#قصيدة_العاق
ฝัง
- เผยแพร่เมื่อ 15 ก.ย. 2024
- #قصيدة_العاق #كلمات_الشاعر_العيد_دبوسي #تلحين_المنشد_خليل_بلعربي #أداء_المنشد_الطاهر_بركات #قصة_حقيقية #قصص_واقعية #قصة_حزينة #قصيدة_حزينة #قصيدة_مؤثرة #قصة_مؤثرة_جدا #العقوق #الوالدين #دويتو #أناشيد_هادفة #اكسبلور #اناشيد #الحج #الدنيا #تيك_توك #اناشيد_بدون_موسيقى #قصيدة
قصيدة العاق الشاعر العيد دبوسي
تـراكم هم كبير ع الـبر وعمم ** تسمـع مغريبات واخـرى تراها
تبـقى من بـعض لَقْصايص تتألم ** تحلف جـازم ما تصدّق موالهـا
ما تخطرش خْلاص عـن بال المسلمْ** لو تبحــث تارخيـنا ما تلڤاها
هاذي قـصه صايرة في وحد الأم ** قصه شـاعت واقعه واسمعـناها
هلكتني خلات ڤلبي يتڤسـّــمْ** شعلت ناري ف لفريسه واعضاها
كي وصلتني بديت في قولي ننظم ** نختصر ف لْقَول نشرح فحواهـا
عجوز كبيرة شافها راعي لغنــمْ ** لاح بعينو شاف غبّار احذاهــا
طرف الغابه حطها واحد وابرم** لا تلفاتـه صد عنها ..خلاهـا
راح الحال وبـاقيه تستنـى ثم** وحين استطولها الراعي ناداهـا
إستـأذن منـها وجـاها متڤدم** وتوقـف منها قريـب وحياها
حـيرتيني ڤالـها شـاهي نفهـمْ ** هاذ الڤعده ما فهمتـش معنـاها ..........
واش لاحك يا ميمتي في ذا لمڤسم** عيدي عني حكايتك من مبداها
إمع الصبحه حطني ولدي واعزم** كاش ما تفكر صالحة راح اقضاها
ناضت تدعي نشاء الله ولدي يسلمْ ** حارت واستـنات طوّل ماجاها
كون امهنـي ڤاتلو لاه تخمــمْ ** ما شكتش خلاص بنهـا ينساها .........
الـراعي فطيـن يعرف ومعلم ** أكسب معلومات منها سقساها
واشي هي نكوتك واش الأسم ** واش من عرش وين هيا سكناها
كبيرة فالسن معديه ياسر من هم ** شيبـها طول الزمـان وعياها
اتمسات بدات لجواو تغيم ** راح الحال وحار كي يدير معاها
في ذ الغابـه غي الذيابه تتلايمْ** حان الوقـت للى تغادر مأواها
ما هناهش خاطرو وبقـى هايم ** حذرها كي عـاد رايح وصاها
هنى نفسو كي اعرضها واتكـرّمْ ** ولما رفضت صاڤ غنموا وداّها
بايـت طول الليل دايس و يخمم ** و يحبر.. كيفـــاه غدوه يلڤاها
ومع الصبحة جا المسكين يهوّمْ ** يتفڤد ف للي البـــارح خلاها .......
في ظنو بالاك عادت للمرسم** ولّ بنهـا رجـع ليهـا واداها
لما وصل وْجـد بقعات مـن الدم ** الڤى فْريسه ناصله من بعضاهـا
جسم مڤسم ما بقى واش فيه يتلم ** و الڤـى كتانـات من حوالاها
وسط امراقه كانهم صوف مبـشّمْ** اذيابه وكلاب لعبت ب عضـاها
المشهد خلاه مجروح محطم** عاد يڤول لوكان غي بت معاهـا
عاد مـندم عاد ع النفس يلوم** متنـوي وعــلاه راح وخلاها
من الصدمة ظن في نفسو يحلم ** عاد يكلـم ف لبهـايم دوّاها
اتشجع وراح خبّـر ع الظالـمْ ** جاب الدرك وجاي عارف مولاها
دارولو ع الباب ڤبضوه المجرم** كشفوا ربي بين عشوه وضحاها
كي سالوه الأمن ولّا يتلعـثــمْ** هدرة خاين داخله في بعضاها
غرّت بيـه شريكتو قـمّر بـاالأم** ڤدمها قربان للـذيـب اكلاها.......
