الشخشوخة البسكرية على اصولها من الالف للياء لكل مناسباتكم
ฝัง
- เผยแพร่เมื่อ 19 ต.ค. 2024
- من الذ واطعم الاطباق الجزائرية اللي مشهورة عالميا هي الشخشوخة البسكرية ولا لفطير المسمن المركب النعمة....... عندها بزاف اسماء ومصطلحات وكامل اللي جربوها عجبتهم
وفي قناتي هذي ثاني مرة نطيبها لاصرار المتابعين وطلباتهم المتككرة في التعليقات فقررت نلبيلهم طلبهم ونديرهالهم كيما يطيبوها اهل منطقتنا هنا
ومع الاختلاف الكبير في طريقة طبخها في كل منطقة قررت كل مرة نطيبهالهم بطريقة مختلفة تخص المناطق نتاعها
نتمنالكم فرجة ممتعة للفديو واذا عجبكم حطولو لايك وتعليق حلو زيكم واذا معجبكمش حطولي ديسلايك وتعليق قولولي فيه علاش معجبتكمش طريقتي
السلام عليكم
تشبه لشخشوخة الشاوية في باتنة النعمة نفسها لكن المرق يختلف وعلى العموم شخشوخة لبساكرة معروفة ببنتها يا أختي احنا داخل الولاية وكل اسرة كيفاش اطيب الشخشوخة واحنا ورثناها على جداتنا نطيبو كيفهم ربي يرحم أمي لعزيزة ونانا الغالية شخشوختهم لا يعلى عليها
وانا باتنية متزوجة في بسكرة وكيما قلتي دار وحدة وكل وحدة وكيفاه طيب
وربي يرحم موتاكم يارب
الاخت الشاوية ليس طبق اساسي عندهم واغلب الي يطيبوها اصلهم من بسكرة
@@mofbenzi4700 لالا اختي ماما من ميلة ويطيبوه فالمناسبات بصح كيما قلتي موش طبق اساسي في بعض الولايات ولاكن مهما يكون بنتها وحدها
@@rofy14الثريد معروف في كل الدول العربية لكن يطبخ بطرق مختلفة ف العجين أو المرق وهو من الأكلات المفضلة للرسول صلى الله عليه وسلم أكلة عربية عريقة بأسماء مختلفة ❤❤❤
@@nawalnawal9072 عليه افضل الصلاة والسلام
الاسبوع القادم بعد منهبط غدوى فديو لنوع اخر من الشخشوخة نديرلكم الثريدة القسنطينية الاصلية بدون تحريف واذا ممكن تخليلي الطريقة بختصار بصح بدون تحريف باش ميهجموش عليا فالتعليقات 🤭🤭🤭🤭
ايه ختي تشبه لشخشوختنا في باتنة بصح نتاعنا نديرو فيها حمص وبطاطا وبيض مشرشم برك ونقلو الفلفل الحار تجي هبال في البنة
يعطيك الصحة يا الفحلة
حتى حنا نديرو فيها الحمص والبطاطا والبيض انا عندي البيض ونسيتو برك
والله يعطيك اصح يالفحل انا شويا نعرف تاني نخدم والله بلا فوخ الحمد الله مكانش كي صنعت اليدين تكليها ونتيا فرحان يعطيك اصح ولهن منعني الف تشجيع 🎉🎉🎉🎉❤❤❤❤❤❤
شكرا اختي ربي يحفضك وتعليق رائع محفز
يعطيك الصحة حبيبتي حنا نديروها بالبطاطا والحميصة واللحم فقط ....
