مشترياتى من الذهب لمن الذهب غالى مستحيل نشريه الإرادة توحشتكم طليت عليكم ،ايا نحكيلكم كيفاه تقدرو

مشترياتى من الذهب VideoGuru:videoguru.page...

[@imanetouahria3850]

صح الدهب مليح لكن مشي لدرجة تقعدي على الحسيرة ! على الاقل اشري تابي tapis على حساب النضرة حارمة روحك على جال الدهب

[@oumritgebatniya]

شتى ملقيتش التراب سينو رانى قعت عليه لانو من تراب الى تراب والحمد الله على نعمه الحسيرة

[@imanetouahria3850]

@@oumritgebatniya كل واحد و تفكيرو ربي يدوم النعمة ان شاء الله

[@oumritgebatniya]

اكى قلتيها

[@meriemmimi9778]

عندنا 10 طابيات في الدار ونقلق نحطهم مدابيا نحط حسيرة ونحطها صح هكدا تتنفض بالخف وساهلة للغسيل ....ها هي موش معناتها معندهاش طابي

[@sisabel-l8d]

عندك لحق حبيبتي وله عينا كلش. غلي والرجل مشحاح لله لمستعن

[@sissarahaf969]

عندك الحق انا بكري خبيت وشريتو اليوم كي زوجت بنتي لقيتو درتلها و مخممتش خلاص على الذهب وحمرت وجهي وجه راجلي ودرت لبنتي الذهب في جهازها خير من لي عندهم ولاباس بيهم والحمدالله

[@trezhffs9489]

واش تلمى حنا لمعيشة رانا حاصلين و الراجل كيعود ميمدش فرنك مين تلمي والله كرهنا عيينا ندنقو غير بالعين

[@kimarima4088]

ديري مشروع ليك الخاص تعلمي حرفة فيدك وديري الذهب الحالة ماشية وتغلى وتحتاجيه

[@oumritgebatniya]

احكميه بالسياسه برك

[@Sarah-bx9cf]

الي تعول تلم والله غير بالألف فرنك وتلم أنا وحدة من الناس الي كنت نشري غير الغالي والماركة والماكياج الغالي تاع الخارج والريحة تاع سيفورا غير بتلت ملايين على الهوى جيت وحد النهار اتخاصمت مع زوجي قلت واش نلم الحوايج الغاليين واش ندير بيهم والماكياج الغالي واش ندير بيه والعطور الي ضيعتهم فالهواء أنا في الواقع بابا كان داير لي الذهب الحمد لله ولكن تندمت على الملايين الي ضاعوا فالهواء والريح فقررت ان اجمع ونحط دراهمي في الذهب فقطعت الماكياج وبديت استعمل الطبيعي الي أنا نصنعه في البيت والماسكات الغاليين بدلتهم بالوصفات الطبيعية غير العسل والبيض وقطرات الليمون ونرش على وجهي ماء الورد اما مزيل العرق فصنعته بيدي والحمد للله مايديرش الامراض وطبيعي وحتى الكحل وليت نصنعه وحدي وتعلمت كيفانش نصبغ شعري وحدي بالبيت ووفرت على روحي مصاريف بالملاييين اما الملابس الحمد لله عندي مايكفي وليت نشري غير الضروري المهم تكوني أنيقة وجميلة طبيعيا وبديت نشري حبات ألويز هم احسن استثمار وان شاء الله كي نلم مبلغ معتبر نبيعهم بعد مرور سنوات ونشري سكنة ونكريها ويولي عندي مدخول شهري لانني لا اعمل والي اتقول الدراهم مايتلموش والله غير من الصرف تاع سروال زوجي الي مايعيرهمش اهتمام وليت نلم ونجمع والحمد لله هده نصيحتي للبنات الصغارات ماتضيعوش فلوسكم على الكماليات الفارغة ولكن بالنسبة للغذاء ماتحرموش انفسكم من الاكل الصحي وحبسوا هداك اكل الشوارع الي يهلك الجيب والصحة والله غير وجهكم يصفى وريحتكم تزيان وجسمكم يتعافى ❤

[@oumritgebatniya]

كم انت رائعة

[@Sarah-bx9cf]

@@oumritgebatniya حبيبتي ربي يحفظك 🤍🤍🤍🤍🤍🤍🤍🌹🌹🌹🌹🙏

[@djamilabourekoum1796]

انا تسرقت قبل العرس بشهر خليت زعم عسة زوجت وليد او بنتى منقدرش مربرتى كان كلش مرزرفى شعر او نهبل درو ما عندى مزية ناس الخير او كاين اعندهوم او مشافوش فيا ادعولى ربى اعوضنى على خطرش ولادى يتامى

[@oumritgebatniya]

كاين ربي متخافيش

[@soundesbenhlel7868]

