𝐅𝐎𝐑𝐌𝐄𝐑 𝐓𝐄𝐒𝐃𝐀 𝐒𝐄𝐂 𝐆𝐄𝐍 𝐀𝐓 𝐃𝐀𝐓𝐈𝐍𝐆 𝐆𝐎𝐁𝐄𝐑𝐍𝐀𝐃𝐎𝐑 𝐓𝐄𝐍𝐆 𝐌𝐀𝐍𝐆𝐔𝐃𝐀𝐃𝐀𝐓𝐔, 𝐓𝐔𝐌𝐀𝐓𝐀𝐊𝐁𝐎 𝐒𝐀 𝐌𝐃𝐍 𝐒𝐀 𝐓𝐀𝐎𝐍𝐆 𝟐𝟎𝟐𝟓.

FORMER TESDA SECRETARY AT DATING GOBERNADOR DATU SUHARTO " Teng" MANGUDADATU, TUMTAKBO SA MAGUINDANAO DEL NORTE SA TAONG 2025.
Inihayag ni dating TESDA Secretary Datu Suharto "Teng" Mangudadatu ang kanyang kandidatura bilang gobernador ng Maguindanao del Norte sa darating na 2025 eleksyon.
Sa isang malaking pagtitipon, ang Grand Kanduli for Peace and Unity sa bayan ng Datu Odin Sinsuat, ibinahagi ni Mangudadatu ang kanyang desisyon at ang kanyang layunin na magkaisa ang mga lider at pamilya sa lalawigan.
"Nais kong pangunahan ang pagkakaisa ng mga lider at pamilya na hindi nagkasundo dahil sa pulitika," ani Mangudadatu. "Naniniwala ako na magagawa natin ito sa pamamagitan ng pagtutulungan at pag-uusap."
Idinagdag ni Mangudadatu na hindi siya sumasalungat sa liderato at mga programa ng BARMM government, ngunit naniniwala siyang hindi siya binibigyan ng pagkakataon na makipagdayalogo sa kasalukuyang administrasyon.
Ang kandidatura ni Mangudadatu ay suportado ng Family Alliance, na binubuo ng mga pamilyang Sinsuat, Mastura, Midtimbang, Ampatuan, at iba pang malalaking clans sa Maguindanao del Norte.
Sa kanyang talumpati, ibinahagi rin ni Datu Teng ang kanyang karanasan bilang dating gobernador ng Sultan Kudarat province, kung saan ipinakita niya ang kanyang kakayahan sa pamumuno at paglilingkod sa publiko.
Ang pagtakbo ni Mangudadatu sa 2025 eleksyon ay inaasahang magiging isang malaking laban, ngunit naniniwala siyang kaya niyang makuha ang suporta ng mga mamamayan ng Maguindanao del Norte.
©𝑻𝒉𝒆𝒂 𝑨𝒃𝒅𝒖𝒍𝒌𝒂𝒓𝒊𝒎 - 𝑭𝒊𝒆𝒍𝒅 𝑹𝒆𝒑𝒐𝒓𝒕𝒆𝒓/𝑵𝒆𝒘𝒔 𝑾𝒓𝒊𝒕𝒆𝒓'𝒔 𝑪𝒐𝒓𝒓𝒆𝒔𝒑𝒐𝒏𝒅𝒆𝒏𝒕/ 𝑬𝒅𝒊𝒕𝒐𝒓