انا نحب الزرودية لهذا زدتها ونحب الحلاوة اللي تطلقها وكاين اللي يديرلها الجريوات وكاين اللي يديرلها التمر وكاين اللي مايديرلهاش الثوم والله كل بلاصة وكل عرش وكل دار تختلف طريقتها عن طريقة غيرها رايبسكرة ولاية وحدة وتختلف الطرق في الشخشوخة وحدها مابالك الاطباق الاخرى باطوط تشيشة حسوة ام الرزايم محكوك مرخوس شخشوخة الكابوية محجوبة..... والقائمة طويلة
@@rofy14 حبيبتي ما تفهميش تعليقي على انه إنتقاد بلعكس عجبتني طريقتك ونجربها ان شاء اللله وتحيا الاكل الجزائري بتنوعه ...شهيتيني وكي فتحتي العجين على يدك فكرتني فالأم ديالي كانت تعملها بنفس الطريقة...شكرااا حبيبتي قناتك رائعة المزيد من التألق
@@alfahlalifestyle لالا وينو الانتقاد يا بنتي راهم على جال الثوم دخلو يسبو فيا والله غير نص التعليقات نحيتها وكنت قلتلهم كتعود بدجاج منديروش الثوم بصح باللحم نديروه وهوما ماكملوش الفديو وكلاوني
وزيد انا يا غاليتي فهمتك ورديت عليك قتلك علابالي بصح انا نحب الزرودية عليها درتها
@@rofy14 ماشاء الله عليك و مرحبا بيا عندك مشتركة جديدة
@@alfahlalifestyle منورة القناة ومرخبا بيك في عائلتي الصغيرة
حنا في سطيف نسموها مفرمسة ،لانه المرقة نزيدولعا فرماس و غرس و زبيبب و تجي حلوة
ما نديروش الخضرة
و فتات نفسو
ماشاء الله عليك
ربي يحفضك منورة يابنت سطيف العالي والفوارة
حتى حنا نديروها لمفرمسة ختي بنفس طريقتكم ونسموها الشخشوخة لمفرمسة
اول مرة نشوف قناتك .نموت على الاكل التقليدي.يعطيك ألف صحة
وانتضري الوصفات القادمة كلها اكل تقليدي زفيطي باطوط بسكري تشيشة محجوبة كسرة الشحمة واصلا كاين قائمة فيها غير الاكل التقليدي في القناة
يعطيك الصحة شخشوخة تشهي. مرت سلفي بسكرية دريلنا هذي الشهشوخة رووووعة ❤
ايه بنينة تهبل وخاصة كتجي بدجاج
يعطيك الصحة تعيشي نسقسيك الملح درتيه بالمغرف الصغيرة خلاص تاع قهوة ولا لي شوي كبيرة تاع تحليات والحليب
لالا الصغيرة نتاع القهوة بصح معمرة
اسعد الله اوقاتكم بكل خير وسعاده بالتوفيق والنجاح الدائم اتمنا لكم الازدهار والتقدم محتوى جميل جدا يستحق المتابعه معك دائما ان شاء الله تم
ربي يحفضك اختي منورة القناة ومشكورة لانضمامك لعائلتي الصغيرة والدنيا كاملة
🎉ذوق ولا اروع كليتها عند عمي الجمعي بهلالي بقات في الذاكرة
بصحتك حبيبتي
شخشوخة بدون منازع حراير الجزائر في كل الولايات
مشكورة اختي ربي يحفضك ان شاء الله
لكن البسكرية احب إلى قلبي بارك الله فيك
اللهم بارك فينا المسلمين و اهدنا
@@-hor ربي يحفضك اخي الفاضل العفو
😢يعطيك الصحة حنا تقريبا نفس طريقتك بصح قبل منصقوها نزيدو نفوروها
ايه مام حنا في باتنة نديروها بصح كطيب النعمة فليل ولا صباح بصح هذي راي مباشرة من طاجين للقصعة وزيد مركب فوق بعضاه قولي طايب
تشهي حق ربي انا من البرج وتزوجت لبسكرة ثاني تعلمتها بشوي بشوي وضرك نديرها كما لبسكرة
الحمد لله انا كجيت لدار راجلي كانت اخت راجلي تضحك عليا وكنقولها علميني تهز حاجبها تقولي متتعلموش في ديار بيانكم وتجو تحبو نعلموكم والله كخرجت بداري وحدي نلبز ونعاود وليت ضرك نديرها خير منها ههههه متهابيش تتعلمي كلش
متبهدايش ببنا وعلاش فلبرج نديرها خيرمنهم
@@HadouchLynda-ys5jo لالا منديرو ش بسهولة تعهم
@@HadouchLynda-ys5jo معليش اختي هي الاكل اذواق ممكن هي عجبتها نتاعنا وانت كون تجي وتاكليها متعجبكش
