Baba Pünhan Gedirik

Müəllif: Baba Pünhan
Şeir: Gedirik
musiqi: Tarda: Vamiq Məmmədəliyev - Rahab (2011)
İfa: radio face (Güldiyar Zülfüqar)
--------------------------------------
Demə at yoxdu onunçün belə matnan gedirik,
Qalxginən şahə bu il cəng elə atnan gedirik.
Vaxtı öldürdüyümüzçün bizi həbs etsə zaman,
Deyərik əqrəbi ən paslı saatnan gedirik.
Atamızdan görüb öyrənmişik harınlığı biz,
Başlanandan at ili dərsə "fiat"nan gedirik.
Zaçotun qiyməti beş, imtəhan on "şirvan"dır,
Gələcək əsrə bu qiymətdə savadnan gedirik.
Kimi sağdan, kimi soldan, kimi puldan sildik,
Əmin olduq ki, Əminsiz bir həyatnan gedirik.
Atalar söylədi qaçmaq da igidlikdəndir,
Hara getsək belə mənalı sitatnan gedirik.
Mülkümüz olsa da hündür bizi düşmən görmür,
Qorxudan evdə də çünki yatayatnan gedirik.
Başı boş məmura başsız dedim, o güldü mənə,
Dedi baş olsa da boş, əldə peçatnan gedirik.
Nə şəkil çəkdiririksə üzümüz qarə çıxır,
Çünki ildən ilə nimdaş aparatnan gedirik.
Məncə haqqın sözü, həm də özü var Pünhanda,
Bu səbəbdən onun ardınca nicatnan gedirik.

[@samxalazadov6068]

Baba Punhan ALLAH SENI QENI QENI REHMET EDSIN YERIN BEIWDIK ne dedin bu dunyada o qaldi ixdiyarim olseydi eger heykelini tuncdan yapardim mence zaman gelse oda olar AMIN

[@NazliAydemirova]

Allah rehmet etsin ustad uzu nurlu baba

[@SSFFQQ]

👍🏻

[@zaurelizade7806]

Gözel ifadi çox beyendim tesekkur edirem

[@NazliAydemirova]

2:08 2:09