#قصتي_مع_الحرڨة الحلقة3 :4 ايام فاليونان رجعونا شفنا الضو... وسمعنا حس واحد جاي تخبينا فالحشيش بدا يقرب الصوت لينا وكانت الضلمة بزاف ومع وصل خيالو مع القمر بانلي بلي انسان رافد ساكادو لابسو القدام ماشي على ضهرو قلت بالاك عسكري خاطرش ماشي موالفين نلبسو الساكادو بالمقلوب مع الضو بلي حراڨ الحمد الله رحنا ليه خاف جا هارب قلنالو حنا حراڨة قلبو حبس قالنا عندبالي الأكراد ولا العسكر قالنا نتوما مهابل بقالكم عشرة ميترات على الشباك وباقين تحكو ايا نمشو... اومبعد عرفناه بلي مغربي ومسكين كان فالعسكر تع المغرب وصراولو مشاكل ربي لاقانا بيه داير حساب لكلش عندو التليفون والجيبياس وصلنا للشباك اول مرة نشوف حدود تع بلاد طلعنا ديراكت انا وصلت الفوق فالشباك ونشوف سيارة البوليس جاية من البعيد رميت روحي ورحت نجري فالغابة بين الذرة وبقيت نشوف من البعيد ونستنا فالجماعة حتى سمعتهم يعيطو بصوت رقيق صفرتلهم جاو لعندي تخبينا ساعة فالذرة خاطرش البوليس شافنا وتيراو طلقات إنذار بلي دخلو الحراڨة كلينا شوية شربنا الما وقلنا نكملو طريقنا والمغربي ولا هو الڨيد تاعنا ولينا تبعو واش يقولنا بحكم الخبرة تاعو وكبير علينا بصح الزوج ولاد بلادي صغار في عقلهم هبلوه مايخضوش الراي وعندهم شوية عنصرية بقاو يتضاربو معاه طريق كومبلي المهم انا نمشي ونحفظ فالطريق حسيت بلي هكذا ماناش رح نوصلو تمشينا 4 ايام فالليل ونرقدو النهار وكنت انا ندخل للفيلاجات نشريلهم الماكلة دخلنا لوحد الفيلاج لقينا مغربي آخر وعراقي خلاص رانا في نص الطريق تضارب المغربي (العسكري) مع زوج ولاد بلادي آمالا قالي انا نروح وحدي مانيش حاب نطيح لوكان نطيح يدوني للحبس فالمغرب انا ماعنديش حل لازمني نكمل مع لي جيت معاهم قالي رح تطيحو بهاذ العقلية ما سمعتش كلامو هنا أكبر غلطة درتها تمشيت بالعاطفة هي نورمالمو فالحرڨة مكاش مغربي و جزايري كاين الراجل هو صاحبك بقيت انا معاهم وجا معنا المغربي الثاني والعسكري راح مع العراقي مشينا النهار الخامس دخلنا وحد الفيلاج باش نشري سقسيت على ماكلة حلال تلاقيت وحد المسلم ورالي الماكلة وقالي رد بالك كاين فيلاج بعد هاذا يسموه (ميكرو ديريو) تع يهود فيه البوليس بزاف وبعدو كاين الفيلاج تع المسلمين (ميغا ديريو) فيه جامع تقدر تبات ويتهلاو فيك عطاني انترنت حكيت مع الدار قالولي ويماك راهي مريضة وعرفت بلي حرڨت انا طاحلي المورال حسيت خلاص رح يحكمونا مشينا 15 كيلو وصلنا لميكرو ديريو فالليل قالولي نباتو هنا قلتلهم لازم نكملو نمشو الليل قالولي تعبنا رأي الجماعة غلب بقينا ثما بردنا شعلنا النار ا نصيحة خاوتي إياكم تشعلو النار فالليل يشوفكم مالهند على هاذيك تمشي الليل باش ماتبردش حنا نتسخنو حتا نشوفو البوليس