حبيبتي ربي يبارك فيك على كلشي فدتينا بيه بغيت برك نطلبك ديريلنا جزء رابع للمراة لي الزوج ميعطيهاش دراهم المصروف يعني ما تخرج ما يعطيها دراهم المصروف هو متكلف بكلش كيفاه دير بيت لخزين طلعو التعليق بلييز باه تشوفه
خبي بالكميات القليلة مثلا السكر كل ما يشريلك خلي شوية في قابسته قد كاس هاك وكي تلمي قيس وحدة جديدة خبي لي يشريهالك واجبدي هادوك لي كنتي دسيتهم وهكا انا ندير
تجربتي مع بيت لخزين من جانفي 2023 و انا نلم فيه و كل مرة محدد و نبدل المنتوجات باش ماتخسرليش لكن الكمية و النوع كانو يزيدو دجاج (لانو لحم رمضان كان على الزوج مع الفاكهة )و خضر و فواكه مصبرة و مجمدة و مع لوازم الحلويات و مواد التنظيف و شوي كوسميتيك (مالحقتش نكمل العطور )و الباقي كامل كان قيس 3 اشهر إستعمال و رمضان هذا ما شريت واااالو غير 2 كيلو كاوكاو و لي كيسات نتاع القاطو و زوج باكي فون و هكا ميزانية من راتب هذا الشهر شريت بيها طابلة باز و واحد العفسة الكتب جاوني ب2 ملاين و 400 و زدت دخلت في جمعية مع زميلاتي في العمل يعني ضرك الميزانية قلييييلة الي بقات بصح مش خايفة لانو مازالني من بيت لخزين و مازالي الدجاج في المتجمد نكمل هذا الشهر و راني نقضي من ضرك من لي بروموسيو للخزين و الي ينفعني مع عيد الأضحى و الصيف لبنات ننصحكم بالخزين و الله انا ز جي مع الاول كان حطني مهبولة و يضحك عليا بصح ضرك استعرف بيا صح و هو ولى يخمم كيفي ضرك لازم نخممو في عيد الأضحى العطلة و الدخول المدرسي
ختي ناجحة ربي يعطيك ويمنيك ويفرحك ,خلصت ديني وتهنيت فرحة لاتوصف عقبال كل وحدة تخلص دينها ,ة ربي يوفقنا ونكملو ترميم البيت والبناء لخاطر مزال فيها جبيد ,ربي يفرحك حبيبتي ,أنا نخاف نموت من الدين سواء تع الله او تع العباد ,اليوم صايمة تان يوم نخلف ديني ونرتاح وتع شوال حسب الطاقة ❤❤❤
شكرا حبيبتي كفيتي و وفيتي لكي الف الف شكر و تقدير بفضلك و افكار قدرنا نسلكو غرامة مالية و درت بيت خزين لرمضان صمناه بأريحية الحمد لله و قدرت ندير حاجة صغيرة ذهب ضرك بأفكارك نوجدو للعيد لكبير ان شاء الله دعيتلك من قلبي في رمضان هذا ربي يفرحك كيما هنيني من تخمام
مرحبا بيك وليتي ادمان بالنسبة ليا اكتشفت قناتك مؤخرا وكل وقت نشوف فيديواتك الاولين ودرتيلي القلب وتفاهمت مع راجلي نمشو بعقليتك عندي كريدي تاع60مليون مارجعت منو واااالو مدة خمس سنين لاني كنت عايشة فالعشوائية والله حسيت فيديواتك كي الصفعة في وجهي المهم راح نبدا من هذا الشهر بعد ثلاث او ستة اشهر نعاود نراسلك ونقولك على النتيجة إن شاء الله ربي يوفقني ونسدد اليوم الي راهي مثقلتني وشكرا والف شكر على مجهوداتك يعطيك الصحة والعافية.❤أم علي❤
مواضيعك قمة بارك الله فيك ، حبيت نطلب منك طلب و نتمنى ماتردينيش حبيت ديريلي موضوع في اقرب وقت على المنوض بكري على 5 عندي الف حاجة في راسي باش نديرها بصح نوض نصلي و نعاود نرجع نرقد ل 9 و عندي بيبي نرضعها فليل وانا حابة نبدا مشروعي لكن الوقت لي نقدر نخدم فيه من 5 ل 8 في نهار مانقدرش نخيط مع الدراري ، و كل يوم نحس بتانيب الضمير و هاد الشي رجع ليا ضغط حتى نقول بلاك رايحة نهبل من العصبية لي راني فيها ماربحت دين ماربحت دنيا ماربحت بناتي و راني غير نخسر فيهم بسك ماقدرت ندير والو
شكرا على كامل مجهوداتك ربي يعتيك ماتتمناي انشاء الله انا في عمري ٢٩ وأم لثلاث اولاد من تيزي وزو وراني نتعلمك منك بزاف 🙏🙏 من فضلك زيدي ديريلنا فيديوات على تنضيم الوقت للامهات ربي يسعدك ويحفظك 😊❤😊❤
شكرا جزيلا في ميزان حسناتك ضرك برك كنت نهدر مع الزوج قتلو الصيف هادا انا لنتحكم في المصروف وشوف معايا عجباتك عجباتك معجبتكش دراهمك تحتك على خاطر هو عامل يومي ودرنا دين كبير ربي يقدرنا عليه برك .انا نتبع فيك من الاول ودرت خطة تناسبني من الافكار تيعك ان شاء الله تنجحلي
شكرا اختي انا من متتبعاتك والله العظيم بفضل النصائح تاعك فوت رمضان مرتاحة وكي جارمضان كنت معمرة بيت الخزين وشارية صوالح القاطو وقش اولادي شريته في شعبان
