سلامه العبدالله - الا ياونتا الي من الفرقا برت خالي
ฝัง
- เผยแพร่เมื่อ 12 ก.ย. 2024
- الاياونتـاه اللـي مـن الفرقـا بــرت حـالـي
كما بري الدبى الغصن الوريق اللي علـى حلـه
على اللي من ثـلاث سنيـن هوهمـي وغربالـي
ولكن ماحصل لـي منـه ساعـه تبـري العلـه
الـى منـي بغيتـه فـي محلـه ماتهيـا لــي
ولا منه بغـى ياصـل محلـي صـار بـه ذلـه
انـا ويـاه مثـل اللـي ورد مطويـه الجـالـي
طوى حاله ظماه ويوصـف المـاء لـه ولا دلـه
الـى منـه نطحنـي قـال ياستـار الاحـوالـي
عجـب لله كيـف الخـل مايشفـق علـى خلـه
وانا اركض طول ليلي مع نهاري في الخلا الخالي
اصايـد رغبتـه واتبـع طريقـه واتبيـن لــه
الين اصبحت انـا المطلـوب بـالاول وبالتالـي
انا المطلـوب والطـلاب راعـي القذلـه الهلـه
الى مني بغيت انسـاه وادلـه عـن هـوا بالـي
بلاي النفس ماهي من صخيـف الـروح منحلـه
كذوب اللي يقول اقوى فراق الصاحـب الغالـي
متـى ماغـاب عنـك مـن تـوده بانـت الخلـه
الى مني قطعت حبـال وصلـه قـام يبـرا لـيل
حظني بالعيون اللي بهـا سيـف الهـوى سلـه
يطيح اللي بكفـي واذهـل الدنيـا وهـو سالـي
واعـود فـي عمـاي الاول اللـي مايسكـن لـه
متـى ماغـاب عنـي ماتبـي حالـي ولا فالـي
والا شفته بعيني كـن حكـم الـروس لـي كلـه
ولاني قاعـد ارجـي متـى يرمـي بـه الفالـي
وانا مـاودي العـدوان تـدري بـه وتفطـن لـه
الله يغفر لك ياالقلب الحزين سلامه العبدالله 💕💕💕💕،،