الاغلب بالتعليقات يكول جنة شطارة واحنة صغار واني منهم وبعدين خربنا تدرون شنو السبب ؟ السبب هو الموبايل الي ادمناه بفترة كورونا ولحد هسة منكدر نرجع مثل قبل يعني احنة قبل هم جان عدنة موبايلات بس مو مدمنين ومن جنة صغار عدنا بس التلفزيون فاكيد من تغير اسلوب ونمط حياتنا احنة هم نتغير وللأسف للأسوء وبما ان احنة بعدنا شباب صغار نكدر نتلاحگ هذا الشي ونصحح كلشي وبالتوفيق
@@malakahmed1564 تنشغل بالدراسة والشغل وراح تلاحظ راح يخف وقتك بالموبايل ويصير مالك نفس حتى وحاول تقضي وقت وي الاهل اكثر وتطلع برا اكثر وطبعا راح تلاحظ نتيجة تدريجيا واذا حبيت شغل التلفزيون شوية وان شاء الله وي الوقت راح تتخلص منه
اني عكس الناس جنت كسلان امشيها دور ثاني وصلت للثالث ما دخلت وزاري ثاني سنة بديت اقره شفت السچ شعور حلو طلعت معدل زين بالثالث وبالرابع طلعت اعفاء وبالخامس إنشاء الله هم اعفاء
اني تقريباً نفس روتينك هم چنت سچاچ بالابتدائية لنفس السبب حافز الخوف والتقدير الاجتماعي وبالمتوسطة نزل مستواي ورجعت بالاعدادية وطلعت معدل زين ورحت قسم احبه لأن عاشرت اهله هواي 😁😁وتخرجت الأول عالدفعة إلّا انه اني چان عندي مرض ولادي بالقلب حرمني من مراحل الطفولة والمراهقة والشباب الطبيعية فخبرتي بالحياة صفر ومو اجتماعي اصدقائي مو هواي لحد ورا السادس الاعدادي تعافيت منه وچانوا اهلي يفترون بية بالمستشفيات والمحافظات ليل نهار فچنت اقرا واضغط على نفسي رغم الألم كنوع من رد الجميل وچنت مفتهم هذا الشي والحمدلله على كل حال
كطالب سادس جان سهران اليوم علمود امتحان فاكدر اتفق وياك بشغلة رعب ليلة الامتحان وانت مقاري او مراكم دروسك عليك واهمية الخوف على انو تتجنب هالشيء يصيرلك ( جذاب اني حرجع اسويها ) شكرا علاوي على محتواك دائما تشدني مواضيعك على كد ما تكون بسيطة على كد ماتكون ممتعة وبيها فائدة🤍
اني هم مثلج وعدت بس اني السنه طلع معدلي بخمسينات وعدت لأن حلمي طب اسنان وهي كلها تگلي انتي العام خمسين هسةة لوتموتين مااطلعين معدل وحت صرت احس نفسي حلم اطلع معدل على الرغم جاي أقرة يوميةة شنو تنصحوني استمر واحقق حلمي يعني اگدر اجيب معدل
اني السنه اسخت هواي الصراحه مالي خلك ادرس هلسنه بس اجت نصف السنه وان شاءالله ارجع لواهسي العام ثالث والحمدالله جنت من المتميزين والسنه داحس مستواي نزل بس ان شاءالله اعدل مستواي باذن الله تعالى 😔🤍
اني نفس الشيء خويه بس الفرق انو كورونا صارت بلثالث ونجحونا كلاوات ومن الثالث لحد السادس زارب بلدراسة وعدت السادس هاي السنة، كمية عدم الاهتمام والخوف عجيبه بحيث امتحان الدور الثاني بقاله اسبوع واني ما اقره كله بسبب انو عقلي اللاباطن يعتقد انو راح انجح فميحتاج اتوتر او اخاف، فعلا الخوف محفز مهم.
من هدف معدل ٩٨ الى بس دخلوني أهلية😂بعدما جبت ⁷² و ⁸² ،على السنة الثالثة ماكو أبرد مني بحيث اروح بدون دراسة للامتحانات،و هسة سنة رابعة،طول دراستي متميزة بس من وصلت اخر صف جفصت بحجة أريد طب،هسة أريد أهلية..🚬
كلامك واقعي وطرحته النا بطريقه واضحة عاشت ايدك واستمر ، ورأيي بالموضوع حرفياً من فقدت الخوف بحياتيي وحياتي مو حياة وياريت الموضوع لو بلش بأي صف الموضوع صار ويايه من صرت سادس وتاليها عدت السنة من ورا التسخيت والمماطله والاستهانه بالمواد ادعولي هاي السنة انجح بالمعدل الي اطمحله 🤍
قسما بالله كل الكلته اني مريت بيه ورجعت بالسادس تقريبا السجاج القديم لان درجاتي كلها ثمانينات بس نظام مدرستنا يشك شك فادري مستواي احسن وان شاء الله ازيد مسواي بعد وبعد وهذا احلى اشترك لعيونك
17:09 بالنسبة ل"نزول الارقام" اعتقد من وجهة نظري وحدة من الاسباب هي "نومك" بالفيديوات ومواضيع الفيديوات. هيجي نوع فيديوات بشكل طبيعي ما تجيب مشاهدات وارقام عكس ما جنت عليه انت سابقًا سواء من مواضيع فيديوات او من الطاقة اللي نحسها بطريقة عرضك لهذه الفيديوات وان كانت مواضيعها مملة او لما ما نكون مهتميلها تجذبنا بسبب طريقة عرضك الها. هذي وجهة نظري المبنية على نظرتي ومتابعتي لفيديواتك من قبل كم سنة، واتمنالك كل الموفقية والنجاح في حياتك.
اخي انت تحتاج تشتغل على جانب الثقة بالنفس أدرك امكانياتك بنفسك لاتنتظر مديح من الناس حتى تنجز أنجز علمود نفسك حب نفسك وتقبلها حتى عيوبك تقبلها وطور نفسك واصنع احسن نسخة من نفسك علمودك انت مو علمود احد من تحب نفسك وتقدرها هذا الشي رح ينعكس بمحيطك وبالتوفيق الك بأختصار التغير للأفضل يبدي من الداخل رح ينعكس للخارج ✨.
