t.me/ffhuqq مجلس:- وفاةالسيدة سكينة بنت الإمام الحسين(؏) 📚📚📚📚📚📚 قصيده ثقيله للسيده سكينه عليها السلام ========== مصيبة بت الحسين عليها تدمع العين لجلها الگلب مالوم سكينه ماتت اليوم عليها تدمع العين ========== بنت حسين ماتت يامصيبه مثل عمتها بديار الغريبه ضلت بلحزن هاي النجيبه رادت يحضر حسين ليها يغمض العين لهلها الگلب مهضوم سكينه ماتت اليوم 😭😔😔😭 ماتت بلغرب ويلي عليها محد من اهلها حضر ليها تون وتنوح دوم على وليها تون وتنوح لحسين وخوانه الميامين گضه من الماي محروم سكينه ماتت اليوم 😭😔😔😭 سكينه العالمه عاشت بلحزان شافت من مرار البين الوان دفنت بلطفوف شلون وليان مشت للشام اسيره ياوسفه الاميره عليها نبچي ادموم سكينه ماتت اليوم 😭😔😔😭 مثل وليانها ماشربت الماي شافت ظيم وي عماتها هواي صاحت يازمان شعندك وياي خذت مني حناني وابوي الدللاني وگلبي صبح مالوم سكينه ماتت اليوم 😭😔😔😭 ماتت والدمع لحسينها يسيل محزون الگلب ومهدم الحيل ابو فاضل نعشها رادته يشيل ويرش الگبر ماي چانت امنيه هاي مايرجع الجيدوم سكينه ماتت اليوم =============== المقدمة..(الديباجة) صلى الله عليك ياسيدي ومولاي يارسول الله.... صلى الله عليك ياسيدي ومولاي يااباعبد الله.... السلام عليك يا حسين.... السلام عليك ياعزيزة الحسين ياسكينة =============== القصيدة(الدرج) قَعَدَتْ على قبرِ الحبيبِ سُكينةٌ تشكو إليْهِ بلوْعةٍ وشجونِ أبتاهُ تذكرُ يَوْمَ كُنتُ صغيرةً لَمْ تكتملْ أبتاهُ سبْعُ سنيني ناديتني ومسحتَ متنِيَ حينَها ما كُنْتُ أعرفُ لِمْ مسَحْتَ متُوني ألْيَوْمَ أعرفُ فالعباءةُ مُزِّقتْ بسياطهمْ منْ فرطِ ما جلدوني (المثگل) أنظُرْ أبي..هذي الزنوذَ تورَّمتْ بحبالهم بينَ الورى سحبوني ================ ابوذيه مع نعي للسيده سكينه (عليها السلام) ============== تسعر روحي من راحو يمرها وحيده ومحد من اهلي يمرها وين اليمشي بعلومي ويمرها لبوي ويشرح احوال السبيه ................. ونت سكينه تريد اهلها وتريد شيالت حملها من الحياده ضاع املها ...........😭 وناتها چانت شديده وتگول ابوي اليوم اريده والروح حنت للتريده ...........😭 حنت اونت بت الحسين صوب الطفوف وتربي العين لحگوني صاحت يلمرحلين .........😭 صاحت عليهم ماتجوني ياهو اليغمضلي عيوني هنا اريد الدللوني ..........😭 يابوي ياهيبه ودلالي انه اخلافكم ماعندي والي عگبك تره بلظيم حالي ================ المجلس:- لا حول ولاقوة الابالله العلي العظيم انا لله وانا اليه راجعون... وصفت سكينة بنت الحُسين (عليها السلام) بسيّدة نساء عصرها، تميّزت بكمالها، وأخلاقها العالية، وتقواها العميقة، وأدبها الجمّ، وفصاحتها الفريدة، وعبادتها المخلصة. وقد أشار والدها الإمام الحسين (عليه السلام) إلى مدى تعلّقها بالله بقوله: "وأمّا سكينة فغالب عليها الاستغراق مع الله". (بحار الأنوار، ج 45، ص 88) المصيبة:- آجركم الله.... وقد كان لهذه السيدة المدللة عند الحسين وداع خاص مع أبيها الحسين قبل نزوله إلى الميدان، تقدمت منه ابتاه ضمني الى صدرك.. اخذ يضمها يشمها، فتعالى صوتها بالبكاء هذه السيدة لها مكانه خاصه عند. أبيها وعمها العباس وهذا يوم رحيلها إلى إبيها لكن يامؤلين كل من يريد الموت يتمنى أخوته بجانبه مولاتنا سكينة قد أخذ منها مأخذ فرأغ أبيها وعمومتها وأخوتها وها قد دنت منها المنية وعيونها على الباب في آخر اللحظات تنادي أبا ياحسين أين انت عني الآن عمتي زينب من الذي يغسلني من الذي يشيعني وأنتم تحت أطباق الثرى بين ما هي كذلك وإذا سكن انينها وخدمت انفاسها وفارقت الدنيا حزينة متألمه مكسورة الخاطر.. اين المنادين وا مصيبتاه وا سكينتاه وا حسيناه.... نعي للسيده سكينه (عليها السلام) ======== بتك سكينه اليوم ناحت وتگول روحي الأبو رادت وكت المنيه العين دارت ...........