وشراكي تقولي يرحم والديك ما فهمت منك والو تلفتيلي مخي

[@mouhamdmouhsn874]

بصحتك اختي عقبال ما نخلف دهبي دعوى معايا دعوة اربعين مستجابة

[@عبدالوهاب-ص3ر]

تلبسي بالصحة والهناء والله ياأم ريتاج رانا لمعيشا غاليا ربي يعطينا الصحة برك ماي الذهب راه غالي اللي دارو بكري ليكور تاع لولاد والرجل يطيح ونوض وأنا ندير الذهب ❤❤❤❤

[@samirasahraoui2237]

بصحتك كيما قلتي ونستعرف بيك حسن التدبير والراي والارادة تخليك ديري عجب وزيد الحوايج واحد يشري قيس قيس ماشي شرط يدكس الخزانة ويرشاو وتاكلهم ميديتي.بصحتك حنونة

[@samibosana548]

‏والله يا ام ريتاج عند الحق واش راكي تڨولي درتيلي الڨلب لعود ندير كيفك كثر خيرك ربي جازيك كل خير ام شمس

[@oumritgebatniya]

ربي يسرلك

[@djamila_j]

لا لا اختي راكي غالطه امي. ربي يرحمها كانت تقولنا. اشريو الذهب وخليكم من القش اطيح بكم ولا يمرض الواحد تبيعي الذهب بصح القش واحد ميشريه عليك دوري دوري تمديه يعني الذهب كي شغل خبيتي السوارد

[@oumritgebatniya]

عندك حق

[@حبيبيرسولالله-س3ت]

ام رتاج انت من الناس لقلال لي مازالت فيهم النية تاع بكري عليها نموت عليك ولي تتبعك وتدير بنصائحك تنجح.ربي يباركلك في رزقك وينجحلك وليداتك وتفرحي بيهم.حنا في باتنة مازالو تاع الابتدائي في الامتحانات حتى للخميس ويكملو

[@خليلبادي-ش7د]

الذهب غالي ياسر منقدرلوش الله غالب المرأة الفحلة الي تقدر تشريه

[@NorNo-r2r]

والله يااختي عندك الحق انا ذهبي خدمت بيه داري وكيما يقولو ادهب زينة وخزينة اختك من عين صالح

[@oumritgebatniya]

شكرا حبيبتي

[@sihamlabsi8054]

اييهويا ام ريتاج وين راهم يامات الذهب لي كنتي تحفزينا وتشجعينا نشرو درك وليتي غير مع الدوار والبنيان خسارة

[@SadiRaouf]

احبك في الله والله يا اختي دعيتلك في مكة ربي يعطيك عمرة يارب وادعيلي نرجع ليها مرة اخرى يارب

[@founounOMadem100]

كلامك في صميم ناكلو دورو ونخبيو دورو لزمان دنيا دوارة قلوها اجدادنا وامشيو بنصيحة جيك حاجة على غفلة متلقاي حتى واحد تلقاي واش مخبي حبيبتي وراني مجربة جازو عليا يامات حتى العمل مكاش باش نشري الخبز مكاش لقيت الا ذهبي والحمد لله بعت ووكلت أولادي وممديت يدي لواحد والان الحمد لله وراني نلايم ونعاود نشري ذهب لفقدتو ربي يعننا اجمعين

[@oumritgebatniya]

برافو عليكي يا الحبيبه انت رائعه جدا وكلامك صحيح وفاهمه وقاريه،💪🌹🫂

[@الغاليرحمهالله]

ياعمري شعال نبغيك ونبغي هدرتك شابة ماشاء الله ياساجية وقافزة. ربي يفرحك من وهران

[@HafidaHafida-b8e]

والله كنت نتبعك من زمان وبفضل نصائح نتاععك شريت دهب وفي الشدة لقيتو لمهم ممديتش يدي شكر لكي علا النصائح

[@yasminayasmina7028]

بصحتك حبيبتي. و خليكي من. حقد نفوس تقول يبيعو في الهدره و بكرى و بكرى حتى بكري ما عندهمش و الي حب يدير ربي يرزقو

[@KarimKarim-pi5tc]

بالصحه ليك ياغالية ❤ أنا راني ندمانه وش كليت صوارد نلمهم ونروح لسوبيرات نشريهم تفاهات نحلف نقول منعودش حتى نلڨى روحي عودة نفس المشكل مدرت والو كترينا مالفديوات هدما يا أم رتاج أنا نسمع نصايحك متأكدة نتبدل ونجي لهنا ونشكرك ياغالية على قلبي❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

[@حكيمةزڨادة]

اول تعليق صح والله العظيم الدنيا هذي تخطيك صحتك وذراعك لا تلقاي حتى واحد ادعولي ربي يفرج عليا

