39. මහාරාහුලොවාද සුත්තං | Bopitiye Sadaham Pasala

මහා රාහුලොවාද සුත්තං
මජ්ඣිම නිකායෙ / භික්ඛු වග්ගො
“මෙත්තං, රාහුල, භාවනං භාවෙහි.
මෙත්තඤ්හි තෙ, රාහුල, භාවනං භාවයතො යො බ්යාපාදො සො පහීයිස්සති.
කරුණං, රාහුල, භාවනං භාවෙහි.
කරුණඤ්හි තෙ, රාහුල, භාවනං භාවයතො යා විහෙසා සා පහීයිස්සති.

මුදිතං, රාහුල, භාවනං භාවෙහි.
මුදිතඤ්හි තෙ, රාහුල, භාවනං භාවයතො යා අරති සා පහීයිස්සති.
උපෙක්ඛං, රාහුල, භාවනං භාවෙහි.
උපෙක්ඛඤ්හි තෙ, රාහුල, භාවනං භාවයතො යො පටිඝො සො පහීයිස්සති.
අසුභං, රාහුල, භාවනං භාවෙහි.

අසුභඤ්හි තෙ, රාහුල, භාවනං භාවයතො යො රාගො සො පහීයිස්සති.
අනිච්චසඤ්ඤං, රාහුල, භාවනං භාවෙහි.

අනිච්චසඤ්ඤඤ්හි තෙ, රාහුල, භාවනං භාවයතො යො අස්මිමානො සො පහීයිස්සති.
ආනාපානස්සතිං, රාහුල, භාවනං භාවෙහි.
ආනාපානස්සති හි තෙ, රාහුල, භාවිතා බහුලීකතා මහප්ඵලා හොති මහානිසංසා.