نفس المشكله نفس العمر نفس الفترا الي مريت بيهه وحالياً مرحلة اخيرا بالجامعه بالكوة جاي انمشي الامور بدور الثاني وبالمقبول ما جاي نعرف الاسباب بس تحليلك منطقي الخوف هوا اهم شي ربي يسهل ونعدي فترة الضياع
اني هم نفس القصه لكن بده الفشل بده بالثالث متوسط التهيت بغير سوالف وهملت دراسه وهاي السوالف ججابتلي ضغط نفسي واكتئبت حرفيا ضليت اريد احفظ وافهم ما اكدر استوعب بوكتها كلت مستحيل اداوم بعد واني مجاي اكدر ادرس اكيد راح تنزل درجاتي هواي ف ضليت اغيب اغيب كومه وردت ابطل حتى لان ببساطه ازمت الوضع بالزايد بعدين اصرار اهلي ما خلوني اعوف الدراسه والمدرسات ايضا يعرفوني من اشطر طالبات ف معافني ابد وحتى من غبت هواي الاداره خلتني ارجع اداوم طبيعي وبيومها جان اكو امتحان اتذكر عربي شهر اول وجنت دارسه عدل جبت فوك درجه النجاح مدرستنا كالت بس امتحني والله يا درجه تريدين احطها الج كلش جانوا حبابين وما انسه وكفتهن وياي وصلت الامتحانات الوزاريه وبقه شهر المراجعه ب اول يوم عطله المراجعه صارت مشاكل بالبيت وانفصلوا امي وابوي وجان. عندي اخوان صغار وجان ضغط نفسي من جهه ومسؤوليه من جهه و مالي نفس اقرا ابد ولا عندي وقت ف خلصت فتره المراجعه ودخلنا بالامتحانات وضليت اقرا بليله الامتحان بس واعتمدت ع اليومي القليل الي جنت محضرته جنت شاطره ب هواي مواد فقط الفيزيا والكيميا جنت ما اطيقهن ابد وجبت معدل 81 الحمدلله والشكر هل سنه جانت نقطه تحول بحياتي ضكت الفشل من بعد النجاح وكدرت اتغلب عليه وجان طموحي اكبر من خوفي من الفشل وصلت الرابع اعدادي جان بالنسبه الي انجاززز عظيم لان خلصت من الثالث بعد هل كم من الظروف الصعبه واكثر من مرة وكفوا بوجهي من اهل ورادوني ابطل وكعدت بالبيت كم يوم وتصحلت المشكله ورجعت داومت ولحد الان داتصير هل مشاكل لكن ما استسلم لا والله ف كلت لازم ارجع السجاجه الي دوجاتها كله 100 وتسعينات مستحيل ماريد اعيد نفس الغلط وفعلا التزمت وجانو اهلي ماخذين التلفون مني ف التهيت بدراسه فقط وحصلت بالنهايه اعفاء عام 97معدل والخامس جان اصعب شي ان واحد يحافظ على مستواه ويعوف التسويف ف ب الف يا علي جبت معدل 92اعفاء عام وهسه حاليا سادس وسويت انتساب لان داومت شهر تقريبا واسبوع ضعت حرفيا تدريس افشل من فاشل قررت اعتمد على نفسي واقرا وحدي وشفتو لقرار الي نزلوا للانتساب جان كلش يضوج لكن حلمي يستاهل اتعب له هواي باحر اول يوم امتحانات فصل اول واني كل ماده مخلصه نص ماده الامتحان او اكثر بشويه رجعوني احجيلكم شنو حيصير وياي اتمنى كلش ارجع بعد سنه لتعليقي مثل كومه طلاب واكتبلكم حققت حلمي وحصلت ثمره تعبي 12لهاي السنين كلها ❤️🩹 دفعة25
أشطر كتكوت بالدنيا ✊🏻 رغم صعوبة الظروف اللي مريتي بيها بس ما بطلتي تسعين ، وحتّى معدّل الثالث چان حلو رغم كلشي صار وياج ! واصلي سعيّچ ، شخص طموح ومُحاول مثلچ ما يصعب عليه المُعدّل إن شاء الله ، نتأمل بيچ كلّ الخير ، والله يوفقچ يا رب 🌻.
صراحة من دخلت كلية طب اسنان خليت حافز خوف (من مريض يجي واضل صافنة أو مااعرف اعالجه ويمكن أضره) أو مثلا من يتناقشون و ما اكدر أشارك وابقى صافنة كلش انقهر
@ من تحضرين المآي والكهوة وترتبين المكتب حتى تدرسين صراحة شعور لايوصف ونعمة جبيرة واجب شكر عليها الدراسة حلو من تتعلم شي جنت تجهله لان بالأخير الإنسان ميزته العقل ☁️🤍
هو صدك تقريبا اني مثلك من جنت بالثالث بس الفرق بالوزاري مو بنصف السنة وكنت حرفيا مثلا بالاجتماعيات التاريخ كله ما قريته والوطنية قريتها كلاوات،بس الجفرافية قاريها وحتى مو كلها،والاحياء كذلك سختت هواي،ودرجاتي بهذني المادتين جانن 88 بالاجتماعيات و84 بالاحياء طبعا ممكن تشوفها عالية وانت اني اجذب لكن حرفيا هذا الي صار بسبب اني بفترة المراجعة سختت والتسخيت وصل للوزاري،لكن قبل المراجعة جنت صدك سجاج،وهسة اني خامس وبعدني اسخت لكن الي يحركني حافز الخوف والحمد لله وضعي مستقر لكن ما اعتبر نفسي سجاج لان احب اسخت واهمل اليومي خصوصا اذا مادة مو مهمة مثل الحاسوب، ادعولي انعفي اعفاء عام لأن بالرياضيات للاسف رغم كل الجهد وفهمي للمادة ماكو شئ تغير
هلو بالنسبة للرياضيات تابع فراس براق يخبل والله واما بالنسبة لليومي فهو راح يفيدك بالسادس وتكون ملتزم بي بس هم عادي اذا تسخت ابد لتكون قلق خاف متطلع اعفاء لان الاعفاء سهل وبالتوفيق يارب
13:17 صح الفيديو قصير والقصة كلش قصيرة لكن حقيقتاً انا استفدت منه وصحيح هو الدافع الي يخلينة نقراء ونجتهد هو الخوف من الرسوب انا حالياً درجاتي كلها حلوة وراضية بيها بس عندي الاحياء مو زينة بيها رغم ان هي اكثر مادة احضرها وادرسها ودرجاتي بال 70🙃
17:20 علاوي انت تطبق عليك مقولة الشخص الصح في المكان الخطأ محتواك كلاومك مونتاجك كلها اشياء ابداعيه بشكل كلش كلش حلو بس المشكلة مجتمعنه ما يقدر هاي الاشياء مجتمعنه بعده على عقلية التيك توك و بنين الموسوي و جماعة الببجي و هذولي الي يسبحون بالطين و غيرها من الي خربو الكونتكت العراقي ( المهم انت اعمل بالاسباب و سوي شي حلو يتركلك بصمة حلوة و اسمر على ابداعك)
@ZahraaAli-w8wالتيليقرام علمود الدراسة صح؟ لعد عوفي حسابج طلعي منه واستعملي حساب امج او اخوج او ابوج المهم واحد من اهلج واستعمليه بس للدراسة لاتضيفين صديقاتج بيه ولا تدخلين قنوات غير الدراسية تلقائيا حتبطلين تسختين بيه لان مو مالتج