[@firnaldmondivo5214]

سلام صح عندك حق انا لمهم نخرج نشري ماعن وروح حكينا علي كرطونة رمضان وبيت لخزين

[@oumritgebatniya]

وعليكم السلام ورحمه الله تعالى وبركاته

[@fatimazohra8960]

متابعة نتاعك من سيدي بلعباس فاطمة نبغيك ونموت عليك هدرتك حلوة

[@مرام-ن4ه]

سلام لحنينة بصحتك ربي اباركلك فيه انا الذهب اللي دارهولي راجلي واللي جبتو من دار بابا كامل بعتو على جال السكنة والحمد لله

[@oumritgebatniya]

وعليكم السلام ورحمه الله تعالى وبركاته يا الحبيبه ،نرمال مش فالندامه

[@fofatoucha8931]

الحياة آخرتها موت ....عمري لا نحرم روحي من حاجة قادرة عليها ....نوكل ...نشرب ....نلبس بالموجود
والذهب مانيش من محبيه .....ربي يعطينا الصحة

[@oumritgebatniya]

اعلم لكن لاتخطىء الذهب والمال مذكور فالقرأن خلقو الله وقالها الله لاتساهينى به ياأختى لانو سند بعد لاب

[@fofatoucha8931]

@@oumritgebatniya كل واحد وكيفاه يشوف في الحياة
إذا كان موجود الذهب مرحبا ....أما باش نحرم روحي و نشريه لالا ......هكا يا لحبيبة الغالية 💖💖💖💖❣❣❣❣نعيش اليوم بيومه وفقط ...

[@Dasarinloo]

اختي ريتاج شكرا على المحتوى، الذهب راه في ارتفاع جنوني لي عندها دراهم في يدها غير تشري.

[@oumritgebatniya]

شكرا حبيبتي

[@mouatazmouataz169]

بصحتك أم رتاج عقبالنا وربي ينجح وليداتنا حنا مزال مع الإختبارات حتى لخميس الجاي

[@oumritgebatniya]

وين بلاصة انت يا الحبيبه

[@founounOMadem100]

حتى حنا مزال حتى لخميس الجاي ربي ينجحهم

[@mouatazmouataz169]

@@oumritgebatniya سطيف خلصو غير تاع الثانوي والمتوسط الإبتدائي مزال

[@قمر.نور.اليقين]

عندي. تقريباااا. عام. شريت وحدة. قرازيلا. تاع الطاليان ذهب. ابيض و احمر. ب ثلاثين. مليون. وراهي. محطوطة. مالبستهاش. خلاص. للاسف. 😢 راني. ناوية. اذا كتب. ربي. ندير. عمرة. ادعولي. نبيعهاااا. و نروووح. الدنيا. هادي. حاجة. ما. تضمنيهاااا غير. وش. خبينا. للقبر. ربي. يعاونك. ام. ريتاااج. و بصحتك. حبيبتي ❤

[@oumritgebatniya]

كلامك صحيح ورائع جدا ربي يكملك يارب

[@HayatLoucif]

تحية طيبة اختي ربي يقدرنا علي المعيشة الوقت صعيبةبصحتك وربي يحفظك

[@bensouikiasma659]

يا هندة اختي كيفاش تحبينا نديرو ذهب وحنا بلاشهرية انت عندك اليوتوب وقناتك دخلي منها ربي يزيدك اما حنا منين ياحصرااااا😂 ربي يرزق كل محتاج

[@Oumchahachnad]

أم ريتاج انت وصلاتك عند ربي. وراكي ممتازة تعرفي كيفاه توصلي الفكرة وكيفاه تقنعي الناس. لكن هذا المرة غلبوك المتتبعات 😅. الناس راها ياحليل. ربي يرزق كل محروم. اختك أمة الله 😊

[@oumritgebatniya]

لا لن يغلبنى أحد لانو كل واحد وضروفو وانا غير نوعيهم لانى فت بالتجربة نمدها لغيري وأجرى ،لى الله ،

[@Oumchahachnad]

@@oumritgebatniya يا أختي ربي يعاونك. ما قلنا والو. راني نحبك يا أم ريتاج. ساعة ساعة نحب نڨصر معاك 😌

[@mouradhafid4016]

تلبسي بالصحة شكرا على نصيحة حبيبتي ❤❤❤❤❤❤

[@بدايةجديدة-ج1ظ]

شكرا اختي على هاذ الفيديو الرائع كثريلنا من الفيديوات نتاع الذهب حبيت نسقسيك على السنسلة شحال شريتيها

[@Mouninouni-u2n]

و

[@oumritgebatniya]

شكرا حبيبتي الغاليه

[@نضالعبدالمجيد-ه6ل]

صح الانسان ميحرمش روحو وميسيبش طول شوي شوي

[@maafaRima-nm6ik]