ومع هذا الشخشوخة البسكرية راهي معترف بها عالميا من اروع الاطباق انا درتها غير بلدي برك ماعطيتهاش حقها
@@AnonVoid-f2e كل واحد وطريقتو حنا عندنا طريقة صعيبة وطريقة ساهلة واللي تعجبك اختاريها خيتي
انا وحدة منهم حبيت نديرها ومعرفتش ربي يحفضك راح نشوفها ان شاء الله
هيا مالا اتعلمي عليها
مرحبا بيك عندي ❤❤
تسلم الايادي احلى اعجاب اكيد 😋👍👌 بالتوفيق للجميع يارب
شكرا اختي ربي يحفضك
يعطيك الصح جربتها وجات بن بالتوفيق للجميع
الله يوفقك شكرا
شكرا🤩😘😘
يعطيك الصحة باينة جات تشاهي وصحتكم حنونة بتوفيق أن شاء الله
ربي يحفضك ختي
ويحفظك حنونة من كل شر
السلام عليكم حبيت نقسيك اذا بالجاج تجي بنينة
يختي انا عمري لا درتها باللحم وليوم درتها بالدجاج وهي اصلا البنة في الدجاج تجي خفيفة ولاكن كاين حوايج لازم ديريهم مختلفين على اللحم
ارواحيلي خاص مزنجر ضرك نقولهملك صوت احسن
اكتبي في الفايسبوك ابداعات رفيدة المتنوعة تلقاي فايسبوكي ماهيش صفحة راهي فايسبوك حاطة فوطو بروفيل سنية بقلاوة
@@rofy14 صحيتي ختي الله يحفظك لكن معنديش مسنجر
@AishaHarazi-uj9mm معليش ختي ديري كيما درت انا وعوضي لحم بالدجاج بصح متخليهش يطيب بزاف باش مايطيحش
يعطيك الصحة رفيدة جات في وقتها ربي بارك جات تهبل ❤❤❤
ربي يبارك فيك
الله الله على الفحالة ...تشهي يعطيك الصحة
الله يسلمك ربي يحفضك
صحيتي يالبسكرية تشهي
الله يسلمك انا باتنية وتعلمتها هنا في الوطاية نهار دخلت عروس جديدة عندهم ماضحكو عليا مانعرفش حتى نلوحها وضرك وليت نديرها خير منهم 🤫🤫🤫🤫
ماشاء الله تبارك الله عليك ربي يحفظك ويسعدك يارب العالمين تحياتي واحترامي لك اختي الغاليه ❤❤مرحبا بيك في قناتي اختي الغاليه
منورة القناة حبيبتي شكرا لمرورك
احنا تاني من جد جدودنا نديروها في جيجل ولكن نسميوها الفطير مسقي وفي راس العام الأمازيغي لازم نديروها بأسردوك عرب يعني ديك عرب. تحياتي ليك.
ايه علابالي اختي بلي ديروها في عيد الامازيغ وديرو معاها البيض مشرشم مرت خويا من بجاية وقاتلي بلي يديروها بصحتكم اختي
في قسنطينة محافظين على إسمها العربي الأصيل تريدة الطاجين وكائن تاني تريدة الموس مقطعة مربعات الثريد من بين الأكلات المفضلة لرسول الله صلى الله عليه وسلم وتطبخ في كل الدول العربية طبعا ببعض الإختلافات في العجين والمرق وبأسماء مختلفة
@@nawalnawal9072 ايه اختي كاين اختلاف والمشكلة الاختلاف حتى في المسمن اللي هو وحدو عندو عدة اسماءوعدة طرق للخبز كاين مسمن ولا رقاق ولا فكير ولا نعمة ولا شخشوخة و.....الخ وتندار بالوحدة ولا بالبرنوس كيما طيبتها انا ولا مربعات
وبنسبة للتريدة هي عجين وتتقص مربعات وتتفور وكيب كيما شخشوخة ضفر ولا رشتة نحكي على طريقة التفوار
الجزائر دولة عظيمة كون نكتبو الاطباق الاصلية التقليدية اللي تتطبخ فيها منا للعام الجاي ومانخلصش
تحيا بلادي🇩🇿🇩🇿🇩🇿🇩🇿🇩🇿 وربي يخليلنا جدودنا وطباخاتنا وامهاتنا ويحفضهم
ما شاء الله روعة، انا قبايلية، عندنا اسمو احدور. نكلوه فلعيود و كي يزيد عندنا طفل، ما نديرولوش المرقة، نسقيوه ب ماء اللحم المقلي وانزيدو عليه داك اللحم مفتت و البيض المسلوق، و لا نسقيوه بالسمن ذايب و العسل الحر، احدور سو كناف، احدور سووذي. ربي يحفض بلادنا الغالية و توراثها الا متناهي ❤❤❤
