BE 154 SAI PALINGGAS HO

BE 154 SAI PALINGGGAS HO
Sai palinggas ho tondingku, sai tadingkon ma arsakmu.
Ro ma ho tu hatorangan asa dapot hasonangan.
Ai tarontang ho saonari tu haroan na badia,
Na manggomgom parluhutan, naeng tu ho do maringanan.
Sai ringkoti ma manomu na pangolu ho tondingku.
Na manuktuk do Ibana di roham dibaen hataNa.
Ungkap pintu ni rohamu asa bongot ma Rajamu.
Dok: Ingani ma rohangku, unang be tadingkononMu.
Sai malungun do rohangku, ale Jesus di basaMu.
Tung na tangis do rohangku, na malungun di mannaMu.
Na mauas do tondingku, ale Jesus di mudarMu.
Pinangido ni rohangku, hasasaor tu Debatangku.
Las huhut do angka hitir, rohangkon di na hupingkir.
Simosimo ni panganon, di bagasan parpadanan.
Ai na so tardodo roha, pinatupa ni Jahowa.
Ingkon Tondi Parbadia pabotohon i tu iba.
Jesus holong ni rohangku, dipadoras Ho langkaMu.
Manadinghon hasangapon, mandapothon hajolmaon.
Ai dilehon Ho dagingMu, hangoluan ni tondingku.
Diusehon Ho mudarMu baen hasaean ni dosangku.
Jesus, Ho hangoluanhu, unang so adong labangku.
Lao manganhon parpadanan, unang tung au hajeaan.
Unang so lam huantusi, godang ni pangkaholongi,
Ni rohaM di huriaMu na tinobus ni mudarMu.

[@tedyh.s106]

Mauliate
Tuhan Yesus Memberkati

[@panduanmenyanyikanbukuende8484]

Mauliate godang Amang. Marsangap ma Tuhanta.

[@rikioke-bp3ho]

Klau boleh kasih not nya se kali lah
Biar makin paham

[@PantasSitanggangOfficial]

Selamat natal udakku🙏🙏👍

[@ernitasiagian9396]

Horas....Amang, inang. Mauliate di Ende mu. Gbu