ဂၞကျာ် သဳရိပြဘာမဟာဒေဝဳ

ဂၞကျာ် သဳရိပြဘာမဟာဒေဝဳ
-----------
ဂၞကျာ် သဳရိပြဘာမဟာဒေဝဳဝွံ ဒှ်ဂၞကျာ်သၟိၚ်ဓဝ်ဇုက်လလဳ ဗၟာကော် သၟိၚ်ဓဝ်ရာမ ရ၊
ဂၞကျာ် သဳရိပြဘာမဟာဒေဝဳဝွံ ယၟုကော်နူဍောတ်တ် သဳရိတုဲ က္တဵုဒှ်မၞိဟ် အပဍဲကွာန်မကဴ (ဍုၚ်မကဴ) တွဵုရး ဗဂေါဟံသာဝတဳရ၊ မအံက်ညးဂှ် ဒှ်သ္ကိုပ်ကြာပ်ပၞာန်ဟံသာဝတဳရ၊
သဳရိဝွံ ဒှ်သ္ကအ်သၟိၚ်ဓဝ်နူဍောတ်တ်တုဲ ဝေၚ်မွဲစွံ ဇၞော်တိုန်မွဲစွံ ညံၚ်ကောန်မွဲမိ ရေၚ်သ္ကအ်ရ၊
သဳရိဝွံ နူဍောတ်တ် မံၚ်ညံၚ်မၞိဟ်တြုံ စိုတ်မၞိဟ်တြုံတုဲ ကျိုၚ်ကယျိုၚ်မၞိဟ်တြုံ သ္ပသ္ကအ်ကဵုမၞိဟ်တြုံရ၊
နွံကဵုဇကုဇကောဝ် ကၟောန်ဓရောန်တုဲ ဍိုက်ပေၚ်ကဵုသၠုၚ်ဒတူ ဂံၚ်ကော်တက်ချဴကဵု မၞိဟ်တြုံတအ်ရ၊
ကောန် ကောန်ပၞာန် စိုတ်ဓါတ်ဟွံၜတ်တကဋ် ကြံၚ်မ္ၚိုဟ် ဂြိုဟ်ခိုဟ် တုပ်ကဵုညးတြုံမွဲကီုရ၊
ၜိုန်ဂှ် ကြဴနူကဵု စိုတ်လုပ်စကဵု ဓမ် ဆာန်ဓမ်လေပ်ကၠုၚ်တုဲ ပြံၚ်သၠာဲဒှ်ကၠုၚ် ဗီုမၞိဟ်ဗြဴ ဒှ်ကၠုၚ်ကဝေၚ်ကဵု ဓမ်ရ
ဓမ်ကဵု သဳရိတအ် ဝေၚ်မွဲစွံ ဇၞော်တိုန်မွဲစွံ သ္ကအ်မွဲစွံ ဒှ်ကဝေၚ်မွဲစွံဟီုတှ်ေ ဇြဟာန်နူဍောတ်တ်ရ
ဓမ်ရပ်လွဟ် ပၠန်ဂတးကဵုဗၟာတံၚ်ဥူ တပေန်ယှိုဲထဳဂှ် သဳရိလေဝ် ဂံၚ်ရပ်လွဟ် ပၠန်ဂတးကဵုပၞာန်ဗၟာကီုတုဲ ပတန်ကၠုၚ်ဒပ်သ္ဂံၚ်ဗြဴ ဒှ်ကၠုၚ်ညးက္ဍိုက်က္ဍိုပ်ဒပ်မွဲကီုရ၊
ဓမ်ကဵုသဳရိတအ် ဟွံက္လိဂွံ ဍုၚ်မန်မ္ဂး ဟွံသ္ပမ္ၚဵုထပ်တဲဏီရောၚ် ဂွံလဝ်တၚ်တုပ်စိုတ်ရ၊
သွက်ကောဓမ် သ္ဂောံဂွံဍုၚ်မန် သွက်ဂကူမန် သ္ဂောံဂွံဗၠးၜးနူတဲဗၟာဂှ် သဳရိလေဝ် " ကောမွဲဒၠေၚ် မိမွဲဣဝဵု" စၟဳဆဵုကေတ်ဍုၚ်မန် ဗၠးၜးမန်တုဲ လုပ်ကၠုၚ်ပေါဲဗတိုက် ဆီပါ်ဍာ်ဇွောဝ်ရ၊