انا هم نفس الشي فترة سقوطي بالثالث بس ورة نصف السنة امي خلتني اقرا تحاضيري اليومية وتسالني بيها بعدين تخليني اقرا المواد مال قبل نصف السنة وانا امي مدرسة اجتماعيات فما تقبل مني شي الا نصا وهذا الشي كلش متعب والوقت الوحيد اللي بيه ترفيه هو من تصير ساعة ب 11 وتبدي وقت المغامرة لحد نص ساعة بس وانام وجبت من معدل بال 70 بنصف السنة الى معدل 91 بالوزاري
الكلام شكد ترو مجرد ما شخص يلكي نفس الشعور الي جان يحصله من فعل وصار يحصله من فعل ثاني رح يهمل الفعل الاول ونفس شي للبنات بالنسبه لي اهتميت للمكياج والطلعات و التصوير ومديح الاخرين اليه بسببهم 🥲 لهيج غلط واحد يسوي شي علمود يحصل شعور خارجي يمكن يكون محفز اي بس انت اذا ما عندك رغبه حقيقيه للدراسه وهدف واقعي رح تضل تايه يم سالفه الخوف و المديح مجرد ما يختفن تختفي درجاتك والتزامك
شباب هو اني الوحيدة الصايرة كلش عصبية و اعصابي تلفانة و روحي صغيرة بس كلمة وحدة تخليني اكوم اصيح و اعصب او اكوم ابجي و هذا الشيء ما جان عندي قبل هسة صارت هيج حالتي احس كلبي يكوم يدك بساع و احتر و اريد اهجم على الي يعصبني والله ما جنت هيج اني حيل تعبانة 😮💨
اما لما نصير بالسادس بكومون اهل يضغطون علينا و المدارس والاساتذة والمجتمع عدا رغبتنا احنا كطلاب بان ناخذ اعلى معدل نكدر عليه فيصيرلنا هلضغط الجبير ويظهر بشخصيتنا وصحتنا بس طبعا هلشي مؤقت فترة السادس وبعدها تروح ونرتاح
الحل ان تتقبلين هذا الامر وتتفهمين نفسج وحاولي ان تكثرين من الاستغفار لانه غالبا الغضب يسبب اليحبها الشيطان فالاستغفار افضل حل و احاولي خلي وقت استراحة او مثلا الاسبوع كامل دراسة والجمعة مثلا استراحة وابدا لاتشوفين الكتب حتى "استراحة الاسد" وان شاء الله لن يصيبنا الا ماكتبه الله لنا🤍
يمعود شوف طبعا قبل ٤ سنين شفت انت مولود وراي نفس اليوم بالضبط 16/6/2001 و هسة تجربتنة كلش تتشابه بين السقوط و الرجعة😂 و هم رحت طب و هم وكعت شوية بس رجعت شوية و هسة شوية زين و اطلع من اول ٥٠ تقدير المهم اريد اقابلك فد يوم و نسولف اذا يصير و اكيد هالشي ورة السادسة 😂
والله اني تقريييبا قصتي نفسك بالابتدائية ما چنت شاطرة كلش چنت مستواي وسط انو انجح دور اول ماكو دور ثاني الى أن وصلت متوسطة طاح حضي گمت ما اقرة ما ادري ليش او شنو السبب بس هملت دراستي كلش كل ما يسلمون النتائج چنت اضوووج كلش اللي وياي بالبيت كلهم ينجحون واني لا مكملة لو دور ثاني لحد ما وصلت ثالث متوسط و طلعت ب4 دروس ما اعرف شلون دخلت وزاري و بسنتي امتحنت بس 4 مواد وزاري و طلعت بالرياضيات و لاول مرة دخلت مدرس خصوصي و قريت غصب عني لأن اهلي دافعين فلوس و الحمدلله نجحت وراهة گلت لحد يمتة الناس كلهة تنجح و تفرح و اني گالبة وجهي و ضايجة ليش لأن ما نجحت و هنااا قررت اشد حيلي و وعدت ماما راح اغير مستواي و فعلا تغيرت و رفعت درجاتي و صرت من الشطار اللي بشعبتي و الحمدلله بالسادس چنت الخامسة عليهم و حالياً اني ادرس قانون😔✨🔥
اني 2020 نجحت من الثالث متوسط ما امتحنا امتحان وزاري مشينا على نصف السنه طلعت بدرسين واهلي زوجوني وحاليا عندي طفلين و جاي اقرا للسادس اعدادي ادبي حياه حلوه عادي بس كنت مقهوره من اقراني راحوا ثالث مرحله كليه واني لحد الان ما قاريه سادس اعدادي وما اعرف يعني الله شنو كاتب لي ما اعرف بس خليتها على الله❤
شحجي اني قصتي كلش اني مستوى متوسط إلى الجيد من اول ابتدائي إلى الخامس العلمي من وصلت للسادس قررت أشد حيلي بديت ادرس كلش زينة درجات بشهريات فول للأسف طلع عندي التهاب في الغدد اللمفاوية سويت عملية ثانية يوم عملية اني ادرس امتحنت إسلامية اخذت ١٠٠ أجلت ٦ مواد جنت مقرر اسوي تحميل لغوا تحميل بطلت ما امتحنت دور ٢ انطو تحميل انصدمت عدت بدون واهس جبت ٦٥ راسبة ٣ بعدين جبت ٥٩ راسبة برياضيات هاي سنة ثالثة الي تعبت حيل
والله العضيم نفس حالتك بس هسه ثالث متوسط وهاذه الخوف راح وصرت ابد مهتم انجح ارسب اتمنى يرجع هاذه الخوف والي مجرب ويعرف شلون ارجع مثل قبل يكلي الي يعرف لا يقصر 😢❤️🩹
انت ك طالب جامعة المفروض مو ماتدرس علمود المدح المفروض تدرس علمود انو انت بلسمتقبل ح تصير دكتور ناجح او مو فاشل او هم الدرجات مومهمة اهم شي تضبط المادة او تفهمها او ماتفوت اي شي
مقطع جميل جداً، بس ياخي اني هل سنة ادرس هوايه ودرجاتي جيدة جداً بس مو ممتازه يعني آني اقره هوايه ومع هذا ما اكدر أنافس الاوائل مع العلم أني كنت اطلع الأوله بالابتدائية و المتوسطة بس بس طبيت علمي مارجعت اكدر أنافس عل مراتب اولى. الحفظ عندي سهل كلش بس الفهم مايدخل لعقلي. الشي الوحيد الي يفسر حالتي انو زمن منافستي عل مراتب الأولى انتهى.
الاغلب بالتعليقات يكول جنة شطارة واحنة صغار واني منهم وبعدين خربنا تدرون شنو السبب ؟ السبب هو الموبايل الي ادمناه بفترة كورونا ولحد هسة منكدر نرجع مثل قبل يعني احنة قبل هم جان عدنة موبايلات بس مو مدمنين ومن جنة صغار عدنا بس التلفزيون فاكيد من تغير اسلوب ونمط حياتنا احنة هم نتغير وللأسف للأسوء وبما ان احنة بعدنا شباب صغار نكدر نتلاحگ هذا الشي ونصحح كلشي وبالتوفيق
اتفق ويه كلامك فعلاً صحيح
شلون نتلاحك!
