@@hassanalcataloni موقفك صعب شويه عندك ثلاث خيارات اما تبقى على هالوضعية وتخلي الوالدة تتعب طول حياتهة الباقية او تزوج علمودهم مو علمود رغباتك او هذا الحل المناسب حاليا الي هو تجيب خدامة بسعر مناسب تساعد الوالدة على كد الطبخ والتنظيف او بس التنظيف
الزواج فكره تعباانه حيل خااصه بهل وقت بلعراق لاصحه لاتعليم لا دعم حكومي لا تعين لا قطعة ارض هاي كلها معوقات تخليك ابد ما افكر بلزواج انشاء الله اهاجر وبس
صدك ايدمرون حياتنه بس زواج او تبقى المراة ابيت زوجهه تشبع قهر او جهال ماكو شي ايخليهه سعيدة بس يردوهه تتزوج واذا مااتزوجت ايكولون الهه عانس بقيتي فاتج القطار او هذا كله من ورة العادات والتقاليد هم ياريت لو الزواج ينجح بالنهاية ينتهي بالطلاق والمراة من تتطلق تبقى ابيت اهلهه لا مستقبل لا تعيين لا دراسة حتى شكلهه يتغير اتصير ولا كان بنت العشرين اتصير وكان عمرهه اكثر من انه هي شابة او تنتهي حياتهه والي اتريد اتحب شخص قبل الزواج يضحك عليهه او هم ياريت لو يتزوجهه المشكلة بلاهل مايخلون ابنائهم ايشوفون مستقبلهم او همه يختارون
اكثر نقطة مهمة في هذا الموضوع هي مسألة التفاهم ثم التفاهم ثم التفاهم .. بالنسبة لمقارنة الغرب مع العراق لا أعتقد اكو مقارنه على الإطلاق..هو فعلا فرق بين الشرق والغرب..
بالنسبه الي الزواج بالعراق اكبر خطأ ميهم عندك فلوس لو لا اذا انت فكرك غربي و متحرر الزواج بالعراق اكبر خطأ + بصوره عامة هم خطأ لان اطفالك حرامات تجيبهم بالعراق
الف رحمة على والديك ياريت الشباب والبنات يفهموون هذا الشي خاصة الزواج مع الخلفة بالعراق هو جريمة لان راح تكمل سلسلة معاناة والألم مع كائن ثاني تورطة باسوء مكان للعيش
عاشت ايدك كلش احسك تشبهني بهذه التفكير طبعا المجتمع العراقي مريض وحاليا كل العراقيين مرضى بسبب التفكير والاعراف وحتى ماكو قانون الناس هنا بالعراق تعامل القانون بفلسين المجتمع هو يصدر حكم عليك ويسجنك ويدخلك النار والجنه مو الله
طبعااكثر شي سئ بالعراق هو الزواج وخاصه اذا كانت البنت شغوفه بالشغل والدراسه ومجتهده وفجئه اهلهاااا يزوجوهااا وبالاخير لادراسه ولا شغل ولاحياة سعيده وبالاخير اذا ماتحقق الحلم اللي تريده اما توصل للطلاق او توصل إلى المشاجرات او القتل وهذا بعد العمر ٣٠ يستفيق الشخص وعقله يبدي يتغير بالطموح والأفكار
شفت الفلم,برآيي الزواج لازم يكون عن حب واقتناع تام اذا اكو طرف ما راضي او ما مقتنع فشبه مستحيل الزواج ينجح والزواج ابدا مو تقييد حريات او سجن بالعكس الزواج راحة نفسية للطرفين وبالنسبة لموضوع الاطفال اني اشوف الي كاعد باوروبا مو نفس العراق لان هناك ينطوك راتب زيادة يعني تجيب طفل يقللولك الضرائب وينطوك فلوس 😅😅😅😅وبالتالي راحة زيادة لاطفالك والك شفت قبل فترة فيديو لمراسل مطلع شباب ديشتغلون وتعبانين يكولون احنا عندنا 8 اطفال وربع ماكو بجيبنا 😐😐😐هذا تخلف والمشكلة يكولون هو اجانا من الله 😅😅😅😂😂😂😂
تحياتي اللك استاذ حسام اشكرك على مشاركتك وجهة نضرك الي تنطينه اطلاع على الحياة خارج هذه المجتمع وفي الحقيقه انت اكثر من أخ وصديق اني كلش اثق بيك واثق بوجهة نضرك بخصوص الزواج واتفق مع الشخص الي جنت تقرأ مقاله تحياتي❤
استاذي العزيز اني جدا اشكرك شفت هذا الفلم مالتك واني حاليا خاطب وعمري ٢١ سنه قررت راح افصخ خطوبتي وما اكمل زواجي التقليدي وراح اعيش حياتي مثل ما اريد وما اورط انسانه وياي ولو هي راج تتورط اول وتالي بس ماريد اكون سبب ندمها وندمي لذلك جدا اشكرك
استاذ حسام طبعا هذه كلامك يدل على الفكرك الواسع وعميق جدا وطريقة تفكيرك في غايه الروعه وكلامك هذه مدروس وقسما عضما لو اني وزير بالتربية لجعلت هذه كلامك يدرس لكافية الاجيال الله يوفقك استاذ حسام
مبدع... بس اكلك عاشت ايدك عالفكر اللي تحمله بحيث انطيت نظرة متوازنة للموضوع بدون انحياز وهذا دور المثقف الحقيقي.... ان تاخذ الموضوع بجميع ابعاده وتعطي تفاصيل أكثر لتوضيح الفكرة
من جنت زغيرة ابد ماجنت افكر بلزواج الى كبرت وتوظفت من تزوجت حسيت انو اكبر غلط لان الي زوجته فد طماع وحقير وعديم الرجولة ونذل بعد ٩شهور تطلكنا ورجعت اعيش بيت الاهل وي امي
يااخي احنه 40% من المجتمع والطبقات الدخلهه وسط او محدود او كادح يكلك ازوج ويجي رزقها وياهه تزوج خلف ويجي رزقه ويا الى ان تاكله لليده يكلولك الزواج المسؤولية وانت رجال لازم تتحمل وهذا الحجي كله استقرار مادي ماكو ويضل يسمعو حجي انت مابيك خير وانت مدري شنو يأذو نفسيا" ويحسسو بالنقص وبعدين يكضيهه مشاكل وضغط نفسي وتفكير بالمعيشه الى ان ييطلق هم ياكله لليده يضل يدفع نفقه ويعيش حياة بائسه ماعدا الزواج المبكر واهواي امور اما ذوله اليخلفون اهواي تفكيرهم يكبرون ويشتغلون ويعيشوني ماخذين شغله استثمار
عاشت ايدك حبيبي ... فيديوهاتك كلش حلوة ودا استمتع واني اتفرجها وانته انسان مثقف وواعي واني كلش احبك ومن اصدقائك في صفحتك الشخصية على الفيس .. يا ريت تطرحلنا بعد مواضيع من هذا النوع ونستفاد من معلوماتك ❤️
