أواه - حصريًا (2023) اداء-نايف بن قزعان / كلمات-صالح الدوسي
ฝัง
- เผยแพร่เมื่อ 10 ก.ย. 2024
- ( أواه )
أواه من همً لحقني من أعوام
على حبايب وصلهم يتعبنّي
من كثر ما غابوا تجرعت الأسقام
ياشيب عيني كثر ما جرحنّي
الهجر بعد الوصل يشبه للاعدام
وأشدّ من طعنات رمح المطنّي
وأنا ولو طاوعت الأشوار قدام
قصيت ريش الطاير اللي فتنّي
البوم لا يخدعك حتى ولو حام
ما يشبه الشيهان لو يكفخنّي
هذا زمان تطاولت فيه الأقزام
والكفو لا يشره على ما نغنّي
والله لو نكتب مدد حبر الأقلام
ماشاب قاف الشعر لو شيبنّي
لكن من يزرع لخلق الله ألغام
يطيح في شرك الحيّل والتجنّي
والرفقة اللي تشبه أضغاث الأحلام
فارقتها من بعد ما فارقنّي
لا تحسبون الخاطر الشفق منظام
ماهز من شعري ولا حركنّي
حبيت أوضح خانةً بين الأرقام
وأميز أدوات الرجاء والتمنّي
ما كل سلعة تهبط السوق تنسام
البايرة في سوقها يرخصنّي
بعض الدراما روجت دور الأفلام
تخطت الهليوود وانتاج فنّي
أفلام هندية بها الثعل ضرغام
تجاوز الاكشن ولا يبهرنّي
صغت القصيدة حسب وجهات الأحكام
وأخفيت مقصودي ووجهات ظنّي
صالح الدوسي.