سلام حبيبتي، ران من الخدمة ونتبع فيك بعد درت الجرد تاع رمضان وران ندير في قائمة تاع بيت الخزين ونحسب شا ران موخرة للعيد الكبير.... حتي طلع لي الفيديو رب يفرحك
❤❤يعطيك الصحة ديرتينا الكوراج تعيشي ديريلي تقسيم اربع ملايين و ميتين لعائلة متكونة من اب و ام و ثلاث اطفال طفل 7سنوات و 5سنوات و رضيع خمس اشهر يرضع طبيعي و اصطناعي و نخليه عند المرا زوجي يخبي شهريتو عندو مشروع لهذا لازم نصرف بشهريتي حنا كاريين نسلكو لكر ا ب 6اشهر و زوجي عندو دراجة نارية للتنقل و انا نتنقل فالبوس المهم عندي 10الاف فالنهار تعيشي تعيشي قسميهالي باش ندير تحدي تاع العيد لكبير و لكرا صحيت و ربي يحفظهلك اولادك
انا شريت لبنتي فالبروموسيو تاع الشتا بظاوهاو16 جانفي شريتلها ثلث بدلات يهبلو وحدة خليتها للعيد لكبير و صاك و شوشوات و صباط و صروال تاع كل يوم بثمن ميا العام الي فات اونسومبل وحدو ثمن ميا خرجتلي الكسوة بزاف غالية و زيد بدلة وحدة لوكان تتوسخ مكاش بيمن نبدلها
شكرا اختي عالنصاءح القيمة انشاء الله يشوفوك الكثير من النساء أراهم عايشين فالدين والعشوائية أنا ماما دير بيت خزين وانا كزوجت دار شيخي ما عندهمش هذا العقلية كي خرجت بداري تبعت ماما ودرت بيت خزين وكي عرفت قناتك تشجعت أكثر درت حصالة نعمر في داري ودرت ادخار بسيط بفضل نصاؤحك شكرا مزيد من النجاح ❤❤❤ام الاء ❤❤❤
السلام عليكم .. انا درتها تاع الڤروسيست و هايلة ... كانت خالت زوجي هي اللي تروح تشري و كنا نتقاسمو مثلا في الشتاء اللي تروح تشريلنا : العدس اللوبيا الحميصة روز بواكاسي ڨارنطيطا طماطم علب سكر دقيق فرينة معكرونة سباقيتي زيت خل مازهر .... و كل واحدة فينا كانت تدي قيسها و كانت تجوزلي عام و عامين و عادي مايصرالهم والو ... القارنطيطا اللي شريتها على 76دج شدتلي عامين حتى ولات 130دج
انا ما نسميش قناتك المراة الناجحة نسميك كنز اليتيوب لانك فعلا كنز و نصايحك ذهب الله ايخليك بغيت تنصحيني شفت الفيديو تاعك تاع المشاريع المصغرة و انا مادابيا ايكون عندي مصروف الجيب بصح تايهة عندي زوج دراري و كتبتلك من قبل قوتلك اني نعاني من العصبية قولتيلي لازم تتخلصي من العصبية بصح قلت بلاك احساسي اني ماني ندير في والو هو لي راه دايرلي العصبية مع انو الامومة ماشي ساهلة و ما دابية ربي يرزقني بنت المهم سمعت في الفيديو انو من بين المشاريع خياطة الدروات و تنبات الله ايخليك اي المشروعين يمشي مليح مع العلم اني الخياطة ما نحبها ما نكرها انا ميالة للكروشي بصح راكي عارفة لكروشي و لكن أيضا كي قلتي تنبات يعجبني نحس روحي كي نعود نخدم بالبرة و الخيط نحس روحي اهدى و أيضا مشروع الدروات نحسو ساهل و فيه الدراهم بصح بغيت نسقسيك اسكو كي نخدم دروات سامبل مع لمخايد تاعهم سامبل و نتعامل مع المحلات هل هاذ العقلية تنجحني لاني معانديش الخاطر نتعامل مع الناس اسمحيلي طولت عليك و الله راني سنين ندور غير في بلاصتي و مادرت والو لكن الحمدالله على نعمة ربي اسمحيلي مرة تانية و مانيش لاقية عبارات الشكر لي نشكرك بيهم لانك فعلا امراة نادرة و جمعتي بين الدين و الدنيا موفقة وربي ايجازيك بجنة الفردوس يارب ❤❤❤❤❤❤
اختي انا من عندي نوضي تحركي وديري مشروع الي يناسبك وتميلله وشاطرة فيه ونقولك الله يسهل بصح نوصيك في سبيل الله ما ديريش البنت سوسة في راسك اذا خبر الله تكون عندك بنت يرزقك بيها وحده ادعي واه ولكن ماتمرضيش روحك على الذرية رازق الله ❤❤
ربي يوفقك اختي انا ثاني مثلك متعلمة كلش وراني مكتفة تزوجت عائشة مع بيت شيخي وراجلي من النوع لميخلينيش نخرج وكي انقلو نخدم في الدار يقلي متقدريش توفقي بين الدار والخدمة استمى هو لمفشلني سلفاتي وطفالاتي كامل يخدمو لبرى تخدم ولفدار تخدم غير انا معرف كي كنت مع والديه وهو في طبعو مختلف على طبع خاوتو يعني من النوع التقليدي وعندي 10 سنين زواج 😢اعطوني الحل والله وليت عصبية ومقصرة من جهة ربي ومقصرة حتى في روحي على خاطر لقيت روحي خدامة على دارهم وماليه
