يسحب راتبه كاملاً.. بنك يرفض إعادة جدولة قرض عقاري لمتقاعد
ฝัง
- เผยแพร่เมื่อ 7 ก.ย. 2024
- يناقش برنامج "ياهلا" القضايا اليومية التي تشغل بال المواطن السعودي خاصة والمجتمع العربي بشكل عام، وذلك من خلال تقارير ميدانية خاصة ولقاءات مع الضيوف في الاستديو، لطرح المشكلات والقضايا الاجتماعية والإنسانية ومحاولة معالجتها.
#برنامج_ياهلا يعرض يوميا في تمام الثامنة مساء على شاشة #روتانا_خليجية
» Follow yahalashow on Twitter: / yahalashow
» Subscribe for more: www.youtube.co...
» Subscribe yahalashow on SnapChat: / 4110499810
» Subscribe yahalashow on TH-cam: / yahalashow
» Watch Rotana Khalejia live : rotana.net/live/
» Watch Full Episodes Free: vod.rotana.net/
Rotana Khalejia ON SOCIAL:
►Follow Khalejiatv on Twitter: / khalejiatv
►Like Khalejiatv on Facebook: / khalejiatv
►Subscribe Khalejiatv on TH-cam: / khalejiatv
لله يبيض وجهك يااخ مفرح ولله رجل تنقل معانات المواطنين
واول البنوك البنك الاهلي رفض جدولة الاقساط الابعد سنة وقد رفعت لمؤسسة النقد وبعدسنة ونصف تمت جدولة الاقساط ةتصلوا بي انه تم جدولة الاقساط ولا يحق لك الحصول على اي شئ من منتجات البنك الاهلي وهذا لاني تقاعدت مع اني عميل لديهم 35 سنة ولدي بطاقو الوسام الذهبية وهذه لها ميزات ولم استطيع الاستفادة من اي ميزة منها حتى انهم اصبحوا يستقطعون القسط الشهري مرتين في الشهر وبعد ان اشتكيت لمؤسسة النقد اعادوا القسط اللذي لايستحقونه وتم مطالبتي بتسديد نفس القسط الذي تم استرجاعه حتى وقتكم هذا واي تحويل لي لايصل واصبحت لديهم اكثر من 650 ريال لديهم ارجو معاقبة هذا البنك حتى لايتم ظلم غيري
حسبي الله ونعم الوكيل فيهم لامن البنوك ولا مؤسسة النقد
حصلت معاي والله رفضو يجدولون اقساط سياره وانا بعز ازمه لاكن من يسمع ومن يجيب الا الله الواحد القهار
صادق انا بنك الأهلي بكل صراحه نفذ علي بعد سنوات كامل المبلغ لقرضي الذي كان بوظيفتي السابقه ومحكمة التنفيذ رفضت استقبالي نهائي على اي اعتراض رغم البنك قعدت معه سنه احاول فيه يجدول ورفض .
ثانيا البنك المركزي اعترضت ايضا على شرمة تمويل سيارات ورفض محاسبة الشركه ونفذت علي بمكمة التنفيذ ونفس المشكله محكمة التنفيذ الأعتراض مرفوض عندهم يعني الدخول على الملك سهل ولكن مشايخ التنفيذ للأسف يجب محاسبتهم عاجلا
البنك الاهلي بالذات ماشوفها تحصل مع بنوك أخرى لان خواني وخواتي ببنوك ثانيه ماحصل معهم كذا بس المشكله الاقساط ماقدر اطلع منهم
احذر تكون فريسه للبنوك ، لو تجلس طول حياتك في منزل بالإيجار
.
لي ست سنوات معاناة مع البنك المركزي اخرتها اختفت المعاملة مع الأسف بسبب تحديث النظام حسب قولهم وأعدت الشكوى واغلغت الدعوى بعد ٤ سنوات
يا اخوان اللي يقرأ تعليقي نصيحة لوجه الله
اذا تبي قرض عشان كماليات وتبي تشخص على حساب البنك ترا بكرا اذا تأزمت أمورك اول من يدعس🥾 عليك البنك.. لذاك اجمع من راتبك واشتر احتياجك
* للمعلومية اذا اخذت سيارة فوق مستواك المادي بالاقساط وتبي تشخص قدام الناس ترا اول ما يشخص ويشخط بحسابك البنك ومحد نافعك انت وموترك اللي مليانه مثلها بالشوارع.. نصيحة اشتر سيارة صغيره تمشيك حتى تتيسر امورك وتشتري سيارتك المفضله بحر مالك.
