Projekti - Edukimi mediatik - 18 Janar 2025

Shoqata Kulturore "Dituria" filloi projektin me një punëtori të veçantë mbi edukimin mediatik në Preshevë dhe Bujanoc, me ligjërimin e gazetares Dionesa Ebibi. Programin e hapi Koordinatori i projektit z. Blerim Iseni, ndërsa fjalën përshëndetëse e mori Drejtori i Shoqatës Kulturore "Dituria", z.Jashar Salihu.
Përmes diskutimeve mbi nevojën për mendim kritik ndaj mediave, luftën kundër dezinformimit dhe përdorimin e teknologjisë si mjet për arsimim, të rinjtë u përfshinë në aktivitete që synojnë përgatitjen e tyre për sfidat e epokës digjitale.
Një nga pikat kryesore të kësaj punëtorie ishte të ndihmohej një rini që shpesh përballet me mungesë informacioni ose me rrezikun e dezinformimit. Nëpërmjet këtyre ligjëratave, të rinjtë jo vetëm që fituan njohuri të reja mbi edukimin mediatik, por gjithashtu u inkurajuan të përdorin mediat si një mjet ndryshimi dhe fuqizimi. Atmosfera interaktive e diskutimeve i dha mundësinë pjesëmarrësve të ndanin pikëpamjet e tyre dhe të mësonin se si t’i analizojnë burimet e informacionit me sy kritik.
Përkushtimi për të ndriçuar të ardhmen e të rinjve përmes edukimit mediatik është një hap drejt krijimit të një brezi që nuk bie pre e dezinformimit, por përdor dijen për të ndërtuar një shoqëri më të drejtë dhe të informuar.
Ky projekt, i mundësuar nga Ambasada e Britanisë së Madhe në Beograd, përmes Iniciativës Qytetare me seli në Beograd, njëkohësisht ky projekt u fokusua në rëndësinë e edukimit mediatik për të rinjtë në një shoqëri digjitale.
18.01.2025,
Preshevë