يعطيك الصحه وعيدك مبارك والله راني مدمنةعليك أن شاءالله نبدا نطبق ...ملاحظة خاصة انا حالتي زوج معندهش دخل مظبوط يعني عمل حر وانا بدون وظيفة أو عمل نتمنى تنصحيني مع اني ام لطفلين واحد 3 واحد سنة ...ولوازهم ......حابة تسير ميزانية وتوفير
ارجوك ارجوك اعطيني خطة كيف انقض ابنائي من الضياع يكرهو لقراية في سنة المبكرة معندهمش نفحة وأنا نحس روحي مانيش قادرة نسيطر عليهم عكس تلاميذي في القسم انجح التلاميذعلى مستوى المدرسة نقريهم ونربيهم ومسيطرة في القسم بطريقتي تشجيع تنافس ولكن مانجحتش مع اولادي عايشين الا مبالاة وهذا أيضا تدهور في حياتي كاملة كل ما نقول نشري حاجة تروح حاجة اكبر نبني تتهدم كرهت داري وتعبت من اولادي نروح راقي ولالا اعطيني خطة ونتبعك انصحيني حبيبتي
انا امي دايرة دار ودايرة فيها سلع غذائية كثيرة بصح دارتها كل مرة تشري كرطون نتاع حاجة مرة تشري كرطون قهوة مرة نشري شاي حتى وصلت لبيت الخزين كبير والحمد الله انا درته بلقليل والحمد الله لقيتهم فلمناسبات بيت الخزين هرمون السعادة عندي وعاوني باش تحكمت فلميزانية شكرا على النصائح🙏🏻🙏🏻🙏🏻❤❤❤
سلام اختي ،والله نفرح كي يخرجلو للفيديو تاعك نحس بطاقة إيجابية داخلتني انا عطيتيني تقسيم تاع ثمن ملاين وعندي خمس ولاد وقلتلك على مشكل الدين تاع الحانوت لي يطلع ، حبيت نسقسي على حاجة نتمنى تعطيني رايك راني حايرة نتمنى تجاوبني ولو هنا بتعليق انا راجلي مايحبش يعطيني نتصرف في الراتب وندير تقسيم قالي حتى نكملو الدين ونشوف، والدين عمرو ماراح يكمل رانا ندورو في حلقة مفرغة فكرت في بزاف مشاريع من البيت وماخلانيش وجبت مشينة صغيرة كريدي قلت نخدم غير الكفات ولا القلبات للحوايج وماقبليش وحصلت بيها ،ماخلاني نخدم حلوة ولا حاجة أخرى مع اني عندي ماستر وعندي دبلومات تاع صعوبات تعلم نقدر نخدم بطاقات يعاونو الاطفال لي عندهم صعوبات ونقص تركيز ووووو المهم دوك خممت اني نخدم لابات فويتي تخرجلي بزاف شابة تعلمتها مع الحلويات ،بصح قلت نشد لي كوموند ونخدم بلا مانقولو لانو يستصغر الفايدة هذيك بزاف ويقولي تعب بلافايدة كبيرة ،يعني قلت كي يكون خدام نخدمها اصلا مانطولش ربع ساعة نكمل وحدة تاع زوج كيلو ،معنتها ماتديليش وقت الدار والاولاد ،ونلم هدوك دراهم يالوكان نعمر بيهم بيت خزين وهو في عوض ما يعاود يبدا كريدي جديد يخلص الحانوت برك ويكون عندنا قضيان شوية نمشو بيه الشهر ،حبيت تقوليلي اذا عادي نخبي عليه برك ،وربي يجازيك ويحفظك يارب ❤❤
@@adamadam475 تعيشي اختي لكن والله ماحاب يتقنع حاولت بكذا مشروع والو مش متقبل الفكرة ،ومن جهة رانا غير نزيدو نغرقو في الدين اكثر واكثر وانا حبيت نعاونو هذي نيتي ننقص عليه القضيان عالاقل حتى يكمل الدين لي عليه
سلام ختي عندي شحال وانا نتبع فليفيديو تاوعك وعجبوني بزاف انا مانيش دايرة بيت الخزين بصح راني مقتنعة بيه وحابة نديرو في اقرب وقت وكي راني مبتدىة حبيت ندير بيت خزين بالشهرين يعني نخبي حق شهرين ونستهلك شهرين باش مانطولش وانا نلم فيه وبشوي نكبر فيه واش رايك واذا يخرج عليا ولا لالا
حبيبتي ربي يبارك فيك على كلشي فدتينا بيه بغيت برك نطلبك ديريلنا جزء رابع للمراة لي الزوج ميعطيهاش دراهم المصروف يعني ما تخرج ما يعطيها دراهم المصروف هو متكلف بكلش كيفاه دير بيت لخزين طلعو التعليق بلييز باه تشوفه
خبي بالكميات القليلة مثلا السكر كل ما يشريلك خلي شوية في قابسته قد كاس هاك وكي تلمي قيس وحدة جديدة خبي لي يشريهالك واجبدي هادوك لي كنتي دسيتهم وهكا انا ندير
❤سلاما علي من مرت صدفة فاستغفرت فزادتني حسنة وزادت حسناتها❤
أستغفر الله العلي العظيم و أتوب إليه
استغفرك اللهم و اتوب إليك
استغفر الله واتوب اليه
استغفر الله و اتوب اليه
