Մեր երգերը Մարգարիտ Սարգսյանի հետ - Աշխատանքային երգեր/Սանդի երգեր

«Մեր երգերը և մենք»-ի այս հանդիպումը նվիրեցինք ժողովրդական երաժշտության ամենագունե՜ղ ու գեղեցիկ ժանրերից մեկին՝ աշխատանքային երգերին /ըստ Կոմիտասի` շինական երգեր/: Այս ժանրին են պատկանում բոլոր այն երգերը, որոնք կատարվում և ներկայացնում են գեղջուկի աշխատանքի գործընթացը: Դրանք բաժանվում են 2 խմբի՝ հողագործական և առտնին աշխատանքային երգեր, որոնք ժամանակին ֆոլկլորագետ Մ. Բրուտյանը դասակարգում էր նաև իբրև տղամարդկանց և կանանց:
Հողագործական են կոչվում բոլոր այն աշխատանքային երգերը, որոնք կատարվում են գեղջուկի հողագործական աշխատանքի ընթացքում՝ գութաներգ, որ իբրև ժանր հայտնի է հոռովել անվամբ, կալի երգ, վար, ցանք, սայլի, քաղհանի…
Իսկ առտնին աշխատանքային երգերը կապված են տնամերձ աշխատանքների հետ՝ կով կթել, հաց թխել, բուրդ գզել, հնձվորին հաց տանել, երբեմն նաև երեխա քնեցնել և այլն…
Մեր հյուրն էր երաժշտագետ, ֆոլկորագետ, բանահավաք Մարգարիտ Սարգսյանը։
Երգի բառերը՝
Ու՜, խանե՜, ու, ջանե՜,
Ու՜, խանե՜, ու, ջանե՜,
Ու՜, խիհո՜, ու, խիհո՜, խիհո՜:
Սանդ կը ծեծեմ գարի, ցորեն,
Խանե՜, խանե՜, խիհո՜, խիհո՜,
Խանե՜, խանե՜, խիհո՜, խիհո՜,
Խանե՜, խանե՜, խիհո՜, խիհո՜:
Կեսուր, կեսրար մեկտեղ ուտեն,
Խանե՜, խանե՜, խանե՜, խի՜,
Խիհո՜, խիհո՜, խիհո՜, խի՜,
Խանե՜, խանե՜, խանե՜, խի՜,
Խիհո՜, խիհո՜, խիհո՜, խի՜:
Ու՜շը, ու՜շը, ու՜շը:
«Մեր երգերը և մենք» նախաձեռնության ֆեյսբուքյան էջը՝ / hayerg