اتفق معك يازين عقلك ورزانتك ربي يحفظك
الله المستعان المشكله القروض العقاريه هذي اللي خربطتنا وتخربطنا 😂😂😂
نحن نتكلم عن القرض العقاري
بصرف النظر عن التفاصيل
مايصير تحت اي ظرف خصم الراتب كامل .. ان كان هذا الخصم وفق "قانون" لابد من مراجعته
شلة حراميه
البنك المركزي ماعندهم سالفه حصل لي حادث سيارة تأجير من البنك الأهلي ورفضو التعويض او اصلاح السيارة بحجة الرخصة منتهية
لله يخارجنا من البنوك يارب
نصيحة اوجها للجميع ابعدو عن بنك الأهلئ
تكتب هكذا الله
اللهم صل وسلم وبارك على عبدك ورسولك محمدﷺ
انانفس المشكله ((قرض سكني مدعوم)) مع بنك الرياض لي تقريبا سنه وخمسه شهور وأنا في معاناه معهم والى حتى الان .ناهيك عن الرفع للبنك المركزي ولاكن يرد علي بنفس ردّ البنك.اذا المواطن وين يروح .طبعاً استغلو البنوك هذا الوضع.والعب يلا.
أطالب حكومتنا الله يعزها ويحفظها معاناة المواطنين من جميع البنوك المفلوته حقيقية .
البنك المركزي قدمت شكوى على بنك معين وثلاث شهور وهم مخاطبات مع البنك ولافي اي جديه لحل المشكله
انا وقعت في نفس مشكلة هالرجال واتمنى من الاعلامي المميز مفرح الشقيق استضافتي فوالله اني فوضع لا يعلمه الا الله
اسأل الله ان يفرج عنك يارب ويدهشك بالعطا حتى تقول الحمدلله اللي وقعت في هالمشكله
@@almajd1alsahammri944 الله يجزاك خير والف شكر على هذه الدعوه
@@alim1956بشر اخوي
عندي كمان نفس المشكلة ويسحب البنك راتب التقاعدي كلة . والله المستعان
يليت تجيب وزير الموارد البشريه. ابيك تكلمه عن البطاله مرتفعه. وجايب الاردني لماذا السعودي. لا لا لا
البنوك يبلها ضبط الوضع مزي ومبالغة في الأقساط
انا تقاعدت ولي سبعه اشهر والبنك الاهلي يسحب راتبي كامل ورفعت شكوى لساما ولكن بدون فائده وش الحل ياناس حسبي الله عليهم
ولله يخوك ان وضعك نفس وضعي تقاعدت ويصرف راتبي كله ولا ادري وش الحل وين متضرر لابعد درجه
ماعندك احد لا نقد ولا بنك
لي أكثر من سنتين تقاعدي فوق خمسة ويعطوني بس ٦٠٠ ولاتجيب حتى حليب للأطفال غير الفواتير المتراكمة والمصاريف اللي تتراكم والديون
وكل واحد يحولك على الثاني لين مليت من الطلايب وهذا اللي يبون!
حسبنا الله ونعم الوكيل
فيه شي قاعد يلعب بهم كلهم على كيفه.
