كل شي تحتاج تعرفه عن التطوع بالعراق 🤝🏼🔥

[@Zakariya03]

اكتبولي رأيكم بالفيديو وعن شنو تحبون انزل بعد 😁
انستكرام : instagram.com/dent_zack/

[@6m_bh]

احنه مؤسسه اسمها مؤسسه واسط للصحه العامه
احنه كل حدث او مناسبه او حتى بالايام العاديه نسوي نشاطات مثل اول 10 ايام محرم سوينه حمله تنظيف شوارع المواكب بعض مناطق مدينه الكوت ودائما نسوي تبرعات ونسوي عمليات للناس المحتاجه او الي دخلهم ضعيف وبيوم العاشر من محرم سوينه حمله ويه مفارز الاسعافات للمعالجه المطبرين وهواي شغلات سوينها.
من مكاني ادعو الى كل مجموعه شباب يسولهم اسم للمجموعه ويسون نشاطات تطوعيه مجانا لوجه الله
مثلا تنظيف جمع تبرعات للعمليات
توزيع سلات غذائيه
او يسون نشاط للفنانين مثل الرسم والخط والنحت علمود الشباب تظهر ابداعاتهم ❤

[@Hussain-jz6pp]

شگد چنت منتضر واحد عراقي يحچي عن هيچ موضوع❤

[@hussienqais3610]

ولله حيل تندمت من شفت هيج فديو ماخليت اي ذكرة بحياتي لاصنعت اصدقاء ولاشاركة ب اي حملات تطوعية بدراسة فشلت وين ضيعنا عمرنا العشرينات بلعب ولهو وطيحان الحض طلعنا بنتجية صفر شباب اني عايش ب انقرة يلي عنده فكرة عن تطوع ب انقرة شي يعرف منصات يكلي اشارك بيها يعني شباب عرب احسن من الكعدة

[@user-so7no9jz9r]

لو ما محرم هلهلت واخيرراً عراقي ينزل عن هذا الموضوع حرفياً تعبني حيل 🥲💗

[@user-li6ep1xh3b]

بشنو حتستفادين من هيج فيديو؟ يعني ليش جنتي تنتضرين هيج نوع من الفيديوهات؟

[@n6vx11]

واضح حتى تتطوع!! ​@@user-li6ep1xh3b

[@user-so7no9jz9r]

@@user-li6ep1xh3b اي منحه اريد اقدملها الكي هالشرط براس القائمه لازم تكون عندك خلفيه جيده ببلدك يعني نشاطات واهتمام بالبيئه كلش يهتمون بهذا الجانب واحنه ماعدنه هالشي مشهور وطاش ف ماعرف مصادر توفر هيج

[@NoorWisam-hy4oq]

@@user-li6ep1xh3bنريد نطوع

[@zano339]

زكريا تره ميصير هيج اطول بتنزيل الفديوهات وخر زعلانين منك

[@user-xo6sg6bv1n]

😂😂😂😂😂😂

[@user-tq8cf2kk4k]

صدووك😂😂

[@chooseanameexample]

+++++++

[@user-fj3zw1yd8l]

👎

[@لاتويا]

اتفققق😭😭😭😂😂

[@رافديني]

لك هاي شني هاي عاشت ايدك زكريا
ما رح اخلي فرصة ما أستغلها ❤
كل يوم جديد يستحق ان نعيشه.

[@CelestialHelen]