شحال توحشتك والله راكي في بالي ندعيلك بالخير ديما مكانش عندي تليفون قعتي غير انتي في بالي وزيد في بالي ذهب وراني لميت وراح نشري إن شاء الله ربي يوفقك

[@oumritgebatniya]

ربي يحفظك ختى العزيزة شكرا

[@AmiraBouazza-m7e]

انا راني كارية نحير غير في كرية نشاء الله ربي يرزقنا السكن انا والله غير بعت سنسلة وشريت بونكات لولادي كانو يرقدو في الارض وجهزتلهم شمبرتهم هذاك هي سعادة تاعي الله غالب ياختي ولي يقدر علاه ربي يعاونو صح روتين تحفيزي وبصحتك

[@salihsalih3497]

ربي يقدرك الكرا يعري

[@AmiraBouazza-m7e]

@@salihsalih3497 انشاء الله ختي

[@rabahize8819]

نحبك ونموت عليك حبيبتي ديما نتفرج فيك وتمديني دائما طقا إجابية مشاء الله

[@oumritgebatniya]

شكرا حبيبتي الغاليه

[@rayansmadi-h6n]

شكرا نصائحك قيمة ستفدنا منهم بزاف مزيد من نجاح وتالق انشاء قناتك توصل للمليون مشاهد تقدميلنا يوميا انسان بسيط شكرا جزيلا 😘😘😘😘😘

[@Nourelhoudaseghi]

ام ريتاج شكرا حبيبتي بالمناسبة حبيت نخبرك على نيروز راهي مدايرا قناة اسمها قناة نيروز على التيكتوك❤❤❤❤❤❤

[@oumritgebatniya]

شكرا حبيبتي الغاليه شكرا جزيلا لك

[@Nourelhoudaseghi]

نحبك ونموت عليك يا هنودة انت قدوتي ومثلي للاعلى

[@ahmedtebb6915]

سلام يالحبيبة بالبرك الدهب ينفع لشدايد شكرن على النصاىح بارك الله فيك وتلبسي بصحتك❤❤❤

[@rayanebach4496]

انا جهدي نشري روبة نتاع 100الف وقرعة ريحة نتاع 15 الف نخمملك في الذهب 😵‍💫😵‍💫

[@oussamamddz04]

كثر من حالتي ههههه ربي يرزڨنا من بابه الواسع

[@bensmail4374]

شتي عنبالك هدرة جي باطل 😂

[@rayanebach4496]

@@oussamamddz04 امين يارب اختي

[@MamatMancef]

انا مية تاعي منشوفهاشش وزيد مسوري وحتى لمنحة مطارتليش

[@معادمعتز-د1ض]

يعطيك الصحه حبيبتي درتيلي قلب على الذهب من بكري ملي تجوزت وأنا متمنيا نشفق وندير الذهي على جال بابا زوالي فلوكه مدرهاليش غير لي جابلي راجلي برك وضرك بربي إن شالله نلم ونشري سلسله ونديرها حتى أنا في رقبتي قدام الناس

[@Nadayan123]

ربي يعطيك من فظلو يا رب❤

[@ودادوداد-ق4ح]

ربي ايوفقنا كامل ونديرو الدهب انا منلبسش على جال باش نشري حاجة تاع ادهب

[@Mimounazim-k9s]

تهبببل السنسلة ما شاء الله رايعة عجبتني بززاف

[@zoulikhaterich3102]

الله يعطيك الصحة حبيبتى والله يوفقك انا شريت سنسلة كيفها بصحتى الله يعاونك

[@ChamsoChamsoo-ox4mz]

بصحتك يا أم ريتاج شكرا على النصائح بصح والله في عمري 33 والله العظيم ماندي الشهرية تاع تبون كان يدي فيها راجلي مدة 9أشهرومباعد نحاوهالو كي رحت باش ندير أنا قالولي بلي كان راجلك يدي فيها ناعندنا واش نديرو والله ملقيت كيفاش ندير ماعندو والو لا شهرية لاريجيستر وأنا ماكثة في البيت ما عندي حتى حرفة نطمع غير في ربي وفي بابا ولا راجلي كي يكون عندو أنصحني كيفاش ندير رحمة على باباك في قبرو أم شمسو ❤❤❤❤❤❤

[@oumritgebatniya]

السلام عليكم ورحمه الله تعالى وبركاته يا الحبيبه ،شوفى أخدمى اي شيء يدخلك المصروف اي مشروع صغير المهم تصرفى على روحك والقسم فيد ربي متيأسيش،درى كروكى وبعي للحوانت،والقهاوى

[@meriem-fz6ik]

يا اختي على حساب مافهمت تقدري ديريها عاودي خدمي دوصيك وشوفي ماتقطعيش لياس

[@وردةاليسمينوردةاليسمين-ه9س]