المفروض البنك المركزي ووزارة المالية يكنوا حازمين هذه حقوق مواطنين
هذه البنوك هي بنوك مرابيه هدفها اخذ الاستفاده أو الفوائد حقها دون مراعات حقوق العميل
المفروض البنوك المحلية تعمل مثل البنوك الأوربية
و الأمريكية تعطي العملاء أرباح لأنها تشغل أموال العملاء اما البنوك السعودية عكس ذلك تاخذ من جميع العملاء فوائد على كل عملية
من بطاقات وتحويل وكل العمليات
على الاقل ان تكون عمليات العملاء مجانية مقابل انها تشغل أموال الناس
كيف عرفته انته ان البنوك الاوربيه تنطي عملائها أرباح أنطر اجابتك ولو بعد حين؟؟؟
بيض الله وجه المذيع مقدم البرنامج
البنوك حيلهم على الضعوف الله ينصرك ياضيف وياخذلك حقك ويسهل امرك البنوك اجرائاتهم متعبه ومعقده اذا العميل متضرر ويريد المطالبه بحقه
المصارف اقوى من البنك المركزي ولايقدر ينفذ عليها اي امر بالحقيقة
اقسم بالله البنك المركزي عمره مافاد اي موطن والردود غير واضح ولا فيه مناصفه ومتساهلين مع البنوك وشركات التأمين هذا الشي لا يرضي الله ولا رسوله هذا ظلم حسبي الله ونعم الوكيل الله على كل ظالم
مذيع متميز …
والبنوك ما ترحم مماطلة مدة طويلة مع ضيف الله وهو متقاعد
الله يكون في عونه …
وزارة المالية و بنك المركزي و البنوك كلهاا تحالف واحد ✋
أنا متقاعد تقاعد طبي لعدم اللياقه الصحية للعمل و عند أوراق مثبته بالشي بالإضافه إلى تقارير طبية و قدمت طلب اعادة جدوله و تم رفض الطلب و بعد 4 سنوات تقريبا تضاعف علي القسط الشهري للتمويل العقاري و الراتب 3615 و القسط الشهري للعقاري صار 5196
الى متى العسكري اذا تقاعد يخصم راتبه كله ليه مو مثل الموظف المدني يستلم راتبه كامل !!!
عندي نفس المشكله مع بنك الراجحي وارافض الجدوله إلى بفوايد او التضامن ويش الحل ياخوان حيث أني مشتكي لد البنك المركزي أربع مرات ولا حياة لمن تناديا
تعرفون كهف علي بابا والأربعين حرامي هو بنك الكهف بس كان كهف يروح علي بابا والأربعين حرامي يسرقون بغداد كل البيوت ويحطو بالكهف الحين تطور الكهف صار مطور وباب قزاز يفتح ويسكر لحاله او الكهف صخره تسده الحين بنوك مكاتب لهم علي بابا له بنك واخوياه الأربعين حرامي صار لهم لكل واحد بنك خاص فيه بس انت تروح لهم تسلمهم منتلكاتك ذهب فلوس اذا تبيع كليتك لامشكله يفتحو للمبلغ حساب العراق مات علي بابا وبقي الأربعين حرامي بلعو العراق كلها اتمنى عجبتكم القصه من حكايات السندباد تراها حكايه لاتشدوها
ياخي كثير ررر نفس المشكله نفس الفساد نفس التنويم المغناطيسي مكالمات ومخاطبات .....لاحول ولا قوه الابالله ...الله يسلط عليهم نزاهه يارب .
البنك الاهلي يسحب الراتب كامل ولا عليه منك
ما يفكر فيك ولا في جميع ألتزماتك الاجتماعيه وألاسريه
انا قريب بتقاعد والى الان مافيه حل بخصوص جدولة اقساط البيت والدعم والبنك يقول مافيه جدوله واذا حصل بينقط عنك الدعم والمفروض يشوفون لنا حل او يتم مضاعفة حساب المواطن اقل شي اربع مرات علشان يقدر المواطن يواجه مصاريف الحياة اللي زادت بشكل جنوني
والله معاناة وخاصه من البنك الاهلي
دئما" معاناة
حتى حساب المواطن يسحبه وهو محظور من السحب
يتفقون العملاء وينقلون حسباتهم الى بنك اخر
والله لويسوونها ان يعلن الإفلاس
على أساس لك الحرية في أغلاق حسابك أو إنهاء العقد بدون مايمصونك مصصصص ولو بغيت تغير لازم قبلها تسدد مع العلم انه نفس الإجراء لو بقيت عندهم أو حولت لبنك اخر يقدرون يرفعون فيك لمحكمة التنفيذ وسمه ويدمرون حياتك
الحكومه هي السبب مواطن منهوبه ارضه ويتاجرون فينا
بنك حضرموت لاعبين بخلق الله
الله لايوفقهم البنك المركزي لايحل ولايربط
فعلا انا معلمه وظروفي الصحيه ماتسمح لي رفضوا الجدوله
اي بنك
المشكله هو التمكين بدون محاسبه.. نقطه اخر السطر
لاحول ولا قوة الا باالله البنوك ظالمه
البنك الي خذا القرض منه سامبا واندمج مع الاهلي والله يعينه ويرجع له حقه الظلم ظلمات يوم القيامة حسبي الله عليهم ونعم الوكيل
صدقت صارت مع اخوي والان بلشان