جدول اكل اسبوعي او بالعشرة ايام ربي يجازيك بالخير زوجي يفطر فالخدمة معنديش مشكل كون ندير وجبة واحدة فطورر و عشا ماعدا الويكاند لي ندير فطور و عشا
تجربتي مع بيت لخزين
من جانفي 2023 و انا نلم فيه و كل مرة محدد و نبدل المنتوجات باش ماتخسرليش لكن الكمية و النوع كانو يزيدو
دجاج (لانو لحم رمضان كان على الزوج مع الفاكهة )و خضر و فواكه مصبرة و مجمدة و مع لوازم الحلويات و مواد التنظيف و شوي كوسميتيك (مالحقتش نكمل العطور )و الباقي كامل كان قيس 3 اشهر إستعمال
و رمضان هذا ما شريت واااالو غير 2 كيلو كاوكاو و لي كيسات نتاع القاطو و زوج باكي فون
و هكا ميزانية من راتب هذا الشهر شريت بيها طابلة باز و واحد العفسة الكتب جاوني ب2 ملاين و 400
و زدت دخلت في جمعية مع زميلاتي في العمل يعني ضرك الميزانية قلييييلة الي بقات بصح مش خايفة لانو مازالني من بيت لخزين و مازالي الدجاج في المتجمد نكمل هذا الشهر و راني نقضي من ضرك من لي بروموسيو للخزين و الي ينفعني مع عيد الأضحى و الصيف
لبنات ننصحكم بالخزين و الله انا ز جي مع الاول كان حطني مهبولة و يضحك عليا بصح ضرك استعرف بيا صح و هو ولى يخمم كيفي
ضرك لازم نخممو في عيد الأضحى العطلة و الدخول المدرسي
في أوروبا يشتركو 4 أو 5 من الناس أو يقسمو السلع على 5.
أنا اقترحت هاد الفكرة لي الاقارب ،كل واحد لقى سبة.....ملا مزالنا بعاد لي هد الوعي
ودرت تحضيرات رمضان من قبل و ربحت صحتي وبزاف أمور توضحو في عقلي بسبب قناتك ولي عجبني في قناتك فيديو تاع الليالي العشر أثر فيا بزاف تقبل الله منا ومنكم
ختي ناجحة ربي يعطيك ويمنيك ويفرحك ,خلصت ديني وتهنيت فرحة لاتوصف عقبال كل وحدة تخلص دينها ,ة ربي يوفقنا ونكملو ترميم البيت والبناء لخاطر مزال فيها جبيد ,ربي يفرحك حبيبتي ,أنا نخاف نموت من الدين سواء تع الله او تع العباد ,اليوم صايمة تان يوم نخلف ديني ونرتاح وتع شوال حسب الطاقة ❤❤❤
ألف ألف مبروك سوسو أروع إحساس وربي يقدرك ان شاء الله
الف مبروك ختي تهنيتي ...راه في دين راني غي نخمم و مقلقة عليه وقتاش يكمل ربي يقدرني دعيلي الاخت
@@منوعاتمملكةهاجر-ق1ق الله يسلمك حبيبتي و ربي يفرحك ويجبر بخاطرك ويكملك لي في بالك يارب 🤲 😚🌹
@@AddaBou-ib5ku ربي يفرحك ختي ويقضي دينك والله صدقيني ادعي ربي ماتعرفيش ڨاع كيفاه تسهل وتقضيه انا رمضان كامل ندعي نقضي ديني والحمد لله على الدورو التالي كنت من قبل نسد بشوية بقاتلي ثلات ملاين توالى كملتهم,راني صايمة ودعيت لك من قلبي لخاطر حاسة بيك فاتت عليا مقلقة ونخمم ربي يفرحك من بابه الواسع وتبشرينا معاك ماتتقلقيش ختي ربي كبير وبرحمته 🤲🥰
@@AddaBou-ib5ku ربي يفتح عليك أختي توكلي على ربي وكي اليوم أرواحي فرحينا وقوليلنا راني قضيت ديني
ديرو الجام وانشرز القناة بين الناس حتى تعم الفاىدة ونولو قاع المراة الناجحة 😊
كفيتي ووفيتي ،بارك الله فيك
ديريلنا التحدي تاع الدخول المدرسي هذا هو الوقت المناسب باش نبداو❤️
سلام ختي.لازم درلنا تحدي باش نطيبو فل الواقع.تحدي عيد الكبير
شكرا
تهبل القورمات تاعك ماشاء الله شحال شريتيها
شكرا جزيلا علي هذ المجهود اتمنا ديرينا فيديو علي جدول وجبات بعد العيد في اقرب وقت ممكن
نحسك صادقة و تمدي من قلبك.....ريي يعطيك الصحة😅
ديرو جام الشيرات
شكرا حبيبتي مرحبا بك
شكرا حبيبتي كفيتي و وفيتي لكي الف الف شكر و تقدير بفضلك و افكار قدرنا نسلكو غرامة مالية و درت بيت خزين لرمضان صمناه بأريحية الحمد لله و قدرت ندير حاجة صغيرة ذهب ضرك بأفكارك نوجدو للعيد لكبير ان شاء الله دعيتلك من قلبي في رمضان هذا ربي يفرحك كيما هنيني من تخمام
اختي معرفتش كيفاش نحي التوسويس راه متعبني ومضيعني و حبيت ديريلنا فيديو على المرأة السلبية والنكدية وش حلها
رنا كيف كيف حببتي ملقيتش حل وللع تعبت ربي يهدينا وفرج علينا
الوسواس من الشيطان و الشيطان يفر من البيت الذي يقرأ فيه سورة البقرة أنا داومت عليها و الحمد لله نقص بزاف❤