ربي يفرج علي كل. وحدة. و يفرحها. نشالله

[@MamaMimi-b4n]

ياختي لمعيشة ومناش لحقينها واش يخبي الانسان خليها على ربي وخلاص طبيبة ومارحتش ليها راني في عام من قلت الشي

[@oumritgebatniya]

ربي يرزقك يارب وتفرحى

[@MamaMimi-b4n]

@@oumritgebatniya امين ربي يحفظك ويسعدك

[@fadiadid]

الدهب تاعنا ماشي شباب انا تزوجت للشاوية عايروني ماجبتي والو جبت قرايتي وخدمتي ودرت القلب كل خطرة نشري حاجة خرجتلهم قلبهم فقستهم كلبات تحيتتي ماغربة

[@oumritgebatniya]

اهههعه نستعرف بيك

[@ayanabilel5833]

اللي داخلين منحرمش روحي ومنحرمش ولادي و و و علاه داخلين للفيديو تع لمرا عجب

[@souhilasouhila8331]

والله غير دوخو العبد دارت فيديو شكون يتفرجو حنا يعني بينا راهم طالعين وحنا نمدو راينا مليح قبيح تتقبلو واللي ماعجبوش الانتقاد يقفل قناتو

[@oumritgebatniya]

علاه نقفل قناة تفضلى،بكل احترام دون كلام بذئ

[@oumritgebatniya]

لاتهتمى غاليتى

[@chamsodino-xq8np]

والله عندك الحق يا اختي والله غير نصائحك من ذهب

[@Saadabordji]

درت الذهب بكري لكن بعتو على سكنا دورك بغيت نزوج بنتي راني حاصلة رآه غالي بزاف ما معرفتش منين نبدأ آلله يجيب الخير

[@SoumsoumSoumsoum-mm2iu]

بصحتك يهبلوا ، يااختي انا الحمد لله عندي ذهب نديرو يوميا وكاين تاع مناسبات مخبياتو ، ربي مارزقنيش وليدات رجع يبانلي بلا فايدة ماعندي لمن نخليه، مرات نقول نبيعو ونحوس بيه ومرات نقول نخليه ماعلاباليش واش كاين منا وجاي

[@oumritgebatniya]

ربي يرزقك الذريه الصالحه عاجلا غير اجلا يارب خليه والله تلبسيه لبنتك اول ماتزيد وتفرحى وتتفكرينى اشفاي،🫂🫂🫂🫂

[@SoumsoumSoumsoum-mm2iu]

@@oumritgebatniya اللهم آمين يااارب ، ياريييت ربي يفرحك ويرزقك قد نيتك

[@user-nu1ft9rh4p]

بصحتك شحال ميزان السلسلة بالموتيف

[@sisabel-l8d]

انا مليوم مشترك معك رني نليم نشري سلسلة اخشن شويا من تعك يعن حبة لقهوة شحل شرتها ختي ربي يخلك جوبيني اختك من بجاية ❤❤

[@oumritgebatniya]

ربي يعينك يا حبيبتي ،والله نقعد نحوس على البو

[@djoullenejoujou9364]

يا ام رتاج مستحيل بعد مع الغلاء لي رانا فيه ذهبنا ورانا نبيعو فيه خاصة لي ممراضة وعندها ولاد ممراضين يروحو غير دوا شكون لي بقا يشري الذهب والقش والماعن هات نلحقو للمعيشة برك والله المستعان

[@oumritgebatniya]

ربي يشفيك ويشفيهم يارب

[@djoullenejoujou9364]

@@oumritgebatniya اللهم امين ربي يعيشك

[@hanonaalilo1117]

منيش مالفة نكومونتي بصحتك تلبسيهم بصحة بغيت نسقسيك شحال سقامولك سنسلة و لموديفة مهتمة

[@oumritgebatniya]

شكرا حبيبتي السعر كما تحبي على حساب درهمك

[@saraSara-ir7og]

ختي تقدري تقولي شحال ادير لويز مستعمل و تقدري تنعتيلي لبيجوتري لي في باتنة تعيشي

[@louaikheb2982]

بصحتك لعقوبة لحاجة خلاف والله نحاول نخبي ونشوف بلاك نقدر نشري كاش حاجة خاطرش انا ذهبي بعتو وادا قدرني ربي نرجع بالحاجة❤❤❤❤❤

[@bensmail4374]

حنا طبيب ملحقناش عليه نشريو ذهب 😊يشريه غير للباس بيه لعندو ماليه الوحو فبه

[@oumritgebatniya]

ربي حنين كريم

[@saralekhan8623]

ليك وحشة حبيبه ربي يسعدك ويفرحك كيما يفرحنا صوتك ❤❤

[@oumritgebatniya]

يا وينك يا الحبيبه وينك وين غبتى ع
ليا

[@الواثقةباللهالواثقةبالله-ق8و]

ياام ريتاج حبيت نشري سنسلة كارتي نتاع 8ملاين. انصحيني وش من ذهب نشري نتاع دزاير ولا نتاع طاليان خير .

