អក្ខរាលោហិត : ស៊ីន ស៊ីសាមុត ft រស់ សេរីសុទ្ធា

អក្ខរាលោហិត
(ស) ហូ!.... ហូ!...ហូ!...ហូ!....ហូ!...
ហូ!.... ហូ!...ហូ!...ហូ!....ហូ!...
(ស) ប្រុសបងអើយ! ឱ!ប្រុសបងអើយ
អូនមកដល់ហើយ តាមខសន្យា
លោហិតអក្ខរា ស្រីចារលើស្បៃ
ថារដូវផ្ការីក អូននឹងវិលវៃ
មកជួបមុខប្តី និងកូនសម្លាញ់ស្មើជីវិត
(ប) កែវបងអើយ! អូននៅទីណា?
រដូវផ្ការីក ហើយណាវរមិត្រ
អាណិត បង្ហាញរូបកាយស្រី ឱ្យប្តីយល់ផង
(ស) អូននៅនេះ ទេណាបង
(ប) រៀមសូម បីត្រកង
(ស) មិនបានទេបង អាសូរអូនផងណាពៅ
(ប្រុសពោល) បើមិនអាណិតដល់រូបបង
សូមតែស្នេហ៍ស្នង អាសូរកូន
យំទាររកបៅ ស្ទើរតែសូន្យ
អូនអើយម្តេចក៏ដាច់មេត្តា
(ស) អូនមិនអាច ប៉ះពាល់បងបានទេ
នេះគឺ បញ្ជា ព្រះរាជបិតា
រូបអូន មិនមែនមនុស្សធម្មតា
ទេណាប្រុសថ្លៃ
(ប) បើបងហោះហើរបាន
បងនឹងទៅតាមពិសី
ទោះជីវិតក្ស័យ ក៏មិនសោកស្តាយ រៀមក្ស័យបាន
(ស) ប្រុសបងអើយ! នៅឲ្យបានសុខ
កុំបីស្គាល់ទុក្ខ ទាំងពីរប្រាណ
អូនលា លាអវសាន្ត
ហើយណាប្រុសបង
ដល់ផ្ការីកថ្មី ទើបបានជួបម្តង
លាហើយប្រុសបង អូនលាហើយបង ទាំងអាល័យ
លាហើយ លាហើយ..ណាបង
អរគុណ