សម្តេចតេជោ ហ៊ុន សែន បង្ហាញឈុតសម្តែងក្នុងភាពយន្ត កូនប្រុសក្រោមពន្លឺព្រះចន្ទពេញបូណ៌មី
ฝัง
- เผยแพร่เมื่อ 10 ก.ย. 2024
- សម្តេចតេជោ ហ៊ុន សែន បង្ហាញឈុតសម្តែងក្នុងភាពយន្តកូនប្រុស ក្រោមពន្លឺព្រះចន្ទពេញបូណ៌មី ត្រង់ចំណុចរៀបចំផែនការវាយបន្ទាយប៉មទន្លេបិទ មុនមេញ្ជាការ [សំរេច] ត្រូវរបួស
(ភ្នំពេញ)៖ នៅព្រឹកថ្ងៃចន្ទ ទី២៨ ខែវិច្ឆិកា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បង្ហាញឈុតសម្តែងថ្មីមួយទៀត ក្នុងភាពយន្តកូនប្រុសក្រោមពន្លឺឺព្រះចន្ទពេញបូណ៌មី។ នៅក្នុងឃ្លីបនេះ គឺជាឈុតសម្តែងត្រង់កន្លែងកងទ័ពរំដោះជជែកគ្នារៀបចំផែនការវាយបន្ទាយប៉មទន្លេបិទ ក្នុងខេត្តកំពង់ចាម នាថ្ងៃទី១៥ ខែមេសា ឆ្នាំ១៩៧៥។
បន្ទាយប៉មទន្លេបិទ គឺជាខែលការពារដ៏រឹងមាំមួយរបស់កងទ័ពសាធារណរដ្ឋ ការពារកងទ័ពរំដោះមិនឱ្យវាយចូលក្នុងក្រុងកំពង់ចាម។ នៅក្នុងឈុតនេះ លោកមេបញ្ជាការ «សំរេច» បានរៀបរាប់យ៉ាងលំអិតពីយុទ្ធវិធី ដើម្បីវាយបន្ទាយប៉មនេះ។ មេបញ្ជាការ «សំរេច» ក៏ត្រូវបានអនុញ្ញាតឱ្យដឹងនាំទ័ពក្នុងអង្គភាពរបស់ខ្លួនទៅវាយបន្ទាយប៉មនេះផងដែរ។
សមរភូមិបន្ទាយប៉មនេះហើយ ដែលធ្វើឱ្យមេបញ្ជាការ «សំរេច» រងរបួស ហើយពិការភ្នែកខាងឆ្វេងនៅថ្ងៃទី១៦ ខែមេសា ឆ្នាំ១៩៧៥។
សូមបញ្ជាក់ថា ឈុតសម្តែងនៅក្នុងភាពយន្តកូនប្រុសក្រោមពន្លឺព្រះចន្ទពេញបូណ៌មី ចំនួន១១ឃ្លីបហើយត្រូវបានសម្តេចតេជោ បង្ហាញជាសាធារណៈ។ ឈុតសម្តែងដែលសម្តេចតេជោទម្លាយ ទទួលបានការចាប់អារម្មណ៍ជាខ្លាំងពីសាធារណជន។
ភាពយន្តភាគរឿងកូនប្រុសក្រោមពន្លឺព្រះចន្ទពេញបូណ៌មី ជាភាពយន្តទាក់ទិនទៅនិងដំណើរជីវិតពិតរបស់សម្តេច និងសម្តេចកិត្តិព្រឹទ្ធបណ្ឌិត ក្នុងសម័យសង្គ្រាម លន់ នល់ រដ្ឋប្រហារទម្លាក់សម្តេចព្រះនរោត្តមសីហនុ ព្រះបរមរតនកោដ្ឋ ការរត់ចូលព្រៃម៉ាកគី សម័យកាលនៃរបបប្រល័យពូជសាសន៍ ប៉ុល ពត ការឆ្លងដែនចូលទៅកាន់ប្រទេសវៀតណាម ដើម្បីស្វែងរកកម្លាំងអ្នកស្នេហាជាតិ មករំដោះប្រទេសចេញ ពីរបបប៉ុលពត ការជួបជុំភរិយាសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្រោយថ្ងៃរំដោះ៧មករា ឆ្នាំ១៩៧៩។ ជាពិសេសទាក់ទិនទៅនិងជីវិតពិតរបស់សម្តេចផ្ទាល់ ចាកចេញពីមាតាបិតាបងប្អូនបង្កើតរបស់សម្តេចពីភូមិកំណើត មកស្វែងរកការសិក្សារៀនសូត្រ នៅរាជធានីភ្នំពេញ ការស្នាក់នៅអាស្រ័យជាមួយព្រះសង្ឃក្នុងវត្តនាគវ័ន្ត។
ភាពយន្តមានប្រមាណ ៥២ភាគ។ ក្រុមការងារផលិតភាពយន្តនេះ បានជ្រើសរើសតួសំដែងសំខាន់ៗចំនួន ១០៣នាក់ តួប្រជាជនយ៉ាងតិច ៥០០នាក់ ព្រមទាំងកងកម្លាំង ៥០០នាក់ផ្សេងទៀត ដើម្បីចូលរួមសំដែងក្នុងឈុតឆាកធំៗ។ ភាពយន្តនេះគ្រោងប្រើពេលថតប្រមាណ ១២ខែកន្លះយ៉ាងតិច ហើយការកាត់តដំឡើងរូបភាព និងត្រូវបញ្ចប់មុនពាក់កណ្តាលឆ្នាំ២០២៣ខាងមុខ។
សម្តេចតេជោ ហ៊ុន សែន ធ្លាប់បានបញ្ជាក់ថា ភាពយន្តដែលទាក់ទងទៅនឹងព្រឹត្តិការណ៍ប្រវត្តិសាស្ត្រជាតិនេះ គ្រោងចំណាយថវិកាសម្រាប់ផលិតប្រមាណជា ៦លានដុល្លារអាមេរិក។ បច្ចុប្បន្នថតបានប្រមាណជា ៣០ភាគរយហើយ។ ថវិកាដែលចំណាយថតភាពយន្តនេះ មិនមែនជាថវិកាជាតិនោះឡើយ៕
❤❤❤😍😍😍
ល្អណាស់។
សម្ដេចពុកមានប្រាជ្ញាវាងវៃណាស់
ពិតជាល្អណាស់😲🙏
សុំភាគត
⭐
បងដាក់ភាគផង
🙏🙏🙏
សម្តេចមានយុទ្ធសាស្រ្តល្អក្នុងការរៀបចំកងទព័
គាត់ដេីរតួធ្វេីសម្តេចដូចមែនទែនមុខក៏ស្រដៀង