كل ما تحتاج معرفته عن المدارس العليا لمتحصلي شهادة البكالوريا
ฝัง
- เผยแพร่เมื่อ 18 ก.ค. 2023
- السلام عليكم و رحمة الله و بركاته
فيديو يخص كل متحصل على شهادة البكالوريا من نصائح و توجيهات متعلقة بالتخصصات الجامعية و المدارس العليا
وفقكم الله و دمتم طيبين
المزيد من الفيديوهات على قناتي :
/ @maths_with_larbi
#بكالوريا_2023 #bac2023 #الرياضيات #bac #بكالوريا #بكالوريا_الجزائر #بكالوريا_الجزائر #fypシ #باك2022 #باك2023 #fyp #foryou #viral #bac2023
#بكالوريا 2023نصائح للدراسةنصائح بكالوريا 2023
نصائح وتوجيهات لطلاب البكالوريا
راني جيت نشرح التخصص تاعي 😂😂😂
⚫ تخصص قابلة للصحة العمومية
👈🏻اصبح التخصص مستقلا عن الشبه طبي بعد الرسوم الرئاسي الاخير و اصبح ضمن علوم القبالة التابع لميدان علوم الطبيعة و الحياة (biomédical)
✅ معدل القبول :
معدلات القبول تختلف من ولاية لاخرى حيث يزيد معدل القبول فيها في الولايات الشمالية و يقل في الولايات الجنوبية و لكن في الغالب يكون مرتفع
✅ مدة الدراسة :
مدة الدراسة تكون 5 سنوات كاملة تتخرج فيه الطالبة كقابلة للصحة العمومية بشهادة ماستر2 مهني و تكون الدراسة في المعاهد العليا للتكوين العالي للقابلات يوجد في الجزائر ثلاث معاهد في تلمسان عنابة و تيزي وزو و لكن أحيانا تكون الدراسة في معاهد الشبه طبي كملحقات لمعاهد القابلات ( لتجنب الاقامة بسبب الجانب التطبيقي في المستشفيات ).
✅ نظام التدريس :
الفصل الاول من السنة الاولى يتم الدراسة فيه مواد : علم التشريح , علم النفس, النظافة الاستشفائية , الاسعافات الاولية ...
و باقي الفصول تكون الدراسة فيه عن التخصص بشكل مفصل و معمق , و تكون الدراسة بشكلين : نظري و تطبيقي في المستشفيات.
✅ التوظيف :
التوظيف مضمون و مباشر بعد التخرج
✅ من مهام القابلات :
ضمان الفحوص قبل الولادة.
تحضير الزوجين نفسيا بشأن الولادة و مراقبتهما.
الكشف عن الحمل ذي المخاطر العالية و مراقبته.
استقبال المواليد الجدد و التكفل بهم.
ضمان متابعة فترة ما بعد الولادة.
المشاركة في تكوين الطالبات و تأطيرهن.
المهم كاين بزاااف .....
✅ ملاحظات :
يمكن لقابلة العمل في العيادات الخاصة.
بعد 7 سنوات يمكن للقابلة فتح عيادة خاصة يها
نتحصل القابلة على ختم خاص بها لكتابة الوصفات الطبية (تكون محدودة)
التخصص به نظام المناوبة الليلية.