@@sorayasid7017 ارواحي خاص ختي اعطيني الوصفة والطريقة نطيبها ونحطها في قناتي
روحي فايسبوك تلقاي اسم الملف الشخصي ابداعات رفيدة المتنوعة ماشي صفحة وصورة البروفايل دايرة صنية بقلاوة
ماشاء الله علي بلادنا وبنت بلادي ❤🇩🇿الله علي #أطباق_تقليدية_جزائرية ❤❤❤
شكرا ربييحفضك اختي شرف ليا تعليقاتكم وتحفيزاتكم
@@rofy14 تستاهلي ختي موفقة يارب 🤲❤️
@@CanadabyImene شكرا اختي موفقة في مشوارك
@@rofy14 امين يارب 🤲
درينا وصفة خبز منفوخ ربي يحفظك ختي
حاضر اختي عن قريب إن شاء الله نكمل برك امتحانات ولادي ونديرلكم كلش واش طلبتوه مني❤❤❤❤
و عليكم السلام ورحمة الله يعطيك الصحة ❤
وعليكم السلام يسلمك
اللهم صل على محمد وال محمد
الله صلي وسلم على سيدنا محمد وعلى صحبه
الله يبارك
يبارك في سلامتك خيتي
شكرا على الوصفة الرئعة بالتفيق
شكرا ربي يحفضك
الله يبارك على الوصفة وعلى هدرتك لعسل ختيتو لفحلة
ربي يحفضك ويعطيك مافي بالك 😘😘😘
أعشق هذا الطبق❤❤ يعطيك الصحة
الله يسلمك أنا ليوم زدت درتها للنصفية ههههه
@@rofy14 بصحتكم حبيبتي❤
@ouadidihya9770 شكرا الله يسلمك
اتشهي يعطيك الصحة
الله يسلمك
ختي وش نوع سميد لي ستعملتيه
اناةدرت سميد الزين نوعية ممتازة من ولاية بسكرة انتم استعملو البركة متوسط ولا كنزة ولا ماما هذو كامل يصلحو
عجبني طاجين شحال شريتيه
شريتو في 2007 هههه ختي ب60 الف
الله الله غليك شخشوخه وعليها لكلام
شكرا حنان ربي يحفضك خيتي
هذا الشكل بدات بعض مناطق الشرق يقولوا الفتات،وحتى نديروه بالعسل و المكسرات مع اللبنخاصة في المناسبات الخطبة،او مناسبات عاءلية
حتى حنا نديروه نقولولو رفيس نديروه فلعراس ويجي يهبل
يعطيك الصحه ❤ وصفه رائعه ❤❤❤
الله يسلمك ربي يحفضك
حرة وبنينة وبصحتكم ربي يحفضك
الله يسلمك ويحفضك اختي
كليتها في باتنة هايلة نموت عليها
وانا كنجي لباتنة نطيبها ونبعثهالك
نموتوعلى لااله الا الله
شكراً جزيلا اختي❤❤❤❤❤ في ميزان حسناتكي❤❤❤❤❤❤❤❤❤❤❤
ربي يحفضك
بارك الله فيك شاركت في قناتك
منورة ياغالية ربي يحفضك اختي وينورك شكرا لانضمامك الى عائلتي الصغيرة
في منطقة القبائل يسموها اخداشن لكن المرقة مختلفة شوية كيما قلتي بلادنا كبيرة مشاءالله
ايه ربي يحفض بلادنا
احنا في عنابةنقولوا الفطير من غير خضر اللحم او الدجاج والحمص فقط.
@@ouardadida9083 هذا نديروه كنكونو حابينه عشاء ولا غداءللدار نديروه هك بدجاج ولا لحم برك
يعطيك الصحة يا الفحلة.
الله يسلمك
اختي رقاق شحال يصبر في كونجيلاتر
يصبر ختي فترة طويلة عام هكاك بصح كان لقى طريقة صحيحة للاحتفاض
خليه يبرد طووووول وديريه في منديل وساشي وحطيه في المجمدة ميروح ميجي
لالا ماكش منها عام شوفي على حساب مدة صلاحية السميد نتاعك لي هي 6اشهر ما يفوتهاش
معليش اختي السميد كيعود سميد خوش طايب وزيد شكون تقدر تخليه فالكونجيلاتور عام انا ناكل الجديد عمري لا جمدتو ولا خدمتو ليلة قبل وكل واحد كيفاه يحب ياكلو
ما تنساش شخشوخة لڨناطرة الله الله
ههههه كامل تابعين لبسكرة وكل منطقة عندها شخشوختها ربي يحفضهم
يعطيك الصحة شهيتيني
منشهيش خيتي لاكانكي قريبة نطيب ونبعثهالك
جميلة اري ياقلبي وفيها كل الخضار ❤
ايوة فيها خضار
سعده ل يتزوج وحدة من بسكرة ولا بوسعادة
ربي يحفضهم انا باتنية ومتزوجة برك في بسكرة
الله يعطيك الصحة خدمتها بالبطبع شخشوخة وعليها لكلام شهتيني وشكرا لك.