قسم بالله العظيم اني باني بيتين من راتبي وفوقه الان مقبل على بنايه استراحه ياخي اتقو الله بنفسكم مافي احلى من الراتب لما يجيك كامل وفوقه فيه بركه وحتى راتبي ماوصل ١٠الاف لأحول ولاقوة الابالله انتبهو من البنوك ولاتطبه ولاتقربه مافي احلى من يكون الراتب كامل قسم بالله سعاده وسبحان الله ربك يفتحه لك من الخير والبركه والرزق القروض ربويه افهمو يمحق الله راتبك
الاف من عينة ظيف اللة والبنك المركزي يعقد الوضع ولا يقدر يحل اي موضوع ولا يقدر على اي بنك
والله القهر واضح على الرجال حسبي الله عليهم
اتوقع موقع سند امر. لذلك مافيه جدوله. البنوك لازم توقف عند حدها ياناس البنوك تكسب ملاير ولاقد سوت شي للوطن لا بنت شوارع ولا حدائق ولا جمعيات خيريه. ياحكومه وقفوها عند حدها. ولا اتخذوا قرارات توقفها عند حدها
اخوي شهيد واجب رفضوا اسقاط مديونيتة بالبنك الاهلي وتم اجبار الورثة بالتسديد . والله المستعان
ليه رفضوا اسقاط المديونيه وهو متوفي
@@saudalharthi249
الاعفاء له شروط
يجب أن تكون وفاة المفترض المتوفي وفاة طبيعية هذه احد البنود الموجودة في وثائق التأمين و لها تفصيلات كثيرة و استثناءات كثيرة ب اختصار هذه الاستئثناءات راح تخرج ٨٥% من المتوفين من الاعفاء .
الاعفاء له شروط
يجب أن تكون وفاة المفترض المتوفي وفاة طبيعية هذه احد البنود الموجودة في وثائق التأمين و لها تفصيلات كثيرة و استثناءات كثيرة ب اختصار هذه الاستئثناءات راح تخرج ٨٥% من المتوفين من الاعفاء يتبقى ١٥% وهؤلاء راح يتم مماطلة فيهم حتى لا يبقى الا ١% يتم اعفاءهم ب اختصار لا تعتمد على الاعفاء دبر نفسك و انت حي .
حسبنا الله ونعم الوكيل على من كان السبب في تحويلنا للبنوك التجارية الظالمة
للاسف والناس تتسابق على شراء الفلل عن طريق البنك
لا حول ولا قوة الا بالله العلي العظيم
البنك االاهلي انا لي ١١ شهر ماتمت الجدوله تجي موافقه وواقع عقد ولايتم التنفيذ واذا كلمتهم قالوا نرفع طلب جديد ويخصمون راتبه كله يبقى الفين بس ودخلت في مشاكل وأزمات ماليه بسببهم حسبي الله ونعم الوكيل عليهم
ليش مانقلت راتبك قبل التقاعد لبنك ثاني وتقصد على راحتك
بختصار مايبون للشعب يمشي راتب تقاعد ولكن من ورا التريلات الفهيم يفهم
البنك لا تعتقد انه راح يرحمك ونا انصحكم محد ياخذ قرض عقاري وخاصه من البنك الاهلي
انا متقاعد طبي عسكري براتب بسيط ٣٢٠٠ وعندي عائله سبع افراد ، رحت لبنك العقاري وسويت اتفاق بسداد ٥٠٠ ريال شهريا اخذتها الورقه وعطيتها بنك الاهلي تفاجئت انهم كل اسبوع يسحبون ٥٠٠ ريال واظطريت اول ماينزل الراتب ال ٣٢٠٠ اسحبه من الصراف
اخوي احمد اذا تقاعدت طبي وعلي اقساط كثيره عقاري وشخصي يوصل 7500 كيف نظامهم اذا تقاعدت هل يجدولونها وهل يخصمون الحقوق ؟ انا عسكري
@@user-hl3nf8eb3v
اول شي اذا عندك متعثرات لبنك التنميه او العقاري تسحب من حقوق نهاية الخدمه من ظمن الاوراق النظاميه الي تخلصها باالتقاعد تمر على البنكين زي ماحصل معي قبل حوالي عشر سنوات
اما الجدوله لبنك العقار انا مجربها مامشت محصلين او موضفين بنك العقار اهم شي عندهم تجي وتوقع على ورقة تسويه وتستطيع تفاوضهم حسب راتبك الي ينزل باالصراف زيي انا اتفقنا على ٥٠٠
المشكله عندي تعثرات حصلت بعد التقاعد وصارو مايكتفون ب ٥٠٠
اما البنوك التجاريه ولاني متأكد حسب ماسمعت انك تقدر تسوي معهم تسويه باالتكييش او جدوله ويمشون عليها
@@user-hl3nf8eb3v
والمشكله بعد ان المتعثرات لبنك العقار ماشيه شهريا لحد الحين على ١٦٠٠ تقريبا
وليس على ٥٠٠ كأنك يبو زيد ماغزيت
@@Hh11223 الله يوفقك اللي فهمت منك ان الجدوله مامشت عند العقاري ؟؟؟
ابغا تتواصل معك ضروري تكفئ حيث انك متقاعد طبي الله يوفقك ويكتب لك الاجر
وكأنك ياابو زيد ماغزيت لازلت اعاني من خصم معاشي التقاعدي كاملا لابنك مركزي والبنك محتوى الراتب فوق المركزي ١٤٤٤ نفس المعاناه وأكثر بعد مؤلم جدا أن يأتي شعبان ورمضان وانت بلاراتب.