يعطيك الصحة ختي تغيرت حياتي وتهنيت من الديون وراتي عايشة باريحية❤
مرحبا بيك وليتي ادمان بالنسبة ليا اكتشفت قناتك مؤخرا وكل وقت نشوف فيديواتك الاولين ودرتيلي القلب وتفاهمت مع راجلي نمشو بعقليتك عندي كريدي تاع60مليون مارجعت منو واااالو مدة خمس سنين لاني كنت عايشة فالعشوائية والله حسيت فيديواتك كي الصفعة في وجهي المهم راح نبدا من هذا الشهر بعد ثلاث او ستة اشهر نعاود نراسلك ونقولك على النتيجة إن شاء الله ربي يوفقني ونسدد اليوم الي راهي مثقلتني وشكرا والف شكر على مجهوداتك يعطيك الصحة والعافية.❤أم علي❤
شكرا حبيبتي على ثقتك ، مرحبا بك و الله يوفقك و يقدرك
إن شاء الله يا ربي@@Elmaranajiha
ديول شريتهم فى رمضان ب7 الاف فوتنا رمضان بمصروف الشهري ومسلتزمات الحلويات شريتهم فى اخر اسبوع رمضان وكلش رخيس البركة هي كلش والقناعة هي السعادة
الحمد لله جوزنا رمضان آلاز برعاية المرأة الناجحة ههه
أسهل شرح حول بيت الخزين شفتو فاليوتيوب... اكثر وحدة قنعتني بيه .. ربي يبارك فيك ❤
صدقتي بابا كنا صغار يعيد لنا في شعبان ويشري كلش ولش نحتاجو في شعبان يجي العيد نكونو كلش عنا وعمر ولا بابا حتاج ولا سلف في العيد.هدي في التمانينات.
مواضيعك قمة بارك الله فيك ، حبيت نطلب منك طلب و نتمنى ماتردينيش حبيت ديريلي موضوع في اقرب وقت على المنوض بكري على 5 عندي الف حاجة في راسي باش نديرها بصح نوض نصلي و نعاود نرجع نرقد ل 9 و عندي بيبي نرضعها فليل وانا حابة نبدا مشروعي لكن الوقت لي نقدر نخدم فيه من 5 ل 8 في نهار مانقدرش نخيط مع الدراري ، و كل يوم نحس بتانيب الضمير و هاد الشي رجع ليا ضغط حتى نقول بلاك رايحة نهبل من العصبية لي راني فيها ماربحت دين ماربحت دنيا ماربحت بناتي و راني غير نخسر فيهم بسك ماقدرت ندير والو
مازالت دنيا بخير بوجود واحدة مثل المراة الناجحة ربي يحفظها ويحفظ اهلها وكل من يعرفها ويحبها❤❤❤❤❤
شكرا على كامل مجهوداتك ربي يعتيك ماتتمناي انشاء الله انا في عمري ٢٩ وأم لثلاث اولاد من تيزي وزو وراني نتعلمك منك بزاف 🙏🙏 من فضلك زيدي ديريلنا فيديوات على تنضيم الوقت للامهات ربي يسعدك ويحفظك 😊❤😊❤
اشتقنا لوصفاتك نتمنى تشاركينا وصفات اقتصادية ويومية مطوليش علينا والفناك
عيدكم مبارك
انا هذا الطريقة راني في 10سنوات معتامدتها
والان راني متعبة ليسوبيرات لي يديروا تخفيضات نشري من عندهم
الله يبارك حبيبتي الله يوفقك و مرحبا بك
شكرا جزيلا في ميزان حسناتك ضرك برك كنت نهدر مع الزوج قتلو الصيف هادا انا لنتحكم في المصروف وشوف معايا عجباتك عجباتك معجبتكش دراهمك تحتك على خاطر هو عامل يومي ودرنا دين كبير ربي يقدرنا عليه برك .انا نتبع فيك من الاول ودرت خطة تناسبني من الافكار تيعك ان شاء الله تنجحلي
الله يوفقك و يقدرك حبيبتي
@@Elmaranajiha ان شاء الله
شكرا اختي انا من متتبعاتك والله العظيم بفضل النصائح تاعك فوت رمضان مرتاحة وكي جارمضان كنت معمرة بيت الخزين وشارية صوالح القاطو وقش اولادي شريته في شعبان
جزاك الله خيرا اختي الغالية سالتك على تقسيم زوج ملايين ونصف لعائلة ستة اشخاص فيها كلش ما عدى ميزانية العيد الاضحى انتظر ردك❤❤❤❤❤
انشاء الله نجرب بيت التخزين ربي يوفقنا وشكرا جزيلا
صح عيدك حبيبتي عندي مدة ماعلقتش بصح كنت نشوف فيديو وندير جام أكيد كنت دايرة تحدي خزنة لبنتي حفزتيني حبيبتي لكن نهار قبل العيد مرضت بنتي ودخلت للسبيطار والحمدلله لقيت دراهم تحدي عاونوني بزاف شكرا حبيبتي وربي يوفقك
سلام حبيبتي، ران من الخدمة ونتبع فيك بعد درت الجرد تاع رمضان وران ندير في قائمة تاع بيت الخزين ونحسب شا ران موخرة للعيد الكبير.... حتي طلع لي الفيديو رب يفرحك
J'approuve ta méthode 👌
effectivement elle permet de prendre le devant sur les événements économiques de nos familles,... franchement bravo 🎉
الله يبارك عليك. تثلحي وزيرة الاقتصاد وهدرتك حلوة عسل وزيد بالفايدة. يعطيك الصحة والعافية حبيبتي.