شكرا الك الفيديو جدا مفيد اني هم عندي تجربة بالتطوع , بالفترة الاخيرة من جنت خامس اكتشفت احتاج انشطة تطوعية حتى اكدر اقدم عالمنح وفعلا بديت ابحث , الموضوع مجان سهل بالبداية لأن اني ما احب اختلط ويه ناس ما اعرفهم وارتبك مع العلم احب اتناقش ويه ناس مثل افكاري بس ماعندي الجرأة كلت مو مال اظل هيج سويت كم نشاط تطوعي وبعضها اونلاين وجانت اكو برامج تبادل ثقافي ويه اجانب لاحظت هواية اشياء تغيرت بشخصيتي تعرفت على ثقافات و عادات بلدان مختلفة وشلون عايشين حياتهم لهذا كدرت واخيرا استخدم الانكليزي حتى اتواصل ويه الناس و اناقش افكاري وياهم , طورت مهارات وقويت شخصيتي وصرت اعتمد على نفسي واحجي عادي واعرف شلون احط حدود . كمية السعادة الي تحس بيها بعد اي عمل تطوعي جدا جبيرة لو شكد ميكون بسيط وهسه اني سادس راح اخلص الامتحانات واريد اتطوع اكثر نصيحتي الكل شخص ببداية حياته يستغل الطاقة الي عنده بشي زين بعيدا عن الاشياء الي ممكن تضيع شبابه و الي بسببها ممكن الانسان يكره نفسه وحتى البنات اتشجعي واطلعي للمجتمع وابني شخصيتج هذا الشي مو مستحيل اني هم بنية وكدرت اتطوع ممكن الاهل يعارضون بالبداية بس حاولي تناقشين فوائد هذا الشي وياهم . وباللنسبة الموضوع الاختلاط مادام انت تعرف حدودك شنو ومو ياهو الييجي يصير صديق مقرب فوضعك زين لأن اذا تصفنون بيها بكل مكان اكو ولد وبنات فبالتالي انت لازم تعرف شلون تتصرف مو تتهرب الموضوع عادي زملاء تطوع وزملاء دراسة كل انسان يعرف يحط حدود للباقين حسب الدين او حسب تفكير الشخص

[@user-fg3pu8ev4c]

يعني انتي فد شي الفخر بيج رح يطلع من خشمي❤❤❤
اريد ورا الدور الثاني اسوي هيج أشياء اصلا اول مرة ادري اكو هيج أشياء بالعراق اريد اتعرف على هيج ناس مميزين وغير شكل مثلج واتعلم منهم هيج احيط نفسي ببيئة كلهم ناجحين وغير شي مو نفس القطيع

[@gameplyer5091]

اختي عندج خبرة بلمنح الدراسية

[@gameplyer5091]

صح توني رح أدخل على رابع علمي بس اريد اقدم على منح دراسية لأن البقاء في العراق متفيد😢

[@CelestialHelen]

@@user-fg3pu8ev4c حبيبتي شكرا 💕💕 ان شاء الله نخلص دور ثاني ونبدي نشارك بحملات, اني متأكدة انت انسانة مميزة وحتحققين هواية اشياء والي الشرف اتعرف عليج اكيد بس نكمل سادس هم اي استفسار او سؤال عندج اني موجودة :)

[@CelestialHelen]

@@gameplyer5091 اي اكيد لأن اريد اقدم على منح بكندا . اعرف كل المتطلبات اي سؤال عندك اني موجودة , نصيحتي الك لتصدك الناس الي يكولون متكدر تطلع ولا تكدر تحصل منحة ذولة ممشتغلين على هالموضوع اصلا , هواية ناس اعرفهم سافروا وره السادس اعرف انقبلوا بامريكا وكندا واكو روسيا وايطاليا وهواية بلدان حتى وحدة بمدرستي انقبلت بهارفرد . وصدكني احسن شي ممكن تسوي هو تبدي من وكت يعني اني تمنيت لو بديت اشتغل عالمنح من الثالث او الرابع جان فرقتلي هواية شغلات فابدي من هسه ولو السنة الوحدة تكدر تسوي بيهه هواية . اول شي حدد التخصص الي تريد تدخله وراها شوف شنو احسن الجامعات بالعالم الي عدها هذا التخصص وشوف البلدان شنو سلبياتها وايجابياتها وين يعجبك تعيش ؟ لأن كل بلد بي شوية اختلاف بالمتطلبات مثل اللغة و اشياء ثانية . مبدئيا هسه استغل العطلة الصيفية بالانشطة كلش كلش مهمه واذا تريد اكتبلك الانشطة الي ممكن تسويها و بالدوام حاول ترفع درجاتك يعني خلي المعدل يكون بين 80 وفوك لأن بالخارج غالبا ميعتمدون على معدل السادس يشوفون المعدلات من الرابع وفوك

[@user-tea700]

احب محتواك وتفكيرك هل فتره احس هواي تغيرت عن شخصك القديم او انتَ ما ظهرته شخصيتك الحقيقة من زمان
الله يوفقك 🤍🤍

[@qx3n7r2j5e0]

اتمنى اتنزل هواي عن هاي المواضيع لان فعلا تفيدنة ❤

[@user-fg3pu8ev4c]

