الليل والتفكير والشاهي المر 👏🏻 خالد ال بريك & عناد الشيباني ( جديد ) 2024

كلمات العمل
الليل و التفكير والشاهي المرّ
شكلي بسجلهم معي فالهويه
وانا منول .. بيني وبينهم شر
سبحان من خلا لهم مقدريه
واللي دفن في قلبه عْن العرب سر
ويخااف تبعث سره الراعبيه
حتى وهو فالبرد يشكي من الحر
ويفوح صدره فوحة الشاذلية
لو تنتطفي بعض الطواري على زر
ما تنطفي نارٍ فالاعماق حيه
مدري متى ترسي ظروفي على بر
اللي لها في كل يومين نيه ..!
احيان اشوف الملح في جرحي يذر
واضحك مثل ما اضحك لـ شر البليه
واحيان ما اقبل شي وازعل من الغر
تثر علي " الكلمه العايديه "
واستغفر الله كل ما مسني ضر
واعصب شماغي واضرب الجرهديه
واقول لـ / ظروف الزمن عادةً سر
يمكن تجاوب معي بالعسكريه
والظاهر اني قايلٍ : لـ الورا در
من كثر ماراحت .. وعادة عليه !!
والحمد لـ اللي يرزق الطير والذر
بعض الظروف تزود المعنويه
افخر واماري .. وتباهى وانا حر
حتى معاناتي " مهيب اجنبيه "
مغرور في ربعي .. ولانيب منغر
والواجبه .. ماتعتبر عنصريه ..!
ضباطنا لعيونهم .. يرخص الدر
ويجاب في حفل التخرج هديه
واللي مخلينا بـ هالحفل نستر
لـ اجل الوطن مهوب لـ اجل التحيه
يا دار حبك في صميم الحشا قر
وبكل عام نزود لـ اجلك سريه
واللي ماخانك يوم زاد العرب بر
مهوب خاين .. فالحياه الشلية
فـ ارقابنا بيعة .. وفـ اقلوبنا برٌ
ومن الولاء نسكن بنجد العذيه
حنا عتيبه .. فعلنا فالعدا شر ..!
دون الوطن مثل الحصون القويه
احرار واطرف واحد انقدمه حرّ
حتى مايبغى .. طايره مروحيه
دون الوطن مانعترف غير فـ الكرّ
" الفر " ماله عندنا قابليه ..!
قلب العتيبي .. فالمواقيف مافرّ
لولا ثبوته ضاعت الجاذبيه
واسم العتيبي كنه الطيب لا مرّ
لولا وجوده مات عرق الحميه
..
للتواصل والاستفسارات :
الحسابات الرسمية لـ منصة بصمة الابداع .
‏Official Whatsapp :
الرابط محادثة الواتساب المباشر :
wa.me/message/4GKUGHJQFDZTC1
[phone]
‏Official Snapchat :
/ a_thane2
‏Official Twitter :
/ a_thane2
‏Official Instagram :
/ a_thane2
ـــــــــــــــــــ

[@Basmhalebda3]

تشرفوني في منصات التواصل الاجتماعي :
alfan.link/a_thane2

[@Abdlurhman511]

مبدع مبدع مبدع❤

[@f.h4714]

والله ورب البيت وهذا لكم بر.... هيلا عتيبه صف راس الحميه... ونعم فيكم وكل القبائل.

[@MahmoudZain-ov6oq]

يا خالد.. يابن بريك❤
قولهاااا علا الله☝️🙃✊

[@JABRY-lr3ew]

مببدددععععع❤❤.

[@user-hb4nr2um1p]

👏🏻👏🏻

[@user-sz3to2ng2m]

كلن يسمي ولده وانا لي ولد وسميه

[@HFh-ev7vf]

للاسف مو حلوه🙂💔

[@txw0]

الناس اذواق ماعجبك لكن عجب غيرك🤍

[@user-ov8gx5le5s]

بالعكس حلوه ركز في الكلمات وادخل جو

[@M5zoomi]

ياي