله تحفة 😍😍
من فضلك ديريلنا وصفة مخبز جوز الهند
تلات كيسان كوكاو نص كأس سكر مبشور الليمون معلقه كبيره نخلط مص فانيلا مص عطر اللوز حلو نخلط تضيف حبه بيض و صفار بيضه نخلط بشويه ولا خص زيدو صفار تزيد مص زبده
نرتاح داخل كيس فتالاجه مده سنه ساعات