الله يبارك فيك، و يحفظك انت و عائلتك 🌹🌹🌹
سلام يعطيك الصحة حبيبتي بغيت غير نقولك التوقيت الي راكي تحطي فيه الفيديو ماشي ڨاع مناسب لوكان تحطيه مع المغرب احسن نكونو كامل مرتاحين و نستنو فيك
انت كنز حقيقي سيدتي الكريمة!!!❤❤❤❤
❤❤يعطيك الصحة ديرتينا الكوراج
تعيشي ديريلي تقسيم اربع ملايين و ميتين لعائلة متكونة من اب و ام و ثلاث اطفال طفل 7سنوات و 5سنوات و رضيع خمس اشهر يرضع طبيعي و اصطناعي و نخليه عند المرا زوجي يخبي شهريتو عندو مشروع لهذا لازم نصرف بشهريتي حنا كاريين نسلكو لكر
ا ب 6اشهر و زوجي عندو دراجة نارية للتنقل و انا نتنقل فالبوس المهم عندي 10الاف فالنهار تعيشي تعيشي قسميهالي باش ندير تحدي تاع العيد لكبير و لكرا صحيت و ربي يحفظهلك اولادك
انت كنز ختي راني نستفاد منك بزاف انا نحب الاقتصاد والتوفير نموت على فديوهاتك ربي يوفقك
نشكرك على النصاءح القيمة ،راني ندير بها وخرجت عليا، جوزت رمضان مليح والعيد ثاني، بفضل نصاءحك،يعطيك
يا ختي شا نقولك الله يرزقك الصحة و راحة البال يا ختي و صحبتي راني مسميتك صاحبتي الوهرانية
شكرا حبيبتي مرحبا بك و الله يوفقك و يسعدك
❤❤❤ ممكن ورينا وا بقالك بيت خزين
انا شريت لبنتي فالبروموسيو تاع الشتا بظاوهاو16 جانفي شريتلها ثلث بدلات يهبلو وحدة خليتها للعيد لكبير و صاك و شوشوات و صباط و صروال تاع كل يوم بثمن ميا العام الي فات اونسومبل وحدو ثمن ميا خرجتلي الكسوة بزاف غالية و زيد بدلة وحدة لوكان تتوسخ مكاش بيمن نبدلها
روعة روعة روعة قناتك ماشاء الله رجعتي اختي لمولدتهاش امي ربي يحفظك وينورك ان شاء الله
بالتوفيق شكرا بزاف على هذه القناة الكنز
المراة الناجحة المراة الناجحة ❤❤❤❤
من فضلك اختي كيفاش نتواصل معاك . نحتاجك في أمر ضروري وعاجل .وربي يعطيك كل ما تتمني
ختي عن تجربة العدس و اللوبيا السميك البركوكس كلش ديريه فالكونجيلاتور يقعدو العام كامل
شكرا شكرا شكرا شكرا حبيبتي على الموضوع الرائع والله يجزيك كل خير ♥️🍒🍫🍯❤
وضحتينا كلش,بالتفصيل ربي يوفقك فعلا ناجحة بامتيااااااز ❤❤❤
شكرا حبيبتي مرحبا بك و الله يوفقك
روحي ربي يرحمك ويرحم والديك ويفرحك ويجعلها في ميزان الحسنات
شكرا حبيبتي دائما في القمة ربي يحفظك حبيبتي ماشاء الله ❤❤❤
نصائحك من ذهب
بارك آلله فيك
انا نسميها جنة الدنيا
اهلا حبيبة نورتينا
شكرا حبيبتي مرحبا بك
صحيتي يعطيك الصحة كل مرة تعطينا افكار جديدة في ميزان حسناتك إن شاء الله
سبحان الله وبحمده سبحان الله العظيم
سلام عليكم أخت وحبيبتي ربي يجزيك بلخير على هد نصائح المفيد
السلام عليكم أنا نسكن في غرفة واحدة بيت خزيني لازم يكون قليل معنديش مكان .والمدة الزمنية يعني تكون صغيرة.