داير بينا داونا للمركز تع اورسيادة لي مشيناه في 5 ايام راح في 10 دقايق تلاقيت فالمركز بصاحبي لي راه معايا هنا الادمين #المجنون وواحد صاحبي راه فالبوسنة وعيباد تلاقيتهم فالمطار جاو معايا فالطيارة شفيت عليهم بقينا ليلة نحكو على الطريق غدوة من ذاك جا الناتو يرجعونا لتركيا فالليل على الواد باش ما يشفهمش الجيش تع الترك خاطرش ممنوع يرجعك جوزونا الواد داولنا كلش مزيا انا كنت مخبي الدراهم فالبلاصة السرية (في دوزان العرس) ولوكان ماكنتش معانا عايلة سورية يطلقونا بالبوكسور لقينا رواحنا بين زوج ويدان لي قطعناهم كي كنا داخلين المرة الأولى كانت الضلمة متقدرش تكمل قلنا نباتو حتى يطلع الضو العايلة السورية وفالافغان والباكيستانيين عيطو للعسكر تع الترك داهم وحنا والمغاربة بتنا ثما بصح يا خاوتي وحد البرد لاسقين كامل في بعضنا بعض طلع الضو كملنا الطريق معلابالناش وين رانا جاو لينا الأكراد بالطاكسيات قالونا نوصلوكم 100 اورو لإيديرنة ركبنا معاهم انقسمنا 6 راحو مع واحد وحنا 5 رحنا مع لاخر وصلنا لايديرنة كرينا في لوتال... فالليل ولاد ولايتي غلقو عليا الباب تع الشامبرة وراحو للحفاف بقيت مع المجنون و صاحبي لي راه فالبوسنة حتا جاو لا بوليس تع الترك الجيش الصحافة... جمعونا كامل من لوتالات جا قرار يرفدو كامل الدزيرين والمغاربة يدوهم للحبس صرات 27 سريقة في نهار و ضربو مرا بالموس دخلونا للحبس وقالوا يا ترجعو لبلادكم يا تقعدو 6 شهور هنا فالحبس ضربنا ست ايام لاخبر على ولاد ولايتي رانا نلعبو فادومين حتا يفتح الباب تع الشامبرة تاعي شكون جابوه ولاد ولايتي من ربعين شمبرة ربي جابهم للشمبرة تاعي المكتوب زدنا يامات و تلاقينا بالعسكري في لاكور حكيت معاه قالي زدت يامات وحكموني... بقينا 15 يوم العسكري رجع للمغرب وولاد ولايتي رجعو للبلاد خاطرش ماحبوش يبقاو حنا قلنا نصبرو شهر اومبعد تبان زدنا شهر و5 ايام الحمد الله طلقونا بعد ما درنا إضراب عن الطعام شحال من خطرة حطونا في اسطنبول وقالونا مانزيدوش نشوفكم هنا في ايديرنة خرجنا تفاهمت انا والمجنون والبوسني نكملو مع بعض ولينا صحاب فالحبس قعدنا نهار في اسطنبول وطلعنا لإيديرنة..... وبدأت رحلة ثانية من جديد....يتبع #uk
أرفع صوتك
سبحان الله تاوعنا يحبو يحبو لبراني على وليد بلادهم طحاحنة، ربي يوفقك
خويا الغالي الله يرضى عليك 🧡
الصوت ضعيف جدا
ربي يوفقك في غربتك و ربي يحفظك 😘❤️
بصح يا خويا طوللنا الحلقات
ديرلنا فيديوهات طوال الله يفتح عليك و مطولش علينا نحتاج بزاف التجربة تاعك
ابعثلي فالانستغرام ولا فايسبوك
صفحتى على الفايسبوك:facebook.com/elharga/
انستغرام:instagram.com/youkay_26/
@@youkay8098 khoya wach mn 3am rou7t wela l3am hadha !!
