I dergoi SMS-ne e fundit Ervis Martinajt, me pas u vra. Borxhi 100 mije € i Gjin Ndojit dhe...
ฝัง
- เผยแพร่เมื่อ 11 ก.ย. 2024
- Gazetari Elton Qyno ka siguruar bisedave në “SKY”, të zbardhura së fundmi nga SPAK në dosjen “Metamorfoza”, e cila është dërguar për gjykim, Aty del qartë se Gjin Ndoji është vrarë për një borxh prej 100 mijë Euro që kishte mbetur tek Ervis Martinaj.
Një pjesë të shumës ai e kishte luajtur lloto tek Ervis Martinaj, ndërsa një pjesë tjetër e kishte konsumuar tek bizneset e Martinaj.
Për të shlyer këtë shumë, Martinaj i kishte ngarkuar një detyrë kriminale Gjin Ndoj, i cili nuk ka mundur ta ekzekutojë deri në fund. Për më tepër Martinaj, kishte marrë informacion nga burime të tjera se ushtari i tij Gjin Ndoji, kishte hapur fjalë se ishte bërë me Leonard Dukën, me qëllim vrasjen e Ervis Martinaj.
Në dosjen e siguruar nga gazetari Elton Qyno pasqyrohet i plotë mesazhi i fundit që Gjin Ndoji i dërgon përmes aplikacionit “Sky”, Ervis Martinajt.
Në 7 Gusht 2020 Ervis Martinaj, ka ndërprerë çdo komunikim me Gjin Ndoj në “SKY” dhe sipas dosjes ky është mesazhi i fundit që Ndoj disa orë para se të vritej ja ka çuar Martinajt, i cili vazhdimisht ja ka kërkuar 100 mijë euro borxh.
“...Ça bane? Ndoshta ke punët tuaja e s’ke kohë...veç po të shkrujt e para në fund të Tetorit, gjall a vdek më ke njatu me shku në zero me tonat. Çdo gja ashtë anullu nga ana jeme. Lezhë e kudo, veç unë flas për vedi. Do e baj kur të vin e mbara mu se në qoftëse më ka marr kush për ushtar a për kushedi ça ka gabu e do të vin dita për me ja dhan përgjigjen. Kam ardh, kam ndejt njaty 2 muaj si rrihet pa as i lek fitim thjesht biles edhe tu hy borgj tek ti. Kam ndejt për rametlin të parin, dytin i Yllit, si shof na ka hek edhe kontaktin e tretit ty...as jam i pabesë, as nuk kam pritur me u qu në kamb me ardh me ju kur më keni than hajde. Dikush më paska marrë për ushtar e “ok”. Tesh vjen dita me ja kthy përgjigjen...prej teje faleminderit shumë e shumë, ishalla nigjoj mirë për ty...”.
Këtij mesazhi të dërguar nga Gjin Ndoj, Ervi Martinaj nuk i është përgjigjur. Dukshëm sipas përmbajtjes palët janë ndarë përfundimisht me njëri-tjetrin. Kjo pasi Ervin Martinaj këtë kohë kishte vënë në zbatim me Behar Bajrin, ekzekutimin e Gjin Ndojit dhe si këmbim ai do i vriste Behar Bajrit në Tiranë, Kleant Musabelliun.
Në orën 00:02 të datës 9 gusht 2020, Behar Brajoviç ka komunikuar me Edmond Prekën për të organizuar ikjen nga vendi ku do kryhej vrasja. Behari i ka kërkuar Edmondit ta presë në orën 3 të mëngjesit tek rruga ku lidhet Velipoja në Torovicë, pasi do kryej vrasjen dhe do shkojë në këmbë deri tek ura.
Edmondi i ka treguar se do dërgonte dikë tjetër pasi vetë ndodhej në Korçë dhe i tregon se për të shkuar deri në pikën ku kërkonte Behari duhej fuoristradë dhe nuk kalon makina e vogël por ka edhe një rrugë tjetër nga Trushi.
Edmondi ka dërguar një lidhje të tij që në biseda e thërrasin "Zeqo" i cili ka patur detyrë të marrë personat që kanë kryer vrasjen e Gjin Ndojit dhe t'i strehojë.
Denis Brajoviç, në dijeni të planit për vrasjen e Gjin Ndojit, në orën 00:27 ka komunikuar me Ervis Martinajn dhe i ka thënë që nuk do kishte telefon me vete dhe se do dilte në këtë orë dhe Ervisi të priste njoftimin në televizion për vrasjen e Gjin Ndojit.
Pas kësaj Denis Brajoviç rreth orës 01:00 të 9 gusht 2020, ka shkuar për te Behar Brajoviç të cilin e ka njoftuar në SkyEÇ se po shkonte për tek ai.
Behari në 01:33, i ka shkruar Edmond Prekës dhe e ka vënë në dijeni se për 40 minuta kryen punë, ku Edmondi i shkruan: "...ishalla, don zoti i madh..." dhe njëkohësisht lajmërimi i Behar Brajoviç ka qenë që Edmondi të rakordoj me "Zeqon" për të qenë në pikë takim.
Rreth orës 02:00 Denis Brajovic njofton Behar Brajoviç se Gjin Ndojin e kanë përpara me makinë dhe menjëherë Behari i ka shkruar Edmond Prekës se për 10 minuta kryen vrasjen dhe mos të fle gjumë pasi duhet të njoftonte “Zeqon”.
Denis Brajoviç në 02:02 ka njoftuar Behar Brajoviq se ka vrarë Gjin Ndojin duke i dërguar mesazhet: "...kryvi, jemi në Bushat dhe të na presi aty ai, se jemi afër..." dhe më pas Behari ka komunikuar me Edmondin duke e vënë në dijeni që Gjin Ndoji u vra dhe ti thotë "Zeqos" të jetë gati dhe se Denis Brajoviç dhe personi tjetër i paidentifikuar janë në Bushat, pranë Urës.
Në 02:25, Denis Brajoviç dhe bashkëpunëtori i paidentifikuar janë takuar me "Zeqon" më pas siç del edhe nga komunikimet SkyEÇ ku tregon që u takuan.
Behar Brajoviq në orën 02:24 ka njoftuar Pëllumb Gjokën se Gjin Ndoj u vra dhe se tani pret që Ervis Martinaj të kryej vrasjen e Kleant Musabelli, duke dërguar mesazhin:"...u kry, tani presim atë tëndin, atë që deshti ai u kry, Gjinin deshti ai..." dhe Pëllumbi ja ka kthyer: "......ok vëlla, kjoft me zotin, futja gjumit..."
Denis Brajoviq në orën 02:43 i shkruan Behar Brajoviq dhe i tregon se ku e ka qelluar Gjin Ndojin duke dërguar mesazh: "...Gjoks e kry kapedan, mu blloku se dosha me ja gri kryt, se më tha diçka...".
Ku eshte visi sot .
Vetem zoti e di