Gjelosh Lulashi: Enver Hoxha firmosi vdekjen, pushkatimi para nënës së tij

Gjelosh Lulashi sot nji nga 38 martirët e lumnuar të kishës katolike, ishte 21 vjeç kur e vendosën para skuadrës së pushkatimit. Ishte data 4 mars 1946.
Dy ditë përpara në zyrën e Enver Hoxhës kishte shkuar kjo listë emrash, që gjendet në këtë dokument të firmosur nga diktatori. Ishin të gjithë të dënuar me vdekje nga gjykata ushtarake e Shkodrës. Të dënuarit kishin apeluar dhe kërkonin tu falej jeta. Por diktatori kishte zgjedhur vetëm nji për ti falur jetën dhe në shkresë ka renditur 6 emrat që ai kishte vendosur të pushkatoheshin. Ata ishin At Giovanni Fausti nga Breshia e Italisë, at Daniel Dajani nga Shkodra, At Gjon Shllaku nga Shkodra, mark Çuni nga Bushati, qerim Sadiku nga Vuthaj i Gucisë dhe 21 vjeçari nga Shoshi i Dukagjinit, djali i bajraktarit, Gjelosh Lulashi.
Deri ditën e ekzekutimit nëna e tij Mirja besonte dhe shpresonte se djalit do ti falej jeta, sepse ai nuk kishte bërë kurrfarë krimi dhe se ishte kaq i ri....Por a do të rezultonin pozitive këto shpresa? Nënë Mirja kishte shkuar që pa gdhirë tek varrëzat e Rrmajit në Shkodër, ku ishte njoftuar se do të pushkatohej një grup të dënuarish me vdekje. Ajo vetëm lutej që mes tyre të mos ishte Gjeloshi....