هل تعتقدوا الحل انه كان المفروض يعمل اعادة جدولة خلال فترة تواجدة على رأس العمل وقبل التقاعد مثلا بسنة او سنتين؟؟؟ عشان لما يجي يتقاعد يخصموا منه مبلغ اقل
مايجدولون له الراتب إلا بعد التقاعد
العقاري ليس له إعادة جدوله نهائي
@@Bird_veins هو عقاري
@@Bird_veins شلون ماله جدوله واذا صار القسط اعلا من الراتب ؟
@@user-hl3nf8eb3vاتوقع يخيرونك بين تسدد كاش او تتنازل عن العقار والله اعلم
يعني سؤال هو متقاعد اذا سحبتو كل فلوسه كيف يصرف ويعيش يشحذ يعني البنوك ماتراعي أوضاع الناس لهدرجه الماديات طغت عليهم ماتشبعو انتم الشعب كله مديون للبنوك لاتاخذو قروض ولاتورط نفسك مع البنوك كل شي ملحق عليه ماورطكم غير المهور والبناء والكماليات والهياط والاغلبيه بيت العمر صار بيت الهم لآخر العمر اسكن لو بيت شعبي مشي حالك لاتشطح عيش إيجار ببيوت بسيطه لين يجيك سكن سيارات وكماليات وزواجات تتقاعد وانت ماخلصت تسديد لهم لاتسلم رقبتك للبنوك الريال عندهم أغلى منك
كلام جميل ياشوق
بتكلم ك موظف بإدارة تحصيل لدى احدى البنوك
لايحق للبنك اخذ الراتب كامل وتقدر تطالبهن بالنسبه النظاميه للسحب
الشي الثاني اللي خلاك تاخذ هالمنحدر والعلم عند الله تأخر معاملة راتبك التقاعدي عام 36 لدى وزارة الموارد البشريه .. وتأخيرك هذا خلاك تدخل في سما
الإشكالية سابقاً كانت تأخير المعاملات وعدم حرص لا من البنك المركزي ولا منك ياضيف الله
وكيفف تقول فترة ينزل راتبي ولا يخصمونه ماتدخل بالمخ ياخوك
اللي يعرف موضوعه وين بأي بنك يفيدني وبفيده باللي اعرف
اقسم بالله لي ثلاثة أشهر مااستلمت ريال
حسابي بالسالب ع شان الدفعة الأخيرة
ويسحب الراجحي كل راتبي
رحت مؤسسة النقد مافيه فايدة
واحد قال لي رح إلى مكافحة الفساد
اقسم
بالله تكفون ياناس وصولو الفديو هذا إلى الترند عشان المسؤولين شوفون البنوك كيف تذل المواطن بعد عز تكفوووون ✋🏼
نزاهة وش دورها ؟؟؟!!! تحاسب البنوك على هذا التقصير ،،، يسحب راتبي كامل كيف أعيش و عيالي ظلم عظيم جدا جدا
فيه سؤال مفروض يوضح ، نوع القرض ومدته ، الضيف لم يوضح تفاصيل القرض ،
بالفعل حصلت للكثير من البنك الاهلي بالذات وهم السبب في المتعثرات بعدم استقطاع الاقساط مع ان الراتب ينزل عليهم
الحمدلله الذي نجاني منهم🤲🏼
انا نفس المشكله مع الراجحي تمت الجدولة بدون دعم سكني 8شهور البنك الراجحي والبنك العقاري بدون حل المشكله للاسف البنك المركزي دوره سلبي مع بنك الراجحي
نفسي الشي حصل معي بس مع الصندوق العقاري حولوني تعثر
لقيت حل المشكلة ؟
اشتكيهم للقضاء و نزاهة و شيل إسمك من سمه و خذ قرض جديد و سددهم و اشتر سيارة في الباقي و عيش حياتك ...