كلش اتفق
@@malakahmed1564 تنشغل بالدراسة والشغل وراح تلاحظ راح يخف وقتك بالموبايل ويصير مالك نفس حتى وحاول تقضي وقت وي الاهل اكثر وتطلع برا اكثر وطبعا راح تلاحظ نتيجة تدريجيا واذا حبيت شغل التلفزيون شوية وان شاء الله وي الوقت راح تتخلص منه
@ الله يثبتك ويوفقك لان محد يفيدك بس الله وصلاتك وان شاء الله المعدل العالي
بصراحة شعور جداً مزعج من يجيك سؤال ومتعرف شنو جوابه واكو طلاب غيرك يجاوبوه وانته صافن لأن ببساطه ما اطلعت على المادة اصلاً
تخنكني العبرة وادمع شوي وانهض كاللبوة
كم ثانية تحس نفسك افشل انسان بالكون
مساع 💔💔
اي والله 💔
اني عكس الناس جنت كسلان امشيها دور ثاني وصلت للثالث ما دخلت وزاري ثاني سنة بديت اقره شفت السچ شعور حلو طلعت معدل زين بالثالث وبالرابع طلعت اعفاء وبالخامس إنشاء الله هم اعفاء
ربي يوفقك ❤
اني جنت شاطرة بس هسه نزل مستواي بالرابع اكدر من هسه ابدي واعدل مستواي 😢
@@hhhaaa123 اكيد بعد اكو مجال اهواي نصف السنة والفصل الثاني
@@العتابي62 التوفيق للجميع
@3v_6j ان شاءلله ارفع راس اهلي واعدل درجات يارب ❤
اني تقريباً نفس روتينك هم چنت سچاچ بالابتدائية لنفس السبب حافز الخوف والتقدير الاجتماعي وبالمتوسطة نزل مستواي ورجعت بالاعدادية وطلعت معدل زين ورحت قسم احبه لأن عاشرت اهله هواي 😁😁وتخرجت
الأول عالدفعة إلّا انه اني چان عندي مرض ولادي بالقلب حرمني من مراحل الطفولة والمراهقة والشباب الطبيعية فخبرتي بالحياة صفر ومو اجتماعي اصدقائي مو هواي لحد ورا السادس الاعدادي تعافيت منه وچانوا اهلي يفترون بية بالمستشفيات والمحافظات ليل نهار فچنت اقرا واضغط على نفسي رغم الألم كنوع من رد الجميل
وچنت مفتهم هذا الشي والحمدلله على كل حال
بطل انت حبيبي ربي يوفقك اكثر واكثر
من صدك انت بطل
رب يوفقك
ماشاءالله اني موزينه
@@ali_aljwahery 😭😭💔
حلقة عظيمة رغم بساطتها ..من أكثر الأشخاص الي استمتع من أتفرج محتواهم ..أضيع وقتي واني مستمتع
كطالب سادس جان سهران اليوم علمود امتحان
فاكدر اتفق وياك بشغلة رعب ليلة الامتحان وانت مقاري او مراكم دروسك عليك واهمية الخوف على انو تتجنب هالشيء يصيرلك ( جذاب اني حرجع اسويها )
شكرا علاوي على محتواك دائما تشدني مواضيعك على كد ما تكون بسيطة على كد ماتكون ممتعة وبيها فائدة🤍
وياكم وحدة سهرانه ع كيميه
اختصار الحجي هو انو الخوف والقلق والتفكير بالآخرين مہَטּ راح اطلع كذا وكذا شراح يصير او يسوون فهو يدمر الانسان وهذا الي الشيء الي خلاني اعيد السادس بالنسه الاولى مہَטּ يصير عندي تراكمات اضل بسـہ ابجي واشكي يم صديقاتي وبين روحي وغرست بعقلي الباطني ما الحك وخوفي وقلقي مہَטּ الامتحانات الشهريه بحيث قاريه بسـہ مہَטּ اكعد بالرحله ابدي اعصر بأصابعي وهنا يتبخر كلشي حتى مہَטּ الخوف لان انسه اكتب بورقه وصلت لهاي المرحله بسـہ بالآخير آخر المطاف الي دمرني الخوف ف هاي السنه احاول ما اعيد نفس ذيج السنه 🥲
اني هم مثلج وعدت بس اني السنه طلع معدلي بخمسينات وعدت لأن حلمي طب اسنان وهي كلها تگلي انتي العام خمسين هسةة لوتموتين مااطلعين معدل وحت صرت احس نفسي حلم اطلع معدل على الرغم جاي أقرة يوميةة شنو تنصحوني استمر واحقق حلمي يعني اگدر اجيب معدل
تكدرين حبيبي استمري بدراسه درسي زين وتكدرين حتى تطلعين معدل 100 بس شدي حيلج واقهريهم هل حيايه هذول@@KakaKaka-x5m
عطروا افواهكم بالصلاه على محمد وعلى آل بيت محمد
ادعوا لي لعلكم أقرب مني إلى الله
اللهم صلِّ على محمد وآل محمد
اللهم صل على محمد وال محمد
نسال الله التوفيق للجميع ❤
اني السنه اسخت هواي الصراحه مالي خلك ادرس هلسنه بس اجت نصف السنه وان شاءالله ارجع لواهسي العام ثالث والحمدالله جنت من المتميزين والسنه داحس مستواي نزل بس ان شاءالله اعدل مستواي باذن الله تعالى 😔🤍
16:10 علاوي انته سوالفك كلهن حلوات لا تشيل هم
Exactly
يا حبيبي
اني نفس الشيء خويه بس الفرق انو كورونا صارت بلثالث ونجحونا كلاوات ومن الثالث لحد السادس زارب بلدراسة وعدت السادس هاي السنة، كمية عدم الاهتمام والخوف عجيبه بحيث امتحان الدور الثاني بقاله اسبوع واني ما اقره كله بسبب انو عقلي اللاباطن يعتقد انو راح انجح فميحتاج اتوتر او اخاف، فعلا الخوف محفز مهم.