[@oumritgebatniya]

طليان

[@fatouch259]

Azul.oum.rtge.mabrouk.a3lik.nchallah.❤❤

[@oumritgebatniya]

شكرا حبيبتي

[@_hadil_]

بصحتك ام ريتلج السنسلة وحدها شحال فيها من غرام وشحال خلصتيها❤❤❤

[@nourelhouda3505]

سلام عليكم أم ريتاج نصائحك من ذهب ربي يوفقك في مسيرتك

[@oumritgebatniya]

شكرا حبيبتي

[@oumritgebatniya]

وعليكم السلام ورحمه الله تعالى وبركاته

[@maafaRima-nm6ik]

بصحتك وربي يزيدك من خيرو يا رب نقولك غير صاحبت القلب الطيب ❤❤

[@oumritgebatniya]

شكرا حبيبتي

[@mimimimi34]

انا نعشق فالدهب حزة كي نحتاج نبيع. و وربي يطول عمري باه نبيع و نشري دار❤

[@oumritgebatniya]

ربي يرزقك يارب

[@AbdelmalakBouafia-w3z]

صح عندك الحق بصح لمعندهاش شهرية انا والله والله عندي ٣اولاد عايشة بشهرية عمي تبون

[@oumritgebatniya]

ربي يعينك يا الحبيبه

[@souhilasouhila8331]

يا اختي ذهب اللي دار دارو بكري اما ضرك مانروحش نحرم روحي وولادي على جال قزدير لوكان غير جاء ذهب نصو مغشوش نوكل ولادي مليح نلبسهم مليح نحوسهم ونرقد هانية نعيش حياتي لانها كانو عشنا فيها ساعة اما الشدايد ربي اللي يسلكنا منها والحمدلله هذي هي نضرتي للحياة مانحرم روحي ولا ولادي من والو9

[@linalina-jg7xm]

عندك الحق يامن عاش

[@dz1323]

ما تحرمش روحك صح بصح الي تضل تشري في الشوالق بلا فايدة و الخرابيط الي ما عندها حتي فاءدة نضن المهم و نشريهم ذهب خير نلبس نتمتع بيه وزيد دراهم مخبيين ، المهم انتي و ظروفك

[@souhilasouhila8331]

@@dz1323 يا اختي هذيك بكري تفكير. نتاع بكري اما ضرك دنيا تبدلت اذا فضلت نقري بيه ولادي نشوف واش ناقصين نقريهم بيهم واش من قش مكدس اللي راكي تحكي عليه هذيك احكيها لواحد مرفه ماش لواحد عايش فدزاير راكم تكذبو علينا ولا على رواحكم تروحي تقضي زوج حوايج ب500الف انا نهار نشوف روحي فضلت نلوحهم في ولادي انا هذا هو تفكيري وكل واحد وتفكيرو عايشة على جال ولادي مايخصهم والو ومايشوفو لحتى واحد نهار نموت وتتغمض عيني نخليهم ربي سبحانو

[@حبيبييارسولالله-ص5ق]

كلامك ذهب نفس تفكيري كاين اولاويات عندك حق ❤

[@dz1323]

هادو اعلي بالي بصح و الله لا كاين الي كاين الي هدرت اعليهم ما عممتش علي الناس اكل انتي ضروفك ادرى بيها اما كاين الي لاباس اعليه و يفسد ياختي عيش كيما تحبي و ربي يحفظلك اولادي و يخليك ليهم

[@hakimlankri895]

بصحتك ختي العزيزة تستاهلي كل خير وريلنا كيفاش تلمي وتشري

[@wafaslm9835]

خسارة معنديش 15 مءة تاع تبون وانا ماشي خدامةولكن درت القلب وراني مع التقشف وندير الدهب😂❤

[@oumritgebatniya]

برافو عليكي يا احن قلب

[@حساباسطوري-ن7ن]

السلام لاحلى حبوبة انشالله راكي باحسن حال اختي ام ريتاج قوليلي رايك واش نشري في رايك انت راني بعت ذهبي كل وحابة نعاود نشري حاجة اخرى قوليلي رايك انت وانا نطبق ربي يعيشك

[@oumritgebatniya]

وعليكم السلام ورحمه الله تعالى وبركاته يا الحبيبه ،اشري فلايك صغار نبعد سنسله نبعد موتيف صغير بصح إكونو ماسيف ولا لارزين،لانو صحيح ولو رقيق وهكذا قرمات ونبعد كملى تاع اعراس وربي ينجحك