18:00 لان الاهل متعوبين بالعراق فمالهم حيل يعلموك تسوق بايسكل لو يعلموك تسوق سيارة لازم انتة تنضج من عمر صغير وتبدي انتة تعلم نفسك لان ظروف المكان الي انتة بي صعبة والعيشة صعبة
زواج بمجتمع اوربي اثر على متوسط عمر ايضا من واحد يتزوج ب ٤٠ اكيد احتمالية يعيش اكثر من واحد يتزوج 20 سنة ودليل فرق بين متوسط عمر بين اوربا الي يوصلون 100 سنة بين عراقي الي يوصل ٦٠ .سنة يكوم يفحط
بس تعميمك على رأي البنات العراقيات بالزواج مو صحيح. أكو بنات ومن ضمنهم اني ما زلت أحارب قوالب المجتمع وما فكرت بالزواج لحد الآن لأن عندي هواااااي طموحات وأحلام وأحس نفسي ما عشت أي أشي أريده لحد الآن وما مستعدة أبذل باقي عمري لغيري وأنسى نفسي
احترم رأيج جدا بس هذا مو الواقع بنظري احنا منكدر نوكف ضد طبيعتنه البايلوجية ولا نكدر نخلص من ظروف المجتمع العراقي. طبعا اكو استثناءات اهواية وحالات خاصة اهواية
@@HusamNoaman اي أكيد الوقوف بوجه المجتمع والضغوطات مو سهل وكل بنية تتمنى تكون عروسة لأجل الفستان والمكياج وتعيش الدور لكن محد يفكر بعدهه شنو حيكون. انا تفكيري بعيد. أفكر بحياة أمي وخالاتي والبنات الي متزوجات صارلهم فترة طويلة وأكول مو هاي الحياة الي أريدهه. ما أريد اخلص باقي حياتي بالمطبخ وشغل البيت والركض وره المسؤوليات وتنمحي كل أحلامي وأكون مثلي مثل أي أحد شمعة تشتعل لغيرهه بعدين تنطفي وتننسي بدون أثر
@@jomaanali8116 الإنسان سواء كان رجل أو امرأة بعد ما يكمل تعليمه ويحقق الأهداف التي رسمها لنفسه وثقف نفسه بما فيه الكفاية بحيث يكون مؤهلا لمواجهة تحديات الحياة وهو بعمر الشباب أو حوالي الثلاثين من عمره ويصبح قادراً على خوض غمار تجربة الزواج وتحمل المسؤولية الزوجية وأن يكون قادراً على الاندماج مع شريك البيت وهو الزوج/ة وهنا ، أي بعد الزواج وتكوين الأسرة يتم تجسيد تجارب الحياة وما يمتلكه الفرد من وعي وثقافة ومرونة ومعاملة وتحمل للمسؤولية والقدرة على الإدارة والتعامل مع الأزمات المختلفة والتفاؤل و العمل و الجد والاجتهاد والمثابرة و .... إلخ وهنا تتجسد ثمرة الحياة وثمرة الجهود المبذولة بشرط أن يكون الاختيار صحيح ومناسب من حيث العمر والوضع الاجتماعي والاقتصادي والبيئي و غيره . أما قولك بأنك غير مستعدة لقضاء بقبة حياتك في المنزل و المطبخ أو أنك كالشمعة تحترق لتضيء لغيرها .. إلخ فهو كلام لا ينسجم مع الواقع . فليس عيبا أن تطبخ المرأة لأسرتنا فكم من موظفة أيا كانت تطبخ بعد دوامها بل حتى الكثير من الرجال يطبخون في بعض الظروف ، أما الشمعة فهي تحترق لتضيء والمرأة تطبخ وتعمل وتنظف بيتها وتهتم بزوجها وأولادها لتنتج وتبني رجالا ونساء أهلا للمسؤولية . وبالمقابل الزوج يعمل ويشقى ويتعب ويتحمل أشد الظروف كي يوفر له ولاولاده وزوجته العيش الكريم ، فهل يقول بأنه شمعة ويحترق . اعتقد __ وبغض النظر عن عمرك فقد تكونين شابة في مقتبل العمر ولست ملتفتة إلى جوهر الحياة وسننها _ إن هذه الأفكار غير صحيحة وتجعل الكثير يتهرب من المسؤولية . نعم الحياة في العراق صعبة إلى حد كبير ولكن لا يستطيع الكل الهرب منه ولذلك علينا أن نكافح هنا لنحسن الحياة بعيدا عن هكذا أفكار . مع تمنياتي للجميع بالتوفيق والنجاح إن شاء الله تعالى
@@alialmousawi6038 انا لست متهربة من المسؤولية بل أنا مدركة للمسؤولية وأنها كبيرة جداً وتحتاج استعداد نفسي عالي. أنا بصراحة لم أحقق شيء من طموحي والزواج ليس لعبة. الزواج يعني أن أسخر كل حياتي للعائلة. ثم أن عمل الرجل ووضيفته بعد الزواج هي نفسها قبل الزواج ولكن الزوجة خاصة العاملة لا تجد وقت لنفسها أبداً منذ ولادة الأطفال وإلى الأبد.
اعتقد من خلال كلامك أنه انت دارس علم نفس وممكن تكون معالج نفسي او يجوز هاي طريقتك بالكلام لان اغلب المواضيع اللي تحجي بي المجتمع يعاني منه ولهذا منطقك للكلام يكون ب اسلوب تسال وتجاوب وهذا الشي يساعد الملقي والسامع على تقلي حلول ل أفكاره لان دا تجيب أفكاره وتحله اله وهو يكون مستمع الك وهذا الشي حلو وينطي شعور إيجابية
اني متفقه معك ٪..١ اني صارلي مده طويله جدا عايشه بألمانيا. صح الألمان وأعتقد كل لاوربيون يقضون وقت طويل مع الأطفال في للعب ويقرلوهم داما قصه قبل النوم.. وانجاب الأطفال غالبا يكون قرار ورغبه وليس فقط انه خلص لازم نجيب أطفال..
عاشت ايدك استاذ حسام موضوع مهم ومجتمعنا فاهمه غلط. اني كرأيي الشخصي ما اشوف الزواج هو الشي المهم بالحياة اذا ما لكيت شريك اتقبله ويناسبني ومتقارب ويا أفكاره على شنو افقد حريتي هدوئي واستقلالي من اجله.
عاشت إيدك أستاذ حسام 💐🌺💐وأتمنى تستمر بهذا الإبداع بهذا المحتوى الراقي والرائع لتوعية وتنوير عقول الشباب العراقي..والله وجهة نظرك جداً واقعية وحقيقية وفيها بعد نظر للمستقبل المجهول لأوضاع العراق وخصوصاً فيما يخص تأييدك وتشجيعك على الهجرة..