عادي يابة أنا هم عدت الحمد لله على كل حال
وياكم💅🏻
اللاباطن ؟؟ 😅
كورونا اسوء شي صار بمسيرتي الدراسية كلها
استفادينه طبعا بس نصيحه انت مقبل على حياه بإذن الله جميله والطب شي حلو لازم تجتهد لان الطب مو لعب وانت وراك ناس راح تعالجهم نصيحه ارجع اجتهد
اني نزلت درجاتي حيل وجنت سجاجة وهسه بالرابع اعدادي نزلت درجات اكدر اغيرهن وارجع شارطرة؟ 💔 يعني اشد حيلي واكدر ارفع درجاتي؟ ما اعرف دخلت تعليقات وكلت بلكي احد ينصحني 😢
اي عمري اسهري واتعبي لان الدراسه متتكرر وكلشي يتعوض والتعب يروح ويه مرور الوقت والنوم يتعوض بس الدرسه ديري بالج عليهه هيه كم شهر وخلصانه @@hhhaaa123
@@hhhaaa123اي طبعاً تكدرين خليه هدف ببالي واسعي اله وراح توصلين بإذن الله ، اتركي المشتتات الفون الأفكار اي شي يشتتتج عوفيه واسعي وابذلي جهد وان شاءالله تحققين هدفج❤
@@زهراءليب-ز6قيعمري شكرا للنصيحة🌹ان شاءلله ارفع راس اهلي
@@hhhaaa123 ان شاء الله 💗+ العفو
من هدف معدل ٩٨ الى بس دخلوني أهلية😂بعدما جبت ⁷² و ⁸² ،على السنة الثالثة ماكو أبرد مني بحيث اروح بدون دراسة للامتحانات،و هسة سنة رابعة،طول دراستي متميزة بس من وصلت اخر صف جفصت بحجة أريد طب،هسة أريد أهلية..🚬
كلامك واقعي وطرحته النا بطريقه واضحة عاشت ايدك واستمر ، ورأيي بالموضوع حرفياً من فقدت الخوف بحياتيي وحياتي مو حياة وياريت الموضوع لو بلش بأي صف الموضوع صار ويايه من صرت سادس وتاليها عدت السنة من ورا التسخيت والمماطله والاستهانه بالمواد ادعولي هاي السنة انجح بالمعدل الي اطمحله 🤍
قسما بالله كل الكلته اني مريت بيه ورجعت بالسادس تقريبا السجاج القديم لان درجاتي كلها ثمانينات بس نظام مدرستنا يشك شك فادري مستواي احسن وان شاء الله ازيد مسواي بعد وبعد
وهذا احلى اشترك لعيونك
اشكرك اخي ايقضت شخصيتي السجاجة اني هم جنت مثلك بالضبط 🫀
4:43
تصحيح لمعلومة: تكدر تفوت من الثالث متوسط اذا جان معدلك عالي الى مدارس المتميزين، واكيد بإختبارين بعد الامتحانات الوزارية، واذا نجحت تدخل.
عاشت ايدك
هذا القرار قديم ، لغوا بعدين ، لازم من السادس ابتدائي
لا حبيبتي ماكو هيج شيء
بس من السادس لان اذا صارت راح تنلاص علي لوص
17:09
بالنسبة ل"نزول الارقام" اعتقد من وجهة نظري وحدة من الاسباب هي "نومك" بالفيديوات ومواضيع الفيديوات. هيجي نوع فيديوات بشكل طبيعي ما تجيب مشاهدات وارقام عكس ما جنت عليه انت سابقًا سواء من مواضيع فيديوات او من الطاقة اللي نحسها بطريقة عرضك لهذه الفيديوات وان كانت مواضيعها مملة او لما ما نكون مهتميلها تجذبنا بسبب طريقة عرضك الها.
هذي وجهة نظري المبنية على نظرتي ومتابعتي لفيديواتك من قبل كم سنة، واتمنالك كل الموفقية والنجاح في حياتك.
اتفق
اخي انت تحتاج تشتغل على جانب الثقة بالنفس أدرك امكانياتك بنفسك لاتنتظر مديح من الناس حتى تنجز أنجز علمود نفسك حب نفسك وتقبلها حتى عيوبك تقبلها وطور نفسك واصنع احسن نسخة من نفسك علمودك انت مو علمود احد من تحب نفسك وتقدرها هذا الشي رح ينعكس بمحيطك وبالتوفيق الك
بأختصار التغير للأفضل يبدي من الداخل رح ينعكس للخارج ✨.
نفس المشكله نفس العمر نفس الفترا الي مريت بيهه وحالياً مرحلة اخيرا بالجامعه بالكوة جاي انمشي الامور بدور الثاني وبالمقبول ما جاي نعرف الاسباب بس تحليلك منطقي الخوف هوا اهم شي ربي يسهل ونعدي فترة الضياع
اني هم نفس القصه لكن بده الفشل بده بالثالث متوسط التهيت بغير سوالف وهملت دراسه وهاي السوالف ججابتلي ضغط نفسي واكتئبت حرفيا ضليت اريد احفظ وافهم ما اكدر استوعب بوكتها كلت مستحيل اداوم بعد واني مجاي اكدر ادرس اكيد راح تنزل درجاتي هواي ف ضليت اغيب اغيب كومه وردت ابطل حتى لان ببساطه ازمت الوضع بالزايد بعدين اصرار اهلي ما خلوني اعوف الدراسه والمدرسات ايضا يعرفوني من اشطر طالبات ف معافني ابد وحتى من غبت هواي الاداره خلتني ارجع اداوم طبيعي وبيومها جان اكو امتحان اتذكر عربي شهر اول وجنت دارسه عدل جبت فوك درجه النجاح مدرستنا كالت بس امتحني والله يا درجه تريدين احطها الج كلش جانوا حبابين وما انسه وكفتهن وياي
وصلت الامتحانات الوزاريه وبقه شهر المراجعه ب اول يوم عطله المراجعه صارت مشاكل بالبيت وانفصلوا امي وابوي وجان. عندي اخوان صغار وجان ضغط نفسي من جهه ومسؤوليه من جهه و مالي نفس اقرا ابد ولا عندي وقت ف خلصت فتره المراجعه ودخلنا بالامتحانات وضليت اقرا بليله الامتحان بس واعتمدت ع اليومي القليل الي جنت محضرته جنت شاطره ب هواي مواد فقط الفيزيا والكيميا جنت ما اطيقهن ابد
وجبت معدل 81 الحمدلله والشكر هل سنه جانت نقطه تحول بحياتي ضكت الفشل من بعد النجاح
وكدرت اتغلب عليه وجان طموحي اكبر من خوفي من الفشل وصلت الرابع اعدادي جان بالنسبه الي انجاززز عظيم لان خلصت من الثالث بعد هل كم من الظروف الصعبه واكثر من مرة وكفوا بوجهي من اهل ورادوني ابطل وكعدت بالبيت كم يوم وتصحلت المشكله ورجعت داومت ولحد الان داتصير هل مشاكل لكن ما استسلم لا والله
ف كلت لازم ارجع السجاجه الي دوجاتها كله 100 وتسعينات مستحيل ماريد اعيد نفس الغلط
وفعلا التزمت وجانو اهلي ماخذين التلفون مني ف التهيت بدراسه فقط وحصلت بالنهايه اعفاء عام 97معدل
والخامس جان اصعب شي ان واحد يحافظ على مستواه ويعوف التسويف ف ب الف يا علي جبت معدل 92اعفاء عام
وهسه حاليا سادس وسويت انتساب لان داومت شهر تقريبا واسبوع ضعت حرفيا تدريس افشل من فاشل قررت اعتمد على نفسي
واقرا وحدي وشفتو لقرار الي نزلوا للانتساب جان كلش يضوج لكن حلمي يستاهل اتعب له هواي
باحر اول يوم امتحانات فصل اول واني كل ماده مخلصه نص ماده الامتحان او اكثر بشويه
رجعوني احجيلكم شنو حيصير وياي اتمنى كلش ارجع بعد سنه لتعليقي مثل كومه طلاب واكتبلكم حققت حلمي وحصلت ثمره تعبي 12لهاي السنين كلها ❤️🩹
دفعة25
نفس ضروفج بلضبط وحالين سادس و انتساب
أشطر كتكوت بالدنيا ✊🏻
رغم صعوبة الظروف اللي مريتي بيها بس ما بطلتي تسعين ، وحتّى معدّل الثالث چان حلو رغم كلشي صار وياج !