نصيحة : لي ماتحبش التخصص ولا ماعندهاش الصبر و طول البال ماتشقاش تدخل لأنه رايحة تتعاملي مع نساء وين يولو يشوفوك المنقذة الوحيدة بعد ربي سبحانو و باش تخرجي الروح من الروح ربي هو لي يخيرك لهاذ البلاصة ماشي نتيا لي تخيريها
بارك الله فيك و ربي يحفظك من كل سوء طبيبة المستقبل 🤲
فالحقيقة وفيتي وكفيتي فالشرح تاعك بإذن الله الواحد الأحد ولاكان عطانا ربي طوالة لعمار نجهز بنتي يارا باه تكون قابلة إذا ما كتبلهاش ربي الطب بصح نصيحة ليك بنتي لعزيزة اصعب موقف في حياة الأم هو الولادة يعني راهي تكون أقرب للموت منها من الحياة على هاذي خافو ربي فالنسا في هاذ الفترة على خاطر جبت أربع أولاد وكل ما نروح نزيد نتصدم بالمعاملة اللاانسانية للقابلات أقسم بالله غير ما يخافو ربي يوصلو حتى يضربو النسا وهوما في مرحلة المخاض على هاذي نتوما لجدد نتمنا تبداو عهد جديد في هاذ التخصص وتجسدو صح مقولة ملائكة الرحمة ماشي شياطين الانس
@@user-jo5xx9kd3b بارك الله فيك على الملاحظة ، وشنو هذي الفتاة بالذات تلميذتي من سنوات مضت، و قمة في التربية و تحب خدمتها ، متيقن أنها ستكون عند حسن ظني بها ، و ان شاء الله تعم الفكرة في ان تتقي الله في أماناته ، بارك الله فيك
@@maths_with_larbi وفيك بركة أستاذنا الفاضل
@@maths_with_larbi استاذ ربي يعيشك أنا معدلي 15,20 اعطاولي طب في الاختيارات يعني يعطوهالي ولالا أنا حابة الطب بزاف يعني ممكن احتمالية مقعد ليا ارجو الرد أنا من ولاية عنابة 🙏🙏
شكون جا بعد باك 2024 انا خدمت كامل مواد لكنني مرضت ف امتحان الرياضيات ماكملتش سوجي و ماشكيتش نكون جايبة فوق 12 فيها وفي خاطري هاذيك تاع تجارة ادعولي نلحق
ان شاء الله توصلها 🤲
استاذ بواش تنصحني بافضل تخصص له مستقبل ثري بمعدل16,95 شعبة علوم تجريبية ارجو الرد ❤@@maths_with_larbi
ان شاء الله النجاح و التفوق في المعدل انا مخدمتش فالفيزياء و العربية كنت تبالي خدمت و كي شفت تصحيح.ولا كلش نتاعي غالط نشالله ندي مليح و نتحصل على مدرسة عليا يارب ليا و لغيري
سؤال ممكن تكوني بحثتي كثر مني المهمزحابة نسقسيك التوظيف مباشر بعد التخرج من المدرسة العليا للتجارة ولا نو
@@SinyoraAlloui المدرسة العليا للاساتذة تضمن العمل، هي و باراميديكال و شعبها، البقية تكوين ممتاز و لكن العمل مش مضمون،وشنو عادي المهم كي تكون كفء جيك الفرصة، نزيدلك الى باك قديم ما تقدرش تسجل بيه للمدارس للاسف
شرح مفصل وممتع 40 دقيقة محسيتش بيها كفاه فاتت واخذت من زاد الكثير بارك الله فيك😊
ربي يبارك فيك 🤲 حفظك الله من كل سوء 🌹
شرح مفصل و سهل الفهم لأهم النقاط و اسلوب جاد و عفوي في الشرح يأخذ بعين الاعتبار اهمية هذا القرار المصيري في حياة الطالب و شغف و اهتمام الاستاذ بمستقبل الطلبة. بارك الله فيك استاذ العربي.
ربي يبارك فيك خويا وسيم ، حفظك الله من كل سوء 🤲
بارك الله فيك استاذ.
و فيك بركة 🌹
بارك الله فيك يا استاذ و ربي يوفقك
و فيك بركة 🌹
بارك الله فيك ❤
و فيك بركة 🌹
فيديو ممتع و مفيد جدا شكرا على مجهودك لن انساكبالدعاء و الله يكثر من مثالك ❤🙏🏻
ربي يبارك فيك 🤲
ربي يحفظك استاذ والله حطيتيلنا الفيديو في وقتو ربي يحفظك
أجمعين و اياك 🤲
يشيخ والله فرحت يعيطك صحا كي درت هد لفديو مع انا لي جوزت لول فلعايلة ربي يحفضك❤
بالبركة عليك خويا و ان شاء الله توصل وين اك حاب 🤲
ربي يشفيك ويعافيك ويحفضك ويطول عمرك
اللهم امين يارب 🤲 حفظك الله من كل سوء 🌹
شكرا استاذ و جزاك الله كل خير على هذا المجهود ❤❤
ربي يبارك فيك 🤲 حفظك الله من كل سوء 🌹
ما شاء الله ، بارك الله فيك شرح جميل وأستفدت منه
جزاك الله خيرا ونفعة الله بك هته الأمة
ربي يبارك فيك ، حفظك الله من كل سوء 🌹
شكرا استاذ ❤
لا شكر على واجب
عجبتني المدرسة العليا للأساتذة..ورايك للاخوات باش يديرو هاذ التخصص راه صواب وفي محله.. بارك الله فيك وفي من رباك .
