Pamje nga momenti kur avioni përplaset me helikopterin ushtarak

Kamerat e sigurisë kapën momentin kur avioni i kompanisë çAmerican Airlines’ përplaset me helikopretin ushtarak, të mërkurën (29 janar).
Autoritetet besojnë se të gjithë personat që ishin në bordin e avionit të kompanisë American Airlines që u përplas me helikoterin Black Hawk të Forcave të Armatosura amerikane ndërsa po i afrohej pistës së uljes në aeroportin kombëtar të Uashingtonit “Reagan” kanë vdekur. Në lumin Potomak, në afërsi të aeroportit ku ranë avioni dhe helikopteri, po zhvillohet një operacion i gjerë kërkim-shpëtimi.
Në avionin e udhëtarëve të kompanisë American Airlines gjendeshin 60 pasagjerë dhe 4 anëtarë ekuipazhi. Në helikopter gjendeshin tre pjesëtarë të ushtrisë amerikane, që po kryenin një fluturim stërvitor. Zyrtarët thane se ndërsa kërkimet vazhdojnë, ata nuk besojnë se ka të mbijetuar.