اويلي هنا المحتوى الي احبه رجعوني ورا الدور الثاني بإذن الله ماضل شي واخلص من جحيم السادس

[@9Kawthar]

‏‪0:06‬‏ دگ حزن🤡🫠🫠🫠🫠

[@user-vv2fc3dn4y]

احنه الحل الوحيد النه لازم نترك سنه قبل الجامعة حتى نطور بيهه انفسنا
من ناحية اللغة والتطوع لان وقت ماكوا
بس جيب الاب الي يقبل نترك سنه😅

[@9Kawthar]

@@user-vv2fc3dn4y
المشكلة انا راسبه مليار سنة فما اگدر اترك سنه

[@user-vv2fc3dn4y]

@@9Kawthar 🫠لا مو خوش شغله لعد
تكدرين تتطوعين اثناء الجامعه

[@TROX11GAMER]

زكريا اتمنا تسوي مقطع جديد شلون تقدم على المنح الدراسيه ب امريكا

[@Lawsmary]

حرفيا جنت افكر بهل شي وهم زين سويت فيديو شكرا 💜

[@user-fg3pu8ev4c]

اريد اخلص هالدور الثاني وهالسادس هسه كل همي اخلص سادس معدل ثمانين ان شاء الله وراها اريد حيل اغير حياتي احسني كلشي ماكو هيج لااعرف شي ولا اشياء مفيدة اريد اخلي محيطي كله ناس هيج ناجحة وكافيي ابتعد عن صداقاتي التعبانة اريد اسوي اشياء زينة واقوي شخصيتي اريد ادرس بغير محافظة وهواية اشياء ياربي ساعدني ووفقني لرضاك وتوفيقك يارباه

[@gameplyer5091]

شوف رح اعطيك نصيحة يمكن رح تغير حياتك 180 درجة معليك انت من المعدل وهلفيطية مال الطب انصحك بسرعة تبدئ تتعلم برمجة ترى مستقبل هذا الجيل ينجح فقط بلبرمجة اكتب في اليوتيوب ابراهيم عادل بايثون وشكرني

[@gameplyer5091]

هذا الأنسان (ابراهيم عادل) يشرح مثل حيدر وليد حرفيا يعني حيدر وليد فرع برمجة 😅😅

[@gameplyer5091]

وها كلش مشهور

[@user-fg3pu8ev4c]

والله خوش نصيحة واني هم ابالي ادخل علوم كمبيوتر اشوف بلكت اتعلم يي اعرفه إبراهيم عادل اريد اتعلم عليه لغة انكليزية ان شاء الله عنده قناة لغات بس ااستوني دريت منج انو عنده قناة برمجة شكرا حبيبتي@@gameplyer5091

[@zuli_4]

@@gameplyer5091التخصص مناسب للبنت

[@user-yl9pp3tj6k]

محتواك عظيم زكريا اعجبني طرحك ياريت تعمل على الفيديوهات الي تكون اشبه بل بودكاست وتطرح بيها مواضيع مهمه وشيقه مثل تلك خالص الحب لك ❤

[@Ayman-x7z]

فديو بي نوعية عظمة ومتعوب عليه
شكراً جزيلاً ياحلو

[@user-gt9go2gq7k]

كفو والله ، حيل اشجعك على محتواك وحيل تنطيني حافز وطاقة إيجابية 🍀✨
الله يوفقك بحياتك يارب

[@Ali-qk2gf]

زكريا هسه احنه اغلبه طلاب سادس دور ثاني
ف نريد نعرف بيا وقت بضبط وره الدور ثاني تنفتح المنح سوي فديوهات جديده 🙏💓ادعولنه ننجح معدلات عاليه

[@user-vv2fc3dn4y]

عزيزي المنح ما تنفتح بوقت واحد لان كل دولة بيهه عدة جامعات وكل جامعة تفتح منحتهه بوقت معين ينكتب بشروط المنحة داخل موقع الجامعه

[@user-de1by8oj7e]

احسنت النشر ، جنت اتأمل اعرف هيج مبادرات

[@FaisalAmer-z1o]

والله عاشت ايدك على هالفيديو الملهم
الله يحفظك ما شاء الله
شاب ذكي و طموح و قدوة
اني هستوي خلصت سادس و كلش عجبني الفيديو
استمر على هذا الالهام لان احنا دنتابعك و مستفادين منك

