«មុខរបរដាំស្លឹកខ្ទឹម» ធ្វើឱ្យកសិករ ចេម រុន ចំណេញទាំងប្រាក់, សុខភាព និងកេរ្តិ៍ឈ្មោះ

ដំណាំស្លឹកខ្ទឹម លើផ្ទៃដីស្រែកន្លះហិកតារបស់កសិករ ចំណេញបានប្រាក់២លានរៀលក្នុងមួយខែ ដោយមួយថ្ងៃលោកអាចនាំចេញស្លឹកខ្ទឹមធម្មជាតិនេះ៧០គីឡូក្រាម។ ទំហំនៃការនាំចេញស្លឹកខ្ទឹមនេះកើនឡើង ក្រោយពីអង្គការសេដាកបានបណ្តុះបណ្តាលបច្ចេកទេស និងជួយរកទីផ្សារបន្ថែមកាលពី២ឆ្នាំមុន។ បច្ចុប្បន្ន លោក រុន ចាប់ផ្តើមពង្រីកមុខរបរកសិកម្មនេះកាន់តែធំ ហើយបានក្លាយជាកសិករគំរូម្នាក់ ដែលពលរដ្ឋរស់នៅឃុំស្នាយអញ្ជើត ស្រុកជុំគិរី ចាប់ផ្តើមដំណាំស្លឹកខ្ទឹមធម្មជាតិនេះ ដោយយកគំរូតាមកសិករវ័យ៦០រូបនេះ។
កសិករ ចេម រុន បានប្រកបមុខរបរដាំដំណាំស្លឹកខ្ទឹមក្នុងទំហំតូចជាលក្ខណៈគ្រួសារអស់រយៈពេល៧ឆ្នាំមកហើយ។ រយៈពេល២ឆ្នាំចុងក្រោយនេះ ដែលកសិកររស់នៅភូមិដំណាក់ឈើក្រំ ឃុំស្នាយអញ្ជិត ស្រុកជុំគិរី ខេត្តកំពតរូបនេះ ទទួលបានការបណ្តុះបណ្តាលបច្ចេកទេសដាំដុះ និងរកទីផ្សារសម្រាប់នាំចេញស្លឹកខ្ទឹមនេះ បានជំរុញឱ្យលោក ចេម រុន និងគ្រួសារ ចាប់ផ្តើមពង្រីកការដាំស្លឹកខ្ទឹមតាមបែបធម្មជាតិលើដីស្រែទំហំរហូតដល់ទៅកន្លះហិកតា។
កសិករវ័យ៦០ឆ្នាំរូបនេះ បញ្ជាក់យ៉ាងដូច្នេះថា៖ «ពីមុនខ្ញុំរកចំណូលបានតិច ព្រោះដាំជាលក្ខណៈគ្រួសារ។ ប៉ុន្តែបានអង្គការសេដាកជួយបណ្ដុះបណ្ដាល ធ្វើឲ្យខ្ញុំមានទីផ្សារ និងរកចំណូលបានច្រើន»។ ដំណាំស្លឹកខ្ទឹមលើផ្ទៃដី កន្លះហិកតារបស់លោក ចេម រុន អាចសល់ប្រាក់ចំណូល ២លានរៀលក្នុង១ខែ ដោយមួយថ្ងៃលោកបានចែកចាយស្លឹកខ្ទឹមនេះរហូតដល់ទៅ៧០គីឡូក្រាមទៅទីផ្សារនៅក្នុងស្រុកជុំគិរី។ ក្រៅពីដាំសម្រាប់លក់កសិករចំណាស់រូបនេះ ក៏បានបណ្តុះពូជស្លឹកខ្ទឹមសម្រាប់លក់ផងដែរ។
ការដាំដំណាំស្លឹកខ្ទឹមតាមបែបធម្មជាតិ ដោយមិនប្រើប្រាស់ជីគីមីនេះ បានជួយបង្កើនប្រាក់ចំណូលដល់គ្រួសារកសិករខេត្តកំពតមួយនេះ ឱ្យកាន់តែធូរធារ រួមទាំងមិនធ្វើឱ្យប៉ះពាល់ដល់សុខភាពខ្លួនឯង និងអ្នកបរិភោគជាពិសេស។ ក្រោយពីជីវិតជោគជ័យលើមុខរបរដាំស្លឹកខ្ទឹមលក់ លោក ចេម រុន បានក្លាយជាកសិករគំរូម្នាក់ ដែលពលរដ្ឋរស់នៅឃុំស្នាយអញ្ជើត ស្រុកជុំគិរី ចាប់ផ្តើមដំណាំស្លឹកខ្ទឹមធម្មជាតិនេះ ដោយយកគំរូតាមកសិករវ័យ៦០ឆ្នាំខាងលើ។
ដើម្បីទទួលបានព័ត៌មានទាក់ទងនឹងវិស័យកសិកម្ម, ផលិតផលអត្តសញ្ញាណ, ជំនួញខ្នាតតូច និងមធ្យម, បរិស្ថាន និងទេសចរណ៍ សូមចុច Download App «ថ្មីៗ២៥ រាជធានី-ខេត្ត» សម្រាប់ប្រព័ន្ធ iOS: apple.co/2ub9pdj និង Android: bit.ly/2KSe1MB ។ ការផ្សព្វផ្សាយព័ត៌មានទាំងនេះ ក៏មាននៅលើទំព័រហ្វេសប៊ុក Thmey Thmey 25 និង TH-cam Channel: goo.gl/D6xQBv ៕
#Vegetable
#Agriculture
#ThmeyThmey25
--------------------------------------------------------------------
ThmeyThmey News Social Media:
thmeythmey.com/
/ thmeythmey
/ thmeythmeyvideonews
/ thmeythmeynews
/ thmeythmey

[@pheakdeynave7319]

បងនិយាយពិរោះណាស់

[@khmersocial7102]

និយាយបានល្អ ឬនិយាយពិរោះ មិនដូចគ្នាទេ...!

[@ybora9104]

បេីពូគ្របចំបេីងខ្លះៗរិតតែល្អ

[@AhOn-tc5jy]

មានលក់ពូជខ្ទឹមអត់ពូ

[@netdav4257]

ខ្ញុំចង់ទៅរៀនខាងកសិកម្មតើខ្ញុំត្រូវធ្វើម្ដេច

[@khmersocial7102]

Net Dav ចង់ដាំស្លឹកខ្ទឹម ប្រយ័ត្នខូចសម្រស់...!

[@brozin3523]

.

[@ihatovo8047]

I learn it.

[@chhaykim8179]

អត់ក្រាលគម្របជញ្រ្ចាងឫចំបើង

[@torngh9539]

បងញុមចង់ទិញពូជស្លឹកខ្ទឹមចាំដាំលេខទូរស័ព្ទគាត់ផងអរគុណ

[@khmersocial7102]

បងញម ឬបងខ្ញុំ ?