@@alimiaislem640 2018
Bon continuation fils
فيلم تاع الهند
اقسم بالله الا لمغاربة رجال بحكم تجريبتي
خويا سلام عليكم راني في تركيا عندي ومين ملي جيت من الجزائر خصني رفيق نشد معاه الطريق اذا تقدر تعاوني برحمت الوالدين
صفحتى على الفايسبوك:facebook.com/elharga/
انستغرام:instagram.com/youkay_26/
ابعثلي
#قصتي_مع_الحرڨة
الحلقة3 :4 ايام فاليونان رجعونا
شفنا الضو... وسمعنا حس واحد جاي تخبينا فالحشيش بدا يقرب الصوت لينا وكانت الضلمة بزاف ومع وصل خيالو مع القمر بانلي بلي انسان رافد ساكادو لابسو القدام ماشي على ضهرو قلت بالاك عسكري خاطرش ماشي موالفين نلبسو الساكادو بالمقلوب مع الضو بلي حراڨ الحمد الله رحنا ليه خاف جا هارب قلنالو حنا حراڨة قلبو حبس قالنا عندبالي الأكراد ولا العسكر قالنا نتوما مهابل بقالكم عشرة ميترات على الشباك وباقين تحكو ايا نمشو...
اومبعد عرفناه بلي مغربي ومسكين كان فالعسكر تع المغرب وصراولو مشاكل ربي لاقانا بيه داير حساب لكلش عندو التليفون والجيبياس
وصلنا للشباك اول مرة نشوف حدود تع بلاد طلعنا ديراكت انا وصلت الفوق فالشباك ونشوف سيارة البوليس جاية من البعيد رميت روحي ورحت نجري فالغابة بين الذرة وبقيت نشوف من البعيد ونستنا فالجماعة حتى سمعتهم يعيطو بصوت رقيق صفرتلهم جاو لعندي تخبينا ساعة فالذرة خاطرش البوليس شافنا وتيراو طلقات إنذار بلي دخلو الحراڨة كلينا شوية شربنا الما وقلنا نكملو طريقنا والمغربي ولا هو الڨيد تاعنا ولينا تبعو واش يقولنا بحكم الخبرة تاعو وكبير علينا بصح الزوج ولاد بلادي صغار في عقلهم هبلوه مايخضوش الراي وعندهم شوية عنصرية بقاو يتضاربو معاه طريق كومبلي
المهم انا نمشي ونحفظ فالطريق حسيت بلي هكذا ماناش رح نوصلو تمشينا 4 ايام فالليل ونرقدو النهار وكنت انا ندخل للفيلاجات نشريلهم الماكلة دخلنا لوحد الفيلاج لقينا مغربي آخر وعراقي خلاص رانا في نص الطريق تضارب المغربي (العسكري) مع زوج ولاد بلادي آمالا قالي انا نروح وحدي مانيش حاب نطيح لوكان نطيح يدوني للحبس فالمغرب
انا ماعنديش حل لازمني نكمل مع لي جيت معاهم قالي رح تطيحو بهاذ العقلية ما سمعتش كلامو هنا أكبر غلطة درتها تمشيت بالعاطفة هي نورمالمو فالحرڨة مكاش مغربي و جزايري كاين الراجل هو صاحبك
بقيت انا معاهم وجا معنا المغربي الثاني والعسكري راح مع العراقي مشينا النهار الخامس دخلنا وحد الفيلاج باش نشري سقسيت على ماكلة حلال تلاقيت وحد المسلم ورالي الماكلة وقالي رد بالك كاين فيلاج بعد هاذا يسموه (ميكرو ديريو) تع يهود فيه البوليس بزاف وبعدو كاين الفيلاج تع المسلمين (ميغا ديريو) فيه جامع تقدر تبات ويتهلاو فيك عطاني انترنت حكيت مع الدار قالولي ويماك راهي مريضة وعرفت بلي حرڨت انا طاحلي المورال حسيت خلاص رح يحكمونا مشينا 15 كيلو وصلنا لميكرو ديريو فالليل قالولي نباتو هنا قلتلهم لازم نكملو نمشو الليل قالولي تعبنا رأي الجماعة غلب بقينا ثما بردنا شعلنا النار