وزارة المالية لاتفيد المواطن وموظفيهم لا تأخذ منهم أي معلومة مفيدة مجرد تصريف
البنوك مثل يهود إسرائيل
يارجال لازم يتجه للمحاكم ويطالبهم بتعويض مادي عن لعب البنك الغير محسوب
ضيف الله غلطان حتى المذيع مافهم ولاالضيف وش سبب مشكلته السبب ومافيه باختصار لما تقاعد جاله حقوق وسحبه البنك في هذي النقطه ضيف الله غلطان المفروض يسدد كل شهر بعده والبنك مايسحب لين تخلص الحقوق ويبدا من بدايته كقسط مثلا عليك قرض ١٠الاف ويسحب منك البنك ١٠٠٠ فانت في الحاله هذي تقول بعطيهم زياده ٢٠٠٠ لما يجي الشهر الجاي البنك ماراح يسحب عليك لنك اعطيهم ٢٠٠٠ فلبنوك كذا طريقتهم
نصيحة لا تأخذوا بيت عن طريق البنوك تشتري بيت ويأخذوا بيت على حسك
الله يقهرهم مثل ما قهروك يا اخوي ضيف الله 💔
الله يعوضك خير
السبب ضعف دور الرقابة و أيجاد الحلول والسماع شكاوى المواطنين من
البنك المركز السعودي مؤسسة النقد العربي السعودي لا دور لها ولا تجاوب اقسم بالله كانك في دولة توها طالعه من حرب مو دولة من ضمن دول G20 مستقرة وتحت قيادة رشيدة للأسف يجب التحقيق مع رئيس البنك المركزي السعودي عاجل
اعموه يالله المستعان بس 😢
البنك المركزي اذا رفعت له قضية مالية هو مجرد يمررها للبنك ويرد اليك ماقاله البنك ولا يفعل شيء
صدقت 😅😅
طبيعي هذا الكلام اشوفه كثير انا ابوي تقاعد ورفضو يسوون له جدوله والراتب كامل يروح قسط للبنك ويبقى المبلغ بالسالب في بنك الراجحي
ولما تواصلنا مع مؤسسة النقد تخاطبو مع الراجحي وجاء ردهم انه ممنوع الجدوله
طيب الراتب كامل يروح قالو نرفض الجدوله
القرض العقاري م عليه جدوله حتى لو قالك الموضف بنسويلك اعادة جدوله اللي فالعقد غير كلامه
طيب هل علئ البيت خطر لو يسحبونه ياخوي ؟؟
مايقدرون يسحبون البيت
لاكن الله يعينك الراتب بيسحبونه كامل
مايقدرون يسحبون البيت
لاكن الله يعينك الراتب بيسحبونه كامل
نفس المشكله يسحبون الراتب كامل ايش الحل
بنك الراجحي العن البنوك خبيث بمعنى الكلمة😎
اخبث بنك شفته صراحه
والله انة صدق بنك الراجحي اخبث بنك
والله بنك الرياض
@@user-hz5jt1qv3i فعلا بنك الرياض أخبث بنك وافشل بنك حتى بالتمويل الشخصي مايعطيك مبلغ يفك ازمتك بإعادة تمويل بعكس البنوك الأخرى السبب الفائدة بنك رياض إعادة تمويل عاليه جدا ولايعلمون العميل يكون تحويلك قليل جدا والفائدة والقسط عالي
صدقة
يالربع أرجو الإجابه من شخص يعرف بالبنوك : اللي عليه قرض عقاري وشخصي ويرغب التقاعد المبكر بدون تقرير طبي هل البنك يجدولون له الأقساط .
