HSD Snøggbåtane /// Stord, 1992 - 2002

Ei samling med opptak av HSD / Flaggruten sine snøggbåtar i aksjon ved Stord, i perioden 1992 - 2002.
Følgjande westamaraner og katamaraner er synlege i denne filmen:
00:10 Draupner
00:30 Teisten
00:48 Sleipner
00:57 Draupner
01:21 Tedno (1)
01:32 Draupner
01:53 Tjelden
01:59 Sunnhordland
02:13 Draupner
02:29 Tjelden
02:41 Sleipner
03:24 Teisten
03:52 Sunnhordland
04:08 Draupner/Sleipner
04:41 Tedno (92)
05:18 Tjelden
05:33 Teisten & Draupner
06:16 Sunnhordland
06:29 Draupner
06:51 Sunnhordland
07:14 Tedno (92)
07:32 Draupner, Baronen & Baronessa
08:09 Tyrving
08:12 Tjelden
08:22 Tedno (92)
09:02 Vingtor
09:26 Vingtor & Baronen/Baronessa
09:38 Draupner (99)
09:57 Tedno (92)
10:24 Draupner (99)
MS DRAUPNER & MS SLEIPNER:
Søsterskipa Draupner og Sleipner vart levert til P/R Flaggruten ANS (Det Stavangerske Dampskibsselskab) i 1989. Flaggruten vart så kjøpt opp av HSD i 1992.
Sleipner vart seld til Estland i 1997, og fekk namnet "Tallink Express I"
I 2001 vart båten seld vidare til Malta, der den vart omdøypt til "Panormitis", før turen gjekk vidare til Hellas sommaren 2002.
Sleipner har sidan den tid helde seg i Hellas, og er i skrivande stund framleis i drift som "Speed Cat 1"
Draupner vart på si side omdøypt "Tyrving" i 1999, då HSD investerte i to nye flaggskip med namna Draupner og Sleipner.
Tyrving vart så seld til Taiwan i 2002 og endra namn til "Superstar".
MS TEISTEN:
Teisten vart bygd i 1975 ved Westermoen Hydrofoil A/S, Mandal, og levert som MS Øygar til Øygarden & Sotra Rutelag.
Båten vart kjøpt av HSD i 1986, og omdøypt "Teisten" i 1988. Her opererte den i Sunnhordland fram til 1995, då den vart seld til Fjordving A/S i Bergen og fekk namnet "Starcruise" året etter.
I 2006 gjekk turen videre til Florø der den i eitt års tid opererte som "Losna"
Året etter, i 2007, vart båten kjøpt av Lofotferga A/S i Svolvær, og omdøypt "Alba". Båten er i skrivande stund framleis i drift som "Alba".
MS TEDNO (I):
Tedno vart og bygd ved Westermoen, og levert til HSD som selskapets første westamaran i 1973. Då HSD kjøpte inn ein ny katamaran i 1992 som og fekk namnet Tedno, skifta den eldste namn til Tedno I i ein periode, før den i 1996 vart omdøypt Hardangerfjord.
I 1999 vart den seld til Mørecruise AS, før den i 2004 vart seld vidare til Island og omdøypt "Isafold".
Båten vart til slutt lagt i opplag i 2015.
MS TJELDEN:
Tjelden vart bygd i 1986 og levert som "Anne Line" for Gods-Trans AS.
I 1991 vart den kjøpt inn av HSD, ombygd til passasjerbåt, og omdøypt til "Tjelden".
Solgt i 2008 til Maan sjøfart i Nord Noreg, og omdøypt Maan Dolphin. Primært nytta i samband med kvalsafari fram til 2015, då katamaranen vart solgt og fekk namnet "Sierra Queen", før den skifta eigar og namn på ny til "Ibiscus". Har i seinare tid trafikkert som turistbåt i Middelhavet.
MS SUNNHORDLAND:
Sunnhordland vart bygd ved Westermoen Hydrofoil i Mandal, og levert til HSD i 1975. Båten vart seld til Kroatia i 1999, og har sidan den tid gått som turistbåt under namnet "Broc".
MS TEDNO:
Tedno vart levert til HSD frå Harding verft i 1992, og gjekk i rute for HSD i Sunnhordland fram til 2007 då den vart seld til Istanbul i Tyrkia og omdøypt "Osman Hamdi Bey".
Fekk nytt namn "Esref Jale" i 2017, og er i skrivande stund framleis i drift i Tyrkia.
MS BARONEN & MS BARONESSA:
Baronen & Baronessa vart bygd ved Holen Mekaniske Verkstad, Langevåg, og levert til HSD i 1994. Sistnemnde fekk flytta førarhuset lenger fram, for å bedre sikten til føraren.
Baronessa vart seld i 2005 til Sør Korea, der den vart omdøypt til "Cosmos". I 2007 skifta båten namn til "Angel".
Same år vart Baronen seld til Tyrkia, der den fekk namnet "Seka".
Både Baronen og Baronessa var begge framleis i drift i 2018.
MS TYRVING:
Sjå MS Draupner (1989)
MS VINGTOR:
Vingtor vart bygd ved Fjellstrand AS i 1990, og levert som "Pattaya Express" for Jet Cat Tours i Bangkok, Thailand. Året etter vart den omdøypt til "Jet Cat".
Kjøpt av HSD i 1996 og fekk namnet "Vingtor". Vart flaggskipet til rederiet, før den i 2010 vart seld til Hellas, der den fekk namnet "Puglia Queen L".
I 2013 gjekk ferda vidare til Honduras, som "UCC Cat 1", eit namn som vart med båten då den vart seld til Doha, Qatar i 2014.
MS DRAUPNER:
Draupner vart saman med søsterskipet Sleipner bygd ved Austral Ships Pty. Ltd. i Australia, og levert til HSD i 1999.
Våren 2007 vart den seld til Italia og fekk namnet "Ammari", noko som berre varte eit par månader før båten var seld vidare til Spania og vart døypt til "Espalmador Jet".
Året etter vart båten seld for å operere ved Las Palmas, før den i 2016 vart seld til Kroatia, der den fekk namnet "Krilo Star".
Pr. 2018 var Draupner framleis i drift.