ماجد خضير - كبار الاسامي (حصرياً) | 2024
ฝัง
- เผยแพร่เมื่อ 17 พ.ย. 2024
- إشترك وفعل التنبيهات في قناة المصمم زياد العتيبي الرسمية للحصول على الجديد
ماجد خضير - كبار الاسامي (حصرياً) | 2024
مهداه الى رجل الاعمال : سعود بن متعب بن سوده
كلمات : عبدالله عايد العنزي
اداء : ماجد خضير
تصميم : زياد العتيبي
لمتابعة المصمم زياد العتيبي عبر التواصل الإجتماعي:)
bio.site/Ziyad...
الكلمات :
دعاني هجوسي للمشاعر وجيت مغير
معاني دعتني يمها وجيتها عاني
الاهي وساعدني على طيب التعبير
ابي لا نظمت القاف صح الله لساني
ابي مبدع الفكرة وابي مبدع التصوير
ولا احط بين بيوتها بيت ما ارضاني
شعورٍ يخالجني ولا خالطة تزوير
على ماسكن صدري وما ضخ شرياني
اداير وش المبدأ ومتعبني التفكير
ولافيه حرفٍ بالدواوين ماجاني
ابدل واعدل واسمع الشور ثم اشير
من اعمق مشاعر ياخذ الشور وجداني
كبار الاسامي بسمها اهل العقول تحير
احاول بجمع امجادها بس ما امداني
سلامي سلام الله على هامةٍ بمطير
تردد صدى صيته للاقصين والداني
يجمل فعل يمناه ربعه وجيه الخير
هل المد واهل العد يوم العمر فاني
سلايل سلامة مهلك العير واهل العير
حريب الغريم وحامي الجار والجاني
قبل يطلع الردار واللغم والتفجير
وهو فوق قب الخيل وغبارها باني
يحمي الجهام ويحكم عداه بالتهجير
ويوصل حجيج البيت للبيت مجاني
على سعود ابن متعب تناشت حروفي غير
على ذكر ابن سودة بحوري و قيفاني
معزب مضيف ٍواضحٍ مثل ضلع النير
بناء مجلسة للضيف والجار والعاني
بحي العوالي غرب من شارع التحرير
يوديك قوقل والا انا الطيب وداني
على مرحبا ًواهلاً وعذراً على التقصير
وعلى فقرة المفرود ومفطح الضاني
على مدحه حروفي ماتحتاج للتبرير
ولو كان جدانه ماتعرق بجداني
من جموع عبدالله وانا من عيال الزير
حسبني من اخوانه واعده من اخواني
معرفته زادت قيمة البيع و التاجير
على جيرته كل ابلجٍ يحسد الثاني
ياراع العقار الي تسابق على التعمير
اقديك يوم الله على الراي قداني
ترى مايزيد الارض لو زدتو التشجير
ورصفتو الشارع على فن عمراني
علي الحرام تزيد لاصرت بين مطير
يزيد المتر كنه على الناس مجاني
