MALARAZZA 100% TERRONE, « Zio Pino » (« Tonton Joseph ») - Chanté SICILIEN + Trad FR

[@GiuseppeSALVAGGIO]

Ammazzaru lu Padrinu,
l'ammazzaru
ccu du corpi di scupetta
dritti 'ntesta
ed ora ca cudda
lu suli,
cchi nn'arresta
sulu odiu,
prepotenza ed omertà
Ammazzaru lu Padrinu,
l'ammazzaru
L'ammazzaru
propriu u jornu ca nasciu
E cuscenti fu di jiri
'ncontru a morti
Senza scantu,
sfidò la propria sorti
Comu un patri,
iddu dava amuri a tutti
ma ora è 'nterra
ccu lu cori ca nun batti
Li picciotti di la strata,
li so figghi,
la putenza d'un messaggio
troppu granni!
Ci spararu a lu Padrinu!
Ci spararu!
Ma un si mori sulu si
si perdi a vita!
Un caperu
ca ero un omu troppu forti
ca un si scanta
di taliari 'nfaccia a morti!
Comu un patri,
iddu dava amuri a tutti
ma ora è 'nterra
ccu lu cori ca nun batti
Li picciotti di la strata,
li so figghi,
la putenza d'un messaggio
troppu granni!
Ci spararu a lu Padrinu!
Ci spararu!
Ma nisciunu si scurdà
cchi omu era!
La virtù e la spiranza
pridicava
e nu ciuri,
mezzu i petri,
cci criscia
La virtù e la spiranza
pridicava
e nu ciuri,
mezzu i petri,
cci criscia
Buon Compleanno, Parrì!