العراق بحر الشعر والشعراء الله يرحم الي ماتو والله يحفض الباقين ابداع
رحم الله شاعرنا الكبير عطا السعيدي
رحمك الله يا الشاعر الحكيم الواعظ
ماارتاح اذا مااسمع كل قصيده يوميا
يعيني الله اعله العواصي من السنين
شكثر بيّـــه عناد ويـــه العاصيات
وزه يوازني و أوآكح ما ألين
وأرجي ضلعي على الرماح المُشرعات
آخ ما آكولن وهذا المـــايصير
ولا أطمعهن وأبينلهن شكات
هي روحي ووطنتها على اللهيب
وميــزة الفـولاذ يصكَـل بالشوات
طبعي كَهوه اشماتعظني النار حيل
أكسب من النار محمود الصفات
روحي أبوهه الضيم وأمها المستحيل
وهي وسنين الكَحط ولدن خوات
أنا مغرم بالثكَــــال من الحمول
وصلب عودي وهالجتاف معركات
شكثر منهن حملت بس ما لعيت
ودفتي من الجلد طلعت والعبات
وحدر هدمي وكَامتي يتكسرن
والنصال على النصال مخالفات
واعتنيهن لو عليّ ما سيرّن
خاف ينكَال انكسر بالعاتيات
ولو أدريهن ضواري ولا أهاب
وكمت أواسدهن وألف راسي وأبات
الحكمه انك تعتنيهن للمكـــان
لا اتانيـــهن يجنك صايلات
أنثر غبارك على وجه السنين
كلهه تفنى وهنَ ذن الباقيات
والله اليطخ كَامته يسموه ذليل
وانه ما أرضى تصفني بهالصفات
مر علي كل شي وضكَت حد ما رويت
خاف أكَــــدر خاطرك بالتسميات
العسر والجوع والهــــم والدموع
وكَصره اليد والهدوم الباليات
آنه فضله ضيم فرتني الرحي
ودولبتهه ومللت طاكَـ الرحات
وبخضم هذا الصراع تريد أنام
ياغشيم ينام ويلذ بالسبات
خل أشد وزار وأتلكه الصعاب
كبل لا يسطن علي موزرات
ولو طاح الريش ولحيمي ارد اطير
واشتل ضلوعي ابدال السبكَات
لا تكدر خاطري لو ردت أجيك
وتشتكيلي من المضن والآتيات
انه عاندت الوكت وبمشتهاي
وصرت حتى من أرد اموت بمشتهات
وصرت ممن لأن عاري من الثياب
وهو ياسلاب اللي يسلب عراة
برغم كل الصار وبرغم اليصير
ما تزل أجدامنا المن ثابتات
أنه ما مجبور أصدك ما يقال
ولا أردد ما سمعته من الرواة
أنه مصدرهن إذا زل الحديث
وانه بهلول اليفصل الراهيات
آنا بارم خيط وكتي بهالجفوف
وبإيدي سديت الغزل للمسعدات
شلون أجفل عكَب ما صار الطراد
وجنت أتانيهن وهن محددات
كبت التكبل الأهدان المستكين
البوم ماجفل الصيد من الفلاة
ولحيه الماتنحشم يوم الصياح
لا تعدهه من اللحايا الغانمات
عيش ذيب الدنيا مو دنيا خِراف
الموت للخرفان.. تحيا الضاريات
هم شفتلك ذيب جتفوه للكــصاص
وداعتك بس الشياه مجتفـــات
وهي غابة وذيب يتسطه على ذيب
ويتعشى بصاحبه كــبل الغدات
يا دواليب الوكت فريــني حيل
أنا أدور راحتي بالموزمات
بيه سوله السهل ما والم هواي
الا أمد ايدي وألوح العاليات
ولا أدور طوش من حدر النخيل
كود أعت روس العثوق المثكَــلات
الماي من يركد فسد ما أشتهيه
ومن خباط الماي أطلع الصافيات
وحصتي من الخيل تعجبني الجموح
شنهو نفعه الما يروض الجامحــات
وأعتني النزرات كل ما أبعدن