ربي يبارك فيك 🤲 حفظك الله 🌹
يا بنتي انا عندي بنتي دات معدل باك 14.22 شعبة رياضيات حبا تدير مدرسة عليا يقبلوها
جزاك الله خيرا
اللهم آمين 🤲 و اياك 🤲
بارك الله فيك شرح كامل و رائع
و فيك بركة ، ربي ينجحكم 🤲
متحصل بكالوريا 2024 معدل 16.66 قولولي واش نقدر ندير بيها 😊
الله يبارك و كلشي مبروك، الطب ينادي ، الى كنت تحبو مهنة شريفة محترمة و انسانية، او التعليم ثان فيه مستقبل ،تحب التقنيات عليك و على بوليتاك او اشغال عمومية
شوف استاذي العزيز ربي يبارك فيك ويعطيك ما اتتمنى ويرزقك من حيث لا تحتسب❤
ربي يحفظك ان شاء الله و يوصلك وين تتمناي 🤲🌹
من فضلكم معدل بكالوريا 17٫04 والمعدل الموزون 17٫86. للتقني رياضي اسكو يقدر اقبلوه في المدرسة العليا للاعلام الالي او في المدرسة الوطنية العليا المتعددة التقنيات؟؟ ارجو منكم الرد
بوليتاك تكفي أكيد باذن الله
@@maths_with_larbi إن شاء الله يارب
استاذ من فضلك انا متحصلة على الباكالوريا شعبة علوم بمعدل 17.42 و طلعلي المعدل الموزون للرياضيات 18.28 درت كخيارات المدارس
الذكاء الاصطناعي
الاعلام الالي الجزائر
المتعددة التقنيات في الجزائر
التكنولوجيا المتقدمة
النانو تكنولوجيا
الاعلام الالي بجاية
طب
طب اسنان
و زيد زعما يقبلوني في مدارس العليا للذكاء الاصطناعي و الاعلام الالي؟؟؟
الله يبارك ، بصح 2 لوالا علاش خيرتيهم ؟ لانهم مدارس معروفة، زلا عندك هدف ؟ برسك الى تبقاي فالجزائر الخدمة فيهم جد محصورة ، ما تخيريش لي ملاح، خيري لي ينفعوك و يوصولك لمجال العمل
كيفاش صراتلك يا ختي ؟
واش هي أحسن مدرسة أو تخصص ينجحك في سوق العمل،بمعنى فيها الخدمة والمدخول.
انا باك 2024 دارو جامعة جديدة تع الانظمة المستقلة تمنيت ندخللها بصح معدلها 16.52 انا معدلي 16.40 و خايفة يكون المعدل الموزون مشي في صالحي لهديك الدرجة تسما ان شاء الله تصحلي تع الهندسة المعمارية يا ربي تصحلي ادعولي
و ربي يحفظك شيخ عاونتني
ان شاء الله تكون من نصيبك 🤲
@@maths_with_larbi ان شاء الله
واش فيها امتياز التخصص هذا وهل لعمل مضمون فيه ؟
زعما مليح تع انظمو مستقلة فهميني تعيشي فيها
@@ayann.i هي تقريبا تتعلمي تخدمي ماشينات و روبوات ذو كفاءة عالية يمشو بالذكاء الاصطناعي تقدري تعاوني بيهم الشركات... (على حساب وش وصفها واحد يقرا لتم)
داروها العام الي فات تسما مزال ما تخرجو منها بش نعرفو الا فيها خدمة مي نورمالمو كاين بسك علم شباب و راه يمشي هاد الوقت
Bon courage mon frère 👏🏻👏🏻👏🏻 rabi ywaf9ak
Mrc bcp , ajma3in wa iyak 🌹
أستاذ جزاك الله خيرا، ربي يوفقك ❤
ربي يبارك فيك 🤲 حفظك الله 🌹
@@maths_with_larbi اللهم آمين
انت رائع استاذ
اخلاق في القمة ، شكرا على مجهوداتك❤
ربي يبارك فيك 🤲 حفظك الله من كل سوء 🌹 ربي ينجحكم ان شاء الله 🤲
الله يحفظك شيخ❤
ربي يبارك فيك 🤲
