ROGANA 2024.PËRURIMI I LIBRIT "KËNGË E ZGJUAR" AUTOR SINAN SADIKU 28.09.2024 DARDANË

KLUBI LETRAR ”NOSITI” Dardanë më 28 shtator 2024
Të nderuar të pranishëm zonja e zotërinj!
Pas përshëndetjes së moderatores Nurije Demi, në emër të Klubit Letrar “Nositi”, ju dëshirojmë mirëseardhje.
Kjo ditë në kalendarin e KL “Nositi”, shënon një ditë që dallon nga ditët tjera, kjo ditë i begaton faqet e revistës dhe vitet e funksionimit të kësaj rruge artistike, gati tridhjetë vjeçare, nga fillimet e saja, që nga viti 1996.
Të nderuar të pranishëm.
Komunat periferike si Kamenica-Dardana, gjithnjë vendit tonë i kanë dhënë emra e vepra të mëdha, të cilat i kanë vënë themele e shtetit të Kosovës. Nga kjo trevë njerëzit e saj, dikur dhe sot rrezatojnë dije në të gjitha pjesët e vendit tonë, të cilët i japin arealit të hapësirave kombëtare dritë. Kjo vepër që na ka bashkua sot, dhe vepra tjera na bashkojnë rreth trungut tonë të përbashkët.
Po si shtegtoi KL “Nositi” në këto dekada.
Rrugët e sakrificës janë gjithmonë të mundimshme.
Po rrugët e shkrimit janë edhe më të mundimshme.
Klubi letrar “Nositi” ,vazhdon edhe më tej të botojë nga dy numra në vit të revistës, po me këtë emër “Nositi” , tani jemi në përgatitje të nr. 24 të revistës. Për të mos u ndalur me aktivitet letrare në shtrirje në komunën tonë e më gjerë. Në këtë rrugëtim, KL “Nositi” , po ndihmohet në sponsorizim qe disa vite, nga Ndërmarrja “Vëllezërit Borovci”, Kamer e Mustafẽ Borovci, të cilët i falënderojmë, sepse janë të paktë ata që e ndihmojnë fjalën e shkruar artistike. Po ashtu, falënderojmë edhe Kryetarin e Komunës z. Kadri Rahimaj, që KL”Nositi” ia ka nda një zyre për aktivitet në Shtëpinë e Kulturës” Isa Kastrati”. E po atdheu ruhet e ndërtohet me njerëzit e saj, vetëm nga ata që dinë ta lexojnë kohën.
Të nderuar të pranishëm, vetë prania juaj është dëshmi se vendlindja peshon e ruan kujtesën, më të mirë për të ardhmen e vendit tonë. Edhe leximi i poezive dhe prania juaj për librin e Sinan Sadikut “Këngë e zgjuar” shënon një ditë më ndryshe nga ditët tjera.
Respekt për çdo hapë që keni bëre sot deri këtu, për të mos u ndaluar kurrë.
Fjalë Përshëndetëse:
Në këtë promovim Libri, morën pjesë edhe Klubet letrare:
Ars Clubi “Beqir Musliu nga Gjilani , z. Sabit Rrustemi,
Art Clubi “Rifat Kukaj ‘ nga Drenasi z, Izet Abdyli,
Klubi i Shkrimtarëve “Voreo Ujko” nga Klina, z Fazli Ferati,
Përfaqësues nga Klubi letrar “Ramadan Musliu” nga Vitia.
Të pranishmit i përshëndeti me ketë fjalë rasti Kryetari i Klubit letrar “Nositi” z. Nexhat Rexha, duke ju dëshiruar mirëseardhje.
Këtë takim kulturor e përshëndeti në emër të Kryetarit të Komunës . z. Afrim Dervishi, Drejtor i Drejtorisë së Arsimit në Kamenicë.
Ai theksoi se jeta kulturore , nxitë dhe krijon vlera edhe në arsimin e Komunës së Kamenicës.
Për librin “Këngë e zgjuar” folën referuesit:
z.Prend Buzhala,
z. Xheladin Mjeku dhe
z. Xhevdet Kallaba.
Për kontributin e referuesve dhe rrugën deri tek finalizimi i botimit pak fjalë i tha z. Sinan Sadiku, autor i librit “Këngë e zgjuar”. Orën letrare e begatuar autorët e pranishëm, të cilët me leximin e poezive të tyre i dhanë shije e kuptim kësaj dite të veçantë, në qytetin e Dardanes. Poezi lexuan: Sadri Ramabaja, kësaj radhe nẽ cilẽsin e poetit, Hysen Kẽqiku, Bajram Kosumi, kësaj radhe në cilësinë e poetit , Zeqir Fazliu, Minivere Muja -Maka, Baki Krasniqi, Hasije Selishta- Kryeziu, Selvije Vllasi-Kadriu dhe Bajram Kallaba.
Dy personalitete të jetës shoqërore dhe akademike z.Bajram Kosumi dhe z. Sadri Ramabaja, kësaj here në vendlindje, reflektuan dashurinë për ditët e rinisë, ata me vargjet e tyre rikthyen kohët përmes vargjeve poetike.
Për t`i dhënë kuptim kësaj dite dhe këtij libri moderatorja Nurije Demi, lexoi edhe poezitë e autorëve, që tani më nuk janë fizikisht në mesin tonë.
Mirëpo, vargjet e poetëve të cilët kanë shkuar në amshim, rikthyen kujtesën e tonë përmes mesazheve poetike. Moderatorja lexoi poezitë e autorëve:
Muharrem Shahiqi,
Ibrahim Ibishi,
Shaban Cakolli dhe
Ganimet Klaiqit.
Vargjet e tyre ngjallën emocione te të pranishmit. Pjesëmarrja e dashamirëve të librit ishte solide dhe Dardana këtë ditë, dukej se frymonte më bukur me fjalën artistike. Moderimi i Nurije Demit dhe fokusimi me kamerë z. Gani Kryeziut, e bëri këtë ngjarje kulturore më të begatshme, si pamje dhe reflektim në ruajtje të memories për këto ditë vjeshte në qytetin tonë.
Klubi letrar “Nositi”, po vazhdon aktivitetin e tij në përkrahje të vazhdueshme nga institucionet komunale dhe sponsori i vazhdueshëm, Ndërmarrja” Vëllezërit Borovci” SHPK. nga Kamenica.
Për të pranishmit u shtrua drekë në Restorant “Konaku”, në respekt e nderim të fjalës artistike.
Dardanë, më 28 shtator 2024