شيلة صدري من البارح عليل - نواف بن طارد & عبدالله الرزقي 2024 عتيبه متيهت الجهام 🔥

الحسابات الرسمية لـ قناة سعود البقمي
Whatsapp :
iwtsp.com/966502927899
Alfanlink :
alfan.link/saudalbaqmi
_______
إهداء لـ رجل الاعمال
محمد بن مسعد بن سمار
____
كلمات عبدالله الرزقي
أداء نواف بن طارد
..
حتى لو ان صدري من البارح عليل
ينهض ليا مجد رفيعين المقام
والدله الي ماعليها زنجبيل
ماتقطع الفرجه ولاتقطع خرام
نواف ابن طارد عسى عمره طويل
الكل من صوته يردد … ياسلام
احصان وسنافي وستر ام الجديل
المحترم يفرض علينا الاحترام
وسحبت مسباحي وانا ماني هبيل
اغني الابيات والابيات خام
وانا لامن غنيت نقضت الفتيل
الشعر مايسرد مثل سرد الكلام
شاعر واحبك القاف مامن مستحيل
الي على هداج تيما مايضام
اما اتعب بقافً يجي ماله مثيل
ولا بلاش امن التحيه والسلام
سلام والمبدا على الشبر الطويل
الي مواقيفه مع ربعه وسام
لا جيت ابن سمار فـ البيت الظليل
قال ارحبو والجود في ذرو السنام
هذا عدو البخل كساب الجميل
الا كريم ابن كريم ابن كرام
هذا محمد فـ الوغا سيفً صقيل
وان ضاقت الدنيا فهو ذخر وحزام
في مجلسه تلقا النشاما كل ليل
والصف واحد مايجي فيه انقسام
امحمد ابن مسعد الذرب الجزيل
امجمل عتيبه متهيت الجهام
يمناه لامدة مثل وبل المخيل
وقفته رعادً يهمهم فـ الغمام
الي كثير انشوفه ايعده قليل
والعز مثل النور جلاي الظلام
يفداه من هو لايحط ولايشيل
حرً ليامنه تعلا الرجم حام
عتيبه عتيبه مزبنةً الدخيل
تفرك عرام الي على خشمه عرام
قبيلةً تاطا على راس الذليل
وغنا بها الي لابته من روس يام

[@user-cv4ri6yn7f]

مممممبدع 👍🏻

[@user-jm3rl8mk1v]

305 🇸🇦

[@user-ic3nd9rl6r]

ابداع الله الرزقي ❤

[@user-zl5yg6gt6b]

اول💥

[@Ahmadali12399]

😂🎉😂🎉😂🎉😂🎉