@@HusamNoaman عاشت إيدك أستاذ حسام 💐🌺💐وأتمنى تستمر بهذا الإبداع بهذا المحتوى الراقي والرائع لتوعية وتنوير عقول الشباب العراقي...والله وجهة نظرك جداً واقعية وحقيقية وفيها بعد نظر للمستقبل المجهول لأوضاع العراق وخصوصاً فيما يخص تأييدك وتشجيعك على الهجرة..
احييك على فهمك الكامل وطريقة طرحك للموضوع وتعمقك بي بحيث مشفت شي خطأ او تجاوز او غير كلام كلة سليم وممتاز وعاشت ايدك وستمر بطرح هكذا مواضيع بين فترة واخرى كل الحب والاحترام الك ♥️
وبعدين لا يجب أن يعيش الإنسان برفاهية عالية لان هذه سعادة مؤقتة وفي نهايتها الاكتئاب فقط يجب أن يعيش الإنسان بمحيط من التحديات اليومية لكي يتكيف معها ويشعر بطعم الحياة بدل الرفاهية الزايدة.
حياك الله استاذ حسام مبدع الله يحفضك بس عندي استفسار صغير: انته تكول الشعب العراقي عنده كبت جنسي عكس الغرب ماخذين راحتهم بدون ما خليت الدين الاسلامي عله بالك ...زين برأيك هل الحرية الجنسية خارج اطار الزواج صحيحة دينياً؟ بعيداً عن المجتمعات ...اتمنى تجاوب
نظرتي للزواج ليست جنسية على الرغم عمري ١٨ ولكن السبب المهم هو الطفل أني مؤمن انه الطفل فد شي مقدس، بالاضافة للمرأة لازم تشاركني افكاري وطموحي واهدافي وفكري واكو اسباب هوايه تخليك متزوج بالعراق اولا.. لاتوجد بيئة اجتماعية قادرة على انتاج إنسان فاعل بالحياة إنسان يصنع وينتج ويقدم ويحقق هدفه الوجودي لانه اني مؤمن كل انسان يأتي للحياة لازم اكو اسباب بعيداً عن البُعد الديني والاجتماعي ومستحيل الانسان بالعراق يحقق اهدافه الوجودية ثانياً انتَ نفسك كإنسان يحتاجلك فترة جبيرة حتى تتخلص من الامراض الدينية والاجتماعية الي زرعه المجتمع بيك تحياتي على طرحك الوااعي
فعلا استاذ صار المتعه الوحيده للفقير الجنس بس اني برأي ان الشاب اذا يريد يزوج فقط ع مود الجنس ف الزواج راح يفشل وصارت مع ابن خالي ازوج ع مود الجنس وره سنه كام ميريدها ويريد يطلقها وهسه بالسجن بسببها
نستطيع حل هذه المشكلة الكبت بنشر الوعي بشأن زواج المتعة وهو ايضاً في اطار الدين ولا يخالف شرائع الاسلام 14:49 فالعلاقة بين الرجل والمراه في العراق تحت اطار الدين ولا نستيع ادخال امور تبدو مخله عليه لكن هناك الكثير من الحلول ولكن من ينشرها ويتكلم بها فهم ملتهون بالسرقه
@@HusamNoaman اخي نحن نبحث عن حل تحت اطار الدين والحلال فان جعلو الدعاره قانونيه سيرفعونها فساد البلد للتجاره بالبشر كما يحدث ببيع النساء الموجودين فسجون
@@leukemia4821 لا بالعكس زواج المتعه اضاف للمجتمع امور خا طئه صارت المطلقه او الفتاة الجميله والارمله تخا ف تطلع للشارع من كثر الراغبين للزواج منها كونها غير عذراء.... لماذا لا نركز على حياتنا واهدافنا ونترك الجن س ونعود كما كان العراقييين سابقا لا جن س قبل الزواج ام الأفلام الابا حيه والمسلسلات التركيه جعلت هذة جُل اهدافكم بالحياة؟
@@user-gq5er9gc1p اولاً :- ان الامور التي وفرها الله وفرضها لحل مشاكل منتشرة على عباده مستحيل ان تكون خاطئة انما تم تحريف وتشويهها لتناسب بعض المنحرفين ومطامعهم ثانياً :- تصورين من يتقدم بشكل شرعي وحسب الشروط الشرعية كأنه خاطف مغتصب . متناسيه المشاكل التي يحلها الزواج المتعة . مثلاً المطلقة في العراق عند حدوث حاله طلاق يكون الكلام على المرأة بانها هي المخطئة او فيها خطب ما ,فعند حدوث الزواج ستكون هناك فرصه لمقابلة الشخص المناسب وان لا تكون مهمشه ايضاً الارملة العيش في العراق صعب و الوحدة اصعب . خاصه (للانسان الفقير) فلماذا هذا التغابي عن امور مهمه .. ثالثاً :- من قال انه لم يكن هناك جن س سابقا ً ان لم يكن فكيف انتي موجوده ؟ ..لكن سابقا كان الجنسش الغير شرعي موجود ومباح سرياً , ولان ضهر المطالبون به اما يريدونه بالحلال او مجموعه اخرى بحجة الحرية يطالبون بالمحظور رابعاً :-معك حق ان الافلام و الاباحيه المسموح بها من قبل الدوله ,تنهر شبابنا . وهذه مشكله اخرى يحلها الزواج ..
@@leukemia4821 على اساس استغلال النساء فقط بالدعا. ره ما يتم بزواج المتعه لعد منو يعقد على الاطفال العذروات الفق. يرات ويمارس وياهن طرق شا. ذه علمود العذريه ابعدو اموركم هذه عن وطننا وكعراقيات ولدينا كرامه لن نقبل ان نصبح مباحات لكم من اجل المال سيصبح العراق مثل أوروبا بدل ما تدرس البنت وتجتهد من اجل المال تتزوج متعه مثل الغربيات تروح دار دعا. ره او عرض أزياء
بعد اكو سبب أعظم بقرار الزواج وهو :
رغبة الاهل وخاصة الوالدين ...فهم يدفعون إبنهم للزواج ..والضغط والتأثير عليه .
