Slimane Azem (ayafrukh Ifirelles)

[@akalaberkan]

------ Awalen (Afrux ifirelles - Slimane Azem) ------
Ay afrux ifirelles
Akk ceggεeγ awid ttbut
Ɛelli di tegnaw γewwes
Awi-yi-d lexbaṛ n tmurt
Abrid-ik yedher iban
Degg genni iqerb umecwar
Ɣer *Sidi Ɛabderaḥman*
Lwali i qublen lebḥar
Inn-as i bab n lberhan
Aqlaγ di lγʷeṛba nenṭer
Sellem af leḥbab akken llan
Am assa ncalleh ar nemẓer
Ay afrux ifirelles
Akk ceggεeγ awid ttbut
Ɛelli di tegnaw γewwes
Awi-yi-d lexbaṛ n tmurt
Ɛelli di tegnaw reḥḥel
S yinna truḥeḍ qbala
Ar *Tmurt n Leqbayel*
Ẓuri-tt-id akkʷ s-lğğemla
Idurar akkʷ d swaḥel
Laεzayeb tudder lexla
Sellem akkʷ af wid-nni nḥemmel
Kul yiwen anda yella
Ay afrux ifirelles
Akk ceggεeγ awid ttbut
Ɛelli di tegnaw γewwes
Awi-yi-d lexbaṛ n tmurt
Zwir si *Draa L Mizan*
Ḥewes kra yellan d Iḥuma-s
A-tt-εediḍ af *Izemran*
*Tiniri* tt *Ɣʷezza u Amecṛas*
Ad tefγeḍ s *Agʷni g Iɣṛan*
Lḥara-nneγ rzu fell-as
Sellem af leḥbab akken llan
Xas ad tenseḍ din yibbʷass
Ay afrux ifirelles
Akk ceggεeγ awid ttbut
Ɛelli di tegnaw γewwes
Awi-yi-d lexbaṛ n tmurt
Ay afrux ifirelles
Akk ceggεeγ awid ttbut
Ɛelli di tegnaw γewwes
Awi-yi-d lexbaṛ n tmurt
Kkemmel s adrar n *Ğṛeǧṛa*
Naqel ɛelli d-asawen
S yinna ad qableḍ meṛṛa
*At Wasif* d *Iceṛṛiḍen*
*At Micli* *Tizi n Craɛ*
Akken id mqabalen
Sellem γaf leḥbab meṛṛa
D *Saddatt Igawawen*
Ay afrux ifirelles
Akk ceggεeγ awid ttbut
Ɛelli di tegnaw γewwes
Awi-yi-d lexbaṛ n tmurt
Ḍil akkinna γer *Mayu*
*At Yala* d *Bni Menṣur*
*Tazmalt, At Ɛebbas* *Aqbu*
*Sidi Ɛic, Wad Amizur*
Ḥader wit ttağğaḍ cfu
Ẓuriten akkʷ yelha ttɣafuṛ
S yinna γer *Bgayet* jbu
D *Gguraya* i-εussen lebḥuṛ
Ay afrux ifirelles
Akk ceggεeγ awid ttbut
Ɛelli di tegnaw γewwes
Awi-yi-d lexbaṛ n tmurt
S yenna ḍil-ed s *Ibeḥriyen*
Rrif rrif lebḥar
Dehm-ed *Tamguṭ* aεlayen
*Aaẓaẓgga* d *Bni Yeǧǧeṛ*
*Meqla* d *At Yiraten*
Ɣer *At Yanni* iqerb umcwaṛ
Sellem akkʷ af yeḥbiben
Tzureḍ *Ččix Muḥend u Mʷexttaṛ*
Ay afrux ifirelles
Akk ceggεeγ awid ttbut
Ɛelli di tegnaw γewwes
Awi-yi-d lexbaṛ n tmurt
S yinna zeggr-ed s *Iwaḍiyen*
Ɣur-ek ak εarqen iberdan
*At Aysi* akkʷ d *Iḥesnawen*
Akkʷ d *Wakal Aberkan*
*Tizi Wezzu* d *Balwa* εlayen
*At Wagnun* akkʷ d lğğiran
S yenna dehm-ed *Iflisen*
Awi-yi-d lexbaṛ yellan
Ay afrux ifirelles
Akk ceggεeγ awid ttbut
Ɛelli di tegnaw γewwes
Awi-yi-d lexbaṛ n tmurt
------ Assa d Sed 07 si kṭuber 2023 - akal aberkan -----