[@OumAhmed-k1i]

صح كيما ڨلتي لحدايد لشدايد انا درتو وكي طاح راجلي في ضرف بعتو فكني صح بصح جيت رجعو ماقدرتش يالحبيبة تاعي صعيب الشي

[@linalina-jg7xm]

كيما ذهبي ربي يعوضنا خير

[@oussamaounis8471]

انا ثاني بعت حوايجي يا خواتاتي والله حتي لفليك معنديش بعت على جال راجلي عندو كريدى ولكراء ربي يعوض علينا والحمد لله ،

[@mouniraboukabal5138]

ناس تكري وتجري على جال لقمة العيش وتقولي لمو منين يلمو😂

[@MamaMimi-b4n]

والله ياختي كلامك صواب

[@حبيبيرسولالله-س3ت]

تقدري تستغنتي على الانترنت عام واحسبيلها كل شهر ميتينلف وانت شريتي كيما ليبوكل لي شراتهم😊ماتضحكيش على كلامي لاني جربت لميت الميتين تاع كل شهر لقيت فيهم فايدة.

[@oumritgebatniya]

اههههه ربي يرزقكم يا المصيبه وحدك

[@oumritgebatniya]

ربي يرزقك الكل

[@HalaZemouti-w9q]

ياعمري ربي يفرحك ختي العزيزة هاذو هوما التحفيزات لي نحتاجوهم انا نتبعك على تحفيزاتك لينا ربي يحفظك اختي ❤

[@oumritgebatniya]

شكرا حبيبتي الغاليه

[@ladyhayet5565]

تلبسي بصحتك اختي احنا ما قدرناش نديرو الذهب الي دار دار بكري.

[@oumritgebatniya]

معليش

[@HalaZemouti-w9q]

شكرا غاليتي لبيتيلي طلبي نموت عليك لازم نحبس الشراء العشوائي هبلني مدرت والو في حياتي

[@oumritgebatniya]

حبسي الحبيبه والله مينفعك

[@achrafaguini7108]

ادعيلي ام رتاج ندي البيام راني معاودة زوج خترات دعوى اربعين غريب مستجابة

[@oumritgebatniya]

ربي ينجحك يارب روحى ترقى

[@wafaslm9835]

الموتيف تاع الكوردو والله راني مع الحصالة ❤

[@oumritgebatniya]

شكرا حبيبتي

[@BOUCHAMATo]

صباح الخير حبيبتي الغالية يعطيك الصحة على النصيحة وبارك الله فيك حبيبتي

[@oumritgebatniya]

شكرا حبيبتي

[@girlHd72]

حبيبتي لغالية اخر احلامي ندير ذهب الشهرية اللي عندنا اصلا ما تكملش الشهر مع الفاتورات وليكور والدواء ومحتاجات ولادي ومصروف الدار والله ما نقدر نخبي دورو بكري كانو الاهل يعاونو في كسوة الاولاد الخال والجد والجدة ذرك كل واحد حاصل في روحو من غلاء المعيشة الذهب حلم برك مستحيل نديرو في يوم من الايام نحبك بزاف❤❤❤❤❤❤

[@oumritgebatniya]

الا يا صديقتى حاولى والو خمسه الف ،🥴🤗🫂🫂🫂هيا الغاليه تاعى كوراج

[@sousosusousita3983]

مساء الخير يا لحبيبة لغالية كثر الف خيرك على النصائح في ميزان حسناتك ان شاءالله ربي ينجح ويوفق اولادك واولاد المسلمين اجمعين يارب العالمين

[@ZARTAMAL]

واش راكي ام رتاج عندك الحق لكين لوقت واعر كولشي غالي لغالب توحشت بنتك اصالة لعزيزة

[@oumritgebatniya]

اتوحشك الخير يا الحبيبه شكرا

[@ninailina8580]

شحال السنسلة gران كافي....😅
بصحتك الحبيبة وربي إهنيك بلبستهم والعاقبة لما خير ❤

[@oumritgebatniya]

شكرا حبيبتي

[@oumchakib3680]

بصحتك دريهم بصحة لهنا ربي يوفق جميع تلاميذ وينجحهم

[@سارةسرسورة-ي1ي]

راني نقري وجاني الاشعار خليت القرايا هههه

[@طيورالجنةطيورالجنة-ل2ز]

ذهبي كامل بعتو والله معندي قرام منخلصش منحة البطالة

[@hf468]

تلبسيهم بصحة❤❤❤،،⭐👍👏👏👏👏

[@OumAdem-q4i]

شكرا على النصاءح اختي ام ريتاج انشاء الله ربي ينجحوا كامل ابناءنا يارب

[@oumritgebatniya]

شكرا حبيبتي

[@BelHo-t8c]