وقيمه المنظوم جمع الشــاردات
وهيه لذه الصيد أصلا بالطراد
وخيبه الكَانوص جمع الطايحات
عطا السعيدي
عطا السعيدي شاعر خرافي ما يجي واحد مثله الله يرحمه
شاعر فحل..لكن الموت قذر خطف روحك ياعطا السعيدي.....لترقد روحك بسلام
شجان يحس من كتب هاي القصيده شنو الاحساس العنده الله يرحمه
ويلاه ويلاه ويلاه جميل جدا الكبير جدا أبو سعد عطه خميس السعيدي ألف رحمه على روحه الطيبه الله يجعل مئواه الجنه بحق محمد وآل محمد
والله العظيم هاي القصيدة بس اليحبها يفهم معناها
هنالك شعراء وهنالك عطا السعيدي رحمة الله عليك ياكبير
نسأل الله أن يلطف بنا فوق الارض وتحت الارض ويوم العرض اللهم اغفر لنا وارحمنا . رحم الله الشاعر عطا السعيدي كلامه جميل والله المستعان
الله يرحمك برحمته الواسعه عمي عطا
الله يرحمه شاعر متمكن ومن افضل الشعراء في زمنه
والله يا ابو سعد لوترد وتسمع هسه اليتسمه شاعر جان شگیت زيجك
اعظم شعراء الحكمة بالعراق هم
عطا السعيدي و سريح الزريجاوي و سعد محمد الحسن
روح ابوها الضيم وامها المستحيل عظيم هالبيت👏
الحمد لله ع كل حال
انشهد كلماتك ذهب الرحمه و المغفره لروحك يا شاعر
الله يرحمه قمة في الالقاء والفصاحة❤
" ولحية الما تنحشم يوم الصياح
لا تعدها من اللحاية الغانمات.."
جنت متصور انه اهم شاعر
بس هذا طلع داهيه
رحمك الله. ومن يؤتى الحكمة فقد أوتي خيرا كثيرا
اي بالله العضيم
شفته❤ اكثر من مره ٲڵڵــﷻــــــه يرحمه وحجيت وياه وهوه حجه وياي ٲڵڵــﷻــــــه يرحمه برحمته الواسعه اعتقد جان يعرج برجله وٲڵڵــﷻــــــه اعلم💐
الله وكبر ماسامع هيج شعر
الحبيب صاحب القناة
ثبت هاي الموسيقى وي شعر عطا دائماً ارجوك❤❤❤❤
الله يرحمة ويسكنة فسيح جناته
يعينـي 💔
عملاق
رحمك الله
معلقة ❤
الله يرحمك برحمته الواسعة يارب 😞
شاعر محنك الله يرحمه منا ونتهت
هاي المفروض تعد من المعلقات
الله يرحمك
تعال وشوف التمسلت هسه شصاير
الله يرحمه
الله يرحمه برحمته الواسعة
ألف رحمه على روحك أبو سعد
الله يسلم هلتم
الف رحمة ونور على روحك 🫀
الف رحمه على روحك
الف رحمه على روحك عطا السعيدي
سمي الجواهري شاعر العراق الاكبر وباعتقادي القاصر عطا شاعر العراق الاكبر
الله ❤
المعلقة
كارثة والله
اويلاه
صوت المسيقى بعد خلي عالي ناصي
أحسنت ربي يحفظك يا جبل
عظيم ابو سسسسسعد
❤❤❤❤❤
عمي هذا شعر مو شعر اليوم
اول ماوعيت ع الشعر وحبيته جنت بوكتها بصف الخامس الابتدائي . لگيت ابوي يسمع كثير من الشعراء الكبار وجان يحب يسمع عطا السعيدي رحمه الله. فأني بديت احب عطا ومع مرور الزمن حفظته ابو سعد لان لكيت شعره متروس عزه نفس وعنفوان وشموخ وكرامة وثبات وشهامة🦅 .
الحمدلله اني هسه بالكلية مرحلة ثالثة هواي وعيت ناس ع عطا السعيدي جانوا مايعرفونه.
لك الرحمه ابا سعد ولقوافيك الخلود 💔