[@Ba_99_]

شووون فديووو جميل وبوقتة شكراً ✨✨✨✨

[@abbasjawhari51]

عدكم #فريق بوآبي الشبابي للثقافة و الفنون ديتصدر حاليا ترند بالتطوع ❤

[@m.mariam]

ممكن حسابهم على مواقع التواصل او موقعهم على النت

[@TROX11GAMER]

بل انستا ​@@m.mariam

[@Hassan.-zr2op]

شكراً زكريا معلومات مفيدة ❤

[@لاتويا]

عاشت إيدك زكريا،واحد من الطلاب المؤثرين عليَ،اعتبرك أحد قدواتي،جزاك الله خيرًا

[@user-ot4id6cs2o]

شكرا زكريا 😊😊

[@Mohamad-cl9sz]

حلوة هاي مال انترو مالتك … ولو انتهت من 2016 💖

[@Rasool.Mohammed]

كل التوفيق دكتورنا

[@Farajhassan-sx1cv]

بارك الله بيك خويه زكريه ، الله يجزيك خير ويزيدك هُدى ان شاء الله ، ربي ينير بصيرتك ان شاء الله ويجعلك تعمل بما يرضا . بارك الله بيك نرة ثانيه واستمر بكل ما بيه خير وفايده .

[@hunter864]

اريد اتطوع وادخل دورات حتى احصل شهادات تقديرية وتزيد فرصي للمنحة المجانية
حتعلم لغات ومهارات همات حتى تزيد الفرص

[@user-jy5ff3vp5r]

شخص ناجح ربي يوفقك

[@user-sj1el1fd7t]

يجنننننننن فيدوهات وقناة شي خرافي❤🎉
حبيت محتوى ووعي وفكرة جديد شكرا خليتني التفت لهل جانب ماكنت ادري اكو هيج عندنا متحمسة انضم لهل فعاليات

[@mariahmed9223]

الهي يوفقك لان حجيت بهيج موضوع، استمر

[@ROEvzYT]

استمر اخي🤍

[@Roy-pv4sv]

حييل جنت منتضره هلفيد شكرا الك زكريا

[@user-jh1fi8go1n]

زكريا اني مشاركة بكورسات مفيدة مثلاً كورس تعليم الإسعافات الأولية وهيج ، إذا ردت اقدم على منحه وذكرتهن يفيدن ؟

[@Al-SayedCanter]

هلو على يا جامعة ناوية تقدمين؟

[@9Kawthar]

اي وبالأخص إذا الكورسات معترف بيها

[@user-jh1fi8go1n]

@@Al-SayedCanter بعدني ماناوية اقدم ل اي جامعة بسّ مهتمه اعرف عن المنح يمكن بالمستقبل اقدم على منحة للدراسة او للسفر والونسة 🙆‍♀️

[@user-jh1fi8go1n]

@@9Kawthar شكراً جزيلاً

[@mm-fo3fx]

ممكن تكول وين مشارك بهذا الشي بلكي نستفاد احنا هم 🙃 شكرا كلش

[@zazazaza-rq6ex]

المشكلة اني بنية واهلي ميخلوني اطلع براا

[@y-st7xo]

يا ريت لو اكو كروب او قناه يعلمنا عن الانشطه و التطوع الي يصير بالمحافظات هم مو بس ببغداد و لان طلاب المدارس اولا سنهم اصغر ثانيا ما عدهم خبره ف نحتاج فد مكان يعلمنا شنو نسوي من الالف لل ياء و كون من طلاب مجربين و نكدر نتواصل وياهم ف الي عنده هيج شي خلي يشاركنه

[@user-uh3ww4ou5t]

فيديو يجنن ❤

[@user-ev3or1qb4v]

اني دخلت جامعه حكومية ما بيها انشطة تطوعيه

[@Hoh-lt2qb]

واخيرا نزلت 🎉

[@user-ev3or1qb4v]

اني بالنجف دورت على دورات تطوع وما لكيت

[@user-rw8ht6zm2t]

سوي لنا سلسلة تقديم على الجامعات الأمريكية بالمنح ❤❤و وشون نسافر هناك هما ياخذونا اذا عدنا منحة لو لا

[@enki0]