ا
نصيحة خاوتي إياكم تشعلو النار فالليل يشوفكم مالهند على هاذيك تمشي الليل باش ماتبردش
حنا نتسخنو حتا نشوفو البوليس داير بينا داونا للمركز تع اورسيادة لي مشيناه في 5 ايام راح في 10 دقايق تلاقيت فالمركز بصاحبي لي راه معايا هنا الادمين #المجنون وواحد صاحبي راه فالبوسنة وعيباد تلاقيتهم فالمطار جاو معايا فالطيارة شفيت عليهم بقينا ليلة نحكو على الطريق غدوة من ذاك جا الناتو يرجعونا لتركيا فالليل على الواد باش ما يشفهمش الجيش تع الترك خاطرش ممنوع يرجعك جوزونا الواد داولنا كلش مزيا انا كنت مخبي الدراهم فالبلاصة السرية (في دوزان العرس) ولوكان ماكنتش معانا عايلة سورية يطلقونا بالبوكسور لقينا رواحنا بين زوج ويدان لي قطعناهم كي كنا داخلين المرة الأولى كانت الضلمة متقدرش تكمل قلنا نباتو حتى يطلع الضو
العايلة السورية وفالافغان والباكيستانيين عيطو للعسكر تع الترك داهم وحنا والمغاربة بتنا ثما بصح يا خاوتي وحد البرد لاسقين كامل في بعضنا بعض طلع الضو كملنا الطريق معلابالناش وين رانا جاو لينا الأكراد بالطاكسيات قالونا نوصلوكم 100 اورو لإيديرنة ركبنا معاهم انقسمنا 6 راحو مع واحد وحنا 5 رحنا مع لاخر وصلنا لايديرنة كرينا في لوتال...
فالليل ولاد ولايتي غلقو عليا الباب تع الشامبرة وراحو للحفاف بقيت مع المجنون و صاحبي لي راه فالبوسنة حتا جاو لا بوليس تع الترك الجيش الصحافة...
جمعونا كامل من لوتالات جا قرار يرفدو كامل الدزيرين والمغاربة يدوهم للحبس صرات 27 سريقة في نهار و ضربو مرا بالموس
دخلونا للحبس وقالوا يا ترجعو لبلادكم يا تقعدو 6 شهور هنا فالحبس ضربنا ست ايام لاخبر على ولاد ولايتي رانا نلعبو فادومين حتا يفتح الباب تع الشامبرة تاعي شكون جابوه ولاد ولايتي من ربعين شمبرة ربي جابهم للشمبرة تاعي المكتوب
زدنا يامات و تلاقينا بالعسكري في لاكور حكيت معاه قالي زدت يامات وحكموني...
بقينا 15 يوم العسكري رجع للمغرب وولاد ولايتي رجعو للبلاد خاطرش ماحبوش يبقاو
حنا قلنا نصبرو شهر اومبعد تبان زدنا شهر و5 ايام الحمد الله طلقونا بعد ما درنا إضراب عن الطعام شحال من خطرة حطونا في اسطنبول وقالونا مانزيدوش نشوفكم هنا في ايديرنة خرجنا تفاهمت انا والمجنون والبوسني نكملو مع بعض ولينا صحاب فالحبس قعدنا نهار في اسطنبول وطلعنا لإيديرنة.....
وبدأت رحلة ثانية من جديد....يتبع
#uk
ربي يسهلك خويا الصغير فرحتلك من قلبي خويا
@@youcefbouhnnich2153 خويا يوسف ربي يحفظك 🧡