وهذا واحد من أقوى الأسباب
امي عمرهة ٥٥ سنة وابوية عمره ٦٩ سنة
اخوان واخوات ماعندي واني عمري٢٥ موظف اشتغل شغلتين الصبح موظف علملاك الدائم مال وزارة الصحة وبليل بمختبر وماملحك علعيشة
الوالدة تريدني اتزوج واني صراحة رافض الموضوع بس من اشوفهة تتعب وحدهة بتنضيف وغسل وطبخ والشغل ووحدهة افكر اتزوج علمودهة بس خايف اتندم من هواي نواحي فكلش حاير
@@hassanalcataloni ليش متساعدها انت
@@hajerahmed4662 اني اطلع بال٧ الصبح ارجع ب١١ بليل انام
@@hassanalcataloni الله يساعدك و يوفقك
@@hassanalcataloni
موقفك صعب شويه
عندك ثلاث خيارات
اما تبقى على هالوضعية وتخلي الوالدة تتعب طول حياتهة الباقية
او تزوج علمودهم مو علمود رغباتك
او هذا الحل المناسب حاليا الي هو
تجيب خدامة بسعر مناسب تساعد الوالدة على كد الطبخ والتنظيف
او بس التنظيف
الزواج فكره تعباانه حيل خااصه بهل وقت بلعراق لاصحه لاتعليم لا دعم حكومي لا تعين لا قطعة ارض هاي كلها معوقات تخليك ابد ما افكر بلزواج انشاء الله اهاجر وبس
صدك ايدمرون حياتنه بس زواج او تبقى المراة ابيت زوجهه تشبع قهر او جهال ماكو شي ايخليهه سعيدة بس يردوهه تتزوج واذا مااتزوجت ايكولون الهه عانس بقيتي فاتج القطار او هذا كله من ورة العادات والتقاليد هم ياريت لو الزواج ينجح بالنهاية ينتهي بالطلاق والمراة من تتطلق تبقى ابيت اهلهه لا مستقبل لا تعيين لا دراسة حتى شكلهه يتغير اتصير ولا كان بنت العشرين اتصير وكان عمرهه اكثر من انه هي شابة او تنتهي حياتهه والي اتريد اتحب شخص قبل الزواج يضحك عليهه او هم ياريت لو يتزوجهه المشكلة بلاهل مايخلون ابنائهم ايشوفون مستقبلهم او همه يختارون
مو كله هذه العراق كله وجاي نطلع ونشوف موظفات وناس تفتر شنو ذني مظلومات
@@user-by2pv2ri3r الله يكون بعونج اختي أتفق وياج في كثير من النقاط اتمنى الج الموفقية
هذا ليس مقطع فيديو، هذا مجموعة من النصائح القيمة أنا كنت في غفله عنها. بارك الله فيكم
اكثر نقطة مهمة في هذا الموضوع هي مسألة التفاهم ثم التفاهم ثم التفاهم ..
بالنسبة لمقارنة الغرب مع العراق لا أعتقد اكو مقارنه على الإطلاق..هو فعلا فرق بين الشرق والغرب..
بالنسبه الي الزواج بالعراق اكبر خطأ
ميهم عندك فلوس لو لا
اذا انت فكرك غربي و متحرر
الزواج بالعراق اكبر خطأ
+ بصوره عامة هم خطأ
لان اطفالك حرامات تجيبهم بالعراق
الف رحمة على والديك ياريت الشباب والبنات يفهموون هذا الشي
خاصة الزواج مع الخلفة بالعراق هو جريمة لان راح تكمل سلسلة معاناة والألم مع كائن ثاني تورطة باسوء مكان للعيش
@@abukhamenei7134
لعد انت مقتنع بروحك يا ذيل تبعي مجرم وخاين
اتريد يجيبون اطفال بالعراق حتى تسوهم وقود وضحايا للحرب ويصيرون كباب مشوي مثل قائدك العفطي
بئسا لكم والغزي والعار سوف يلاحقكم الى ابد الابديين
اي والكعبة انا يوميه اكره نفسي لان الله(سبحانه وتعالى) مدري ليش كضني وشمرني بالعراق انگس دوله بالوطن العربي
الزواج في بلد ليس لك فيها حقوق لك ولأبنائك
هى جريمة لا يعاقب عليها القانون
احسنت
@@HusamNoaman ماذا تعمل فى ألمانيا هل مهندس او مهنة أخرى
@@HusamNoaman في العراق الحياة صعبة القوي يأكل الضعيف البقاء إلى الأقوى ليس الإصلاح ما احد يرحم أحد إلا ما رحم ربي
@@HusamNoaman العراق أقل إحصائيات ٢٢%يعيشون تحت خط الفقر وغير الفقر و البطالة صعب الحياة والعيش في العراق غير لا يوجد امان
@@HusamNoaman صح في العراق مجتمع لا يرحم مع الأسف يحب الطشة والإنفاق والفضول مع الاحترام إلى الطيبين
عاشت ايدك كلش احسك تشبهني بهذه التفكير طبعا المجتمع العراقي مريض وحاليا كل العراقيين مرضى بسبب التفكير والاعراف وحتى ماكو قانون الناس هنا بالعراق تعامل القانون بفلسين المجتمع هو يصدر حكم عليك ويسجنك ويدخلك النار والجنه مو الله
طبعااكثر شي سئ بالعراق هو الزواج وخاصه اذا كانت البنت شغوفه بالشغل والدراسه ومجتهده وفجئه اهلهاااا يزوجوهااا وبالاخير لادراسه ولا شغل ولاحياة سعيده وبالاخير اذا ماتحقق الحلم اللي تريده اما توصل للطلاق او توصل إلى المشاجرات او القتل وهذا بعد العمر ٣٠ يستفيق الشخص وعقله يبدي يتغير بالطموح والأفكار
كلامج منطقي
@@alighaziii صحيح هذا نعيشه حاليا وبالاخص لان قله الوظائف والتعينات بالعراق تسبب هذه الأمور
الصراحه وجودك باليوتيوب نعمة كبيرة
دائما اسأل اغلب الاسأله السألتهن وما الكي جواب الهن 💚
انا كلش احب المهندسين لانهم مفكربن اذكياء ومنطقيين بسبب دراستهم للرياضيات بكثرة....
كلام صحيح بمعنا الكلمه ومجتمعنا تعبان وميفكر يتطور من كل النواحي تحياتي الك
شفت الفلم,برآيي الزواج لازم يكون عن حب واقتناع تام اذا اكو طرف ما راضي او ما مقتنع فشبه مستحيل الزواج ينجح
والزواج ابدا مو تقييد حريات او سجن بالعكس الزواج راحة نفسية للطرفين وبالنسبة لموضوع الاطفال اني اشوف الي كاعد باوروبا مو نفس العراق لان هناك ينطوك راتب زيادة يعني تجيب طفل يقللولك الضرائب وينطوك فلوس 😅😅😅😅وبالتالي راحة زيادة لاطفالك والك
شفت قبل فترة فيديو لمراسل مطلع شباب ديشتغلون وتعبانين يكولون احنا عندنا 8 اطفال وربع ماكو بجيبنا 😐😐😐هذا تخلف والمشكلة يكولون هو اجانا من الله 😅😅😅😂😂😂😂
رمضان المبارك اعاده الله عليكم بالخير واليمن والبركات وكل عام وانتم بخير
@@a.abd78 علينا وعليكم
كسل وتبلد في الاعتماد على الحكومات في زياده الرواتب مقابل الإنجاب
@Kefah Rafo عقولهم ضحله للاسف
تحياتي اللك استاذ حسام اشكرك على مشاركتك وجهة نضرك الي تنطينه اطلاع على الحياة خارج هذه المجتمع وفي الحقيقه انت اكثر من أخ وصديق اني كلش اثق بيك واثق بوجهة نضرك بخصوص الزواج واتفق مع الشخص الي جنت تقرأ مقاله تحياتي❤
رمضان المبارك اعاده الله عليكم بالخير واليمن والبركات وكل عام وانتم بخير
@@a.abd78 آمين رب العالمين
الزواج قبل كل شئ هو شئ اختياري لكن الافضل عدم الزواج وانا ضد الانجاب وليست لدي شهواة منحرفة. العراقي من المستحيل ان يكون سعيدا في حياته.