اني احب اللغة الانجليزية ومستواي متوسط بيها بس حاب اسويها اسوي نادي بالجامعة مالتي

[@Ali-qk2gf]

الله ما توقعت هيج اشياء بالعراق والله 😔✨شوكت نخلص من سادس ونتحرر ان شاء الله

[@hdhvdhjf]

انسان ناجح بمعنى الكلمة ❤

[@00ilil]

سلام عليكم اني عندي مهارة بالتسويق بعني اذا انطيت دورات مجانيه لاشخاص عشوائين يعتبر تطوع؟

[@CelestialHelen]

اي نعم مبادرة جدا فعالة و نشاط قوي تضيفي للسيرة الذاتية

[@00ilil]

@@CelestialHelen صدك متاكد ؟ شكراً ؟

[@CelestialHelen]

@@00ilil اي متأكدة اصدقائي سووا مشاريع بغير افكار , مادام دتقدمين خدمة للناس بشكل مجاني هذا تطوع وبالتوفيق

[@00ilil]

@@CelestialHelen شكراً كلش 🩷💪

[@Istikazen]

@@CelestialHelen
عادي تذكرين الافكار ؟😞

[@user-eq6nz9qn1m]

اني نجحت للرابع اعدادي اريد اتطوع بس اهلي ميخلوني اطلع باب البيت ، اكو افكار تطوع تأهلني للقبول بمنحة لو أيس

[@user-bb6bb8or3i]

أيسي لان المنح اصلا برا العراق وانتي منا لباب البيت متكدرين ع كولتج ف اعطي مجال لغيرج

[@user-rw8ht6zm2t]

عاشت ايدك

[@llnnskdu]

احلا من ينزل فيديو احبك 🤍

[@msdoaa2022]

زكريا شحچي؟؟؟ يعني صدگ شكرًا گاعد تفيدنا

[@abc_9669]

زين شلون تثبت للمنح كل اعمالك التطوعية؟لان مرات انت ما موق تطوعك بصور

[@so_ma20_07]

اكو احد يعرف دورات بكركوك ؟

[@husenmm508]

سؤال شلون يقتنعون بيك صدك مطوع يعني شنو الي يثبت ماتجذب عليهم يعني أروح لفرق التطوع أكلهم هيج وهيج علمود السفر وأطوع سبوع وترك التطوع عادي هيج

[@user-by1lt6ez8t]

زين شلون اخلي الناس يتقبلوني لآني جدًا اعاني بهذا الموضوع احس الناس الغرباء دوم يرفضوني وم يحبون يتعاملون وياي

[@Aboo_o5]

اعتقد عندك خوف اجتماعي روح استشير طبيب نفسي او اقرا كتب تطوير الذات ابدا لا تستحي تطرح موضوعك لان راح يأثر عليك بالعلاقات وغيرها

[@mustafa360]

سبحان الله نفس شعوري

[@user-sk1gc1tg8t]

لتهتم لقبول الناس وتصرف ع طبيعتك ولا تتحرك او تحجي هواي خليك عادي بالبدايه وشويه شويه طور نفسك وشخصيتك 💐🤍

[@user-sk1gc1tg8t]

​@@mustafa360..

[@alikazm6245]

جميل عاشت ايدك

[@mariam-ju4qe]

عندي سوال اكدر اشارك بالي عرضتهن بس بذي قار؟ يعني يستقبلون من غير محافظات؟؟

[@user-fu2ir2uy3h]

سلام عليكم زكريا أمس علنو نتائج السادس العلمي واختي جابت معدل 98.14 وية الاضافه تصير 99.14 زين هذة المعدل يودية طب عام احنه من البصرة من المحتمل تصير طب عام لو تصير طب اسنان ❤❤ارجو الرد

[@mm-fo3fx]

معلومات مفيدة جداا شكرا كلشش
بس عندي سؤال مهم اذا تكدر تجاوبني عليه رجاءا
بالنسبة لخطابات التوصية من المدارس الثانوية الإيميل و معلومات التواصل بالنسبة للمدرس او المدرسة غالبا اذا مو دائما يكون هو رقمهم و ايميلهم الخاص هل هذا الشي يأثر ؟ يعني لازم يكون الايميل رسمي لو عادي بس يكون الختم و التوقيع موجود و الايميل حتى لو خاص ما يأثر ؟

[@Zakariya03]

