Ата-ана қадірі. (терме) Ал атаның қадірін айтайын. Ананың қадірін айтайын. Балаға деген ықыласын, Санаға салып байқайын. Туғаныңда қуанған, Дүние малын бұланған, Аман болсын балам деп, Алладан медет сұранған. Жəрдеміңе ай жараған, Қабағыңа қараған, Жолаушы болып ей кеткенде, Сағынып келген даладан. Мін асып атқа міндірген, Жарасар киім кидірген, Қарны ашар деп кəбəк боп, Қасыңа тамақ үйдірген. Ыйығына міндірген, Жерге қимай қоярға, Етегіне сидірген, Алпыс екі тамырын, Əуелден құдай идірген. Мектепке беріп ей жасыңда, Танытып құбыла білдірген, Жыласаң көңілі жүдеген, Қуансаң тасып үдеген. Көркіңе көңілісіп, Алладан өмір тілеген, Əкеңдей құбыла қамқорың, Табылмас мына дүниеден. Мейірбаның ей жан аке, Акеңде өлмес болсайшы ай, Қасірет болып көңілге, Қапа да келмес болсайшы ай. Əкенің қадірін ұл мен қыз, Тіріде кезде білсейші ай. Ай тоғыз ай он күн көтерген, Мехнат тартқан төтеннен, Еңбегіңде ет өлген. Қадірін оның білмесең, Қызметінде жүрмесең, Арамы залым болғаның, Ұрғаны құдай жетеңнен. Жақсылық қылған піріңе, Жамандық қылсаң тіріде, Жазаңды Алла тартқызар, Орын жоқ жəннат мекеннен. Ай аузыңа ақ сүт емізген, Шайнап тамақ жегізген, Осы бір жарық дүниеге, Себепкер болып келгізген. Құйрық шайнап ай май берген, Құндақтап жерде жай берген, Оның қылған қызметін, Түн менен жұлдыз ай көрген. Анаңдай ғазиз мейірбан, Табылар саған қай жерден. Ыңылдап даусың шыққанда, Шықпаған жырақ қасыңнан, Күйзеліп жаны ашыған. Ай қараңғыда жыласаң, Таныған көрмей даусыңнан, Мейріңді суға қандырған, Мехірбан бар ма осыдан. Алла, Пайғамбардан соң, Күл жақын ей досыңнан, Қияметке кеткенше, Өлшеулі өмір өткенше, Көбелектей айналып, Паруана болған басыңнан. Ай ақ етегін сарылтқан, Ерніңе емшек дарытқан, Қарныңа қорек барылтқан, Беліңе батып былғансаң, Желкенбей жуып арылтқан Мұздайда бесік таянған, Жыласаң шошып оянған, Анаңдай қамқор бар мекен, Жаныңа жақын саяңнан. Оның қызмет ісінен, Не болар жаным аянған, Аязды күні айналып, Бұлытты күні бұрылған, Жас нəресте күніңде, Қайрылып келген қырыңнан. Ай Ыстық пенен суыққа, Перзенті үшін ұрынған, Дүниеде құдай жаратқан, Мехірбан қылып бұрыннан, Тар құрсағын кеңіткен, Тас емшегін жібіткен, Ыңылдап жатып ауырсаң, Жарым жасын кеміткен. Айналайын ай дегені, Жан жүйеңді еріткен, Бұл бейопа жалғанда, Анаңда өлмес болсайшы ай, Анасы кетіп қасіретін, Бала да көрмес болсайшы ай, Шер жүрек болып артында, Қала да бермес болсайшы ай, Қапа болып көңілім, Нала да көрмес болсайшы ай, Əр перзентті құдайым, Жетімде қылмас болсайшы ай, Ананың қадірін ұл мен қыз, ТІРІДЕ КЕЗДЕ БІЛСЕЙШІ-АЙ!!! Майлы Қожа термесі.
Ата-ана қадірі.
(терме)
Ал атаның қадірін айтайын.
Ананың қадірін айтайын.
Балаға деген ықыласын,
Санаға салып байқайын.