الزوجه صديقه ورفقيه قبل ماتكون عشيقه وحبيبه ,واختيار الرجل للزوجه لازم يكون مبني على هذا الاساس.
فعلا احسنت يجب ان يكون شريك حياتك صديقك.. يشاركك تفاصيل حياتك ويستمع لك ويجعل حياتك رحلة مليئة بالاكتشافات
استاذي العزيز اني جدا اشكرك شفت هذا الفلم مالتك واني حاليا خاطب وعمري ٢١ سنه قررت راح افصخ خطوبتي وما اكمل زواجي التقليدي وراح اعيش حياتي مثل ما اريد وما اورط انسانه وياي ولو هي راج تتورط اول وتالي بس ماريد اكون سبب ندمها وندمي لذلك جدا اشكرك
قرار شجاع
هههه ارتفاع نسبه الطلاق بسبب أستاذ حسام 😊😅😂😂
استاذ حسام طبعا هذه كلامك يدل على الفكرك الواسع وعميق جدا وطريقة تفكيرك في غايه الروعه وكلامك هذه مدروس وقسما عضما لو اني وزير بالتربية لجعلت هذه كلامك يدرس لكافية الاجيال الله يوفقك استاذ حسام
وردة منتظر
@@HusamNoaman ستاذ اني قناتي انشر بيهه توعيه للشباب والبنات يعني الي حجيته اني حاجيه سابقآ بقناتي
ممكن سوي دعم للقناتي وشكرآ جزيلا الحضرتك 🌹
احسنت استاذ حسام انتا جاي تحجي واقع مجتمع العراقي اتجاة الزواج وفكرته ووجهت نظرك صحيحة
كلامك كلام انسان مثقف وواعي اني اخذت عن زواج تقليدي ابن عمي بس عايش حياته للاصدقاء وعانيت كثر حسيت تغير قليل واني طبعن مثقفه وهوه خريج متوسطه وحسب شغله انو اعاني من الفاضه واني اربي اولاد وبنات والحمد لله احاول اتغاضه واخليهم يعيشون للدراسه واتمنه يطلعون فدشي بالمشتمع
والله حلقه عن موضوع أساسي وتفاصيل جباره اتمنا توصل لكل بيت عراقي سواء بنت او شاب وكل الوطن عربي نفس افكار
داعمك من البحرين 🇧🇭 و اتفق وياك و اتمنى تحط فيديوهات اكثر بهالطريقة
أستاذ حسام حضرتك من النماذج الراقية اللي نفخر بهم حقيقة عتعكس صورة الشاب العراقي العصري المثقف..ربي يحفظك
كلامك مضبوط في العموم ، لكن
لا تنسَ باننا (مسلمين )
يعني لا علاقات جنسية خارج اطار الزواج
تحياتي للعراقيين والعرب والمسلمين
امكانيتك بطرح الموضوع جدا حلوه صراحه ابداع الله يوفقك بهذا المجال ❤
ياخي انت انسان مثقف وراقي ...شكرا لك
شكرا لك استاذ لهذا السبب انا اخترت بنت تملك نفس العقليه والأفكار والأهداف ونحن نشترك في كل شي 😊 💗 ونفكر بالزواج والخروج من العراق بعد الزواج
مبدع... بس اكلك عاشت ايدك عالفكر اللي تحمله بحيث انطيت نظرة متوازنة للموضوع بدون انحياز وهذا دور المثقف الحقيقي.... ان تاخذ الموضوع بجميع ابعاده وتعطي تفاصيل أكثر لتوضيح الفكرة
المهم نعرف الحقيقة وبس مو نعيد ونكرر نفس المفاهيم
حرفيا حلقه عظيمه
عاشت ايدك صرت مدمن فيديوهاتك وصرت اقترحك لاصدقائي
كلامك جداً منطقي حسام، غير بعض الافكار براسي تجاه الزواج ...
شكراً إلك لأن وعيتني بأمور جنت غافل عنها ❤
من جنت زغيرة ابد ماجنت افكر بلزواج الى كبرت وتوظفت من تزوجت حسيت انو اكبر غلط لان الي زوجته فد طماع وحقير وعديم الرجولة ونذل بعد ٩شهور تطلكنا ورجعت اعيش بيت الاهل وي امي
يعني بعد ما كبرتي و وعيتي اخترتي رجل نذل؟؟؟
الف رحمة على والديك مواضيعك جنت محتاجة اسمعها من زمان
نحن في المغرب نعتبر الزواج صفقة خاسرة للرجل ومشروع فاشل
يااخي احنه 40% من المجتمع والطبقات الدخلهه وسط او محدود او كادح يكلك ازوج ويجي رزقها وياهه تزوج خلف ويجي رزقه ويا الى ان تاكله لليده يكلولك الزواج المسؤولية وانت رجال لازم تتحمل وهذا الحجي كله استقرار مادي ماكو ويضل يسمعو حجي انت مابيك خير وانت مدري شنو يأذو نفسيا" ويحسسو بالنقص وبعدين يكضيهه مشاكل وضغط نفسي وتفكير بالمعيشه الى ان ييطلق هم ياكله لليده يضل يدفع نفقه ويعيش حياة بائسه ماعدا الزواج المبكر واهواي امور
اما ذوله اليخلفون اهواي تفكيرهم يكبرون ويشتغلون ويعيشوني ماخذين شغله استثمار
عاشت ايدك حبيبي ... فيديوهاتك كلش حلوة ودا استمتع واني اتفرجها وانته انسان مثقف وواعي واني كلش احبك ومن اصدقائك في صفحتك الشخصية على الفيس .. يا ريت تطرحلنا بعد مواضيع من هذا النوع ونستفاد من معلوماتك ❤️
لا إني وكثيرا من البنات وصديقاتي ما نحب نتزوج ابدا لأن الزواج مسؤولية وكذلك الدراسة بالنسبة ألنه هي أهم بألف مره من الزواج 🤝
احسن خل يقل عدد بشر
@@user-gz7nb4rx7r لايلنغل🤡
قبل ماشوف الفيديو الزواج غلطة بالعراق قبل ما تهاجر لهواي اسباب من وجهة نظري ابسطها تكلفة الزواج وزيادة صعوبة الهجرة
مشكلة جديدة اذا ردت تهاجر
طبعا أحييك على هذا الكلام . انت رجل فاهم ومثقف . ياريت التقي بيك اني في نورمبرغ. تشرفنا بيك