ديري هادوك القوابس الكبار وحدة فوق وحدة وغطيهم عادي
سلام حبيبتي صح عيدكم اختي حطيلنا موضوع على لي الزوج ما يمدلهاش للمصروف كيفاش الدير
ربي يحفظك ويفرحك ويفتح كل ابواب الخير في وجهك طريقتك رايعة
شكرا حبيبتي ❤❤❤
شكرا اختي عالنصاءح القيمة انشاء الله يشوفوك الكثير من النساء أراهم عايشين فالدين والعشوائية أنا ماما دير بيت خزين وانا كزوجت دار شيخي ما عندهمش هذا العقلية كي خرجت بداري تبعت ماما ودرت بيت خزين وكي عرفت قناتك تشجعت أكثر درت حصالة نعمر في داري ودرت ادخار بسيط بفضل نصاؤحك شكرا مزيد من النجاح ❤❤❤ام الاء ❤❤❤
بارك الله فيك كفيتي و وفيتي❤
جزاك الله كل خير حبيبتي ❤❤
ربي يسهل للجميع 🎉نتمنى الجميع يتعاون،خلي تطلع قنواتنا
وينكم يا نساء
بارك الله فيك الاخت
عندي سوال راني حابة نختن وليدي فسبتمبر ان شاء الله وحبيت نشري دوزان القاطو من دوك ولا نلم دراهم ماعرفتش؟.؟ للعلم راجلي يخلص 4ملاين ماعندي حتا دخل اخر كنت ناوية ندير فطور م مانقدرش. الوغ حابة ندير قهوة بالطبع. اعطيني أفكارك ونصحيني بكاش تدابير. وربي يجازيك علا مجهوداتك❤
تستاهلي كل خير يا وجه الخير
السلام عليكم .. انا درتها تاع الڤروسيست و هايلة ... كانت خالت زوجي هي اللي تروح تشري و كنا نتقاسمو مثلا في الشتاء اللي تروح تشريلنا : العدس اللوبيا الحميصة روز بواكاسي ڨارنطيطا طماطم علب سكر دقيق فرينة معكرونة سباقيتي زيت خل مازهر .... و كل واحدة فينا كانت تدي قيسها و كانت تجوزلي عام و عامين و عادي مايصرالهم والو ... القارنطيطا اللي شريتها على 76دج شدتلي عامين حتى ولات 130دج
ختي لي بروموسيو يديروهم كي تكون مقربا تتبيريمى كيفاش نشري بزيادة
سلام حبيبتي ربي يحفظك
شكرا حبيبتي مرحبا بك
شكرا شكرا شكرا الله يحفظك❤
انا ما نسميش قناتك المراة الناجحة نسميك كنز اليتيوب لانك فعلا كنز و نصايحك ذهب الله ايخليك بغيت تنصحيني شفت الفيديو تاعك تاع المشاريع المصغرة و انا مادابيا ايكون عندي مصروف الجيب بصح تايهة عندي زوج دراري و كتبتلك من قبل قوتلك اني نعاني من العصبية قولتيلي لازم تتخلصي من العصبية بصح قلت بلاك احساسي اني ماني ندير في والو هو لي راه دايرلي العصبية مع انو الامومة ماشي ساهلة و ما دابية ربي يرزقني بنت المهم سمعت في الفيديو انو من بين المشاريع خياطة الدروات و تنبات الله ايخليك اي المشروعين يمشي مليح مع العلم اني الخياطة ما نحبها ما نكرها انا ميالة للكروشي بصح راكي عارفة لكروشي و لكن أيضا كي قلتي تنبات يعجبني نحس روحي كي نعود نخدم بالبرة و الخيط نحس روحي اهدى و أيضا مشروع الدروات نحسو ساهل و فيه الدراهم بصح بغيت نسقسيك اسكو كي نخدم دروات سامبل مع لمخايد تاعهم سامبل و نتعامل مع المحلات هل هاذ العقلية تنجحني لاني معانديش الخاطر نتعامل مع الناس اسمحيلي طولت عليك و الله راني سنين ندور غير في بلاصتي و مادرت والو لكن الحمدالله على نعمة ربي اسمحيلي مرة تانية و مانيش لاقية عبارات الشكر لي نشكرك بيهم لانك فعلا امراة نادرة و جمعتي بين الدين و الدنيا موفقة وربي ايجازيك بجنة الفردوس يارب ❤❤❤❤❤❤
اختي انا من عندي نوضي تحركي وديري مشروع الي يناسبك وتميلله وشاطرة فيه ونقولك الله يسهل بصح نوصيك في سبيل الله ما ديريش البنت سوسة في راسك اذا خبر الله تكون عندك بنت يرزقك بيها وحده ادعي واه ولكن ماتمرضيش روحك على الذرية رازق الله ❤❤
@@nassimaATTOU-l7z سبحانو اختي الحمد الله على كل نعمه ربي يحفظك اختي و ايفرحك شكرا 🥰🥰🥰
سبحان الله وبحمده سبحان الله العظيم
😅
ربي يوفقك اختي انا ثاني مثلك متعلمة كلش وراني مكتفة تزوجت عائشة مع بيت شيخي وراجلي من النوع لميخلينيش نخرج وكي انقلو نخدم في الدار يقلي متقدريش توفقي بين الدار والخدمة استمى هو لمفشلني سلفاتي وطفالاتي كامل يخدمو لبرى تخدم ولفدار تخدم غير انا معرف كي كنت مع والديه وهو في طبعو مختلف على طبع خاوتو يعني من النوع التقليدي وعندي 10 سنين زواج 😢اعطوني الحل والله وليت عصبية ومقصرة من جهة ربي ومقصرة حتى في روحي على خاطر لقيت روحي خدامة على دارهم وماليه
مشاءالله
Merci beaucoup pour tes conseils
شكرا ♥️ حبيبتي ربي يحفظك ويجازيك 🤲
❤بوركتي. نصايح من ذهب❤
سلام عليكم كراكم لباس اختي ربي يحفظك ويسعدك يارب ❤❤
يعطيك الصحة حبيبة في ميزان حسناتك يا رب
شكرا حبيبتي مرحبا بك و الله يوفقك
سلام حبيبتي ❤
يعطيك الصحه وعيدك مبارك والله راني مدمنةعليك أن شاءالله نبدا نطبق ...ملاحظة خاصة انا حالتي زوج معندهش دخل مظبوط يعني عمل حر وانا بدون وظيفة أو عمل نتمنى تنصحيني مع اني ام لطفلين واحد 3 واحد سنة ...ولوازهم ......حابة تسير ميزانية وتوفير
يعطيك الصحة اختي بعتلك في الانستغرام ماعلاباليش اذا انتي ولا لالا كل ما تديري فديو نقول بلاك جاوبتني ان شاء الله ما تنساينيش
شكرا ربي يحفظك ❤❤
ربي يجازيك
شكرا ❤❤❤
ارجوك ارجوك اعطيني خطة كيف انقض ابنائي من الضياع يكرهو لقراية في سنة المبكرة معندهمش نفحة وأنا نحس روحي مانيش قادرة نسيطر عليهم عكس تلاميذي في القسم انجح التلاميذعلى مستوى المدرسة نقريهم ونربيهم ومسيطرة في القسم بطريقتي تشجيع تنافس ولكن مانجحتش مع اولادي عايشين الا مبالاة وهذا أيضا تدهور في حياتي كاملة كل ما نقول نشري حاجة تروح حاجة اكبر نبني تتهدم كرهت داري وتعبت من اولادي نروح راقي ولالا اعطيني خطة ونتبعك انصحيني حبيبتي
❤❤❤❤
انتي وصبرينة نساء روعة ربي يجازيكم
شكون هذي صبرينة عندها قناة هكا قولينا عليها ختي .