عن نفسي بوقتهه سويت ايميل للاستاذ وجان ينتهي بgmail وجدا طبيعي
بس التوصية مال احد دكاترة الجامعة لا هاي جانت ايميل جامعي احسن

[@user-fb5or2zw5r]

بارك الله فيك فديو مفيد🪻
نريد فديو شلون نكتب سي في بصورة صحيحة

[@user-li5cq4ym4j]

زكريا صاررر شيخ 😂😂😂😂😂😂 اكعد وخليك بل فلاحة

[@ayatnabil761]

والبنات شلون بينه يازكريا الاهل مايقبلون وانا شخص احب التطوع

[@user-bb6bb8or3i]

مجتمعنا هيج بعد

[@zohf]

بطل ولله الفيديو اجه بوقته عاشت ايدك

[@hejowooj7522]

هل اكو فرق تطوعيه ما يكون بيها اختلاط او يكون محدود ؟لاني اشوفه مو شي مريح ولا الاهل ممكن يقبلون خصوصا لو كانت بنيه مو ولد

[@BaneenAbbas-em3zx]

اذا الأهل مايقبلون بهيج اشياء شلون راح يخلوج للمنحه

[@hejowooj7522]

@@BaneenAbbas-em3zx اهلي كمثال عادي اطلع منحه لان في اقارب لنا في الخارج ومو شرط بس للمنحه التطوع يفيد للناس الي عندهم خجل أو رهاب اجتماعي ويفيد بالتعيين بالشركات الاهليه وهم الحكوميه يكون اكو مميزات ما يكون السيفي فارغ وهم بعض الاشخاص يشوفه شي ممتع وهم من جانب شي يسكبوا اجر لوجه الله مو شرط الغرض المنحه

[@m.mariam]

فدوة جاوبوني على سؤالي
اني طالبة ثالث متوسط خارجي صارلي تاركه ٥ سنوات ان شاء الله اذا نجحت اكدر اقدم دراسة خارج البلد على الثانويات

[@gameplyer5091]

اكو منحة تركية للثانوية يعني رابع لحد سادس بس تخلص الثالث وشرط يكون المعدل سبعين وفوك

[@m.mariam]

@@gameplyer5091 سؤال اغلب المنح تقبل طلال خارجي + اكوا منح بالدول اخرى للثانوية

[@gameplyer5091]

@@m.mariam والله ماعندي علم بدول الثانية لاكن اكو منحة تركية جرب ابحث بنفسك

[@gameplyer5091]

@@m.mariam شنو طلال

[@gameplyer5091]

@@m.mariamهو مو طالب منج انتي خارجي او لا المهم تكونين موفية للشروط مالتهم واني قاري شروط اغلب المنح ماكو بيه شي اسمه لازم ماتكون خارجي ماموجود هذا النضام

[@khoaha.]

ان شاء الله من انجح من السادس 🎉

[@Oz_16ahm]

عندي شهادات مال مدرسة مال تفوق وغيرها من جنت سجاج 😅 وعندي ايضاً شهادات اخذتها من كورسات مال برمجة وغيرها يصير اخليهن ؟؟ وعادي أتطوع بأي مؤسسة بدون مايعطوني شهادة لان اكو مؤسسة قريبة علينا اسمها مؤسسة التنمية يعلمون حلاقة ويدرسون أطفال وأكثر بشكل مجاني وعندي ثلاث شهادات من الجامع اكدر اخليهن 🗿

[@Maria1998.]

اي يصير ومال التنميه لازم عدك صوره او منشور وانت تسوي هالشي علمود يصير مثل الدليل انك مجاي تهمبل عليهم

[@Oz_16ahm]

@@Maria1998. اوكي شكرا

[@gameplyer5091]

تعرف ابراهيم عادل

[@gameplyer5091]

ادري جبت الشهادة من يم ابراهيم عادل 😅😅

[@Oz_16ahm]

@@gameplyer5091 منو هذا ما اعرفه ؟

[@hussein3p757]

زكريا تكدر تسوينا فديو عن المنحة مال امريكا

[@_black9821]

حط قلب ولك

[@mujtabaaqeel7740]

0:18 كليتنه شتسوي هنا 😂❤

[@_black9821]

واخيراً

[@user-Dr_shahad]

لا اله الا انت سبحانك اني كنت من الظالمين
استغفر الله العظيم❤❤

[@user-nc8ef2px9x]

حرام عليك ما تنزلنا كل سبوع

[@khoaha.]