لا مبكر ولا نظامي اذا كان العقاري اكثر من عشرين سنه انسى الجدوله
لا مايجولونه لان هو طالب تقاعد اذا تقاعد بنظام يسوون الجدولة
نفس سؤالي
واذا بتقرير طبي يسوون جدوله؟
مايجدولو لك
السلام عليكم
بعض المصارف او البنوك في بادئ الامر تلتزم بالقرارات القضائيه الصادره بعقد جلسه من لجان الفصل في المنازعات بالبنك المركزي ولكن اذا كان هناك جلسه اخرى لحصر الاموال والنطق بها و ارجاعها للعميل
يخالف المصرف القرار في الفتره مابين الجلستين ليعيد القضيه الى مرحلت المخاطبات وتطول المده
ويزيد الظغط على العميل ليقبل
بما يفرضه المصرف وحتى لو اثبت
على المصرف انه يحتال طبعا من عام ١٤٣٨ الى الان وانا لم اجد من يرجع لي مالي ويحميني من تجبر المصرف ومخالفاته وودي اني اشارك
في مثل هذا البرنامج واحضر معي كل الوثائق والادله التي تدين المصرف وتدين تأخير البنك المركزي والتأخير في صالح البنوك رغم ان حكومتنا الرشيده بقيادة سيدي خادم الحرمين الشريفين وولي عهده الأمين قدمت كل التساهيل من دعم وصلاحيات للبنك المركزي
ربك كريم في هذا الشهر الكريم أنهم ينظرون وضعنا
اللهم آمين
هذا البنك الاهلي عمل كذا معي ٦شهور يسحبون الراتب كامل يخلون رصيدي أصفار مماطله حتي تسلفت وحملت نفسي ديون الله لايوفقهم المفروض ماتتاخر رواتب المتقاعدين
ارفع عليهم شكوه ياخي عند امارة المنطقة عند الامير
لازم ينظرون في البنوك الحراميه اول شي
وثاني شي يرفعون رواتب المتقاعدين اوضاعهم تعبانه جدا الله يصلح الحال والأحوال
الراتب الكامل؟؟ 😕
ضرب من الجنون، بل (مهزلة)
أعرف واحد عنده إيقاف خدمات ، وقد أنتهى سببها مأخذ خصمه حقه كاملًا قبل 3 سنوات ولم يستطع أن يرفع إيقاف الخدمات
اقسم بالله عندي مشكله تفوف الف مره من مشكلة الضيف
انا لي اكثر من ٨ سنوات يخصم كامل الراتب والمتضامن الي معاي يفترض يخصم منه نصف القسط ولكنه مماطل ولا يدفع ولا ريال والان انا متقاعد راتبي ٧٥٠٠ والقسط ٦٥٧٦ ريال يعني يبقالي ٩٤٠ ريال فقط
واعول استرتين من ١٤ فرد بالله كيف اصرف عليهم ؟؟ عايش على حساب المواطن الفين ريال فقط بالله هل هذا عدل ؟؟؟؟
اتقذوني من مشكلتي الي والله افكر في الانتحار بسبب هذا الحال
الله يرأف بحالك
الله يسر أمرك قسم بالله كرهت القرض العقاري انتظر ردهم علي يوم الأحد وناوي اخذ بيت العمر وماحدنا عليه إلا الصرف
الكلام الأساسي ع العقد
كل صغيرة وكبيره مرجعها العقد
لا توقع العقد الا وانت فاهمه نقطه نقطه
واذا تطيعني ادفع 400 500 ريال راجع العقد مع مخامي خبره يعطيك معلومات كامله لموضوع انتفاء العقد مع العجز .. واعادة الجدوله بعد التقاعد ... وكذلك الضمانات وكل الامور المهمه
انت دفعت مليون و عليها لا تستخسر 500 في استشاره
افضل بنك بالسعودية يتعاون مع المتقاعدين البنك العربي بدون منافس
عطنا بعض المميزات على ضوء هذه المشكله؟
البنك السعودي للإستثمار..
بس ياخذون فوايدعلى القرض مثله مثل غيره البنك العربي ..
