لو ردت يحسين افصّللك مصايب هالسفر | الملا عطية الجمري

كُتِبتْ وَمَازَالَتْ ١٤٤٥ هـ
ليلة ٢٠ صفر ١٤٤٥ هـ
ابْهَالأرض خيل الأعادي جسم اخيّي داسته
يا نزول الغاضريّه خبّروني ابحفرته
ابهالأرض عبّاس گطعوا اچفوفه او طاح العلم
ابهالأرض شيخ العشيره استخرجوا گلبه ابْسَهم
ابهالأرض هجموا علينا او شتّتونا امْن الخيم
والولي مرمي او عينه اتشوف حالة نسوته
لاح گبر حسين ليها وانذهل منها الگلب
وصرخت او خرّت على گبره او مدامعها تصب
وصاحت اگعد شوف متني اشْحَل عليه امْن الضّرب
وانظر السجّاد من بعدك اشْصارت حالته
لو تشوفه يوم شدّوا الجامعه او گيد الثّگيل
وحطّوا ابْرجله سلاسل او هو يَبْن امي عليل
فوگ ناگه امهزّله والدّرب يَبْن امّي طويل
يفت گلبي من يضربونه اُو يجذب ونّته
وحالنا يحسين حال اگشر على ذيچ الهزل
هاي متعوّگ جَمَلها وذيچ طاح الها طفل
وذيچ شال الظّعن عنها او تركض ابتالي الزّمل
والضّرب من غير فاصل ولگلوب امفتّته
لو رِدِت يحسين افصّل لك مصايب هالسّفر
يوم ما يمكن أعدّد يا شهيد او لا شهر
ذاب جسمي امْن السّرا وانعمت عيني امْن السّهر
هضمني ابن زياد يَبن امّي او شهرني ابْكوفته
اوگفت جدّامه منَكْسَه الرّاس لكن يا شهيد
ما شفت ذلّه يَبَعد اهلي مثل مجلس يزيد
گومه ايسومون سكنه اعزيزتك سوم العبيد
ننسحب كلنا بحَبل وابنك انجرحت رگبته
خويه چم سوگ ادخلتها او چم مدينه او چم بلد
وجيت بيتامك على گبرك ولا ليّه جلد
وتدري بركوب الجمل ينحل يخويه للجسد
وين ابو فاضل كفيلي وصّلوني الحفرته
گامت اتصب الدّمع وايتامها اوياها تدور
للشّريعه گاصده اتدوّر أبو فرجه الغيور
واوگعت فوگ الگبر والگلب بحزانه يفور
صاحت اگعد يا كفيل اللي طلعت ابذمّته
تطْلعوني من اخدوري يخْوتي او ذاك الدّلال
للمذلّه والهضم والضّيم واركوب الجمال
جيت والله امأمّنه او حولي من اخواني أبطال
ما دريت الدّهر يفْجَعني بَخويه او عزوته
بصوت الشاعر والخطيب المرحوم: الملا عطية الجمري
المصدر: الجمرات الوديّة في المودة الجمرية
#كتبت_ومازالت
#حسينية_ابوطالب
حساب الحسينية على منصة الإنستقرام
@hussainyat.abutaleb
/ hussainyat.abutaleb

[@QqQ-ts3im]

يا حبيبي يا ابا عبدالله روحي لك الفداء 🖤

[@h-d-r--1866]

يابا عبد الله ياحبيب القلوب المنكسره نضره منك ارزقنا الدمعه الصادقه بحقك ياسيد الشهداء

[@boss__iq2662]

صاحب القناه عملت عملا عضيم ... سوف نموت ويجي جيل يترحم عليك وعلى الي عملته❤

[@user-te9hk9do4z]

نتكلم عن البرائه وعن الحزن

[@tayi_506]

رحم الله الشاعر ملا عطيه الجمري برحمته الواسعه وبحق محمد وآل محمد

[@zainabalali1636]

رحم الله تلك الأصوات الخالدة

[@user-bb7gu2sv2s]

اللهم صل على محمد وآل محمد الطيبين الطاهرين

[@user-yo8rq4lx5w]

الله يرحمه ويغفر له ويسكنه فسيح جناته. صوت مؤثر وخشوع ورثاء حزين

[@user-tn1fv8sq3d]

الهم صل علمحمد وال محمد وعجل فرجهم

[@user-tn1fv8sq3d]

الهم صل علمحمد وال محمد وعجل فرجهم

[@M.H.Q.61]

يا ابا عبد الله 😭

[@mahdiabdullah6690]

الله يرحمك يبو يوسف

[@alilylsyd6059]

الله يرحمه مله عطيه

[@aliabd4518]

الله يرحمه

[@pkp.5]

خطأ قال يا خميس او لا شهر *❤

[@simplicity530]

قال يا خليصي ولا شهر. الخليص يعني الأخ الشقيق من الأب والأم.

[@pkp.5]

@@simplicity530 اها العفو حسبت يقول خميسي

[@basharsadiq4563]

هذا صوت ابنه الملا يوسف الجمري

[@user-fn9dk2fn4k]

احسنت بارك الله بيك ..
محتوى رائع..
ممكن اسم البرنامج واسم الخط المستخدم.

[@tayi_506]

اخي الكريم وين اكدر احصل ديوان الملا ؟
وهل متوفر في مكاتب العراق

[@mohdkareem4847]

اسمه الجمرات ملا عطيه الجمري

[@hamixen4924]

الديوان في قرية بني جمرة في البحرين وماكو مكاتب بالعراق

[@aalamalwara]

موجود ديوانه في النجف في سوق الحويش

[@tayi_506]

الحمد لله حصلت على نسخه منه جزاكم الله خيرا

[@Hmsn3]

شنو ديوان؟ صوتيات لو شعر؟​@@tayi_506