عجل علي شغل الجيب ياعناد :جديد كلمات فيصل مخلد الروقي اداء

كلمات فيصل مخلد الروقي
آداء نياف تركي الشيباني
تصميم نايف الروقي
عجل عليه شغل الجيب ياعناد
الابيض اللي طالع من الوكاله
اليا استوا لطرقه وربك اراد
وجهه وجه هرشن تواما سباله
ماعاد لي ياعناد فدار مقعاد
ضايق وابا السجات في كل حاله
مغير انا ونوم في حرب وجهاد
يامر وينهى كني اصغر عياله
خذيت بحبوب المنوم ولافاد
مشيت سوق الصيدلي والبقاله
واليوم اشوف العزله اعلاج وقناد
اعلاج منهو ضيق الوقت باله
ابغى خلن خالي ودله وبراد
ورقى برجمن يتعب اللي رقاله
وعن ضجة العالم وحاقد ونقاد
عرفت فرق الطيب من الحثاله
تكشفهم الايام في كل ميعاد
وقت الزوم يغيب راع النذاله
ياكثر ماشفنا من الخلق حساد
يحسدك حتى لا شربت البياله
اليا زهمته في لزومك ولافاد
لابد ماتلقى حصان بداله
شروا شجاعن حاشت ايديه الامجاد
نايف ولد غازي ياحي فاله
ونايف على كسب النواميس معتاد
فيه الوفا وطيب راع الجماله
ياذخر شيخُ ياعسى ايامه جداد
له سمعتن عطره ليا جا مجاله
دايم محله لرياجيل ميراد
غزاي نال المرجله وشكاله
ولاجاء مجال البل وميراث الاجداد
من دونها يسوق حاله وماله
ياما رعت ذوده على حدود الاكراد
ومصيافها الصاقب ليا اقصى عباله
عنده غلاها زاد لو العلف زاد
يحبها كنها محبت عياله
شعلً على صوت الموده ليا قاد
تطرب على صوته ويرمي عقاله
ياما ثنو من دون حلوات الاذواد
ترعا الخطر ماهيب ترعا بجاله
لاد المقاطي يامنشفة الاكباد
ياكم خصيمً قد ثعيتو بحاله
وفعولكم تذكر على روس الاشهاد
يوم الزمان تبين خيرت رجاله
من ربعي عتيبه مسطرت الامجاد
تاريخهم فوق الثريا لحاله