واصلي سعيّچ ، شخص طموح ومُحاول مثلچ ما يصعب عليه المُعدّل إن شاء الله ، نتأمل بيچ كلّ الخير ، والله يوفقچ يا رب 🌻.
طالبة سادس وانتساب ❤
@@tooybaa ياعمري فدوه اروح لهل كلام اليخبل
ان شاء الله مواصله 🥹❤️
@@a9as17 اشجع قرار الانتساب
مو اي واحد يكدر يلتزم وحده وخصوصا لو جانت اول سنه اله
لكن احنا كدها ان شاء الله
انريد رحلتك بل سادسسسسسسس احسها مليانة اشياء حلوة
اني من الابتدائيه من الاوائل وتكريمات شهادات بالاعداديه كلها اعفاء هسه سادس علمي يارب حسن خاتمه يارب إنشاء الله اجيب معدل عالي
بالبداية جنت مبتسمة فجأة بديت تتكلم عن مرحلتك بالكلية وشلون وكعت وتذكرت اني جنت هيجي بالسادس وطارت البسمة🫠
أحلى إستراحة من الدراسة مع قصص عليوي 👈🏻👉🏻
نسنس حتى انا داخذ إستراحة
طريقة كلامك وتوصيل الفكرة والهدوء الي بيك اثناء الكلام عظيم ، استمر 🩶
صراحة من دخلت كلية طب اسنان
خليت حافز خوف (من مريض يجي واضل صافنة أو مااعرف اعالجه ويمكن أضره)
أو مثلا من يتناقشون و ما اكدر أشارك وابقى صافنة كلش انقهر
مره بالصف بنات جابت سيرت النوم بعد السادس وشلون راح يخلصنا بس نوم ويسولفن ويه مدرستنا ام الاحياء ست هنيالج تنامين كالت شنو هو النوم اني ادرس حالي حالجن واتعلم هنا كالن ياا المن وعليمن ونريد نرتاح كالت لا شنو اصير بندوة باجتماع واني كلشي ما افهم اصير شكلي كلش غبي 🗿. وفعلا كلامها صحيح بس المشكله بينا مانحب التعب نريد بس راحة.
@ من تحضرين المآي والكهوة وترتبين المكتب حتى تدرسين صراحة شعور لايوصف ونعمة جبيرة واجب شكر عليها
الدراسة حلو من تتعلم شي جنت تجهله لان بالأخير الإنسان ميزته العقل ☁️🤍
@ حبيبتي بالتوفيق يارب 🤲🏼🤍☁️
وان شاء الله المعدل العالي بحق محمد وال محمد 🩵🦋
@@SajaAli-g9u شكرا الج حبيبي 💗🌹🦋
@ 🥰🩷❤️
0:06 اخي الكريم تحيه أسلام لازم وافضل تسويها وتطلعها بشكل صحيح قول السلام عليكم ورحمه الله وبركاته ❤
هو صدك تقريبا اني مثلك من جنت بالثالث بس الفرق بالوزاري مو بنصف السنة وكنت حرفيا مثلا بالاجتماعيات التاريخ كله ما قريته والوطنية قريتها كلاوات،بس الجفرافية قاريها وحتى مو كلها،والاحياء كذلك سختت هواي،ودرجاتي بهذني المادتين جانن 88 بالاجتماعيات و84 بالاحياء طبعا ممكن تشوفها عالية وانت اني اجذب لكن حرفيا هذا الي صار بسبب اني بفترة المراجعة سختت والتسخيت وصل للوزاري،لكن قبل المراجعة جنت صدك سجاج،وهسة اني خامس وبعدني اسخت لكن الي يحركني حافز الخوف والحمد لله وضعي مستقر لكن ما اعتبر نفسي سجاج لان احب اسخت واهمل اليومي خصوصا اذا مادة مو مهمة مثل الحاسوب، ادعولي انعفي اعفاء عام لأن بالرياضيات للاسف رغم كل الجهد وفهمي للمادة ماكو شئ تغير
ان شاء الله تطلع اعفاء وترجع سجاج
هلو
بالنسبة للرياضيات تابع فراس براق يخبل والله
واما بالنسبة لليومي فهو راح يفيدك بالسادس وتكون ملتزم بي
بس هم عادي اذا تسخت ابد لتكون قلق خاف متطلع اعفاء لان الاعفاء سهل
وبالتوفيق يارب
مجاوبت بالإمتحان وإجيت أعيد الڤيديو علمود أحس بالإنتماء
طبعآ هاذا الشخص تابعته من جان شكله نفس الصوره مال قناه وهسه كلش متغير بحيث لو ما شفت الصوره ولاسم ولا اعرفه تحياتي الك وهسه اني طالب سادس دفعه ٢٠٢٥
عملاق علوش
13:17 صح الفيديو قصير والقصة كلش قصيرة
لكن حقيقتاً انا استفدت منه وصحيح هو الدافع الي يخلينة نقراء ونجتهد هو الخوف من الرسوب
انا حالياً درجاتي كلها حلوة وراضية بيها
بس عندي الاحياء مو زينة بيها رغم ان هي اكثر مادة احضرها وادرسها ودرجاتي بال 70🙃
سويتلي حافز رغم عندي طن تراكمات 🥹♥️، ما شاء الله عليك
مريم انت😂
@Nadaa-v9m لا
اخخخخ دا اربط وبقوة وي كلامك من كلت اني بالكلية كسول 🫠😂 فعلياً من اشوف مستواي بالكلية اكول ما معقول اني نفسي الي جنت اشكك الكتب بالاعدادية وسجاج
12:33 بفضل الله قصدك
اهم شيء التحضير اليومي
علاوي انت ورد التحفيز المناسب من الشخص المناسب
سبحانه هذه مقطعك رساله من الله سبحانه وتعالى علاوي اشلون اتخلص من العين انصحني و شلون اتخلص من المشاكل العائليه وضروف واصير سجاج
احّا علي الجواهري صديق المُراهقة يوتيوبياً
8:24 اتفق وياك علي ❤
عظيم انت ابو حسين ❤
حبيبي انت
شكرا على هذه القصة جتي في وقتها ❤
0:28 هذا مايدري اني حاطة دجاج ودولمة واباوعله ..
