【全場精華】港超聯-傑志 8:0 港會
ฝัง
- เผยแพร่เมื่อ 26 ส.ค. 2023
- 港超聯 金信煜戴帽 傑志贈港會8蛋
「中銀人壽香港超級聯賽」周日（27日）有港會今季首次登場，作客旺角大球場挑戰衞冕的傑志。結果「藍鳥」兵不血刃，憑金信煜攻入「開齋波」兼大演帽子戲法，加上陳俊樂、明加索夫、米基爾及伊高沙托尼的入球，以8比0大勝比賽後段由基奧客串門將的港會。
「藍鳥」今場作出多個變動，陳俊樂加盟後首次擔正，與米基爾坐鎮中場，為重返正選大軍的金信煜及伊高沙托尼輸送彈藥；港會陣中未見去季「最受球迷歡迎球星」費查，把守大關的馬浩龍是名單中的唯一門將，倒戈的白星馳及江展民齊齊正選出戰，另一新兵劉學銘就顆拍菲杜化出任中堅。
傑志開局頻頻用兩翼傳中，嘗試為箭頭金信煜輸送彈藥。3分鐘，費蘭度傳中，金信煜頭鎚攻門，僅為傑志收穫角球。14分鐘，米基爾交出直線，伊高沙托尼落底傳中，造就金信煜射入加盟後於正式比賽中的首個入球，為這場入球騷拉開序幕。2分鐘後，伊高沙托尼傳中，陳俊樂門前加多腳，為傑志贏到2比0。21分鐘，明加索夫高波斬入禁區，金信煜一頂入網，個人梅開二度。
傑志攻勢浪接浪，24分鐘，伊高沙托尼前場逼贏對手後，被菲杜化禁區內侵犯，為傑志博得12碼機會，金信煜操刀一蹴而就，大演帽子戲法。3分鐘後，伊高沙托尼接應直線殺入禁區再送入門前，由明加索夫乖巧笠射入網。30分鐘，周緣德落底傳中，米基爾接應勁射破網，完半場前遙遙拉開至6比0。
換邊後傑志未收手，換入祖連奴繼續搶攻。54分鐘祖連奴傳中，後上的伊高沙托尼頭鎚建功。73分鐘，後備入替的潘沛軒右路突破傳中，皮球省中白星馳改變方向入網。
港會門將馬浩龍及後因傷未能堅持作賽，唯有派出後備席的基奧客串把關，這位臨危授命的港會門將也有表現機會，81分鐘就撲出金信煜的單刀波。結果雙方未能再增添入球，傑志以8比0大炒港會。
#本地足球 #傑志 #港會 #我撐本地波 #港超聯 #中銀人壽香港超級聯賽 #睇體
------------------
支持香港運動員，快啲follow埋《睇體》個 IG： / ontv_sports
再再訂閱《睇體》個TH-cam頻道：bit.ly/2lD6cD7 - กีฬา
Finally 播啱
金信煜今場用咗24分鐘就連中三元，唔知係唔係港超聯紀錄？
踢頂級聯賽後備席連龍門都唔擺 兒戲到咁？
有亞梅頂上
但香港嘅頂級聯賽响亞洲只屬2、3流，去到全球更係業餘級別
港會只係業餘球會, D外國人本身響香港有正職 , 所以港超其實仲未係職業化, 連業餘球隊都可以踢港超.....
費查好似結婚 另一個傷左
馬浩龍已經是第三後備門將，不會有後備
金信煜😂
我上年真係好欣賞港會。但今年連後備龍都無，會唔會感覺業餘得滯？
正選去咗英國傾生意
後備好似有一個傷咗
得返一個
港會如果無青年軍，其實都係得咁多貨
正選去左傾生意😂😂😂😂
聽請有隊友結婚，幾個都飛去歐洲觀禮😂
平時小睇港超既見到港會機乎全外援陣容會以為好勁
港會只係業餘球會, D外國人本身響香港有正職 , 所以港超其實仲未係職業化, 連業餘球隊都可以踢港超.....
基奧👍🏻
出咗場冇失個波
沙托尼今場助攻帽子戲法。
港會個CEO龍門呢
咁多機會都擴大唔到比數, 其實輸咗
入到咁多波只係因為基杜化，白星馳太廢！傑志換上後備球員已經踢吾番一樣的效率和質素！
冇人嗌 想要幾多球啊 出聲啊 ？😂
周緣德身型不俗，今日由中堅轉踢右後衛表現不錯，嚟緊香港代表隊對柬埔寨和汶萊兩場國際賽，可以畀佢踢右後衛試吓。
打港會就話姐，上場打大埔炒曬車
係 連續2場打右閘表現都幾好 夠硬淨 今場仲可以開上去做助攻 港隊可以考慮
費查可能去咗返工😂
星期日返咩鬼工 Family day唔想踢機會仲大
可能有場官司要幫手打😆
港會就算4個龍得一個踢得 都可以喺青年軍搵多個上嚟掛 你青超三個梯隊冇門將㗎咩？
他們有些可能上班, 有些則放緊暑假。
成隊註冊一般最多預3個龍，其他啲留畀外場球員，如果註冊4個就減少一個球員
In kim we trust
果然一打傑志，港會就現曬形
推基奧 打龍門啦 都係出份糧
今季港會跌Watt噢!
今埸冇費查
港會只係業餘球會, D外國人本身響香港有正職 , 所以港超其實仲未係職業化, 連業餘球隊都可以踢港超.....
這樣的港超今日8比O😢9比O無意思😮跟本水準低體力差(入波多假像)這樣的速率同星馬泰差好遠😢
港會係業餘球會, D外國人本身響香港有正職 , 所以港超其實仲未係職業化, 連業餘球隊都可以踢港超.....