Rabi yhfdk cgikh drk npartajih khali t3om faida ❤❤❤❤❤ wmerciiii
ربي يحفظك 🤲 وفقكم الله
ربي يحفظك والله وش كنت حابة نعرف كلش في فيديو مارسي بزاف❤
ربي يبارك فيك 🤲 وفقكم الله 🤲
شكرا جزيلا
العفو ربي يوفقكم 🤲
Chokran ❤❤❤
عفوا 🌹🌹🌹
نت ناس ملاح 🙂 ربي يفرحك ويرزقك من حيث تحتسب ومن حيث لا تحتسب 💙💜
حفظك الله من كل سوء 🌹 🤲
استاذ يعطيك الصحة على هذ شرح 🎉👍
ربي يبارك فيك 🤲 حفظك الله من كل سوء 🌹
افادنا الله بك
اللهم امين يارب 🤲 حفظك الله من كل سوء
ماشاء الله
حفظك الله من كل سوء 🤲
ربي يحفظك شيخ
اللهم آمين أجمعين 🤲
ربي يحفظك زدنا فديو على وخصصات الاخرى وربي يجازيك ❤
للاسف عندي ظروف منعتني ، كنت حاب نديرلكم شروحات مفصلة مع طلبة من كل تخصص ولكن تعطلت
جزاك الله كل خير
اللهم امين يارب 🤲 حفظك الله
ربي يحفظك نشاء الله❤❤❤
اللهم آمين أجمعين
Rbi yhfdk❤️
اللهم امين أجمعين 🤲
ما شاء الله عليك أستاذ كل كلمة قلتها والله صحيحة 😊
ربي يحفظك و ربي يجازيك كل خير 🌹🔥🤲
@@maths_with_larbi
استاذ معدلي باحتساب المعدل الموزون16.45 نقدر ندير بيها ميدسين ولالا
@@snouppynb4552 ان شاء الله توصل
@@maths_with_larbi ان شاء الله
@@snouppynb4552 مام انا و اني حابة ندير ميدسين و المعدل العام تاعك شحال ؟!!
Un grand artist ,, khssara tl7btlek el yamat el twala ta3 el bac
Berk une notion 3la paramédical,,
مصورو الأجهزة الطبية هي
manipulateur en imagerie médicale
مشي radiologue بسك هاذي راهي سبيسياليتي فالميدسين مي علابالي ناس فهماتك
Sinon
جزاك الله خير الجزاء
بارك الله فيك ، و شكرا لك على تصحيح المعلومة، حفظك الله 🤲
ربي يحفظك
اللهم آمين اجمعين و اياك 🤲
شكرا على مجهوداتك استاذ ❤
لا شكر على واجب ، حفظك الله
اللهم صلِّ وسلم وبارك على سيدنا محمد وعلى آله
عليه الصلاة والسلام
صحيت على هادو المعلومات شيخ ❤
العفو ربي يوفقكم ان شاء الله 🤲
استاذ واش رايك في تخصص صناعة المنتوجات الصيدلانية والصحية و شكرا
مليح بالبزاف ، ان شاء الله يصحلك
3alami foor kmel
ربي يحفظك 🤲
ياربي نلحق المعدل لي باغي.تو وندخل تخصص أحلامي ادعولي ولكم بالمثل أن شاء الله
الله يجتزيك ❤
ربي يبارك فيك و اياك 🤲
اخي العمل لاينساه الله حتى وان لم يشكرك ألناس. فالله هو من يرجع لك الخير .ليس هنآك أفضل من معلم ألناس الخير .والك الشكر ❤😊
ربي يحفظك و ربي يبارك فيك ان شاء الله 🤲
بارك الله فيك مجهودات كبيرة
و فيك بركة ربي يحفظك 🤲
اخي اشرحنا التخصصات الجديدة للي دخلو كيما الانظمة المستقلة و النانو تكنولوجيا
اعتذر والله جمعت المعلومات عنها متأخر ، مايكفينيش الوقت نصور ، سرقت يومين شرحت فيها التخصصات و عدت لانشغالاتي ، اعتذر
سلام استاذ من فضلك تقدر تهدر على المدرسة العليا للرياضيات و واش فيها و شحال تقرا و كيفاش و...