😭 دارت العين الصوب ابوها وتريد اهلها الدللوها وكت المنيه مايجوها ...........😭 وكت المنازع دارت العين ومحد حضر من المرحلين لاخوها لاعباس لحسين ..........😭 ضلت على ابوها نحيله وهم العليها من يشيله شالو اهلها فرد شيله ..........😭 رادت اهلها بساعت اوداع وكت المنازع رادت اسباع الحگ يبوها البتك ابساع .........😭 محد حضرها بساعة الموت ومحد اجه شايل تابوت ضل الگلب للمشو مفتوت ..........😭 رادت أبو يامن يجيبه ويشوف حالتها الغريبه بديرة غرب هاي المصيبه ================ فزاعيه للسيده سكينه عليها السلام ======== تهد الحيل بت المات عطشان سكنه من اهلها تريد دفان ======== وتريد الجنازه اليوم الخوان تهد الحيل والدفان ريته گمر عدنان تهد الحيل وحشه الفاتحه من غير وليان تهد الحيل ومهظومه / احا يلماتت ❤🩹❤🩹❤🩹❤🩹
t.me/ffhuqq
مجلس:- وفاةالسيدة سكينة بنت الإمام الحسين(؏)
📚📚📚📚📚📚
قصيده ثقيله للسيده سكينه عليها السلام
==========
مصيبة بت الحسين
عليها تدمع العين
لجلها الگلب مالوم
سكينه ماتت اليوم
عليها تدمع العين
==========
بنت حسين ماتت يامصيبه
مثل عمتها بديار الغريبه
ضلت بلحزن هاي النجيبه
رادت يحضر حسين
ليها يغمض العين
لهلها الگلب مهضوم
سكينه ماتت اليوم
😭😔😔😭
ماتت بلغرب ويلي عليها
محد من اهلها حضر ليها
تون وتنوح دوم على وليها
تون وتنوح لحسين
وخوانه الميامين
گضه من الماي محروم
سكينه ماتت اليوم
😭😔😔😭
سكينه العالمه عاشت بلحزان
شافت من مرار البين الوان
دفنت بلطفوف شلون وليان
مشت للشام اسيره
ياوسفه الاميره
عليها نبچي ادموم
سكينه ماتت اليوم
😭😔😔😭
مثل وليانها ماشربت الماي
شافت ظيم وي عماتها هواي
صاحت يازمان شعندك وياي
خذت مني حناني
وابوي الدللاني
وگلبي صبح مالوم
سكينه ماتت اليوم
😭😔😔😭
ماتت والدمع لحسينها يسيل
محزون الگلب ومهدم الحيل
ابو فاضل نعشها رادته يشيل
ويرش الگبر ماي
چانت امنيه هاي
مايرجع الجيدوم
سكينه ماتت اليوم
===============
المقدمة..(الديباجة)
صلى الله عليك ياسيدي ومولاي يارسول الله....
صلى الله عليك ياسيدي ومولاي يااباعبد الله....
السلام عليك يا حسين....
السلام عليك ياعزيزة الحسين ياسكينة
===============
القصيدة(الدرج)
قَعَدَتْ على قبرِ الحبيبِ سُكينةٌ
تشكو إليْهِ بلوْعةٍ وشجونِ
أبتاهُ تذكرُ يَوْمَ كُنتُ صغيرةً
لَمْ تكتملْ أبتاهُ سبْعُ سنيني
ناديتني ومسحتَ متنِيَ حينَها
ما كُنْتُ أعرفُ لِمْ مسَحْتَ متُوني
ألْيَوْمَ أعرفُ فالعباءةُ مُزِّقتْ
بسياطهمْ منْ فرطِ ما جلدوني
(المثگل)
أنظُرْ أبي..هذي الزنوذَ تورَّمتْ
بحبالهم بينَ الورى سحبوني
================
ابوذيه مع نعي للسيده سكينه
(عليها السلام)
==============
تسعر روحي من راحو يمرها
وحيده ومحد من اهلي يمرها
وين اليمشي بعلومي ويمرها
لبوي ويشرح احوال السبيه
.................
ونت سكينه تريد اهلها
وتريد شيالت حملها
من الحياده ضاع املها
...........😭
وناتها چانت شديده
وتگول ابوي اليوم اريده
والروح حنت للتريده
...........😭
حنت اونت بت الحسين
صوب الطفوف وتربي العين
لحگوني صاحت يلمرحلين
.........😭
صاحت عليهم ماتجوني
ياهو اليغمضلي عيوني
هنا اريد الدللوني
..........😭
يابوي ياهيبه ودلالي
انه اخلافكم ماعندي والي
عگبك تره بلظيم حالي
================
المجلس:-
لا حول ولاقوة الابالله العلي العظيم
انا لله وانا اليه راجعون...
