يمحمد || رثاء عراقي حزين || الشاعر عبدالاله منشد | بصوت محمد الاميري
ฝัง
- เผยแพร่เมื่อ 16 ก.ย. 2024
- || اهلاً وسهلاً بكم في قناة محطات ||
اضغظ على زر الاشتراك ومن ثمُ فعّل علامة الجرس ليصلكم كل ما يتم نشره وكل ما هو جديد
للتوصل مع قناة محطات على الفيس بوك
عبر الرابط الآتي 👇👇
/ mhtat.iq
شكراً لكم ولتواجدكم ولتواصلكم
كل الحب والأمتنان 🌹😘
كاظم ابن ابو كاظم يمحمد
للشاعر الميساني الكبير
عبد الاله المنشد المحمداوي
چتل عدنه .. چتل عدنه
وعلينه هموم ملتفه
چتل عدنه
تريد .. بلا غنه نزفه
چتل وتناخت النسوان
ها الاولاد ...ها الاولاد
مر بينا الرصاص جناح
اخذتوا تفاكم غافين
مارديتوا اللي راح
اجيتوا بلايه حتى تراب .. مارديتوا اللي راح
ومحمد خيال يدور عالنجمات
گالوا مات.. گالوا مات
لاهيهات
امس سلم عليه وفات
وآنه ابچيلكم بسكوت
ها الاولاد... ها الاولاد
اخاف السما تطيح وتعتذر بغداد
ها الاولاد ..
وانه ( وعبد الامير ) اثنين نشرب سم
تفارگنا وغفل جمعنا البريسم
تذكر من مشينا وياك درب الطيب
والدنيا رطب عالي بگلب نخله
گلنالك تجي ؟ وگلتنا بيد الله
اذا ماجابك النوبه ( -----؟)
عمي اعذرنا ياالله
تره مجبور .........ياالله
صفنه شگال شاعرنا
سم لو خنگ تردين .. روحي ارد اشيرچ
لاسم اليفيد ولاخنگ ينفع
صك اذنك بصف الناس
لاتحچي ولاتسمع
صفنا شگال كوكبنا
( حدر التراچي برد والگنطرة بعيده
وامشي واگول وصلت والگنطرة بعيده )
اذا هي بعيد بس الگنطرة معطلتك
اعبر فوج .. اعبر فوج
اسبح والنظيف يفوج
والوجهه كواغد ينمرد بالروج
صفنه شگال شاعرنا...
عالحايط التچيت مامش نفاهه
وين التچ ؟؟
ولاظل حايط بدنياك ما مهدوم
(ياجبار) صفنه شگال شاعرنا
ضعن ولفي سرة وگوطر واناحي
بعيد ولاسمع وني ونوحاي
مدام الوكت دافني وانا حي
اخافن ليش بعد من المنيه
لو موت لو يرحن عيوني
تذكر من بچينا حذاك انه وامي
دورنا على البيبان عالديرة
لگيناها درب مسدود.. درب مسدود يمحمد
دورنا على البيبان عالديرة
لگيناها مگابر والحدرهه جنود... يمحمد
دگينا على اول باب ماينفك
دگينا على ثالث باب هم ماينفك
نسينا لثاني باب نروح .. يمحمد
بقينا بشك... بقينا بشك
حرگنا هدومنه بشخاط.. يمحمد
وظل دخانهن يعمي
احترگ كلشي .. وبقه عنوانك محمد...
ولد نشمي
بقه غصبن عله اليرضى والما يرضى
ولد نشمي
سالوني عله اسمي وجاوبت يمحمد
محمد
ذكرت اسمك تعذرني .....
نسيت اسمي
بعدني ابچي انه مجبور يمحمد .. بعدني ابچي
على ام شامات
اخبرنك ولا ظل واحد بدنياك طيب ذات
چثيره وناعمه همومي .. ما كظهن ولاغربيل
افك الصبح من وحده
تجني تلطعش بالليل
تصير انوب نص درزن
وعيوني خشب ناعم وگع بيهن
ادور عارفه بهالناس عود يدور...
ويلگيهن
يمحمد گمرنه الغاب من سنين
چذب ما بلعته الحوته
وان عاتبت( خالد)
كسر تابوته
يمحمد وحگ الناس والعباس
انت اول صبي يهز العرش موته
عبدالاله المنشد
يمحمد
چتل عدنه .. چتل عدنه
وعلينه هموم ملتفه
چتل عدنه
تريد .. بلا غنه نزفه
چتل وتناخت النسوان
ها الاولاد ...ها الاولاد
مر بينا الرصاص جناح
اخذتوا تفاكم غافين
مارديتوا اللي راح
اجيتوا بلايه حتى تراب .. مارديتوا اللي راح
ومحمد خيال يدور عالنجمات
گالوا مات.. گالوا مات
لاهيهات
امس سلم عليه وفات
وآنه ابچيلكم بسكوت
ها الاولاد... ها الاولاد
اخاف السما تطيح وتعتذر بغداد
ها الاولاد ..
وانه ( وعبد الامير ) اثنين نشرب سم
تفارگنا وغفل جمعنا البريسم
تذكر من مشينا وياك درب الطيب
والدنيا رطب عالي بگلب نخله
گلنالك تجي ؟ وگلتنا بيد الله
اذا ماجابك النوبه ( -----؟)
عمي اعذرنا ياالله
تره مجبور .........ياالله
صفنه شگال شاعرنا
سم لو خنگ تردين .. روحي ارد اشيرچ
لاسم اليفيد ولاخنگ ينفع
صك اذنك بصف الناس
لاتحچي ولاتسمع
صفنا شگال كوكبنا
( حدر التراچي برد والگنطرة بعيده
وامشي واگول وصلت والگنطرة بعيده )
اذا هي بعيد بس الگنطرة معطلتك
اعبر فوج .. اعبر فوج
اسبح والنظيف يفوج
والوجهه كواغد ينمرد بالروج
صفنه شگال شاعرنا...
