GULISTON tumani SAYYOR QABUL 06 08 2024

#Sayyor_qabul
#Yoshlar_uchrashuv
#4_sektor
Sayyor qabul va yoshlar bilan uchrashuv samarali tashkil etildi
Sirdaryo viloyati soliq boshqarmasi boshlig`i Ulug’bek Xatamov gulistonlik yoshlar bilan uchrashdi. Tuman markazidagi “Yoshlar bog’i”da tashkil etilgan tadbirda hudud aholisi uchun sayyor qabul ham o’tkazildi. Tuman yoshlari, mutasaddi idora va tashkilotlar rahbarlari ishtirokidagi uchrashuvda yurtimizda yoshlarga qaratilgan e’tibor, ta’lim olishi, iste’dodini namoyon etishlari, hunar o`rganishlari uchun yaratilgan qulayliklar tilga olindi.
Bundan tashqari yoshlarning jamiyatda o`z o`rinlari topishlari, bo`sh vaqtlarini mazmunli maqsadga yo`naltirishlari lozimligi qayd etilib, tadbirkorlik tashabbuslarini moliyaviy qo`llab-quvvatlash, bu boradagi imtiyoz va imkoniyatlar tushuntirildi. Muloqotda yoshlar o`zlarini qiynayotgan muammolarini ham hal etishda yordam so`rashdi. Xususan, qiziqishi va mutaxassisligi bo`yicha ishga joylashish, tadbirkorlik loyihasini amalga oshirish, kredit ajratish, uskunalar olish kabi ko`tarilgan masalalarni bartaraf etish yuzasidan mutasaddilarga vazifalar yuklatildi. Suhbat chog`ida ishsiz fuqarolar bandligini ta’minlash bo`yicha vazifalar belgilab olindi. Aholining murojaatlari alohida qayd etildi.
Tadbir yakunida ikki nafar yoshlarga sektor rahbari tomonidan inkubatorlar topshirildi.