សមាគមយុវជនក្រុម៨ នាំយកអំណោយ ជូនដល់ប្រជាពលរដ្ឋតាមខ្នងផ្ទះនៅស្រុកជើងព្រៃ ខេត្តកំពង់ចាមជាង ៣០០គ្រួសារ

ខែសីហា ឆ្នាំ២០២១ កន្លងទៅនេះ សមាគមយុវជនក្រុម ៨ បាននាំយកនូវអំណោយរបស់ ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ជូនដល់ប្រជាពលរដ្ឋតាមខ្នងផ្ទះនៅស្រុកជើងព្រៃ ខេត្តកំពង់ចាមជាង ៣០០គ្រួសារ ដែលមានជីវភាពទីទ័លក្រជាពិសេសដោយសារបញ្ហាជំងឺ កូវីដ-១៩ ជាហេតុបណ្តាលឲ្យសេដ្ឋកិច្ចគ្រួសាររបស់ពួកគាត់កាន់តែមានការលំបាក។
អំណោយជួយដល់គ្រួសារនិមួយៗរួមមាន៖
១. អង្ករ ១បាវ
២. ទឹកបរិសុទ្ធ ១កេស
៣. មីជាតិ ១កេស
៤. ប្រេងឆា ៤ដប
៥. ត្រីខ ១យួរ
៦. ទឹកត្រី ១យួរ
៧. ថ្នាំ ប៉ារ៉ា និង
៨. ជែលលាងដៃ។
សមាគមយុវជនក្រុម ៨ ក្រោមការដឹកនាំរបស់ ឯកឧត្ដមបណ្ឌិត ម៉ឹង មករា បានរួមចំណែកក្នុងការជួយដល់កិច្ចការមនុស្សធម៌ជាច្រើនមានដូចជា វិស័យសុខាភិបាល វិស័យអប់រំ វិស័យកសិកម្ម និងការស្ថាបនាហេដ្ឋារចនាសម្ព័ន្ធនានាជូនដល់ប្រជាពលរដ្ឋនៅទីជនបទ។
ក្នុងការកសាងទាំងនោះរួមមាន ផ្លូវថ្នល់ សាលារៀន មន្ទីរពេទ្យ វត្តអារាម ទំនប់ទឹក ប្រលាយទឹក ស្រះទឹក ការដាំកូនឈើព្រមទាំងកិច្ចការងារសង្គមផ្សេងៗទៀត ដើម្បីរួមចំណែកជាមួយរាជរដ្ឋាភិបាលក្នុងការអភិវឌ្ឍន៍នសេដ្ឋកិច្ចនៅទីជនបទ៕