عالحايط التچيت مامش نفاهه
وين التچ ؟؟
ولاظل حايط بدنياك ما مهدوم
(ياجبار) صفنه شگال شاعرنا
ضعن ولفي سرة وگوطر واناحي
بعيد ولاسمع وني ونوحاي
مدام الوكت دافني وانا حي
اخافن ليش بعد من المنيه
لو موت لو يرحن عيوني
تذكر من بچينا حذاك انه وامي
دورنا على البيبان عالديرة
لگيناها درب مسدود.. درب مسدود يمحمد
دورنا على البيبان عالديرة
لگيناها مگابر والحدرهه جنود... يمحمد
دگينا على اول باب ماينفك
دگينا على ثالث باب هم ماينفك
نسينا لثاني باب نروح .. يمحمد
بقينا بشك... بقينا بشك
حرگنا هدومنه بشخاط.. يمحمد
وظل دخانهن يعمي
احترگ كلشي .. وبقه عنوانك محمد...
ولد نشمي
بقه غصبن عله اليرضى والما يرضى
ولد نشمي
سالوني عله اسمي وجاوبت يمحمد
محمد
ذكرت اسمك تعذرني .....
نسيت اسمي
بعدني ابچي انه مجبور يمحمد .. بعدني ابچي
على ام شامات
اخبرنك ولا ظل واحد بدنياك طيب ذات
چثيره وناعمه همومي .. ما كظهن ولاغربيل
افك الصبح من وحده
تجني تلطعش بالليل
تصير انوب نص درزن
وعيوني خشب ناعم وگع بيهن
ادور عارفه بهالناس عود يدور...
ويلگيهن
يمحمد گمرنه الغاب من سنين
چذب ما بلعته الحوته
وان عاتبت( خالد)
كسر تابوته
يمحمد وحگ الناس والعباس
انت اول صبي يهز العرش موته
عبدالاله المنشد
احسنت
شكرا
بروح موتاك اسم الموسيقى
مال يا مسلسل
كتلني الفضول
بعدني أبچي انه مجبور يمحمد
بعدني أبجي
على أم شامات
الموسيقى بدايتها قاسية
والكلمات تبدي بكلمة چتل
كلمة اول مرة سمعتها كان عمري 5 سنوات وكل ما اسمعها اتذكر اول مرة عرفت شنو الحزن والموت والثار
هي عباره عن ملحمه وليست قصيده
واكتملت بصوت كريم فصارت بالنسبه اليه #المقتل
اضن محمد الاميري راح ينكتب بتاريخ الشعر العراقي
الله الله ملحمه في محطات الشعر الشعبي قصيدة يمحمد للكبير الشيخ عبدالاله منشد الخليفه
شكرا جزيلا
ابداع ثمه ابداع
للاستاذ الكبير عبدالاله منشد
صوت الوجع الجنوبي كله ملخص بهذه الملحمة المسماة بالقصيدة
الحروب اكلت اجمل شباب العراق
كبير
للأسف تطبقت على الأمر الواقع وراح سلام
سبحان الله القصيدة مكتوبه قبل اكثر من ثلاثين سنه واليوم ينقتل ابنه كأنما القصيدة كتبت ع ابن الشاعر الذي قتل بسبب خلافات عشائريه في ميسان
شكد متابع شعر لكن اليوم عرفت هذا القصيده الداميه الاليمه .الله واكبر 2021/12/18
الله الله ، رائع
رائع
الله واكبر
معلقة الشعر الشعبي
تذكر من بجينه احذاك انه وأمي
دورنه عله البيبان عل الديره
لكيناهه درب مسدود
درب مسدود يا محمد
دورنه عل البيبان عل الديره
لكيناهه مكابر والحدرهه جنود يمحمد
لكيناهه مصايب ..لكيناهه طلايب
والحدرهه جنود يمحمد
دكينه عل اول باب ما ينفك
دكينه عل ثالث باب ما ينفك
نسينه لثاني باب نروح يمحمد
بقينه بشك
حركنه هدومنه بشخاط يمحمد
وظل دخانهن يعمي
احترك كلشي
وبقه عنوانك محمد ولد نشمي
...كريم منصور مرثيته لجندي اسمه محمد
احسنت النشر
اخ
ويلاه
هاي المفروض متتسمى قصيدة تتسمى مذبحة
تكاد الحروف تنزف ألما ودما وحزنا وتصعد بنا الى عالم بعيد وحزين ..الف تحية للشاعر الكبير والقارئ محمد
غنهاا الفنان الكبير كريم منصور 💔😔
الله يحفظ الشيخ الشاعر عبدالإله منشد.....قصيده رائعه
شنو قصة القصيدة بالتفصيل
شوكت صارت الحادثة مال مقتل ابنه؟
اليعرف يجاوب
رحمه لوالديك الموسيقى ؟؟؟
منين احصلهه
صك اذنك كبالل الناس لاتحجي ولاتسمع
قصيده القرن اعتبرهه ما اعتقد اكو قصيده تجاريهه
يا ريت اسم الموسيقى
حدر لتراجي بردد مو لذياب كزار ؟
نعم
نعم صحيح فالشاعر يذكر بها بعض مقاطع الشعراء وتعتبر نكران ذات