😂😂😂 هو هذا الزين
واني ماكلة ثريد دجاج😊
الإربعاء 4:00 العصر
جميلة جدا القصة لزمت منها طرف معنى،
يارب اصير مثله لان بديت احاول هاي الايام ✋🏻
17:20
علاوي انت تطبق عليك مقولة الشخص الصح في المكان الخطأ محتواك كلاومك مونتاجك كلها اشياء ابداعيه بشكل كلش كلش حلو بس المشكلة مجتمعنه ما يقدر هاي الاشياء مجتمعنه بعده على عقلية التيك توك و بنين الموسوي و جماعة الببجي و هذولي الي يسبحون بالطين و غيرها من الي خربو الكونتكت العراقي ( المهم انت اعمل بالاسباب و سوي شي حلو يتركلك بصمة حلوة و اسمر على ابداعك)
يا حبيبي اشكرك
يا ريت تكتر من الفيديوهات اللي زي كدا وبالتوفيق
حاضر
الله لكيت شخص نفس اسمي
@@mayyadaali2666 وانا اول مره اشوف حد بإسمي افتكرت إنه انقرض احلا مسا عليكي اسمك تحفةةة😭🌷🌷
the best in giving moral lessons
اني سنه ثانيه شنو مشكلتي اذا عندي عطله مثلا خمس ايام اقره خامس يوم وهسه عندي ثلاث ايام عطله اقره اخير يوم اضل مالحك اقره تحاضير لو متحان شهري 😢
وصح من فقدت الخوف صرت ارسب حته بدون ما اهتم وهسه اجاي عمود ما ارسب اقره واحصل مديح من ماما وافلوس من بابا❤
طگو عمي طگو قصة جديدة
صارت كرنج
ذكريات سيئه 😅😅😅
تعليق تافه
بس زربني على روحي من ضحك
@@MANI-et8rgطاحضك😂😂
🤣🤣
نصيحه الطالب سادس امسح كل برامج تواصل احسننن
اني خامس، عندي بس تليجرام وبنتر ويوتيوب، والتليجرام هواي يشغلني عندك/ج حل؟
@ZahraaAli-w8wالتيليقرام علمود الدراسة صح؟ لعد عوفي حسابج طلعي منه واستعملي حساب امج او اخوج او ابوج المهم واحد من اهلج واستعمليه بس للدراسة لاتضيفين صديقاتج بيه ولا تدخلين قنوات غير الدراسية تلقائيا حتبطلين تسختين بيه لان مو مالتج
خاله من تردين تقرين اغلقي الموبايل وانطي لأي أحد مثلاً لامج هاي احسن طريقه
الفيديو يجننن عشت
قصه جميله اغلب الاطلاب مرو بيه بسبب المبايلات. اتمنا ان اوصل للمعدل 99❤
ابو حسين الكبير جثرلنه مقاطع ولتكطع تره ننحبط❤
5:13 حلوة حلوةةة راح اخمطها 😂😂😂😂
اخيرا لكيت واحد جواهري 🦆
1:51 كمل
انا هم نفس الشي فترة سقوطي بالثالث بس ورة نصف السنة امي خلتني اقرا تحاضيري اليومية وتسالني بيها بعدين تخليني اقرا المواد مال قبل نصف السنة وانا امي مدرسة اجتماعيات فما تقبل مني شي الا نصا وهذا الشي كلش متعب والوقت الوحيد اللي بيه ترفيه هو من تصير ساعة ب 11 وتبدي وقت المغامرة لحد نص ساعة بس وانام وجبت من معدل بال 70 بنصف السنة الى معدل 91 بالوزاري
خوش مقطع اجة بوكتها انا هم طاح حظي هاي السنة بس السالفة المدرسين اسئلتهم صعبة
الكلام شكد ترو مجرد ما شخص يلكي نفس الشعور الي جان يحصله من فعل وصار يحصله من فعل ثاني رح يهمل الفعل الاول ونفس شي للبنات بالنسبه لي اهتميت للمكياج والطلعات و التصوير ومديح الاخرين اليه بسببهم 🥲 لهيج غلط واحد يسوي شي علمود يحصل شعور خارجي يمكن يكون محفز اي بس انت اذا ما عندك رغبه حقيقيه للدراسه وهدف واقعي رح تضل تايه يم سالفه الخوف و المديح مجرد ما يختفن تختفي درجاتك والتزامك
شباب هو اني الوحيدة الصايرة كلش عصبية و اعصابي تلفانة و روحي صغيرة بس كلمة وحدة تخليني اكوم اصيح و اعصب او اكوم ابجي و هذا الشيء ما جان عندي قبل هسة صارت هيج حالتي احس كلبي يكوم يدك بساع و احتر و اريد اهجم على الي يعصبني والله ما جنت هيج اني حيل تعبانة 😮💨
لا مو بس انتي اراهن ان اغلب طلاب السادس يمرون بهلحالة بسبب الضغط الي نتعرضله .. اغلبنا بالخامس يكون مترهين وبراحتنا نقرا وعادي نجيب اي درجة نجاح
اما لما نصير بالسادس بكومون اهل يضغطون علينا و المدارس والاساتذة والمجتمع عدا رغبتنا احنا كطلاب بان ناخذ اعلى معدل نكدر عليه فيصيرلنا هلضغط الجبير ويظهر بشخصيتنا وصحتنا بس طبعا هلشي مؤقت فترة السادس وبعدها تروح ونرتاح
الحل ان تتقبلين هذا الامر وتتفهمين نفسج وحاولي ان تكثرين من الاستغفار لانه غالبا الغضب يسبب اليحبها الشيطان فالاستغفار افضل حل و احاولي خلي وقت استراحة او مثلا الاسبوع كامل دراسة والجمعة مثلا استراحة وابدا لاتشوفين الكتب حتى "استراحة الاسد" وان شاء الله لن يصيبنا الا ماكتبه الله لنا🤍
الاغاني حرام وبعض الموسيقى حرام
يمعود شوف طبعا قبل ٤ سنين شفت انت مولود وراي نفس اليوم بالضبط 16/6/2001 و هسة تجربتنة كلش تتشابه بين السقوط و الرجعة😂 و هم رحت طب و هم وكعت شوية بس رجعت شوية و هسة شوية زين و اطلع من اول ٥٠ تقدير المهم اريد اقابلك فد يوم و نسولف اذا يصير و اكيد هالشي ورة السادسة 😂