ربي يحفضك لاراكي قريبة نطيلها ونبعثها لختي
شكرا لك كي قولتي محسوب بعثتيلي سطايفيا ونسكن في الجزائر
@@روزةزهرة خيار لناس كامل بنات الجزائر خواتاتنا ربي يحفضكم
ختي الله يعطيك صحة بصح حبيبتي على حساب مراني نشوف تبان متينة ولوزات تاع لعجين يبانو شوياوخشان إذا مارانيش غالطة بصح تبان روعة روعة 😋كي عدتي ترفدي فيها بالشفريطة سخفت 😂
شوفي انا نديرها رقيقة لاني نطيبها على يدي وبما اني محجبة ماقدرتش نصور بلا منبين يديا في زوج اول فديو في قناتي ادخلي شوفي الشخشزخة تحطيها على كتاب تقراي الكتيبة نتاع الصفحات
الله غالب التصوير غلبني ماعرفتش نوضح اكثر من هك بلا منبين يديا
حنا في بسكرة نطيبوها على يدينا
@@rofy14 والله غير روعة أختي تهبل تهبل الله يعطيك صحة
@@Misreen الله يسلمك
@@rofy14 علبالك أختي راني متشهية كلشي بلاك نتوحم ههههه😂😂
@@Misreen معليش كانكي قريبة نطيبها لخيتي ونبعثهالك
من وين شريتي القدر و لي تعرف وين يبيعو اواني الطين المخدوم باليد تقولي
انا شريتو من هنا حذا داري يبيعو فيه وانت وين بلاصة تسكني اختي سقسي نتاع الماعن برك حتان تلقاي اللي يبيع فيهم
@@rofy14 عندنا مكانش لي يبيعهم على هذا سقسيتك و اذا تعرفي وين يبيعو في العاصمة او قريب لها قوليلي
@@جنةالفردوس-ل9ظ اوكي انا نجيبلك منين يتباعو اختي
@@جنةالفردوس-ل9ظ ولا مالقيتيش كتعود سلفتي جاية للعاصمة نبعثلك وحدة
روحي لحمام ملوان يتبعو @@جنةالفردوس-ل9ظ
شخشوخة تشهي رفيدة تتشبه لتاعنا تاع بوسعادة نديرو الشواط وحدو ونفتتوه ونطيبو المرقة عاقدة وحمراءوحااااارةونسقوها بالمرق بصح بدون خضار فقط لحم او دجاج وحمص ونكثرو البصل جي تهبل ونسقوها بالدهان الحر تاع الغنم جي تهبل ديجا تشهيتها بالرغم انو درتها فالمولد يعطيك الصحة❤👍👍👍👍👍👍👍👍👍
الله يسلمك حبيبتي وبصحتك حنا نديروها كل مرة ماشي لازم مناسبة
ياربي نعجن ومتطلعليش عجينة هكا حيرتني كفاه تكون عجينة هكاك انا تتقطع متصلحش واش لحل مافهمتش مشكل😅
@@soniaaso8037 نوع السميد ختي موش مليح خيري نوعية مليحة البركة ماما متوسط يخرجلك خير من هك واشري نتاع كيلو ولا زوج برك كشتي
ربي يفرحك زينة
مرحبا بيك عندي
الله يسلمك ختي ربي بحفضك
شخشوخة و عليها لكلام😊 مرحبا بيك عندي
ربي يحفضك
يعطيك الصحة ياختي ❤❤❤❤❤
الله يسلمك
شكرا
@@FerielKouba العفو 🥰🥰
سلام اختي اول مرة نشوف قناتك روعة الله يعطيك الصحة اختك من مستغانم ومتزوجة في تيارت
ربي يحفضك نورتيني حبيبتي الدار دارك واش تحتاجي راني هنا
يعطيك الصحة اختي باينة تشهي
ربي يحفضك
تسلم الأيادي
الله يسلمك
ششخشوخة البساكرة لن يضعون الجزر
علابالي خيتي وقلت في الفديو انا نحبها حنا نديرو بطاطا وحمص ومرات نزيدو جريوات بصح كعدت نحبها قلت اني درتها لاني نحب ناكلها وزيد باينة الخضرة الاساسية جريوات وبطاطا وحمص