وفيه بنك الرياض واحدملتزم معهم بالسدادشهريا وعلى راس العمل فجاءه وبدون علم يسحبون ٣اقساط دفعه واحده ولما تتصل على خدمة العملاء يقولون لك البنك بحاجة سيوله🤣😂
@@user-hx9fb3qi8w
اووف ٣ قصود مره وحده 😂🤣🤣🤣
وييين يبوي هذا يقدر يشتكيهم لموسسة النقد
والله البنك العربي اشرف بنك في السعودية
حتى الموظف اللي في القطاع الخاص اذا خذ قرض من البنك وبعدها انفصل او ماجددو له العقد وصار عاطل هنا البنك يرفض يسوي للمواطن جدوله ويستمر في خصم الاقصاد وان مضا ثلاث شهور وماقدر يسدد الاقصاد يوقف خدماته ويضره ..والحل هو ان البنك يفترض انه يعلق خصم الاقصاد واحتساب ثلاث شهور لين يتوظف المواطن ويسدد مباشره للبنك بدال مايضر العميل يعني لازم الجهه المسؤوله تحط قانون او شرط يحمي العميل من ظلم البنوك وتسلطها عليه واول الشروط واهمها هي عدم ايقاف خدماته لانه مرده بيتوظف ويكمل التسديد او بيسدد القرض كامل او الزام البنك بعمل جدوله تخفف الاقصاد على العاطل على الاقل
وصلنا 2022 و لسى جودتكم 480p 🥲
المذيع يفتقد الحوار وقام يشد ويجادل و ضعية المحقق يبي يسوي المديفر ونص السوالف يفوتها ويرجع يسأل الضيف مره ومرتين ويعلق على نقاط تافهه يحسسك ان المواطن يتبلى والبنك على حق ..
راجع مؤسسة النقد لأنها مانعه جميع البنوك بإستقطاع أكثر من ٣٠ في الميه من الراتب .
ربك يسرها ولسه عيال الحلال ماما تو والحمد لله البنات فيها خير
أنا متقاعد من 4 سنوات تقاعد طبي و علي قرضين عقاري و شخصي و تم اعادة جدولة التمويل الشخصي و رفض جدولة العقاري و المطلوب مني 622000 تقريبا من غير المتعثرات و الان ياخذ الراتب كامل
انا صارلي قبل كذا ..
اخذت بيت عن طريق البنك وبدون ذكر اسمه
والبنك حاط تواريخ سحب القسط بالتاريخ الهجري وسبب لي مشاكل كبيرة تخيلو ٥ شهور حسابي بالسالب ينزل راتبي وينتفونه ..اكلمهم يقولولي هذي سياسة بنك لازم نحطه بالهجري قلت انا اوريكم ... وقدمت شكوى عليهم لمؤسسة النقد وشرحت لهم كل شي قسما بالله تصدقون لدرجة لما غيروا التواريخ للميلادي مادريت انهم مغيرينه الا لما دخلت تطبيق البنك مباشر ... اطالع بالتواريخ الا متغيره وعيال الذين حتى رسالة ما ارسلوا انهم غيروا التواريخ اقسم بالله انهم كلاب تنهش نهش .. شي لهم اول بأول يخلصونه لكن اذا صار شي لك شف المماطله والصعوبات اللي يحطونها بوجهك لا والادهى اللي يقهر صارت تعاملهم معي كأني شاحذهم لما اروح اخلص شغله بالبنك والا شي لاني خلاص وصلت الحد بالقروض لما اخذت البيت عن طريقهم ...
الان وش صار معك ؟ جدولو لك ولا ايش ؟
@@user-hl3nf8eb3v
جدولوها بالغصب لين ما شكيتهم بمؤسسة النقد ويحاولون يخرعوني ترا اذا جدولنالك يروح الدعم عنك قلت لهم ماهي على كيفكم هي جدولو وخلصوني وجدولوها على الميلادي والحمدلله اموري تمام ... كلاب وانت بكرامة ماينفع معاهم الا كذا
@@user-hl3nf8eb3v عليك قرض عقاري
@@user-uz5fs8qb4c صحيح عقاري وشخصي
@@user-zx9xu2us4e اخوي وشم انت سويت جوله وانت ع راس العمل ولا مقاعد ىشكرا
اتمنا من كل قلبي أن القناه تستضيفني عندي أمور معقده أكثر من ضيف الله
اصبر إن الله مع الصابرين
اتمنى إلزام البنوك بالجدولة على الحسبه الاولى في العقد وعدم زياده الفائده عند الجدوله بعد التقاعد
لان الموظف إذا تقاعد نزل راتبه وزياده الفايده هذي خراب بيوت
وكم من متقاعد تركته زوجته
وانخرب بيته لعدم مقدرته توفير التزامات بيته الاساسيه
والبنوك للأسف ماغير يحدون الشفره على رقبة هالمواطن المسكين