King of Ondonga - Tk Fillemon Shuumbwa Nangolo speaking at the 80th Birthday of Cde. Nahas Angula

Tate Omukwaniilwa Fillemon Shuumbwa Nangolo gwOndonga ta popitha aayenda poshituthivalo shomimvo 80 shaTatekulu Nahas Angula pomukunda gwawo Okalumbu mOnyaanya. Tate Omukwaniila okwa li ta popi ita lesha pombapila, oshinima shoka sha pumba pomathimbo ngaka molwaashoka aantu oyendji ohaa vulu owala okupopya ngele oye na okambapila opo itaa dhimbwa shoka ya dhiladhila okupopya. Oshituthi osha kalwa kaantu oyendji, ookuume kaTatekulu Nahas, aanasikola ye aakulu, ookuume ke, aashiinda noonakulonga pamwe naye kombanda nomeni lyoshilongo. Oshipopiwa shOmukokolipresidende osha lesha peha lye komusimanekwa Utoni Nujoma. Omusamane Tatekulu Nahas oye Omunashipundi gwEhangano hali ithanwa mOshiingilisa The Sam Nujoma Foundation. Aapopi ayehe otaa kwashilipaleke nkene Tatekulu Nahas a kondjo nelongo okuza kombanda yoshilongo sigo okonima yemanguluko. Nomundohotola tate Ben Mulongeni okwa hokolola kutya okwa li a pewa omadhina ga yooloka, ngaashi Education for All, Katusha nOmulumentu iha tila sha. Lyahugunina anuwa paDr. Mulongeni okwa li e li pewa kuTatekulu Sam Nujoma molwashoka okwa li a kwatele oonkundathana komeho pethimbo konyala okatokolitho ka popye yo oombulu niikulo oya kala ya tilathana kutya oshike shi na okuningwa po. Onkene Tatekulu Nujoma okwa lombwele Omusamane Angula opo a ye koonkundathana ndhoka dha ningilwe lwombinga ndjiya ya Ruacana. Okwe shi ningi a temeke owala ta popitha aakuthimbinga ayehe te ya kundu ta ningi omashendjo sigo aayehe taa tameke okuyola mo nokuza uumbanda mboka wa li po. Poshituthi mpoka Tatekulu Nahas okwa pewa omagano kaanasikola ye aakulu ye na oshilukadhina aniwa Kafube Group. Omukunda Okalumbu andola kagu li kokule nondjila onene yoteya ndjoka ya zi kOmuthiya yu uka kOndangwa ashike opu na ondjila yi na evi edhigu nokuhinga manga ino adha po, onkene oshihwepo wu ye ko koshihauto shombaki nenge sha yeluka ngaa, opo ito ka dhama mevi ngaashi nda mono aahingi ooyakwetu ya dhama mondjila ndjoka. Okavideo: Kashindi Ausiku

[@bruceleeshindombe9586]

Good wisdom and guidance king and Tatekulu katusha.

[@matthewhangulapaulus4981]

Awesomeness

[@paulussilvanus]

How can one be so good with words ❤

[@nestorgottlieb3020]

Ondonga yetu opo tayikala omua nemuyambeke aakuluntu yandje amuhe koonono