وردة ليش لا
كم انت انسان مثقف واعي إلى درجه كل كلمه تقولها بمكانها الثح
عاشت ايدك على هاذي الافكار والذكاء والمقترحات الي داتقترحها وكلك مفهوميا للحياة في العراق ❤👏🏻
18:00 لان الاهل متعوبين بالعراق فمالهم حيل يعلموك تسوق بايسكل لو يعلموك تسوق سيارة لازم انتة تنضج من عمر صغير وتبدي انتة تعلم نفسك لان ظروف المكان الي انتة بي صعبة والعيشة صعبة
زواج بمجتمع اوربي اثر على متوسط عمر ايضا من واحد يتزوج ب ٤٠ اكيد احتمالية يعيش اكثر من واحد يتزوج 20 سنة ودليل فرق بين متوسط عمر بين اوربا الي يوصلون 100 سنة بين عراقي الي يوصل ٦٠ .سنة يكوم يفحط
كل الي بداخلي من كلام حضرتك لقيته 🧡
رمضان المبارك اعاده الله عليكم بالخير واليمن والبركات وكل عام وانتم بخير
بس تعميمك على رأي البنات العراقيات بالزواج مو صحيح. أكو بنات ومن ضمنهم اني ما زلت أحارب قوالب المجتمع وما فكرت بالزواج لحد الآن لأن عندي هواااااي طموحات وأحلام وأحس نفسي ما عشت أي أشي أريده لحد الآن وما مستعدة أبذل باقي عمري لغيري وأنسى نفسي
احترم رأيج جدا بس هذا مو الواقع بنظري احنا منكدر نوكف ضد طبيعتنه البايلوجية ولا نكدر نخلص من ظروف المجتمع العراقي. طبعا اكو استثناءات اهواية وحالات خاصة اهواية
@@HusamNoaman اي أكيد الوقوف بوجه المجتمع والضغوطات مو سهل وكل بنية تتمنى تكون عروسة لأجل الفستان والمكياج وتعيش الدور لكن محد يفكر بعدهه شنو حيكون. انا تفكيري بعيد. أفكر بحياة أمي وخالاتي والبنات الي متزوجات صارلهم فترة طويلة وأكول مو هاي الحياة الي أريدهه. ما أريد اخلص باقي حياتي بالمطبخ وشغل البيت والركض وره المسؤوليات وتنمحي كل أحلامي وأكون مثلي مثل أي أحد شمعة تشتعل لغيرهه بعدين تنطفي وتننسي بدون أثر
@@jomaanali8116 الإنسان سواء كان رجل أو امرأة بعد ما يكمل تعليمه ويحقق الأهداف التي رسمها لنفسه وثقف نفسه بما فيه الكفاية بحيث يكون مؤهلا لمواجهة تحديات الحياة وهو بعمر الشباب أو حوالي الثلاثين من عمره ويصبح قادراً على خوض غمار تجربة الزواج وتحمل المسؤولية الزوجية وأن يكون قادراً على الاندماج مع شريك البيت وهو الزوج/ة
وهنا ، أي بعد الزواج وتكوين الأسرة يتم تجسيد تجارب الحياة وما يمتلكه الفرد من وعي وثقافة ومرونة ومعاملة وتحمل للمسؤولية والقدرة على الإدارة والتعامل مع الأزمات المختلفة والتفاؤل و العمل و الجد والاجتهاد والمثابرة و .... إلخ
وهنا تتجسد ثمرة الحياة وثمرة الجهود المبذولة بشرط أن يكون الاختيار صحيح ومناسب من حيث العمر والوضع الاجتماعي والاقتصادي والبيئي و غيره .
أما قولك بأنك غير مستعدة لقضاء بقبة حياتك في المنزل و المطبخ أو أنك كالشمعة تحترق لتضيء لغيرها .. إلخ فهو كلام لا ينسجم مع الواقع .
فليس عيبا أن تطبخ المرأة لأسرتنا فكم من موظفة أيا كانت تطبخ بعد دوامها بل حتى الكثير من الرجال يطبخون في بعض الظروف ، أما الشمعة فهي تحترق لتضيء والمرأة تطبخ وتعمل وتنظف بيتها وتهتم بزوجها وأولادها لتنتج وتبني رجالا ونساء أهلا للمسؤولية . وبالمقابل الزوج يعمل ويشقى ويتعب ويتحمل أشد الظروف كي يوفر له ولاولاده وزوجته العيش الكريم ، فهل يقول بأنه شمعة ويحترق .
اعتقد __ وبغض النظر عن عمرك فقد تكونين شابة في مقتبل العمر ولست ملتفتة إلى جوهر الحياة وسننها _ إن هذه الأفكار غير صحيحة وتجعل الكثير يتهرب من المسؤولية .
نعم الحياة في العراق صعبة إلى حد كبير ولكن لا يستطيع الكل الهرب منه ولذلك علينا أن نكافح هنا لنحسن الحياة بعيدا عن هكذا أفكار .
مع تمنياتي للجميع بالتوفيق والنجاح إن شاء الله تعالى
تصحيح ( لأسرتها)
@@alialmousawi6038 انا لست متهربة من المسؤولية بل أنا مدركة للمسؤولية وأنها كبيرة جداً وتحتاج استعداد نفسي عالي. أنا بصراحة لم أحقق شيء من طموحي والزواج ليس لعبة. الزواج يعني أن أسخر كل حياتي للعائلة. ثم أن عمل الرجل ووضيفته بعد الزواج هي نفسها قبل الزواج ولكن الزوجة خاصة العاملة لا تجد وقت لنفسها أبداً منذ ولادة الأطفال وإلى الأبد.
راقي جدا حضرتك 🙏🏻 وكلامك يدل على ثقافة عالية 💐
عاشت ايدك جنت محتاج اسمع هالفيديو من زمان
أحييك ابني حسام اول مره اشوف شاب هاجر من العراق قبل مده قصيره نسبيا ويحمل هذه الأفكار تحياتي لك ولاسرتك ومزيد من النجاح 💐💐💐💐
ضروري انو الشخص يرتبط بإنسان من فكرك وعيك واذا اقل منك عقليا راح تعيش دمار نفسي .
احييك استاذ على هذه العقلية والفكر الجميل ..
