ฝัง
- เผยแพร่เมื่อ 13 พ.ค. 2024
- #phuket #布吉 #旅行 #泰國 #thailand #浮潛 #snokeling #phiphiislands
嚟到第二日，一朝早起身食左個自助早餐後就出發到碼頭集合，準備出島。本來睇天氣報告以為嗰日會落狗屎，最後都好好彩係陽光普照。
今次嘅行程主要係圍繞Phi Phi島同蛋島🏝️。第一站嚟到細Phi Phi島，我地比左錢坐長尾船，舵手好好會幫我地影相留念。第二站嚟到電影《The Beach》瑪雅灣，呢度簡直就係人山人海，寸步難行，上個島都要排隊。最後我地係最早返到碼頭集合，本來仲一直懷疑緊架船係咪已經開走咗因為一個人都無…原來係太多人塞住未落返嚟。
我地跟住就去咗大Phi Phi島浮潛🤿，啲水都算清澈，可以見到好多Dory魚🐠、珊瑚同海膽。
最後一站去到蛋島，導遊比我地自由活動，中意浮潛又得，曬下太陽又得，上島食下嘢都得。我地玩完大半日實在筋疲力盡，所以就坐低食下嘢算。
由於是次跳島遊拍嘅footage 唔多，所以就VO形式同大家分享啦。下集將會介紹一間五星級酒店，記得密切留意！
