Të rinjtë e Shkodrës rrëfejnë pse zgjodhën Shqipërinë

Nga Shkodra, ku u transmetuan historitë e të rinjve që kanë zgjedhur Shqipërinë folën Sentiljana, një fermere e re, Denisa, një zhvilluese biznesi dhe Behari, një student që po certifikohet si specialist digjital.
Gogo.al shkoi në Universitetin “Luigj Gurakuqi” këtë herë për të diskutuar me të rinjtë energjikë të Shkodrës, ndërsa nuk munguan argumentet pro e kundër qëndrimit në Shqipëri.
“Unë mund të shkoj e të punoj si infermiere në Gjermani, por Gjermania nuk të fal lekë dhe të thotë ja ku i ke 5 mijë euro. Duhet shumë punë, më shumë se këtu”, tha Sentiljana Marku.
“Nuk është se jemi përditë, kështu të motivuar por unë e kam tani një vizion”, tha më tej Denisa Bajraktari.
Ndërsa Behar Tallalli u sugjeroi të rinjve që studiojnë, punën me kompani digjitale si “Google”, duke sjellë edhe fakte konkrete se mund të fitosh nëse specializohesh.
#gogo.al #gogocast #zgjodhishqiperine #historisuksesi #neterinjte #albania