ها باينة تقرا فيها رياضيات ، تاريخ رياضيات، analyse , algebre , proba , sta , analyse numérique , و كل ما يتعلق بالرياضيات ، زيد شوية لغات،و تخرج بها مفكر في الرياضيات،و ممكن تكمل و تولي تقري فالجامعة ، بصح ما تخرجكش استاذ رياضيات طور ثانوي ولا أساسي،
ربي يحفضك شيخ ولله فدتنا
حابة معلومة على esgen مدرسة تع الاقتصاد الرقمي من فضلكم فيدوني
وشمن لغة يقراو
و معدل قبول تع EHEC
يقراو عامين ب لونجلي ثم يكملو بلونجلي و شوية بفرونسي
Ya3tik saha wlh ana bac 2025 w doka 3labali 3la wach rah nkhdem sahitt w rabi ya3tik ma tetmena ❤
ان شاء الله ربي يوفقكم 🤲
يعني مدرسة عليا كي يولي استاد يسنيي 11 سنة كي تكمل يقدر يدي لانتريت
الله يحفضك شيخ و الله ما كونت فاهم والو فهاد المدارس العليا
ان شاء الله نفعتك
هذا العام اجزم بانني لم اشاهد مضمون افضل من هذا . شكرا جزيل الشكر ياابني
ربي يبارك فيك 🤲 حفظك الله من كل سوء 🌹
يعيشك خويا ديرلنا تخصصات مليحة لشعبة رياضيات من معدل12حتان 15
ان شاء الله بعد البكالوريا
استاذ من فضلك هل لديك معلومات حول المدارس العليا للنانو و الانظمة المستقلة و التكنولوجيا المتقدمة
التكنولوجيا المتقدمة راهم يقولو تع محركات الطائرات،و تع نانو يخدمو لي كارت مار ، يتسما دومان محصور كدا في الجزائر
D3ouli nlhaag المدرسة العليا للتجارة Allah yjazikoum😢🤲🏻🤲🏻🤲🏻🤲🏻
ان شاء الله 🤲
استاذ هل التخصصات اللي تخرج باللون الاحمر في قائمة الرغبات مستحيل نتحصل عليها وشكرا
لا ، المعنى من اللون الاحمر انو الاماكن ماشي في تلك الجامعة، مثلا جامعة في البليدة بالأحمر يعني كي تسجل ذلك الخيار ما يبعوثكش للبليدة يبعثوك لجامعة اخرى فتحت التخصص نفسو للمرة الأولى
استاذ من فضلك اذا عندك معلومات على المدرسة العليا للأمن السيبراني!
عذرا مانعرفهاش
استاد من فضلك هل st و اعلام الي مهندس systeme classique مليحة متل مدارس عليا ام لا
Système classique
فيه بعض مشاكل عند طلب عمل ، بصح يبقى أفضل من LMD
الشيخsage femme تصحلي 14٫48فتيزي!؟والباراميديكال اميهم لي ندير معرفتش!؟
ان شاء الله تكفيك
بارك الله فيك استاذ✨
و فيك بركة
@@maths_with_larbiجاوبني رب يسترك
@@Mohamedchorfiar جاوبتك اخي
استاذ راك نسيت مدرسة عليا مهمة جدا و هي حديث الطلبة بكثرة هذه الايام . المدرسة العليا للذكاء الصناعي تع سيدي عبدالله ، واش رايك فيها و شكرا على مجهوداتك الكبيرة
مانسيتهاش، و حاوبت الجميع عليها في الكومنتات ، فقط لي ما يقدرش يخرج برا يحصل بلا خدمة هنا
يشيخ عندي باك 14,04 علمي اسكو يعطوني مدرسة عليا اساتذة تع علوم طبيعية ثانوي ولا سيام؟؟؟؟؟؟
مانظنش تكفيك وشنو ان شاء الله من النصيب
شيخ باغي نسقسيك شا هما التخصصات لي تخرجك هاكا مهندس ولا و يكون العمل بيها بالحاسوب و قاع ؟ وربي يحفظك ❤
مهندس دولة في معظم القطاعات يخدمو بالحاسوب فقط، مثلا تخصصات epst ، ذكاء اصطناعي ، اعلام الي، على كل حال حتى تخصصات الادارة بالحاسوب فقط، gestion ، ادارة اعمال و غيرها
الشخص الوحيد لي اهدر على تخصصات بدون نقص❤
ربي يوفقكم ان شاء الله 🤲
@@maths_with_larbiاستاد . مدرسة عليا للتجارة عمل بعدها مضمون؟؟
سلام عليكم استاذ
وش الفرق بين المدارس العليا للتقنيات