تلوث دمو من المناكر ولا سم** هانت عنو امَيْمتو راح رماهـا
ڤاع الحارة اتزعزعت من ذ المأتـم ** غيم حزن كبير عنهـا غطـاها
هذا الراعي دار مسكين الــي يلزمْ** غـاشي ياسر من خلايق بكاها
الكافر من هول ذا صّدمه حشم ** انّصراني ل مَيْمـتو ما يرضاها
تمنيت نْكـونـلو قاضـي ونحكم ** شمس الدنيا ما يزيـدش يراهـا
لو من أهلي ما انْحـن عـنّو ما نرحم** يڤعد قصة للخاليق تــقراها
بعد عنا يالله هاذ الهم ** وأكرمنا بشفاعـة النبي طاها🤲
تـراكم هم كبير ع الـبر وعمم ** تسمـع مغريبات واخـرى تراها
يرحملك الوالدين بارك الله فيك
😢
يعطيك الصحة ❤❤❤❤
الله يسلمك شكرا ❤❤👏👏👏
جزاك الله كل الخير
@@KikoKhayro-ze6wu
آمين يارب شكرا 🥰🥰🥰
ربي يرحم أمي وأمهات المسلمين وربي يحفض أبي الغالي ويطول في عمرو وربي يهدي كل كل واحد وحدة عاق لولديه أجمل شيء في الدنيا الولدين خاصة الأم لا راحت جرحها ميدوى صعيب فرق الام
شكرا أخي على هذه القصيدة ولله قسمت قلبي ربي يهدينا ويهديهم
اللهم آمين يارب 😢😢😢
😢😢😢
😢😢😢😢😢😢😢😢
سلامت قلبك من الوجع أخي
الله يسعد مساك ورد وياسمين 🎉🎉🎉🎉🎉
الله يسلمك صباح النور والسرور نهارك مبروك ♥️♥️🥰🥰
قصيده جميله جزاك الله خير اخي الكريم
الله يبارك فيك شكرا ❤❤🥰🥰
الله يبارك فيك وجزاك كل خير باكيتنى
😢😢😢😢😢
🌹🤲🤲🤲🤲❤💚💜💖😭😭😭كل الاحترام والتقدير جزاك الله خير
احتراماتي أخي الكريم ❤❤❤
بارك الله فيكاخي في الله صرت مدمنة على قصايدك نصيب فيها مزيج بين راحة وحزن من شدة كلماتها لتاثر عند.سماعها نحب كثير هاذ النوع من القصايد.حنى اكتشفت هاذ الفناة
@@kimsou7459
مرحبا بيك أختي ترحيب يليق بشخصك وذوقك المميز أسعدني مرورك الرائع شكرا 🥰🥰🥰
@@barkattahar
الله يرزقك سعادة الدارين اخي في الله.
Bravo bonne continuation ❤
أحسن الله إليك❤❤👏👏
انها اللهجة الجزائرية الجميله
مرورك الأروع والأجمل شكرا 🥰🥰
قصيدة مؤثرة جدا جزاك الله خيرا
@@samnalo7435
الله يجازيك ويبارك فيك شكرا 🥰🥰🥰
أعوذ بالله من العقوق كبيرة من الكبائر أحسنتم مبدع كالعادةعسى الله ينفع بها عباد غافلة
@@زكريابوزيان-ل3ر
ربي يهديهم ان شاءالله 🤲😥
والله كلام صح 😢😢😢
الله يحفظك شكرا 😥😥😥👏👏
صوت رائع و كلمات مؤثر طاهر بركات . تحياتي لك من الاغواط
تحياتي الخاصة والخالصة لك أختي🥰🥰🥰
جزاك الله خيراً وبارك الله فيك استاذ المحترم❤
الله يبارك فيك شكرا أخي
إحتراماتي وتحياتي لك ♥️♥️👏👏
@@barkattahar شكرا على ردك المحترم
😢😢😢😢😢😢😢
😢😢😢