Туғаныңда қуанған,
Дүние малын бұланған,
Аман болсын балам деп,
Алладан медет сұранған.
Жəрдеміңе ай жараған,
Қабағыңа қараған,
Жолаушы болып ей кеткенде,
Сағынып келген даладан.
Мін асып атқа міндірген,
Жарасар киім кидірген,
Қарны ашар деп кəбəк боп,
Қасыңа тамақ үйдірген.
Ыйығына міндірген,
Жерге қимай қоярға,
Етегіне сидірген,
Алпыс екі тамырын,
Əуелден құдай идірген.
Мектепке беріп ей жасыңда,
Танытып құбыла білдірген,
Жыласаң көңілі жүдеген,
Қуансаң тасып үдеген.
Көркіңе көңілісіп,
Алладан өмір тілеген,
Əкеңдей құбыла қамқорың,
Табылмас мына дүниеден.
Мейірбаның ей жан аке,
Акеңде өлмес болсайшы ай,
Қасірет болып көңілге,
Қапа да келмес болсайшы ай.
Əкенің қадірін ұл мен қыз,
Тіріде кезде білсейші ай.
Ай тоғыз ай он күн көтерген,
Мехнат тартқан төтеннен,
Еңбегіңде ет өлген.
Қадірін оның білмесең,
Қызметінде жүрмесең,
Арамы залым болғаның,
Ұрғаны құдай жетеңнен.
Жақсылық қылған піріңе,
Жамандық қылсаң тіріде,
Жазаңды Алла тартқызар,
Орын жоқ жəннат мекеннен.
Ай аузыңа ақ сүт емізген,
Шайнап тамақ жегізген,
Осы бір жарық дүниеге,
Себепкер болып келгізген.
Құйрық шайнап ай май берген,
Құндақтап жерде жай берген,
Оның қылған қызметін,
Түн менен жұлдыз ай көрген.
Анаңдай ғазиз мейірбан,
Табылар саған қай жерден.
Ыңылдап даусың шыққанда,
Шықпаған жырақ қасыңнан,
Күйзеліп жаны ашыған.
Ай қараңғыда жыласаң,
Таныған көрмей даусыңнан,
Мейріңді суға қандырған,
Мехірбан бар ма осыдан.
Алла, Пайғамбардан соң,
Күл жақын ей досыңнан,
Қияметке кеткенше,
Өлшеулі өмір өткенше,
Көбелектей айналып,
Паруана болған басыңнан.
Ай ақ етегін сарылтқан,
Ерніңе емшек дарытқан,
Қарныңа қорек барылтқан,
Беліңе батып былғансаң,
Желкенбей жуып арылтқан
Мұздайда бесік таянған,
Жыласаң шошып оянған,
Анаңдай қамқор бар мекен,
Жаныңа жақын саяңнан.
Оның қызмет ісінен,
Не болар жаным аянған,
Аязды күні айналып,
Бұлытты күні бұрылған,
Жас нəресте күніңде,
Қайрылып келген қырыңнан.
Ай Ыстық пенен суыққа,
Перзенті үшін ұрынған,
Дүниеде құдай жаратқан,
Мехірбан қылып бұрыннан,
Тар құрсағын кеңіткен,
Тас емшегін жібіткен,
Ыңылдап жатып ауырсаң,
Жарым жасын кеміткен.
Айналайын ай дегені,
Жан жүйеңді еріткен,
Бұл бейопа жалғанда,
Анаңда өлмес болсайшы ай,
Анасы кетіп қасіретін,
Бала да көрмес болсайшы ай,
Шер жүрек болып артында,
Қала да бермес болсайшы ай,
Қапа болып көңілім,
Нала да көрмес болсайшы ай,
Əр перзентті құдайым,
Жетімде қылмас болсайшы ай,
Ананың қадірін ұл мен қыз,
ТІРІДЕ КЕЗДЕ БІЛСЕЙШІ-АЙ!!!
Майлы Қожа термесі.
Керемет
😢😢😢😢😢