عاشت ايدك، ناقشت هذا الموضوع من عدة نواحي مهمة، شكرا لك و اتمنى ان تستمر في طرح مثل هكذا مواضيع
اعتقد من خلال كلامك أنه انت دارس علم نفس وممكن تكون معالج نفسي او يجوز هاي طريقتك بالكلام لان اغلب المواضيع اللي تحجي بي المجتمع يعاني منه ولهذا منطقك للكلام يكون ب اسلوب تسال وتجاوب وهذا الشي يساعد الملقي والسامع على تقلي حلول ل أفكاره لان دا تجيب أفكاره وتحله اله وهو يكون مستمع الك وهذا الشي حلو وينطي شعور إيجابية
اني متفقه معك ٪..١ اني صارلي مده طويله جدا
عايشه بألمانيا. صح الألمان وأعتقد كل لاوربيون يقضون وقت طويل مع الأطفال في للعب ويقرلوهم داما قصه قبل النوم.. وانجاب الأطفال غالبا يكون قرار ورغبه وليس فقط انه خلص لازم نجيب أطفال..
نصائحك جدا قيمه وشرحك سلس وبسيط ويشد المتلقي للأستماع الى أخر كلمه بالفيديو
محبات مع الود
وشلون تنحل مشكلة الكبت بالعراق؟ انو يخلطون ويتعودون ع بعض وتصير عندك صديقة بنية حالهة حال ما عندك صديق ولد
طبعآ معلومات ونصائح جدآ مهمه واني كشاب عراقي محتاج هذا الكلام وهذي الناصئح تحياتي الك استاذ نريد هيج فديوهات استمر 💜💜💜
وايضا المجتمعات العربية فعلا تواجه مشاكل و سلوكيات خاطئة لكن هذا ليس مبرر لتطبيق الفكر الغربي في الدول العربية.
عاشت ايدك موضوع مهم وطريقتك حلوه واسلوبك حلو نشالله نشوفك باعلا المراتب
اتفق
عاشت ايدك استاذ حسام موضوع مهم ومجتمعنا فاهمه غلط.
اني كرأيي الشخصي ما اشوف الزواج هو الشي المهم بالحياة اذا ما لكيت شريك اتقبله ويناسبني ومتقارب ويا أفكاره على شنو افقد حريتي هدوئي واستقلالي من اجله.
بالضبط
هل انسان فاهم الحياه صح +احبك واحب شخصيتك واتمنالك كل التوفيق ع نصايحك الحلوه ♥️😘
الزواج فخ لكن الغريزة هي الدافع للزواج
طبعن جنت محتاج هيج نصيحه ولصدك الجنس دمرني بلكت اطلع من سن المرهقهه ورتاح من هل مهزلهه
تگدر تسيطر على الرغبة الشهوانية هذي ف هو قرارك وليس قرار احد
@@R77H اعرف حبيبي بس جنت يعني محتاج هيج نصحيه يعني لتوعيه 🙂
احلا حجايه كلتها حاطينه بقالب وهاي المشكله الكبرى،قالب بكل مجالات الحياه.
تحياتنة الك أستاذ أكثر من أفلام التوعية حب كبير الك💙
نظره الشرع / الإسلامية للزواج نسيت تحجي عنها و اهميتها بالمجتمع .. و طبعا اكو اختلافات بينها و بين راي الشارع العراقي بالزواج
عاشت إيدك أستاذ حسام 💐🌺💐وأتمنى تستمر بهذا الإبداع بهذا المحتوى الراقي والرائع لتوعية وتنوير عقول الشباب العراقي..والله وجهة نظرك جداً واقعية وحقيقية وفيها بعد نظر للمستقبل المجهول لأوضاع العراق وخصوصاً فيما يخص تأييدك وتشجيعك على الهجرة..
کلامك جدا منطقي تحياتي الك ولعائلتك المحترمه🌸🌸⚘
صراحة جنت دا اتريك و اشوف الفديو .. عدك اسلوب طرح حلو .. big like
احسنت الفقير هذا تفكير وخصوصآ اذا كان من مجتمع قبلي وثقافة محدودة
بارك الله بيك حبيبي على هل شرح جميل
بارك الله فيك استاذ حسام مبدع دائماً
كلامك صحيح..
المشكلة بالسياسة الذين يديرون اللعبة مع رجالات الدين....تحياتي
هم زين ميريدهة تلعب قمار4:43😂😂
تحياتي استاذ حسام وجهات نضرك للمواضيع واقعية عاشت ايدك
هههه 🤭
@@HusamNoaman عاشت إيدك أستاذ حسام 💐🌺💐وأتمنى تستمر بهذا الإبداع بهذا المحتوى الراقي والرائع لتوعية وتنوير عقول الشباب العراقي...والله وجهة نظرك جداً واقعية وحقيقية وفيها بعد نظر للمستقبل المجهول لأوضاع العراق وخصوصاً فيما يخص تأييدك وتشجيعك على الهجرة..
اني عمري ١٩ وابد ما حاب ازوج لحد ما اشوف حياتي وين اتصير وطبعاا اني مفكر ومتدرجه ببالي
هيج طريقة تفكير صعب اوصلها لولا توفيق الله ومعرفتي بقناتك
كل الحب والاحترام لحضرتك
يا اخي اني نادرا ما اثق بكلام شخص بس انت حرفيا ادمنت فيديوهاتك واضح عليك ثقافتك واطلاعك شخص راقي جدا..
احسنت استاذ
ياريت شبابنا يفكرون مثلك
ماجان يوصل حالنا هيج بالعراق
احييك على فهمك الكامل وطريقة طرحك للموضوع وتعمقك بي بحيث مشفت شي خطأ او تجاوز او غير كلام كلة سليم وممتاز وعاشت ايدك وستمر بطرح هكذا مواضيع بين فترة واخرى كل الحب والاحترام الك ♥️
احسنت اهم نقطة التوافق الفكرية بمن حرتبط انسجام
كلام ذهب..... تحياتي إلك
وبعدين لا يجب أن يعيش الإنسان برفاهية عالية لان هذه سعادة مؤقتة وفي نهايتها الاكتئاب فقط
يجب أن يعيش الإنسان بمحيط من التحديات اليومية لكي يتكيف معها ويشعر بطعم الحياة بدل الرفاهية الزايدة.
مواضيع جميلة ومهمة لدرجة ما اتمنى يخلص المقطع
رؤيا وتحليل منطقي وصحيح
واسلوبك جميل مبسط ومحترم تحياتي لك
ربي يحفظك 🌹 ويوفقك دنيا واخره
انسان راقي جدا وافكارك تعجبني بشكل كبير
تحياتي لك 🌹🌹🌹🌹
لذلك في الغرب انتشرت عشرات الأمراض الجنسية المعدية الخطيرة في اوروبا يا رجل لا تعرف ان كان ابن زوجتك ابنك او ابن رجل آخر ابنك او ابن راجل آخر
الغباء مرض لا عرج له بس شي الوحيد المطمئن انك عقلك الصغير مستحيل يخليك تهاجر.