دكتور بلا زحمه شلون نخلي هيج خلفية للفديو

[@Ljbq]

اليوتيوب تنزل وتضعف قناتك بسبب انك تكطع لذللك فيديواتك ما تطلع الا اذا كان مشترك بقناتك مول مستمر حته اليوتيوب طلعك ترند

[@AloAns-qs5db]

المنحه مال امريكا شلون حصلته وشلون نقبلت

[@saifIbrahem-gf6ke]

زكريا تخيل شغلت الفيديو X2 وانت بالحياة العادية تحجي X2 😂
عاشت ايدك على المعلومات ❤️

[@Zakariya03]

لا ضلعي هنا باليوتيوب اسولف بهداوة وعلكيف مو مثل بالحقيقة 😂😂

[@user-uq9vh5jz8n]

اتمنى اتوطوع بس اكو هواي عراقيل 💔🥲

[@user-cs8vp4hq6c]

❤❤

[@NoorBronz]

زكريا حباب نزل فديو شرح عن اشلون ندز السيفي وشلون نسوي لان مداعرف

[@AbdAbbas-sw7io]

شنو خطاب توصية

[@mm-fo3fx]

شرحه مسبقا بفيديو الوثائق المطلوبة

[@user-uq9vh5jz8n]

لو اني منك ما اتوقف بس اقلل

[@A7MED_151]

طييب أحد يعرف أماكن تطوع بمصر ؟

[@user-uc3qv5qe4j]

بس تتأخر بل نشر الفيديوهات

[@zainaljayashi]

انت چذاب، شو گلت راسلوني علمود منحة امريكا، ونوب حتة ماترد. ههههه يلة گواك الله

[@user-li5cq4ym4j]

هاااتعبان بعدك هاية خرب يومك لحد هذة اليوم اذكر من جبت سائح الجنبي وجبتة لمنطقتكم الحواسم عوف عليه سالفة او ارجع للحراثة والفلاحة احسلك

[@i7tabark]

وشبيها الحراثه والفلاحهه؟شبيكك يمةة الله يهديك بس

[@user-li5cq4ym4j]

@@i7tabark كل شخص وشغلته و شي الي مايكدر علية لا يسوي اني كلت يرجع شغلته وليس استنقاص من شغله اشوية فكرووو

[@i7tabark]

@@user-li5cq4ym4j اتفق وياك مفروض ما يجيب سائح لمنطقته لان بغداد خصيصاً بيها مناطق واماكنن تجنن مفروض يوديها الهم حتئ يكدر عن طريق هذا السائج يجذب بقيه السواح

[@hsgsbeqooqwkwi09]

هواي تظرط انت

[@user-bb6bb8or3i]

تيل بيك وتيل بايران

[@AMJD-hm3vj]

اللي يسمعك يقول عايش في سويسرا مو في العراق قال تطوع قال

[@Kararrrr]

خوية هالاختلاط حرام!

[@adaruhalyutyub3633]

اختلاط بس بحترام شنو المشكله اكو حدود وخاص بالعراق والعالم جاي يطور اتمنى تراجع نفسك 🧐.

[@Zakariya03]

4:31

[@adaruhalyutyub3633]

اوكي انه جنت اقصد على دراسه والاعمال الضروريه .

[@mustafa360]

أحسنت الاختلاط حرام على الأولاد والبنات

[@kzc8]

خويه هوه من أبناء الجماعة يا اختلاط اروحلك فدوه

[@baqirot]

انصح المسلمين أن لا يتطوعون

[@mustafa360]

لماذا ؟

[@baqirot]

@@mustafa360 هذا العمل قد يدخلك بالردة

[@user-ev3or1qb4v]

كلشي ما افتهمت منك

[@baqirot]

@@user-ev3or1qb4v مثال توضيحي
اذا تطوعت في طلاء جدران المحاكم او رسمت اعلام وطنية
فانت هنا قد تدخل بالردة

[@user-bb6bb8or3i]

حتة بهاي تدخلون المسلمين؟

[@jasim2655]

عاشت ايدك

[@bluge4096]

عاشت ايدك

[@user-ic8cu8tj4l]

عاشت ايدك