زعما تع الحراش وقسنطينة
وهل البروغرام كيفكيف
اكيد نفس البرنامج سنتين اولى، في التخصص كاين اختلافات
تمنيييييييت نشوف هدا الشرح قبل ما يخير وليدي كنا ضايعييييييين
عسى ان يكون فيها خير ان شاء الله 🤲
هل يمكن بعد النجاح في كونكور الانتقال من المدرسة العليا للري الى المدرسة العليا للهندسة المعمارية؟؟
ياس
استاذ تبارك الله عليك ❤
استاذ حب نسقسيك على المدرسة العليا لأدارة الاعمال
تخصصاتها مجالات العمل
ومعدل القبول
علما معدل لموزون تاعي 15٫21
تقدر تخدم بيها في اي شركة، كيما تقدر تفتح شركة مصغرة تاعك، معدلك يكفي ليها باذن الله و ربي يوفقك فيها صح هايلة و اساتذتها رائعين !
@@maths_with_larbi شكرا جزيلا استاذ
ربي يحفظك
@@zakariazaki3357 العفو
ساج فام خمس سنين يقراو مشي تلاتة وشهادة تعادل ماستر 2
وراديولوجي. مشي راديولوك لأن راديولوك. طبيب. قارئ اربع او خمس سنوات فوق. سبعة يعني متخصص
يعطيك الصحه اخي انا وليدي متفوق في الحساب الذهني يحب الرياضيات كثيرا هل يناسبه شعبه الرياضيات والمدرسه العليا للرياضيات اشرح وبالتفصيل من فضلك وشكرا
المدرسة العليا للرياضيات مليحة بزاف وشنو صعيبة، و لازملو فوق 17 باش يديرها ، شوفي الى يحبها لهذيك الدرجة برسك يوصل مستوى يقدر يندم عليها
جبت 15٫02 فالباك شعبة تقني رياضي واش تنصحني stp مبقاليش بزاف وقت 😟
Estp هايلة
زيد معاها essa و esst
أستاذ أنا شعبة رياضيات عندي معدل عالي فالرياضيات و الفيزياء لكن منخفض فالعلوم.
واش نقدر ندير مستقبلا
بوليتاك مليحة بصح صعيبة القراية فيها
بالنسبة للمدرسة الوطنية المتعددة التقنيات اصبح لطلبة المدرسة الي قراو سنتين التحضيري في المدرسة مقاعد مضمونة في التخصصات بنسبة 80%دون المرور بالكونكور و يبقى نسبة 20%للطلبة الي يجوزوا الكونكور و بالتوفيق
بارك الله فيك، الفيديو صار قديم لازم نحطلهم واحد جديد العام الجاي ان شاء الله
السلام عليكم استاذ
الحمد الله نجحت في الباك ب 16.44 شعبة رياضيات
بواش تنصحني افضل حاجة من حيث العمل يعني والاجور
ووش رايك في تخصص الامن السيبراني لجديد
بالبركة عليك، كاين مدرسة عليا للاساتذة تضمن مستقبلك المالي، و كاين بوليتاك قراية صعيبة بصح فرصها فالخارج كثيرة، عذرا هذي تع الامن السيبراني سقساوني عليها بزاف بصح ما لحقتش باش نروح و نبحث فيها مليح، نخاف نغلطك، لعام الحاي نحطلهم فيديو عليها ان شاء الله
@@maths_with_larbi يبارك فيك يا استاذ
شكرا على اهتمامك وردك على جميع الاسئلة
هل بوليتاك فيها العمل في الجزائر يعني مش بالضرورة مضمون ولكن على الاقل ممكن
لاني اكره التدريس و ليس لدي قابلية الدراسة في الخارج
ان شاء الله نلحق مدرسة عليا للتجارة ياارب 🥺❤️
ان شاء الله 🤲
15.39 يمدولي المدرسة العليا للتجارة قليلة ولا المدرسة العليا للهندسة المعمارية والعمران
ممكن تجارة
ديت 14.2تقني رياضي وحابا مدرسة عليا ابتدائي
و اختيار رغبات قالولي بلي يلزم ديري احد رغبات نظام Lmd ماشي كامل مدارس عليا وخايفة يطيحلي نتاع نظام Lmd واش ندير اني حايرة
خليه هو الاخير
@@maths_with_larbi بصح واش ندير راهو هنا مشكل
استاذ معندكش معلومات على معهد الاتصالات السلكية واللا سلكية ؟
Télécommunication ta3 wahren?