وصفت سكينة بنت الحُسين (عليها السلام) بسيّدة نساء عصرها، تميّزت بكمالها، وأخلاقها العالية، وتقواها العميقة، وأدبها الجمّ، وفصاحتها الفريدة، وعبادتها المخلصة. وقد أشار والدها الإمام الحسين (عليه السلام) إلى مدى تعلّقها بالله بقوله: "وأمّا سكينة فغالب عليها الاستغراق مع الله".
(بحار الأنوار، ج 45، ص 88)
المصيبة:-
آجركم الله....
وقد كان لهذه السيدة المدللة عند الحسين وداع خاص مع أبيها الحسين قبل نزوله إلى الميدان، تقدمت منه ابتاه ضمني الى صدرك.. اخذ يضمها يشمها، فتعالى صوتها بالبكاء هذه السيدة لها مكانه
خاصه عند. أبيها وعمها العباس وهذا يوم رحيلها
إلى إبيها لكن يامؤلين كل من يريد الموت يتمنى أخوته بجانبه مولاتنا سكينة قد أخذ منها مأخذ فرأغ أبيها وعمومتها وأخوتها وها قد دنت منها المنية وعيونها على الباب في آخر اللحظات تنادي أبا ياحسين أين انت عني الآن عمتي زينب من الذي يغسلني من الذي يشيعني وأنتم تحت أطباق الثرى
بين ما هي كذلك وإذا سكن انينها وخدمت انفاسها
وفارقت الدنيا حزينة متألمه مكسورة الخاطر..
اين المنادين وا مصيبتاه وا سكينتاه وا حسيناه....
نعي للسيده سكينه (عليها السلام)
========
بتك سكينه اليوم ناحت
وتگول روحي الأبو رادت
وكت المنيه العين دارت
...........😭
دارت العين الصوب ابوها
وتريد اهلها الدللوها
وكت المنيه مايجوها
...........😭
وكت المنازع دارت العين
ومحد حضر من المرحلين
لاخوها لاعباس لحسين
..........😭
ضلت على ابوها نحيله
وهم العليها من يشيله
شالو اهلها فرد شيله
..........😭
رادت اهلها بساعت اوداع
وكت المنازع رادت اسباع
الحگ يبوها البتك ابساع
.........😭
محد حضرها بساعة الموت
ومحد اجه شايل تابوت
ضل الگلب للمشو مفتوت
..........😭
رادت أبو يامن يجيبه
ويشوف حالتها الغريبه
بديرة غرب هاي المصيبه
================
فزاعيه للسيده سكينه عليها السلام
========
تهد الحيل
بت المات عطشان
سكنه من اهلها تريد دفان
========
وتريد الجنازه اليوم الخوان
تهد الحيل
والدفان ريته گمر عدنان
تهد الحيل
وحشه الفاتحه من غير وليان
تهد الحيل
ومهظومه / احا يلماتت
❤🩹❤🩹❤🩹❤🩹
مبدعة ام صفاوي كالعادة♥
لاتنسينا من دعواتج🥀🤍
تسلمين خيتي
ام مصطفى استمري بل قرايه أنتي صوتج كلش حلو او أنتي هم حلوه ❤
@@عليعلي-694
تسلمين ورده 🌹
@@am_mustafa-e4kحياتي والله انتي الورده أموت عليج مشتاقلج اهواي
السلام عليك ورحمه الله وبركاته
عشتي اوعاش صوتج ❤
السلام عليكم مله مأجوره عشتي اوعاش صوتج ايوفقج الحسين انشاءالله عظم الله لكي الأجر بمصاب السيده سكينه
@@Pirtm_12
وعليكم السلام خيتي منه ومنكم الاجر ان شاء الله
الحسين يحفظج حبيبتي ام مصطفى
@@زهراء-ل1ض1ث
ويحفظج خيتي الغاليه
الحسين يحفضج انشاء الله ماجوره خيتي❤
مأجورة
ملايه. لقصيده حلوه
هلو ام مصطفى شلونج هسه انتاني المحرم الجاي يجي حته انشوفج ❤أموت عليج ❤
فدوه صوتج أم مصطفى الغاليه ❤
الله يخليج
@@MlppMlpp-o4w
ويخليج عيوني
هلا ملايتي الغاليه اشلون اتواصل وياج محتاجه ملايه تقره قصائدي فضلا وليس امرا
هلو ام مصطفى شلونج مشتاقلج اهواي انتي مو بس ملايه انتي ملاك فدوه الصوتج اموت عليج ❤❤
@@عليعلي-694
تسلمين عيوني
زعلانين عليج شنو هاي الگطعة🌚💔
حيااتي موجوده ان شاء الله، شكرا على سوالج عني 😘
@@am_mustafa-e4k عمري انتي ام مصطفى استمري بالنشر ربي يحفظج ويخليج🙏🏻🤍