والله اني تقريييبا قصتي نفسك بالابتدائية ما چنت شاطرة كلش چنت مستواي وسط انو انجح دور اول ماكو دور ثاني الى أن وصلت متوسطة طاح حضي گمت ما اقرة ما ادري ليش او شنو السبب بس هملت دراستي كلش كل ما يسلمون النتائج چنت اضوووج كلش اللي وياي بالبيت كلهم ينجحون واني لا مكملة لو دور ثاني لحد ما وصلت ثالث متوسط و طلعت ب4 دروس ما اعرف شلون دخلت وزاري و بسنتي امتحنت بس 4 مواد وزاري و طلعت بالرياضيات و لاول مرة دخلت مدرس خصوصي و قريت غصب عني لأن اهلي دافعين فلوس و الحمدلله نجحت وراهة گلت لحد يمتة الناس كلهة تنجح و تفرح و اني گالبة وجهي و ضايجة ليش لأن ما نجحت و هنااا قررت اشد حيلي و وعدت ماما راح اغير مستواي و فعلا تغيرت و رفعت درجاتي و صرت من الشطار اللي بشعبتي و الحمدلله بالسادس چنت الخامسة عليهم و حالياً اني ادرس قانون😔✨🔥
اني 2020 نجحت من الثالث متوسط ما امتحنا امتحان وزاري مشينا على نصف السنه طلعت بدرسين واهلي زوجوني وحاليا عندي طفلين و جاي اقرا للسادس اعدادي ادبي حياه حلوه عادي بس كنت مقهوره من اقراني راحوا ثالث مرحله كليه واني لحد الان ما قاريه سادس اعدادي وما اعرف يعني الله شنو كاتب لي ما اعرف بس خليتها على الله❤
اريد الزبده لان مالي خلك اقرا مو اجي اشوف 19 دقيقه
(اقره لا تتكاسل)
الفيديو يجنن عاشت أيدك 🩵
طلعلي الفيديو بالصدفة 💙
عفية علاوي🎉
عمي احلى سالفه من علاوي 😭😭😭😭😭😭🩷
نصيحه سوي محتوى عن الطب حتى تحفزنا وتتحفز حتى المشاهدات تصعد
8:52
يا اخي علاوي اجمل شي بيك انك صادق وهذا يخليني اشعر اني مو وحيد بهاي المشاعر و غريب عن الاخرين ❤❤
حلو الفيديو واستفاديت❤
شكرا والله اشكرك الله يحفضك اخيرا لكيت السبب الي راح يخليني اتعشه بالكتب ❤شكرا 🌹🫶🏼🫶🏼🫶🏼🫶🏼🫶🏼
الي يحب يسوي الشي علمود احد يمدحه ترى هذا رياء انتبهوا
احب المنطق السليم العندك ❤
طالبة ثالث أدعولي أطلع معدل 99
عاشت ايدك علاوي، بطل علاوي
14:21 ارجع سجاج احنه راح نمدحكك
على راسي
بالعكس القصه كلش حلوه ومفيده
عاشت ايدك استمر 😘
شحجي اني قصتي كلش اني مستوى متوسط إلى الجيد من اول ابتدائي إلى الخامس العلمي من وصلت للسادس قررت أشد حيلي بديت ادرس كلش زينة درجات بشهريات فول للأسف طلع عندي التهاب في الغدد اللمفاوية سويت عملية ثانية يوم عملية اني ادرس امتحنت إسلامية اخذت ١٠٠ أجلت ٦ مواد جنت مقرر اسوي تحميل لغوا تحميل بطلت ما امتحنت دور ٢ انطو تحميل انصدمت عدت بدون واهس جبت ٦٥ راسبة ٣ بعدين جبت ٥٩ راسبة برياضيات هاي سنة ثالثة الي تعبت حيل
والله بطلة استمري راح توصلين حتى لو خطأتي هواي
1:32 لحد الآن مثلك كمل
😢
وصلت للسادس وطاح حضي كمت حتى ارسب.
+
مفكر اعيد الصراحة لان مال اجيب طب هل سنة واكفة
ابد لا تعيد لو تاخذ صفر لا تعيد ضل حاول انا العام نفس تفكيرك والسنة كلش كلش اتندمت @@moushtaktalib8862
وليش تفكرون بالطب دائما ترا حتى تعيين ما بي @@moushtaktalib8862
ترى عادي اذا مستواك يسمح تدخل وزاري صدكني أعلى معدل راح تطلع
@@moushtaktalib8862 اني بديت ورا نص السنة بداية حقيقية وجبت 98 والغلط جان من عندي بسبب تركيز مو قرايتي يعني جنت اكدر اجيب 99 هم
والله العضيم نفس حالتك بس هسه ثالث متوسط وهاذه الخوف راح وصرت ابد مهتم انجح ارسب اتمنى يرجع هاذه الخوف والي مجرب ويعرف شلون ارجع مثل قبل يكلي الي يعرف لا يقصر 😢❤️🩹
انت ك طالب جامعة المفروض مو ماتدرس علمود المدح المفروض تدرس علمود انو انت بلسمتقبل ح تصير دكتور ناجح او مو فاشل او هم الدرجات مومهمة اهم شي تضبط المادة او تفهمها او ماتفوت اي شي
اني سادس جنت ببدايه السنه احضر يومي واقره وسحيت وراها بدت الشهريات واني كعدت بعد ولا اقره وانحصر ليله الامتحان بس شلون ارجع مثل قبل ما ادري💔💔
اللي يعرف ياريت يفيدني ❤
حلوة علاوي عاشت ايدك علاوي خوش فديو
اذا جنتو طلاب سادس انطوني نصيحه تخص القواعد باجر امتحاني
عوفي كلشي وركزي ع ملازم عقيل حتلو بدون محاضرات
صديقك علي يدرس صيدله بالزهراوي وين صفه بيه الدهر؟
راح يتخرج الحمدلله علاوي ليش؟
شكرا ❤❤❤
مقطع جميل جداً، بس ياخي اني هل سنة ادرس هوايه ودرجاتي جيدة جداً بس مو ممتازه يعني آني اقره هوايه ومع هذا ما اكدر أنافس الاوائل مع العلم أني كنت اطلع الأوله بالابتدائية و المتوسطة بس بس طبيت علمي مارجعت اكدر أنافس عل مراتب اولى. الحفظ عندي سهل كلش بس الفهم مايدخل لعقلي. الشي الوحيد الي يفسر حالتي انو زمن منافستي عل مراتب الأولى انتهى.
هسه منين اجيب هذا الحافز
ان شاء الله يصير عندي هذا الخوف كلش هواي اسخت ❤
13:32 انتَ يادفعة علي
اعتقد لو 2018 لو 2019 لان قال هو ب2016 كان ثالث متوسط
عاشت ايدك حبيبي رهيب انت
يا حبيبي
13:56 اخوي هسة مرحلة اولى طبية و خطية دگ دراسة و من أول إسبوع صارت تراكمات عنده 🌚💔
شنو سبب الطالب البطيء ب دراسه ، شنو حل المشكله هاي
مثلي هم ب ثاني متوسط 😂 وبديت اسخت 2:47
اني حاليا طالب ثالث متوسط و عندي طموح قويه ان شاء الله احصل الي اب بالي ادعولي