استاد بارك الله فيك انا هد العام عندي الباك شعبة تسير واقتصاد ورني حب القليعة شحال لازم المعدل في الباك باش نروح اقليعة شكرا جوبني من فضلك
على الاقل 15 ان شاء الله تلحقلها و اكثر ربي يوفقك
تعيش اهدرلنا على المدرسة العليا للبيوتكنولوجيا
عذرا مانيش قادر نصور
استاذ من فضلك واش رايك هل المدرسة العليا للتجارة احسن من التسيير والاقتصاد الرقمي. انا هي لي فيها مستقبل مليح. عندي 15،5 معدل البكالوريا و17 في الرياضيات شعبة تسيير واقتصاد.
تعتبر احسن مدرسة برسك يقراو بالعربية
بارك الله فيك
أستاذ ديت 15,09
واش تنصحني كاش تخصص؟ ربي يحفظك
و16,31 معدل موزون
رغم اني ديت 14,5فالعلوم 18,رياضيات,19,5فيزياء
بالبركة عليك ، على حساب الميول تاعك، ممكن تصحلك حاجة من باراميديكال او مدرسة عليا للاساتذة متوسط، او مدارس تقنية
كاش معلومات على المدرسة العليا للامن السيبراني ؟
عذرا جامي سمعت بيها
استاذ وش رايك في جامعة الكترونيك تع بومرداس من ناحية القراية والتوظيف
L'enilec راني هادر عليها فالفيديو
مليحة بزاف القراية بلونجلي ، و دومان مليح ، التوظيف شوية صعب بصح نهار تلقى خدمة صالار طالع
استاذ ديت 14,81 علوم تجريبية سما مافيهاش شبه طبي في العاصمة
ما تحصيش قادر توصل ، حاول ، حطها ما خسرت والو
ديت فالباك 14.37شعبة علوم تجريبية ايا بغيت ندير مدرسة عليا لغة عربية تعليم ثانوي مدوهالي في مستغانم ايا معرفتش كون نديرها زعما يعطوهالي😢
ابتدائي و ميعطوهالكش ربي يوفقك❤
مانظنش تكفي بضح جرب سيام ثان
خويا بالاك تحبس كمل تقدم دروس فاليوتيوب و راك تنجح نشالله
ربي يحفظك ، قريبا سأبدأ النشر دون توقف باذن الله
شكرا جدا علر المعلومات أستاذ ممكن تدير حول المدرسة العليا للذكاء الإصطناعي
ان شاء الله مور الباك
@@maths_with_larbi شكرا
@@user-yd2ss2hl1r العفو 🌹
استاذ من فضلك paramédical نقدر نديرها ب 14 فاصلة كبيرة؟ اي تخصص فيها المهم paramédical باك 2024
يخرجولك كي يحسبو المعدل الموزون تطلعلك الى راك خادم فالمات و سيونس
ادعولي نجيب الباك بالمعدل لي نحب وندير اليبيسياليتي لي راني حابتها ولكم بالمثل
ان شاء الله ربي يوفقكم 🤲
استاذ صناعة صيدلانية تصحلي مع معدل موزون 15.11 و شكرا علا تعبك
تكفيك بإذن الله
استاذ هل تقدر تكمل للدكتراه فالمدارس العليا ( الاعلام الالي و الذكاء الاصطناعي و غيرها )
فيهم دكتوراه بصح ما تفتحش كل عام ، و يدو 2 برك و راك تعرف الحكاية
استاذ انا ديت 15,05معدلي لموزون 15,70علوم تجريبيه معرفتش وش نخير وش تنصحني
مدارس epst و epsc أو شبه طبي
أستاذ عطيني لمحة على الطوبوغراف و فرص العمل
N2raf'ha formation , ms f la fac wlh manakdb 3lik