انسيت اسالك تعرف شي اسمه فحص الابوه لتحديد النسل ولا لا؟؟
حياك الله استاذ حسام مبدع الله يحفضك بس عندي استفسار صغير:
انته تكول الشعب العراقي عنده كبت جنسي عكس الغرب ماخذين راحتهم بدون ما خليت الدين الاسلامي عله بالك ...زين برأيك هل الحرية الجنسية خارج اطار الزواج صحيحة دينياً؟ بعيداً عن المجتمعات ...اتمنى تجاوب
خاطئة ماعدا زواج المتعة اعتقد و بعد ماكو أي حرية جنسية
نظرتي للزواج ليست جنسية على الرغم عمري ١٨
ولكن السبب المهم هو الطفل أني مؤمن انه الطفل فد شي مقدس، بالاضافة للمرأة لازم تشاركني افكاري وطموحي واهدافي وفكري واكو اسباب هوايه تخليك متزوج بالعراق
اولا.. لاتوجد بيئة اجتماعية قادرة على انتاج إنسان فاعل بالحياة إنسان يصنع وينتج ويقدم ويحقق هدفه الوجودي لانه اني مؤمن كل انسان يأتي للحياة لازم اكو اسباب بعيداً عن البُعد الديني والاجتماعي ومستحيل الانسان بالعراق يحقق اهدافه الوجودية
ثانياً انتَ نفسك كإنسان يحتاجلك فترة جبيرة حتى تتخلص من الامراض الدينية والاجتماعية الي زرعه المجتمع بيك
تحياتي على طرحك الوااعي
فعلا استاذ صار المتعه الوحيده للفقير الجنس
بس اني برأي ان الشاب اذا يريد يزوج فقط ع مود الجنس ف الزواج راح يفشل وصارت مع ابن خالي ازوج ع مود الجنس وره سنه كام ميريدها ويريد يطلقها وهسه بالسجن بسببها
شكرا جزيلا استاذ حسام دائما موضوعاتك جميلة ورأيك منطقي وواقعي نتمنى تنزل بعد محتوى مثل هذا النوع
حجيك لان زوجتك اتابع الفيديو 💙😂
للمزح انت انسان راقي 🤍
احسنت كلام منطقي بالعراق اخلف جيش مال حفات جهل اكول الله اعيشهم
تحياتي الك استاذ ربي يوفقك شرح وتفصيل ولا اروع الله يحفظك هذا الواقع العراقي ابا عن جد مع الأسف
مع الاسف القياس الي قست بيه ايضا به خطأ .بعضهم اعمارهم صغيرة ويريدون جمال واشياء اخرى كثيرة والي اعمارهم اكبر يكول العمر فاتني فيقبل باي وحدة
نستطيع حل هذه المشكلة الكبت بنشر الوعي بشأن زواج المتعة وهو ايضاً في اطار الدين ولا يخالف شرائع الاسلام 14:49
فالعلاقة بين الرجل والمراه في العراق تحت اطار الدين ولا نستيع ادخال امور تبدو مخله عليه لكن هناك الكثير من الحلول ولكن من ينشرها ويتكلم بها
فهم ملتهون بالسرقه
او عن طريق الدعارة المقننة مثل المانيا
@@HusamNoaman اخي نحن نبحث عن حل تحت اطار الدين والحلال فان جعلو الدعاره قانونيه سيرفعونها فساد البلد للتجاره بالبشر كما يحدث ببيع النساء الموجودين فسجون
@@leukemia4821 لا بالعكس زواج المتعه اضاف للمجتمع امور خا طئه صارت المطلقه او الفتاة الجميله والارمله تخا ف تطلع للشارع من كثر الراغبين للزواج منها كونها غير عذراء....
لماذا لا نركز على حياتنا واهدافنا ونترك الجن س ونعود كما كان العراقييين سابقا لا جن س قبل الزواج ام الأفلام الابا حيه والمسلسلات التركيه جعلت هذة جُل اهدافكم بالحياة؟
@@user-gq5er9gc1p
اولاً :-
ان الامور التي وفرها الله وفرضها لحل مشاكل منتشرة على عباده مستحيل ان تكون خاطئة انما تم تحريف وتشويهها لتناسب بعض المنحرفين ومطامعهم
ثانياً :-
تصورين من يتقدم بشكل شرعي وحسب الشروط الشرعية كأنه خاطف مغتصب . متناسيه المشاكل التي يحلها الزواج المتعة . مثلاً المطلقة في العراق عند حدوث حاله طلاق يكون الكلام على المرأة بانها هي المخطئة او فيها خطب ما ,فعند حدوث الزواج ستكون هناك فرصه لمقابلة الشخص المناسب وان لا تكون مهمشه ايضاً الارملة العيش في العراق صعب و الوحدة اصعب . خاصه (للانسان الفقير) فلماذا هذا التغابي عن امور مهمه ..
ثالثاً :-
من قال انه لم يكن هناك جن س سابقا ً ان لم يكن فكيف انتي موجوده ؟ ..لكن سابقا كان الجنسش الغير شرعي موجود ومباح سرياً , ولان ضهر المطالبون به اما يريدونه بالحلال او مجموعه اخرى بحجة الحرية يطالبون بالمحظور
رابعاً :-معك حق ان الافلام و الاباحيه المسموح بها من قبل الدوله ,تنهر شبابنا . وهذه مشكله اخرى يحلها الزواج ..
@@leukemia4821 على اساس استغلال النساء فقط بالدعا. ره ما يتم بزواج المتعه لعد منو يعقد على الاطفال العذروات الفق. يرات ويمارس وياهن طرق شا. ذه علمود العذريه ابعدو اموركم هذه عن وطننا وكعراقيات ولدينا كرامه لن نقبل ان نصبح مباحات لكم من اجل المال
سيصبح العراق مثل أوروبا بدل ما تدرس البنت وتجتهد من اجل المال تتزوج متعه مثل الغربيات تروح دار دعا. ره او عرض أزياء
اتمنى تستمر بهيج نوعية فديوهات كل الحب الك والتوفيق 🌹🌹
رمضان المبارك اعاده الله عليكم بالخير واليمن والبركات وكل عام وانتم بخير
@@a.abd78 علينه وعليكم 💙
كلام منطقي ومرتب وجميل
تحياتي إلك استاذ حسام
انت انسان رائع
واتمنى فيديو ثاني بخصوص الزواج
من وجه نضري الشاب الشرقي يبقة شرقي مثلا هسة انتة صاحب الفيديو رغم فهمك وعيشك بالخارج لكن لو كنت غير متزوج وانعرض عليك الزواج من بنت مطلقة ماراح تقبل
اتفق وياك هذا المجتمع دمرنا دمار