Виктор Илиевски, Алумни предавање

На 5 ноември на Филозофскиот факултет во Скопје се одржа четвртото предавање од циклусот АЛУМНИ во коешто д-р Виктор Илиевски говореше на тема: ПЛАТОНОВАТА ТЕОДИКЕЈА И ПРОБЛЕМОТ НА МАТЕРИЈАТА.
Виктор Илиевски е постдокторски истражувач по античка филозофија на Универзитетот во Виена. Претходно работел на Автономниот универзитет во Барселона и Универзитетот во Букурешт. Објавува главно во областа на платоничарската метафизика, космологија и теологија, со особен интерес за проблемот на злото и теодикејата.
Повод за предавањето беше неодамнешното излегување од печат на публикацијата Plato’s Theodicy: The Forgotten Fount во реномираната издавачка куќа Brill.
brill.com/disp...
Предавањето е дел од АЛУМНИ циклусот, во чиишто рамки свои излагања имаат поранешни студенти на Институтот за филозофија, коишто имаат изградено респектибилна меѓународна кариера како предавачи и/или истражувачи на реномирани универзитети ширум светот. Циклусот е во коорганизација на Филозофското друштво на Македонија и Институтот за филозофија при Филозофскиот факултет во Скопје.