D'hab zmane mes dok koli chorbi hawsi sadki Rabi khire d'hab yatkhaba maandak maditi bih❤

[@oumritgebatniya]

عندك حق لكن طيح بيك تلقايه

[@ZahraZahra-gt4lc]

شكرا حبيبتي والله تشجعينا ربي يوفقك ويوفقنا ان شاءالله والله انا منحس لصوارد كي يجيو وكيفاه يروحوا شكرا زيديلنا فيديوات تحفيزية جزاك الله خيرا ❤

[@oumritgebatniya]

شكرا حبيبتي

[@azertyazerty7649]

يا اختي بعت ذهبي كاااامل علجال دار منقوش في وذني منسعاهش ، بصح نحوس على تحفيز ، ساعات نفشل نقول مستحيل نقدر ندير ذهب لكان عندي

[@oumritgebatniya]

تقدرى فقط الإرادة والتأكيد

[@HAMA-t1m]

بصحتك ام ريتاج تلبسي بالصحة والهناء بصح الوقت لي لحقنالو غير نقدرو على تكاليف الحياة والغلا ومصاريف الاولاد الذهب من الكماليات ومعظم الاسر الجزايرية راهي ميش لاحقة على الخبز والشهرية راهي قيس لمعيشة وانا صراحة لو تتوفر عندي فرصة شراء الذهب نفضل اني نشري الة كهرومنزلية تنقص عليا التعب لانو صحتي راحت افضل مئة مرة من الذهب وكل واحد واحتياجاتو ومستحيل تعمل الوحدى الذهب من الشهرية في وقتنا هذا الا اذا كان عندها مصدر دخل آخر لان الشهرية تفض في الاسبوع الاول ويكملوها كل الجزايريين بالكريدي فما بالك لي ماعندو حتى مدخول

[@oumritgebatniya]

الذهب مش فيوم وليله لمى يا الحبيبه والله عام تلقاى روحك درتى والو خاتم خير لك

[@وردالجوري-ب1م7غ]

انا ندير حصالة وكي تخصني حاجة نروح نجري نحلها ونشري وحاطة روحي حاجة 😂😂

[@ChadliMimoun-fd4nd]

بصحتك ام رتوجة تلبسيهم بصحا وهنا وشكرا على نصاءح وعندك حق ذهب كتخبيه تلقايه وقت شدا ♥👍👍

[@oumritgebatniya]

شكرا حبيبتي

[@menirabelagoune337]

❤❤❤❤❤❤❤❤ربي يوفقك ويحفظلك عايلتك ان شاء الله

[@oumritgebatniya]

شكرا حبيبتي

[@mouhhadj2581]

عطيك الصحة حبيبتي توحشناك رانا في الانتضار الحمد لله خلصوليوم ربي ينجح كل وليداتنا يارب 🤲 شكرا حبيبتي على كل النصائح لي تمديها من قلبك الطيب بالتوفيق حبيبتي ❤

[@oumritgebatniya]

ربي ينجحهم يا الحبيبه تاعى

[@meriemmimi9778]

معظم تعليقات شفتهم يقولو عيش حياتك ومتحرمش روحك ....انا تالمو مجربة كلام المراة هده ام رتاج صحييييييح خودو رايها ....انا كنت نلبس لمخيرة ونصرف بزاف ومنبخلش روحي نضل ناكل في لمليحة اما وقت طاحت بيا لقيت روحي 0 والله والله ندمت ندااااامة عمري لي كنت بعقلية منخبيش ونضل عايشة حياتي ....لانه تتفاجئ بمشاكل او دائقة مالية او مرض ما يفكك غير واش خبيتي ....شكرا على نصائح يا صاحبة الصفحة لي مجرب يحس لكلامك ❤

[@oumritgebatniya]

شكرا جزيلا لك على المشاركه الطيبه

[@meriemmimi9778]

@@oumritgebatniya العفو شرف ليا أكون من متتبعاتك شكرا جزيلا على النصائح ❣️

[@zizo23babilonchikora4]

ولله يااختي انا بعت دهبي كامل وخدمت بيه الدار ان شاء الله نعاود نخلفو

[@oumritgebatniya]

ربي يهنيك فيها ختى العزيزة

[@omrayan5708]

ختي نتي خياطة وريني الطريقة كفاه نخبي انا تاني خياطة بصح والله ميبانو

[@oumritgebatniya]

لمى دري قيمه لتعبك ودرى فراسك واحد ميحير فيك كى طيح بيك الا من رحم ربي وميدوملك غير دروك

[@omrayan5708]

@@oumritgebatniya عندك الحق والله شجعتيني ديري فينا خير ورينا كفاه نديرو الشحيحة

[@Cuisinchefamina]

مشاء الله بصحتك يدوم التواصل