ဗြဴဂံၚ်သ္ကာ ဒၞာဲဍိုန် ဍိုန်ညံၚ်ပၞာၚ် ဒၞာဲကြံၚ် ကြံၚ်ညံၚ်ပ္သဲကဍာင် ကအ်တပေန်ယှိုဲထဳလေဝ် ဂံၚ်စၚ်ကဵုၜုၚ် ဗုၚ်ဖံက်သစ္စ ၝပနဟ်လေဝ် ဂံၚ်ထပက်ဂစိုတ်ရ၊
ဓမ်ကဵုသဳရိတအ် ဒဵုကဵုက္လိဂွံဍုၚ်မန် တိုန်နန်ဒှ်သၟိၚ် ဂွံဒုၚ်ယၟု သၟိၚ်ဓဝ်ဇုက်လလဳကဵု ဂၞကျာ်သဳရိပြဘာမဟာဒေဝဳရ၊
ကာလသ္ဂောံက္လေၚ်ဂွံဍုၚ်မန်ဇကုပၠန်ဂှ် ညးၜါ အာစိုပ်အာ ဘဝဗၠာဲဇၞော် ဝုတ်ဇၞော်ရ၊
သဳရိဝွံ နကဵုယၟုတိုန်နန် သဳရိပြဘာမဟာဒေဝဳတုဲ က္လိဂွံကောန်တြုံမွဲကီုရ၊
နူဘဝ သ္ဂံၚ်ဗြဴ ဒှ်ဂၞကျာ် ဍိုက်ပေၚ်ကဵု သတ္တိဗျတ္တိရ၊
ၜိုန်ဂှ်....
သၟိၚ်ဖယျေန်နံၚ် ကၠုၚ်စံၚ် ဗတိုက်ဍုၚ်မန် ဝၚ်နန်ဗဂေါဟံသာဝတဳပၠန်တုဲ မၞိဟ်ဇကု ဖံက်သစ္စလ္တူဇကု ဍုၚ်မန် သၟိၚ်မန် ဒးကျပၞာန်ဗၟာတံၚ်ဥူ မွဲအလန်ပၠန်ရ၊
ဖယျေန်နံၚ် ရပ်ဂွံ ညးဝၚ်နန် သီုကောန် သီုဗြဴ ဗွဲမဂၠိုၚ်ပၠန်တုဲ ဂၞကျာ်သဳရိပြဘာမဟာဒေဝဳလေဝ် ဒးဒုၚ်ရပ်အာကီုရ၊
အပဍဲကဵု သၟိၚ်ဓဝ်ဇုက်လလဳ က္လေၚ်ကေတ်ကောန်ဗြဴ ဂြိပ်ဒဴတိတ်ကဵုချေံဂှ် လဴမွဲတၞုၚ် ကၠုၚ်စၚ်ထပက်ဏာစး ဂၞကျာ်သဳရိပြဘာမဟာဒေဝဳ ကၠိုဟ်သာတ်အာ လ္ပာ်သြိုဟ်ရ၊
ဂၞကျာ်သဳရိပြဘာမဟာဒေဝဳ ဒးထောံလသာဏာ ကောန်ဖျုန်သြိုဟ်ကဵု တြုံတၠသ္ၚိခိုဟ်တုဲ ဒးစဴအာဘဝပရလိုက်ရ၊
ယွံ... အပဍဲကဵု ဝတ္ထု မၞုံယၟု သစ္စလ္တုဟံသာ ဝွံ
ယၟုမ္ဂး သဳရိ ဂၞကျာ်သဳရိပြဘာမဟာဒေဝဳဂှ် ဒှ်ကောန်သၟိၚ်ဗြဴမွဲရ
တၚ်ဂုန်ကဵု ညးဗှ်တအ် သီုညးဖအိုတ်ရ
#မန်ဇၞူမာန်