يسلم إ يديك تهبل ❤
ربي يحفضك خيتي
منسكنش،في،بسكرةاونعرف،نخدهة،😊❤
يعطيك الصحة وانا بنت باتنة وتعلمت نخدمها هههههه
❤❤❤❤
شكرا لمرورك
ولله غير سخفتيني حكمتن ساخن في فمي❤
انت منين نطيبها ونبعثها لختي تاكليها غدوى باذن الله
انا ام لجين من باتنة
خصارة انا من بسكرة ماعليش اختي كان جيت لباتنة السمانة الجاية راني نبعثلك ونقولك
قوليلي، تعيشي، زبدة، وين دارتها، فوق شخشوخة
وينا زبدة اختي
يعطيك الصحة ❤❤❤
الله يسلمك خيتي
كي ديري مسابقة حطيني معاكم ❤️
ان شاء الله اختي
راني عروسة عندي شهر وراجلي تشهى الشخشوخة نديرها ونرجع قلبي راه يوجع راني مخلوعة خايفة 😂
ههههه كون جيتي قريبة نديرهالك
نزيدك شوية باش تضحكي انا والله كدخلت عروسة ماكنت نغرف نطيب حاجة غير قليل من الاقلة بصح عندي حاجة وحدة نعتمد عليها 🤌🤌 هي اني منخافش ونجرب كلش خلي نفسد مرة زوج ثلاثة حتان تنجح
والحمد لله الشخشوخة درتها عشرين مرة وبسيف لا تعلمتها والحمدلله مكانش ضرك اللي ديرها كيفي
ربي يعاونك ديريها وكيما يقول راجلي المهم عجين طايب فيه الزيت ريحتو مسمن هههههه
اسم السميد من فضلك😊😊😊😊
انا استعملت الزين متوفر عنظنا في الوطاية نتونا تقدرو تخدمو بنتاع ماما متوسط ولا البركة
السلام عليكم ورحمة الله وبركاته
وعليكم السلام ورحمة الله تعالى وبركاته منورة اختي
الفلفل الاسود تاني ميجيهاش
رانيقلت اختي كل منطقة ولوفاح نتاعها وطريقة طيابها ممكن انتم مديروهش بصح حنا في الوطاية نديروه
تجيني الورقات يابسين
@@TassaditAmitouche يا نوعية الدقيق نتاعك عيانة يا طيبتيها على نار ناقصة يا العجينة نتاعك رققتيها بزاف وحنا لمسمن لازم يطيب من نحطوه مباشرة في علبة مغلوقة باش ماييبيش
👍👍👍👍👍👍
منورة
هنا لقلولها لمفرمسة لي تتسقا ولي تتخلط شخوخة
كيف كيف حنا نسموها شخشوخة وكاين اللي يقولها نعمة وكاين اللي يسميها رقاق وكاين اللي يسميها فطير و...... الخ هي المهم بنينة 😜😜😜
👏👏👏💪🏼
شكرا
Bravo continuez elle l air bonne
شكرا
وصفة شخشو المقادير
مفهمتش
هذا. الرقاق. في معسكر😊
ايه كل بلاصة والاسم نتاعها وهي نفس طريقة الطياب 🥰🥰
هذه هي الطريقة الشاوية ماءة بالماءة
ايه ختي ماء بالماء وتجي تهبل
سمحلي الشخشوخة البسكرية مافيهاش زرودية
@@HamhamTour ايه حبيبتي علابالي انا قلت مافيهاش فيها حمص وجريوات وبطاطا وانا كعادت نتاع دار درتها وقلت اللي راح يديرها للضياف ميحطهاش
ماهيش شخشوخة بسكرية طيب ميدمة والبطاطة مقلية وفيها الزبيب والبيض وفلفل ڨرن غزال الله الله مقلي
ههههه هذيك نتاع لعراس والعرضات هذي نتاعنا نتاع الدار وزيد عادي هزو البطاكا اقلوها واقلي الفلفل انا عطيتكم لباز نتاع المرقة والاضافات الاخرى تقدرو تبدعو فيها
شخشوخة لبسكرية ما يجيش فيها الفلفل لكحل ولا الثوم ،وراه الغرس والفرماس لي يمدو البنة
