النجع 2021الحلقة الثانية والعشرون ( العود )

النجع 2021الحلقة الثانية والعشرون ( العود )
✅ العود 💚
( ينهم العود ) وفـارغة مخلاته
ومراجي علوقة من مينا مصراته
تعود لها عــــوده ياعود
الله مــــوجــــــــــــود
كــــريم عشمنــــا فيه يجــــود
علقــــوه مورد
شعير أسترالي خاص به متفرد
وخرجة ومخلاتة شوال مهرد
قبل يمتلي فمه أطيح حبــــاته
تحسب ضلوعة بالقراد مقرد
حشــــرة غريبة لافيه واكلاته
ومازال فيه طمعة يبوه يجرد
ويواجة عقــــاد الغازيين نواته
ورزقة مشى للغير بيه مزرد
العود منقهر هاذي اللي قهراته
وتقهر اللي قاعد صغير يمرد
يابال من كيفه (طوى أكتاباته)
مستوردين ايكالة
وسرزة وســــوطة ولقمتة( ونعاله)
ومعلقيله في الخرج كيلوا(انخالة)
عليه كذبوا ممنون باللي (جاتة)
وكان عطش بيشربــــوه (غسالة)
لواتة الغسالة والأيــــام ( لولاته)
هاين عليهم طيحــــوا مــــزالة
ويا ما بيشبح في عقاب حياتة
(العود) قيمته ما يعرفوا العوالة
لا يركبوا لاعيونهم (شافاتة)
هاذوم فيهم شك مـ السُلالة
يجيدوا المراكب من بحر صبراته
ما تقول جنا محملات أجماله
من عند سوف الجين لا شاتاته
يعلق علوقة قمح بـ الجلــــواله
منقي وصافي ما قشور هواته
وياكل ويشرب داخل الضلاله
ويكمل علوقة ما يخلي حتاته
شرابة حليب مسوح (بهلوا أشمالة)
بيش ينقفل عظمة مع عضـــلاته
اللي اليوم في حالة يشفك حالة
ناصل الحـــافر دمعته فــــلاته
وصفته وصورتة وفيها إطــــالة
الصورة وكلامي خوذ بي عــلاته
تعود لها عــــوده ياعود
الله مــــوجــــــــــــود
كــــريم عشمنــــا فيه يجــــود
وهوه مطــــول
عليه يلهدوا ماهو لهيده لــــول
مقصريله لا (يخج ) لا يجــــول
روثة ومقيلة كل شي في مباته
لامن يجدد تربتة لا يحــــول
مقيل فـ مرباطه الشمس شواته
ينهم ( ينقمر ) تسمعه يجــــول
لا من تنداء لا إيدين سقــــاته
لا من شغــــل باله علية يعــــول
اللي قبل كم حريص في خدماته
يرعب (قحيرة) كان كي لمغــــول
صال جال فـ الدنيا (أيام عطاته)
دالــــوه والدايل عليه مخــــول
بقصد الإهانة بيه (قبل أمــــاتة)
العود عودنا ( والعيتبار )مــــدول
ولولا الخيانة الدول ما وصــــلاته
هــــذا حصل لا نزيد لا نتقــــول
يقولوا العرب كل (ذيب لون وطاته)
شــــان خياله
تغيــــر سبيبة وليقتـــه وجــــلاله
كان قبل عامر بالخضار أقداله
لاضــــالة لا عــــابرة خشــــاته
يلعب طليق مفككــــات أغــــلاله
تقول جن طايرالارض ماي طايقاته
يميز كمــــا يبي يفكــــوا اطــــوالة
لاعثر فـ رمة لاحفــــرة لمســــاته
ولا تقول دار قحير في جلواله
ولا تقول شاش وحف زغــــراتاته
وجا عـ الطناب وضايق الناواله
يقولن الحــــوت عليه عصــــاداته
يغنن أيلالــــن محتوى المــــلالة
تقول النبي حــــاضر عليه صلاته
اليوم يندبن دارن علية أبطـــاله
جمطة وصدمة وكــــاينات تــــلاته
كواين التمن في عيــــون أعيالة
اللي ما جمطها حســرته قتــــلاته
اليوم (عودنا) راكبينة الحمالة
وسرزة علي البغــــول (بركاباتة)
سود النوايا قاصدين اهمــــاله
مطيحين سومة غــــالبة معــــاناته
علية البريح وســــوق بي دلاله
ماهناك دبيبة ضــــالة وماجــــاته
سيده أعتنى غالي السوم شراله
صبـــا عليه و ( سس ) (بريمــــاته)
ان جاه الغريب بـ سرز (ماياباله)
كان غير جا سيده ( وشم عبــــاته)
( همة ) مع (هيبة) يزيد جمــــاله
صــــاروخ وين يشبا على تاليــــاته
يخجة ويرمي بيه ما يقــــول لالا
ويكــــح الثقيل ويعلقن (صليــــاته)
رتعة اصيلة ودم عربي( أصلاله)
ماهوش (نص الدم ) تصنيفــــاته
بيش تلحق القربوز تبي صقاله
عالي عقاب الخيــــل ما حــــاذاتة
كانا ملا بي الأربعة (وتمــــاله)
لا الثانية لا العــــاشرة ( لحقاته)
ان قفز كحيلي فية (مـ الجفاله)
وأرنب أن كان (انصر) في دعساته
إيدير علي اللي شارقين زعــــاله
يجي كيف دفق السيل يا طــــالباته
مكــــروم ومددل وزينة افعــــاله
ركبــــة رســــول الله في غــــزواته
(عدوا رباط) الخيل نص جــــلالة
العــــالم الخــــالق كرمه فـ آيــــاته
تعود لها عــــوده ياعود
الله مــــوجــــــــــــود
كــــريم عشمنــــا فيه يجــــود
دامي سوطة
معرم جهــــامة حــــانية محطوطه
جابينهم لو فــــوق لاهو لوطه
دم ســــال مـ المدور ودم لاهــــاته
اللي كان يفرض كيف يبي شروطه
علية يشرطــــوا توا ( فقـــوز زناتة )
مــــا تفك مربــوطة على مربــــوطة
ولاتجيب ما تفرح (عيــــون شماتة )
دق النوا ما يجيش من غير (حوطه)
(الدقاق )يكسرها وهي ( لامــــاته)
وبتنوض في وجهك اللي مخبــوطه
اللي ما فهم قصدي يعود لـ بــــاته
كانا قريب جايبــــاته (الخــــوطه)
وإن كانا توفا بـــوك عيد (وصــــاته)
العود طاح والفارس أسباب أسقوطه
جايب نبهاهن شيخ في (مســــلاته)
تعود لها عــــوده ياعود
الله مــــوجــــــــــــود
كــــريم عشمنــــا فيه يجــــود