إيه اختي ما بصرلها والو ديرها فالقجر تاع فريجيدار من تحت مايصرلها والو
@@alibenaissa2811اختي زوريها وسمها صبرينة am مراة و عليها لكلام وديرا بيت حزين تاع عام 😊😊😊
@@alibenaissa2811صبرينة am
@@alibenaissa2811 اكتبي صبرينة بيت الخزين تخرجلك قناة قمة
3etili mizaniyet 40000da pour 3personnes f ddar parce que ana mane3refch nesref w bezaf hadja naqsine f ddar
اهلاااااا❤❤❤حبيبتي🎉🎉🎉🎉
أنا في الولاية اللي نسكن فيها ميدروش البروموسيون غير في البسكويت.ماعندي منستفيد
انا امي دايرة دار ودايرة فيها سلع غذائية كثيرة بصح دارتها كل مرة تشري كرطون نتاع حاجة مرة تشري كرطون قهوة مرة نشري شاي حتى وصلت لبيت الخزين كبير والحمد الله انا درته بلقليل والحمد الله لقيتهم فلمناسبات بيت الخزين هرمون السعادة عندي وعاوني باش تحكمت فلميزانية شكرا على النصائح🙏🏻🙏🏻🙏🏻❤❤❤
كيفاش يعاون في الاقتصاد؟
انا درك عندي بيت خزين تاع شهر انا نصرف 500معولة نخبيها لدين وفي نفس الوقت حابة ندير التحديات او ادخار
ختي المارغارين ما عليهش نحطها مع السلعة بلا ثلاجة
انا تاني كنت نتساءل مرغرين والطونه
مارغرين في مجمد ما يصرالها والو
سلام اختي ،والله نفرح كي يخرجلو للفيديو تاعك نحس بطاقة إيجابية داخلتني
انا عطيتيني تقسيم تاع ثمن ملاين وعندي خمس ولاد وقلتلك على مشكل الدين تاع الحانوت لي يطلع ، حبيت نسقسي على حاجة نتمنى تعطيني رايك راني حايرة نتمنى تجاوبني ولو هنا بتعليق
انا راجلي مايحبش يعطيني نتصرف في الراتب وندير تقسيم قالي حتى نكملو الدين ونشوف، والدين عمرو ماراح يكمل رانا ندورو في حلقة مفرغة
فكرت في بزاف مشاريع من البيت وماخلانيش وجبت مشينة صغيرة كريدي قلت نخدم غير الكفات ولا القلبات للحوايج وماقبليش وحصلت بيها ،ماخلاني نخدم حلوة ولا حاجة أخرى مع اني عندي ماستر وعندي دبلومات تاع صعوبات تعلم نقدر نخدم بطاقات يعاونو الاطفال لي عندهم صعوبات ونقص تركيز ووووو
المهم دوك خممت اني نخدم لابات فويتي تخرجلي بزاف شابة تعلمتها مع الحلويات ،بصح قلت نشد لي كوموند ونخدم بلا مانقولو لانو يستصغر الفايدة هذيك بزاف ويقولي تعب بلافايدة كبيرة ،يعني قلت كي يكون خدام نخدمها اصلا مانطولش ربع ساعة نكمل وحدة تاع زوج كيلو ،معنتها ماتديليش وقت الدار والاولاد ،ونلم هدوك دراهم يالوكان نعمر بيهم بيت خزين وهو في عوض ما يعاود يبدا كريدي جديد يخلص الحانوت برك ويكون عندنا قضيان شوية نمشو بيه الشهر ،حبيت تقوليلي اذا عادي نخبي عليه برك ،وربي يجازيك ويحفظك يارب ❤❤
لالا ياختي ماتخبيش عليه حاولي تقنعيه ممكن مايتقبلش وتولي في مشكل كبير حبيبتي ديري كلش برضا تاع زوجك ولا خليه يدير راسو وربي يفرج عليك
@@adamadam475 تعيشي اختي لكن والله ماحاب يتقنع حاولت بكذا مشروع والو مش متقبل الفكرة ،ومن جهة رانا غير نزيدو نغرقو في الدين اكثر واكثر وانا حبيت نعاونو هذي نيتي ننقص عليه القضيان عالاقل حتى يكمل الدين لي عليه
سلام ختي عندي شحال وانا نتبع فليفيديو تاوعك وعجبوني بزاف انا مانيش دايرة بيت الخزين بصح راني مقتنعة بيه وحابة نديرو في اقرب وقت وكي راني مبتدىة حبيت ندير بيت خزين بالشهرين يعني نخبي حق شهرين ونستهلك شهرين باش مانطولش وانا نلم فيه وبشوي نكبر فيه واش رايك واذا يخرج عليا ولا لالا
Svp hebbit tedjawbini
👍❤️