كون كملتي الفديو اختي راكي سمعتيني قلت في منطقة في بسكرة يديرو الغرس ومايحطوش الثوم وانا زدتو من عندي وبنسبة للفلفل الاسود انا نسيت نحطو ضمن دواوات راس الحانوت كخدمتو درت شوية نتمنى تكملو الفديو للاخر وتحكمو لاني قلت كل منطقة وطريقتها
🇩🇿🇩🇿🇩🇿🇩🇿🇩🇿🇩🇿🇩🇿
شكرا بنت بلادي
أختي لا يوجد تعالى في السلام
شكرا بسيف لا فهمتها ان شاء الله ندي بنصيحتك
يعني السلام يقال
السلام عليكم ورحمة الله وبركاته
@@rofy14 نعم أختي بارك الله فيك
الشخشوخة ماتفوروهاش؟
كتعود جديدة متفوروهاش بصح كتعود بايتة ولا مجمدة نفوروها
شخشوخة لبسكرية ميديرولهاش ثوم راكي غالطة
على حساب الخضار كاينة شخشوخة انتاع كابوية نديرو فيها كاينة لي فيها بطاطا وجيروات وكاينة انتاع الاعراس مانديروش راهي انواع مرقة شخشوخة 😂😂ربي يبارك علينا عندنا مسقية مرتبة الاول
لالا اختي نتاع لحم نديرولها نتاع دجاج منديرولهاش
ايه اختي انا نتاع دجاج منديرلهاش ونتاع لحم نديرلها ومنطقتي هنا كامل يديرولها ثوم واصلا راكي شفتي ماكثرتش بزاف وزيد الماكلة بلا ثوم ماهيش ماكلة
في بداية الفيديو قالت كل منطقة كيفاش ديرها في نفس الولاية تختلف الوصفات. أنا شاوية و تعلمتها من عند أمي ربي يرحمها كانت دير فيها الثوم و بصلة كبيرة. الثوم تدرسها بالملح و الفلفل الأحمر الحار و تزيدها بعد ما تمرق.
🧡💚🤎💛🤍💙💜❤♥️
🌹🌹🌹🌹🇩🇿🇩🇿🇩🇿🇩🇿
منفورهاش
حتى انا منفورهاش بصح كتعود فالمجمدة اكيد لازم تفور
مش كيما هاك لمرقة انتاعك شخشوخ
معليش حبيبتي كل منطقة واضافاتها
اختي شوفي الفديو انتاعكتلقاي روحك قلتي تحبو اتديرو القارص او الزيتون اوالدبشة اوالكوسبر انا الا اكذب عليكي اختي ئوفقط اعطيتك ملاحظةحتى لا تخلطي بين الاطباق التقليدية البسكرية
ممكن بصح عادي رشة خفيفة ماشي حاجة وحنا نديرو الخضرة فالشخشوخة نتاع العراس صح بطاكا جريوات حمص بصح كتعود نتاع دار ميش مشكلة
السكر 🤢🤢🤢
@@MouradGasmi-j2c ههههههه ايه عادي كل الاكلات البسكرية يديرو فيها السكر
@@rofy14 انا بسكرية والسكر مانديروهش حنا جيهة طولقة وفوغالة
@@MouradGasmi-j2c ايه حنا في الوطاية يديروه وانا منديروش راه كعاد فالفديو ونص لبساكرة يديروه يعدلو بيه الذوق
الشخشوخة البسكرية مافيهاس الخضر الاالبطاطا فقط مع اللحم والحمص والزبيب .الديكور لا تضع فوقها الكوسبر ولا قارص ولا زيتون كما قولتي يا اختي اسمحيلي راكي خلطتي التشيشة مع الشخشوخة هي التي نضع فوقها القارص وال
لاه انا حطيتهم مانضنش
@@rofy14 السلام عليكم اختي لا صح ما حطيتيش لكن قلتي الي يحب يحطوهذا غلط وحتى الجزر اللي حطيتيه غلط صحيح عندنا شخشوخة بالخضر لكن هذيك يومية وليست بالحم
عادي حبيبتي على خاطركم نزيد نعاودهالكم قريبا باذن الله بصح بدجاج برك ونتبع تقاليدكم