عين النداوي كلمات واداء/مشعل الروقي

#عين_النداوي
كلمات واداء/مشعل الروقي
هندسه وتوزيع/ناصر الشيباني
طرف الليل والعاشق سر في طريقه
في ضلوعه من الاشواق سيلً نحاوي
في عيونه دموع وفي فواده حريقه
وكن كبده يعرقى فوقها بالمكاوي
الهوى عيبه انه ما يراعي غريقه
والجفاء منه حالي بالسعاده سناوي
ياعشيري ترفق عاشقك نشف ريقه
اسقه بعذب وصلك يالمجم الرهاوي
اقبلي بالمحبه ياحليت مويقه
حايلً ماتردد في محار الشواوي
طالعً نابها ماقد هوتها الطريقه
قبلة الوضح من تمشي بذوده غناوي
عن هواها راعيها ماش شيً يعيقه
صيفت يم شوك وربعت بالصداوي
فيك من ناعم الزهره شذاه ورحيقه
وفيك ثفل وعقل مع زين والعود راوي
كن وجهك قمر خمسة عشر في بريقه
وعينك الساهيه تقول عين النداوي
يالثنين الوقوف ويالثمان العتيقه
وجد حالي وانا ادري ماتفيد المناوي
يبتلش مشغلك في وسع ثوبك وضيقه
وسعه كله الا الخصر يازين خاوي
وشعرك اللي عن العالم يغطي ذليقه
اشعلً مع هوى الغربي يجي له مطاوي
ذيلا صفرا تكرم بالسمن فالعليقه
فوق بر القصيم وفوق تمر الحساوي
في غيابك تروح الثانيه عن دقيقه
اتجلد وذيب الشوق بالصدر عاوي
ويصبح الصبح وضلوع المولع حريقه
نار الاشواق فيها مثل نار الفراوي